Acpayjayclha ingvalhoc ayinyema Visqui ingac
1 Quellhip elyalhinga. Pac olhenic mocjam lhama asoc: Avanjec siltemo olviticlhac quellhip. Quellhip apquiltomja appayesayclha evalhoc coo najan apquiltimesquiscama yoyam colhic seyaco napato Dios. Elyimnaticsojo apquilvalhoc apquiltimem melyasquiyam Visqui ingac.
2 Lhiya Evodia najan lhiya Síntique: Colhnasojo mataa moc avalhoc, malha ingyalhing ayinyema Visqui ingac. 3 Lhip ingyalhing sictamjaycamo lhama. Actomjac coo siyanya lhip: Ipasim sat mataa as quilvanaa. Avanjec alhta mataa altamjaycam yoyam jelpasmoc naysicsa siltimnaycam tasic amyaa. Apnoc alhta ingyalhing Clemente najan poc siltamjaycamo lhama. Yitnec apquilvisay acnatalhesomalhca vaycajac acyitna apquilvisay enlhitaoc acyimnatem apnenyaoc.
4 Colpayjiclha mataa apquilvalhoc ayinyema Visqui ingac. Pac otnejic ongvanic mocjam: Colpayjiclha apquilvalhoc quellhip. 5 Altamjoc coo ellhenacpoc quellhip apquiltemaclha apquilimlaycmojo. Apcamquitvoctac Visqui ingac.
6 Nocollhenam nasa apquilvalhoc asoc. Eliltimnas sat Dios Ingyapam actemaclha allhanma apquilvalhoc naysicsa apquililmalhnancama. Elilmalhna sat asoc, eltime sat gracias asoc apquillhoy. 7 Dios Ingyapam sat elmesic altamilaycam apquilvalhoc, am colhno ayinyema enlhit apquillhanma. Coltamilic sat apquiltemaclha quellhip ayinyema altamilaycam apquilvalhoc apquiltomja apquilpasmeyquiclha Cristo Jesús.
Colquitam apquilvalhoc actomja asoc altamila
8 Quellhip elyalhinga. Actomjaclha nelha siclhanma aso. Colquitam sat mataa apquilvalhoc actomja nasoc anco najan actemaclha yoyam colhic ayaco. Actomja acpeyvomo najan actomja ayalhnayo najan actomja ningasicjayo najan actomja actamila anco. Colquitam sat mataa apquilvalhoc nintemaclha actamila najan nintemaclha ningayo.
9 Elvajanaoc sat quellhip actemaclha sillhicmoscama mataa. Najan actemaclha apquillingay najan actemaclha apquilvitay sictemaclha coo. Dios Ingyapam sat epasmoc quellhip yoyam etnesquisic altamilaycam apquilvalhoc.
Filipenses apquilapajasquiscama apcaycaoc Pablo
10 Avanjec alhta acpayjayclha evalhoc selapajasquiscama asoc selmescama quellhip. Apquililtamjo inyicje mataa quellhip jelapajasquisic selmescama. Am eyca colapvancaac. 11 Actalhescasquic quellhip as vaycajac. Jave siltamjo inlhojo yoyam jelapajasquisic mocjam asoc. Nocollhen nasa apquilvalhoc coymalhcac asoc coo. Acyasingvocmec coo actemaclha mataa acpayjayclha evalhoc. 12 Evanquic coo otnejic mepqui asoc ajac. Evanquic najan coytic cotlaycaoc asoc ajancaoc. Evanquic coo moclhama nintemaclha. Evanquic coo oyipcanmojo, evanquic najan mepqui sictom. Evanquic coo coytic lhama asoc, evanquic najan coytic cotlaycaoc asoc. 13 Evanquic coo aclhamoclhojo asoc ayinyema Cristo aptomja seyimnatescama. 14 Naso, actamila anco actemaclha aclhanma apquilvalhoc quellhip naysicsa sicmaclha acyimtalhnaclha.
15 Quellhip co Filipos. Apquilyasamcoc quellhip actemaclha sillhicmoscama tasic amyaa siclhoc anco. Actemaclha siyimpayclha alhta mocjam yoclhilhma Macedonia. Am alhta jelapajascasac asoc poc Jesucristo apmolhama. Elapajascasquic alhta asoc apquilvamlha quellhip, malha acyanmongam sillhicmoscama tasic amyaa. 16 Naysicsa sicma alhta tingma Tesalónica elapajascasquic alhta mataa quellhip asoc selmescama. , 17 Am inyicje colhenac evalhoc yoyam jelmesic mataa asoc. Inlhenquic evalhoc apquiltemaclha actamila quellhip. Actomja malha acyilhna altamila apquilmescama quellhip Dios. Inquilyipsatalhquic maa netin apquiltemaclha quellhip, intalhosalhquic najan. 18 Am coyitnac lhama asoc ayaymomalhca quilhvo. Yitnec coo aclhamoclhojo asoc malha acyeycajangvaycmo. Yitnec coo asoc sesantimquiscama alhta ingyalhing Epafrodito, selapajasquiscama alhta quellhip. Asoc selmescama alhta actomja malha apquilaycaoc acmasis napato Dios Ingyapam. Apyispaquic Dios actemaclha apquilaycaoc quellhip. 19 Apyasamcoc Dios asoc ayaymomalhca quellhip. Eyeycajascomjoc sat asoc apcaycaoc Dios ayinyema acnaycamcolha apquilnatam altamila anco Cristo Jesús. 20 Sas, tasic anco. Innec ayaco mataa Dios Ingyapam cotmongvoycamlha nelha. Amén.
