Amyaa tingma Jerusalén
1 Invitac alhta sicvanmoncama, seyantamayclha espíritu apanco Dios payjoc atong acyivey tingma apponquinomap. Apcanam alhta nicja atong veinticinco enlhit. Acyicpilcoc alhta apvisay: Jaazanías, Azur apquitca, najan Pelatías, Benaías apquitca, apquiltomja apquilviscaa nipyesicsa enlhit. 2 Aptomjac alhta seyanya Visqui ingac: ¡Enlhit apquilmapsomcaa nac! Avanjec aclhanma apquilvalhoc ellana asoc acmasom. 3 Apquiltomjac mataa: ¡Noc, ongillanac mataa tingma apjalhnancaoc! Tingma apvanyam apyitsomacpo vaynca, nincoo eyca ningilyitsomalhca apitic apvalhoc vaynca — apquiltomjac mataa. 4 Ilngas sat lhip coo sicpayvam elingamcojoc sat sicyanmongsayclha apquiltemaclha apancaoc — alhta aptomjac.
5 Apnaclhec evalhoc espíritu apanco Dios, aptomja seyanya oltimnacsic israelitas: Quip elaylhojo quellhip Visqui ingac appayvam: Eycaso alquitamsama apquilvalhoc quellhip, acyasamcoc coo. 6 Ticyovam yapmayc nac quellhip, apquilnapma apnaymacoc as tingma. Aplhamoc apjapaoc apvalhoc tingma. 7 Quip elaylhojo sicvisay Visqui apancaoc: Tingma Jerusalén apyitsomacpo vaynca apyivey, eyca apvalhoc vaynca apquilalhimsomap apticyovam, ayinyema quellhip apquilnapma. Oljalhyovacsic sat quellhip apnaycam apvalhoc vaynca. 8 Apquilaca inyicje quellhip sovo acvinatem, naso eticyoc sat quellhip. Eycaso sicpayvam sicvisay Visqui apancaoc. 9 Oljalhyovacsic sat quellhip, yoyam elmacpoc quellhip nipyesicsa cotnaja ingmoc. 10 Eticyoc sat maa quellhip, payjoc nicja yoclhilhma Israel. Elyicpilcangvomoc sat quellhip sicvisay coo Visqui apancaoc. 11 Jave quellhip apquilalhimsomap apvalhoc vaynca apyitsomacpo as tingma. Eticyoc sat quellhip nicja yoclhilhma apquileyvomaclha quellhip israelitas. 12 Jelyicpolcangvomoc sat quellhip sicvisay Visqui apancaoc. Am alhta elyiplovcasac mataa quellhip siyanamaclha najan siyascamaclha coo. Apquilyiplovcasquic alhta mataa quellhip apquiltemaclha apancaoc metnaja israelitas nipyava quellhip — alhta aptomjac.
13 Naysicsa siclingascama Visqui ingac appayvam, pilapcasquic sicvita apquitsepa Pelatías, Banaías apquitca. Acjalhec alhta coo acticlhicvocmo nalhpop payjaclha najat. Acyimnatasquic alhta sicpayvam: ¡Lhip Visqui! ¿Naso ya esavojoc lhip apquilnapma enlhitaoc Israel? — alhta actomjac coo.
