Actemaclha ningyilhanmeycam Dios
1 Apvamlha Visqui ingac actomja acyilhanmeycam evalhoc.
Sevomquiscama tap aptomjac.
2 Apvamlha Dios Visqui ingac aptomja semasma najan sevomquiscama tap.
Mosilhnanalhquejec sat mataa naysicsa semasma.
3 ¿Jalhco acvam sat jelyamacsic yoyam jelmoc quellhip?
¿Jalhco acvam sat jelyaninsic jelyinyoc nalhpop?
¿Elyitcasqui ya quellhip, malha tingma napocja yoyam coyaninic, malha tingma apjalhtam yoyam coyaninic?
4 Apquilpamejitsacpec mataa jeltimsic coning.
Apquiltimec mataa apquilmopvancaa amyaa.
Apquilayo inyicje apquiltomjac apquilpayvam.
Eyca selvennéycam intomjac apquilvalhoc.
5 Apvamlha Visqui ingac actomja acyilhanmeycam evalhoc.
Aljalhneycam evalhoc ayinyema Dios.
6 Apvamlha Visqui ingac aptomja semasma najan sevomquiscama tap.
Mosilhnanalhquejec sat naysicsa semasma.
7 Visqui ingac aptomja sevomquiscama tap, aptomja seyayo.
Apvamlha Visqui ingac aptomja semasma apyimnatem.
8 Quellhip enaymacoc, elyilhanmiclha mataa Visqui ingac.
Elsavojo ellhenic actemaclha aclaneyo apquilvalhoc.
Visqui ingac aptomja singmasma nincoo.
9 Alhto apquiltemaclha aplhamoclhojo enlhitaoc.
Mepqui mayayo enlhitaoc acma apquilnatam najan mepqui apquilnatam.
Innec sat ancoc alyipsata acvamlha apquilyimtalhnamo.
Mepqui mayayo sat cotnejic aplhamoclhojo.
10 Noeltingya nasa asoc actemaclha ningilnatingvoyam ingmoc.
Noeltingya nasa asoc apquilvoyam apanco.
Apquililtamjoc sat ancoc colhic apquilnatam quellhip, noelyilhanim nasa actemaclha solyayem.
11-12 Anit siclingayclha alhta Dios appayvam:
—Sicvamlha ajanco sicyimtalhnamo — alhta aptomjac.
Lhip Visqui ingac aptomja singilasicjayo.
Aptomja apyanmongsayclha aclhamoclhojo apquiltemaclha enlhitaoc.
Actemaclha ningyilhanmeycam Dios
1 Apvamlha Visqui ingac actomja acyilhanmeycam evalhoc.
Sevomquiscama tap aptomjac.
2 Apvamlha Dios Visqui ingac aptomja semasma najan sevomquiscama tap.
Mosilhnanalhquejec sat mataa naysicsa semasma.
3 ¿Jalhco acvam sat jelyamacsic yoyam jelmoc quellhip?
¿Jalhco acvam sat jelyaninsic jelyinyoc nalhpop?
¿Elyitcasqui ya quellhip, malha tingma napocja yoyam coyaninic, malha tingma apjalhtam yoyam coyaninic?
4 Apquilpamejitsacpec mataa jeltimsic coning.
Apquiltimec mataa apquilmopvancaa amyaa.
Apquilayo inyicje apquiltomjac apquilpayvam.
Eyca selvennéycam intomjac apquilvalhoc.
5 Apvamlha Visqui ingac actomja acyilhanmeycam evalhoc.
Aljalhneycam evalhoc ayinyema Dios.
6 Apvamlha Visqui ingac aptomja semasma najan sevomquiscama tap.
Mosilhnanalhquejec sat naysicsa semasma.
7 Visqui ingac aptomja sevomquiscama tap, aptomja seyayo.
Apvamlha Visqui ingac aptomja semasma apyimnatem.
8 Quellhip enaymacoc, elyilhanmiclha mataa Visqui ingac.
Elsavojo ellhenic actemaclha aclaneyo apquilvalhoc.
Visqui ingac aptomja singmasma nincoo.
9 Alhto apquiltemaclha aplhamoclhojo enlhitaoc.
Mepqui mayayo enlhitaoc acma apquilnatam najan mepqui apquilnatam.
Innec sat ancoc alyipsata acvamlha apquilyimtalhnamo.
Mepqui mayayo sat cotnejic aplhamoclhojo.
10 Noeltingya nasa asoc actemaclha ningilnatingvoyam ingmoc.
Noeltingya nasa asoc apquilvoyam apanco.
Apquililtamjoc sat ancoc colhic apquilnatam quellhip, noelyilhanim nasa actemaclha solyayem.
11-12 Anit siclingayclha alhta Dios appayvam:
—Sicvamlha ajanco sicyimtalhnamo — alhta aptomjac.
Lhip Visqui ingac aptomja singilasicjayo.
Aptomja apyanmongsayclha aclhamoclhojo apquiltemaclha enlhitaoc.
