Mocjam appayvam Job
1-2 Apcatingmavoc nic nat Job: Naso, enlhit apquilyascamco nac quellhip. Comascoc sat actemaclha ningyascamco, apquilitsepa inlhojo quellhip. (Cotsapojoc sat lhama quellhip actemaclha acyascamco.)
3 Sicyascamco coo lha, sicno quellhip. Enlhit apancavo quellhip, jave apquilyascamco apanco quellhip.
4 Mepqui sicsilhnanomalhca ajanco, apquiltomja sevenéycam quellhip. Apjalhnoc mataa Dios silmalhnancama coo, naysicsa selasmescama enaymacoc.
5 Enlhit apyimtalhnamo aptomja apvenéycam mepqui apyimtalhnamo, aptomja apyingam yoyam etyamoc meyimnatem.
6 Mepqui mataa apquilay apquilmapsomcaa natingma, mepqui apquilay naysicsa apquilvenéycam Dios, apquilanem apvisay apmomap Visqui ingac.
7 Iyasingvom sat lhip altemaclha ancaoc asoc navjac najan anata, colhic sat allhicmosa lhip.
8 Iyasingvom sat lhip actemaclha as nalhpop, najan quilasma aleyvam congne yingmin colhic sat allhicmosa lhip.
9 Acyovoclhojo asoc as nalhpop inquilyasamcoc maa: Dios Visqui ingac nic nat apquillanay aclhamoclhojo asoc.
10 Dios nac apmasma aclhamoclhojo asoc, najan apyimnatescama apnenyaoc enlhitaoc.
11 Mepqui ayinatquiscama ingjaycoc, aclinga inlhojo appayvam ayinyema enlhit. Mepqui ayinatquiscama ingalhcoc, acyipcona inlhojo acmasis nintom.
12 Apquillhenacpec mataa apquilvanyam apquiltomja apquilyascamco apanco.
13 Apyascamco apanco Dios Visqui ingac, apmopvan innac najan aclhanma apvalhoc, yoyam epenacsojo moclhama asoc.
14 Asoc actovasomalhca ayinyema Dios, mongvanquejec ongillaniclha mocjam. Enlhit apmomap ayinyema apmam Dios, mongvanquejec ongilvomsic tap.
15 Apmiyovquic sat ancoc Dios yingmin, comacyejec sat, coymac sat asoc as nalhpop. Apcapajasquic sat ancoc yingmin acvanyam, cotvasalhcac sat asoc as nalhpop.
16 Apyascamco apanco Dios, apmopvan innac mataa. Apancavo nac enlhit apquilyimtalhnamo najan mepqui apquilyimtalhnamo.
17 Apvanquic Dios etnesquisic acyeyjamelhma enlhit apyascamco apanco, najan etnesquisic acyeyjamelhma enlhit apquilyicpilquemo.
18 Apvanquic etnesquisic mepqui apquilyimtalhnamo apquilviscaa reyes, elmacpoc sat maa, colhic sat acnalaclha cotnajaclha apquilaoclha.
19 Apvanquic etnesquisic mepqui ayay sacerdotes, emascocsic apquileyvam apquilmopvancaa.
20 Emascocsic sat apquilpayvam apquillhicmoscama, emascocsic apquilyascamco apquilvanyam.
21 Emascocsic sat mayayoclha apquilyimtalhnamo, emascocsic apquiyimnatem enlhit.
22 Appiquenaclhec ayalhnaclhojo asoc acposomalhca, colvitalhcac sat asoc acnaycaoc yatescamalhma.
23 Aptimescasquic apquilyimtalhnamo enlhitaoc, yoyam enatovacsic sat mocjam.
24 Aptimescasquic acyeyjamelhma enlhit apquilyimtalhnamo nipyesicsa enlhit. Ellhinganmoc sat apquilyiplayclha amay yoclhilhma actamopeycaoc.