Aplhanmaclha Dios Visqui ingac
14 Aptomjac alhta Visqui ingac seyanya coo: 15 Yitnec apquilpayvam co Jerusalén, lhip apnaymacoc israelitas apquilmomap apquillhenacpoc: Colapvanquejec elvotac mocjam ingnaymacoc apquilmomap apnaycam mocjay. Nincoo inganco as yoclhilhma ningileyvomaclha singmescama Dios — alhta apquiltomjac. 16 Ilngas sat lhip amyaa: Eycaso Visqui ingac appayvam: Coo alhta ayinyema macnalayclha apquilmomap mocjay, elhnam sat acyavataclhojo. Apquiltomjac mataa selayo payjoc apquilmomacpilha mocjay. 17 Ilngas sat mocjam: Eycaso appayvam ayinyema Visqui ingac: Onalovsingvoclhac sat mocjam apquilmomap israelitas. Ellhovamcoc sat as yoclhilhma apquileyvomaclha israelitas, coo sicmescama. 18 Elvotac sat mocjam, elsavojoc sat apnatovascama quilaycmasquiscama najan apquiltemaclha apquilayo acyitnamaclha quilaycmasquiscama. 19 Olmecsic sat apquilvalhoc alhnancoc najan apquilvanmoncama alhnancoc, ayinyema alhta apquilvalhoc acyimnatem, malha mataymong. 20 Elyiplovcasojoc sat mataa siyanamaclha najan siyascamaclha coo. Otnejic sat enaymacoc, otnejic sat Dios Visqui apancaoc. 21 Eticyoc sat moclhama apquiltomja apquilayo quilaycmasquiscama najan altemaclha maa. Oyanmongsiclhac sat apquiltemaclha apancaoc. Eycaso sicpayvam yavamlha otnejic, sicvisay Visqui apancaoc — alhta aptomjac.
Acvonquepma gloria mayayoclha Dios
22 Yitnec alhta gloria mayayoclha Dios tacjaplhit apquilasinancama acma aplhimpancoc. Apquilmiyaclhec alhta netin, alyiplayclha mocjam carro amancoc. 23 Inyinyovquic alhta tingma Jerusalén gloria mayayoclha Dios, innaclhec alhta netin inquilhe, payjoc actiyapmaclha acnim. 24 Etajesquic alhta mocjam espíritu apanco Dios payjoc yoclhilhma Babilonia. Vamlha intomjac acvitay sicvanmoncama. 25 Aclingasquic alhta amyaa nipyesicsa apquilmomap, actemaclha setasquiscama Visqui ingac — nic nat aptomjac profeta.
Amyaa tingma Jerusalén
1 Invitac alhta sicvanmoncama, seyantamayclha espíritu apanco Dios payjoc atong acyivey tingma apponquinomap. Apcanam alhta nicja atong veinticinco enlhit. Acyicpilcoc alhta apvisay: Jaazanías, Azur apquitca, najan Pelatías, Benaías apquitca, apquiltomja apquilviscaa nipyesicsa enlhit. 2 Aptomjac alhta seyanya Visqui ingac: ¡Enlhit apquilmapsomcaa nac! Avanjec aclhanma apquilvalhoc ellana asoc acmasom. 3 Apquiltomjac mataa: ¡Noc, ongillanac mataa tingma apjalhnancaoc! Tingma apvanyam apyitsomacpo vaynca, nincoo eyca ningilyitsomalhca apitic apvalhoc vaynca — apquiltomjac mataa. 4 Ilngas sat lhip coo sicpayvam elingamcojoc sat sicyanmongsayclha apquiltemaclha apancaoc — alhta aptomjac.
5 Apnaclhec evalhoc espíritu apanco Dios, aptomja seyanya oltimnacsic israelitas: Quip elaylhojo quellhip Visqui ingac appayvam: Eycaso alquitamsama apquilvalhoc quellhip, acyasamcoc coo. 6 Ticyovam yapmayc nac quellhip, apquilnapma apnaymacoc as tingma. Aplhamoc apjapaoc apvalhoc tingma. 7 Quip elaylhojo sicvisay Visqui apancaoc: Tingma Jerusalén apyitsomacpo vaynca apyivey, eyca apvalhoc vaynca apquilalhimsomap apticyovam, ayinyema quellhip apquilnapma. Oljalhyovacsic sat quellhip apnaycam apvalhoc vaynca. 8 Apquilaca inyicje quellhip sovo acvinatem, naso eticyoc sat quellhip. Eycaso sicpayvam sicvisay Visqui apancaoc. 9 Oljalhyovacsic sat quellhip, yoyam elmacpoc quellhip nipyesicsa cotnaja ingmoc. 10 Eticyoc sat maa quellhip, payjoc nicja yoclhilhma Israel. Elyicpilcangvomoc sat quellhip sicvisay coo Visqui apancaoc. 11 Jave quellhip apquilalhimsomap apvalhoc vaynca apyitsomacpo as tingma. Eticyoc sat quellhip nicja yoclhilhma apquileyvomaclha quellhip israelitas. 12 Jelyicpolcangvomoc sat quellhip sicvisay Visqui apancaoc. Am alhta elyiplovcasac mataa quellhip siyanamaclha najan siyascamaclha coo. Apquilyiplovcasquic alhta mataa quellhip apquiltemaclha apancaoc metnaja israelitas nipyava quellhip — alhta aptomjac.