25 Ellhinganmoc sat naysicsa yatescamalhma, apquilno enlhit anmin ayajem (alnapma) — nic nat aptomjac Job.
Mocjam appayvam Job
1-2 Apcatingmavoc nic nat Job: Naso, enlhit apquilyascamco nac quellhip. Comascoc sat actemaclha ningyascamco, apquilitsepa inlhojo quellhip. (Cotsapojoc sat lhama quellhip actemaclha acyascamco.)
3 Sicyascamco coo lha, sicno quellhip. Enlhit apancavo quellhip, jave apquilyascamco apanco quellhip.
4 Mepqui sicsilhnanomalhca ajanco, apquiltomja sevenéycam quellhip. Apjalhnoc mataa Dios silmalhnancama coo, naysicsa selasmescama enaymacoc.
5 Enlhit apyimtalhnamo aptomja apvenéycam mepqui apyimtalhnamo, aptomja apyingam yoyam etyamoc meyimnatem.
6 Mepqui mataa apquilay apquilmapsomcaa natingma, mepqui apquilay naysicsa apquilvenéycam Dios, apquilanem apvisay apmomap Visqui ingac.
7 Iyasingvom sat lhip altemaclha ancaoc asoc navjac najan anata, colhic sat allhicmosa lhip.
8 Iyasingvom sat lhip actemaclha as nalhpop, najan quilasma aleyvam congne yingmin colhic sat allhicmosa lhip.
9 Acyovoclhojo asoc as nalhpop inquilyasamcoc maa: Dios Visqui ingac nic nat apquillanay aclhamoclhojo asoc.
10 Dios nac apmasma aclhamoclhojo asoc, najan apyimnatescama apnenyaoc enlhitaoc.
11 Mepqui ayinatquiscama ingjaycoc, aclinga inlhojo appayvam ayinyema enlhit. Mepqui ayinatquiscama ingalhcoc, acyipcona inlhojo acmasis nintom.
12 Apquillhenacpec mataa apquilvanyam apquiltomja apquilyascamco apanco.
13 Apyascamco apanco Dios Visqui ingac, apmopvan innac najan aclhanma apvalhoc, yoyam epenacsojo moclhama asoc.
14 Asoc actovasomalhca ayinyema Dios, mongvanquejec ongillaniclha mocjam. Enlhit apmomap ayinyema apmam Dios, mongvanquejec ongilvomsic tap.
15 Apmiyovquic sat ancoc Dios yingmin, comacyejec sat, coymac sat asoc as nalhpop. Apcapajasquic sat ancoc yingmin acvanyam, cotvasalhcac sat asoc as nalhpop.
16 Apyascamco apanco Dios, apmopvan innac mataa. Apancavo nac enlhit apquilyimtalhnamo najan mepqui apquilyimtalhnamo.
17 Apvanquic Dios etnesquisic acyeyjamelhma enlhit apyascamco apanco, najan etnesquisic acyeyjamelhma enlhit apquilyicpilquemo.
18 Apvanquic etnesquisic mepqui apquilyimtalhnamo apquilviscaa reyes, elmacpoc sat maa, colhic sat acnalaclha cotnajaclha apquilaoclha.
19 Apvanquic etnesquisic mepqui ayay sacerdotes, emascocsic apquileyvam apquilmopvancaa.
20 Emascocsic sat apquilpayvam apquillhicmoscama, emascocsic apquilyascamco apquilvanyam.
21 Emascocsic sat mayayoclha apquilyimtalhnamo, emascocsic apquiyimnatem enlhit.
22 Appiquenaclhec ayalhnaclhojo asoc acposomalhca, colvitalhcac sat asoc acnaycaoc yatescamalhma.
23 Aptimescasquic apquilyimtalhnamo enlhitaoc, yoyam enatovacsic sat mocjam.
24 Aptimescasquic acyeyjamelhma enlhit apquilyimtalhnamo nipyesicsa enlhit. Ellhinganmoc sat apquilyiplayclha amay yoclhilhma actamopeycaoc.
25 Ellhinganmoc sat naysicsa yatescamalhma, apquilno enlhit anmin ayajem (alnapma) — nic nat aptomjac Job.