13 Naysicsa siclingascama Visqui ingac appayvam, pilapcasquic sicvita apquitsepa Pelatías, Banaías apquitca. Acjalhec alhta coo acticlhicvocmo nalhpop payjaclha najat. Acyimnatasquic alhta sicpayvam: ¡Lhip Visqui! ¿Naso ya esavojoc lhip apquilnapma enlhitaoc Israel? — alhta actomjac coo.
Aplhanmaclha Dios Visqui ingac
14 Aptomjac alhta Visqui ingac seyanya coo: 15 Yitnec apquilpayvam co Jerusalén, lhip apnaymacoc israelitas apquilmomap apquillhenacpoc: Colapvanquejec elvotac mocjam ingnaymacoc apquilmomap apnaycam mocjay. Nincoo inganco as yoclhilhma ningileyvomaclha singmescama Dios — alhta apquiltomjac. 16 Ilngas sat lhip amyaa: Eycaso Visqui ingac appayvam: Coo alhta ayinyema macnalayclha apquilmomap mocjay, elhnam sat acyavataclhojo. Apquiltomjac mataa selayo payjoc apquilmomacpilha mocjay. 17 Ilngas sat mocjam: Eycaso appayvam ayinyema Visqui ingac: Onalovsingvoclhac sat mocjam apquilmomap israelitas. Ellhovamcoc sat as yoclhilhma apquileyvomaclha israelitas, coo sicmescama. 18 Elvotac sat mocjam, elsavojoc sat apnatovascama quilaycmasquiscama najan apquiltemaclha apquilayo acyitnamaclha quilaycmasquiscama. 19 Olmecsic sat apquilvalhoc alhnancoc najan apquilvanmoncama alhnancoc, ayinyema alhta apquilvalhoc acyimnatem, malha mataymong. 20 Elyiplovcasojoc sat mataa siyanamaclha najan siyascamaclha coo. Otnejic sat enaymacoc, otnejic sat Dios Visqui apancaoc. 21 Eticyoc sat moclhama apquiltomja apquilayo quilaycmasquiscama najan altemaclha maa. Oyanmongsiclhac sat apquiltemaclha apancaoc. Eycaso sicpayvam yavamlha otnejic, sicvisay Visqui apancaoc — alhta aptomjac.
Acvonquepma gloria mayayoclha Dios
22 Yitnec alhta gloria mayayoclha Dios tacjaplhit apquilasinancama acma aplhimpancoc. Apquilmiyaclhec alhta netin, alyiplayclha mocjam carro amancoc. 23 Inyinyovquic alhta tingma Jerusalén gloria mayayoclha Dios, innaclhec alhta netin inquilhe, payjoc actiyapmaclha acnim. 24 Etajesquic alhta mocjam espíritu apanco Dios payjoc yoclhilhma Babilonia. Vamlha intomjac acvitay sicvanmoncama. 25 Aclingasquic alhta amyaa nipyesicsa apquilmomap, actemaclha setasquiscama Visqui ingac — nic nat aptomjac profeta.