Aclhanma apvalhoc Pablo
21 Inlhenquic evalhoc aplhamoclhojo Jesucristo apmolhama. Inquillhenquic apquilvalhoc quellhip elyalhinga sicnaycamo lhama. 22 Inquillhenquic apquilvalhoc aplhamoclhojo Jesucristo apmolhama apnaycam tingma Roma najan lha apnaycam tingma pac apvisqui co Roma.
23 Altamjoc coo mataa yoyam epasmoc quellhip Jesucristo Visqui ingac. Amén.
Acpayjayclha ingvalhoc ayinyema Visqui ingac
1 Quellhip elyalhinga. Pac olhenic mocjam lhama asoc: Avanjec siltemo olviticlhac quellhip. Quellhip apquiltomja appayesayclha evalhoc coo najan apquiltimesquiscama yoyam colhic seyaco napato Dios. Elyimnaticsojo apquilvalhoc apquiltimem melyasquiyam Visqui ingac.
2 Lhiya Evodia najan lhiya Síntique: Colhnasojo mataa moc avalhoc, malha ingyalhing ayinyema Visqui ingac. 3 Lhip ingyalhing sictamjaycamo lhama. Actomjac coo siyanya lhip: Ipasim sat mataa as quilvanaa. Avanjec alhta mataa altamjaycam yoyam jelpasmoc naysicsa siltimnaycam tasic amyaa. Apnoc alhta ingyalhing Clemente najan poc siltamjaycamo lhama. Yitnec apquilvisay acnatalhesomalhca vaycajac acyitna apquilvisay enlhitaoc acyimnatem apnenyaoc.
4 Colpayjiclha mataa apquilvalhoc ayinyema Visqui ingac. Pac otnejic ongvanic mocjam: Colpayjiclha apquilvalhoc quellhip. 5 Altamjoc coo ellhenacpoc quellhip apquiltemaclha apquilimlaycmojo. Apcamquitvoctac Visqui ingac.
6 Nocollhenam nasa apquilvalhoc asoc. Eliltimnas sat Dios Ingyapam actemaclha allhanma apquilvalhoc naysicsa apquililmalhnancama. Elilmalhna sat asoc, eltime sat gracias asoc apquillhoy. 7 Dios Ingyapam sat elmesic altamilaycam apquilvalhoc, am colhno ayinyema enlhit apquillhanma. Coltamilic sat apquiltemaclha quellhip ayinyema altamilaycam apquilvalhoc apquiltomja apquilpasmeyquiclha Cristo Jesús.
Colquitam apquilvalhoc actomja asoc altamila
8 Quellhip elyalhinga. Actomjaclha nelha siclhanma aso. Colquitam sat mataa apquilvalhoc actomja nasoc anco najan actemaclha yoyam colhic ayaco. Actomja acpeyvomo najan actomja ayalhnayo najan actomja ningasicjayo najan actomja actamila anco. Colquitam sat mataa apquilvalhoc nintemaclha actamila najan nintemaclha ningayo.
9 Elvajanaoc sat quellhip actemaclha sillhicmoscama mataa. Najan actemaclha apquillingay najan actemaclha apquilvitay sictemaclha coo. Dios Ingyapam sat epasmoc quellhip yoyam etnesquisic altamilaycam apquilvalhoc.
Filipenses apquilapajasquiscama apcaycaoc Pablo
10 Avanjec alhta acpayjayclha evalhoc selapajasquiscama asoc selmescama quellhip. Apquililtamjo inyicje mataa quellhip jelapajasquisic selmescama. Am eyca colapvancaac. 11 Actalhescasquic quellhip as vaycajac. Jave siltamjo inlhojo yoyam jelapajasquisic mocjam asoc. Nocollhen nasa apquilvalhoc coymalhcac asoc coo. Acyasingvocmec coo actemaclha mataa acpayjayclha evalhoc. 12 Evanquic coo otnejic mepqui asoc ajac. Evanquic najan coytic cotlaycaoc asoc ajancaoc. Evanquic coo moclhama nintemaclha. Evanquic coo oyipcanmojo, evanquic najan mepqui sictom. Evanquic coo coytic lhama asoc, evanquic najan coytic cotlaycaoc asoc. 13 Evanquic coo aclhamoclhojo asoc ayinyema Cristo aptomja seyimnatescama. 14 Naso, actamila anco actemaclha aclhanma apquilvalhoc quellhip naysicsa sicmaclha acyimtalhnaclha.
15 Quellhip co Filipos. Apquilyasamcoc quellhip actemaclha sillhicmoscama tasic amyaa siclhoc anco. Actemaclha siyimpayclha alhta mocjam yoclhilhma Macedonia. Am alhta jelapajascasac asoc poc Jesucristo apmolhama. Elapajascasquic alhta asoc apquilvamlha quellhip, malha acyanmongam sillhicmoscama tasic amyaa. 16 Naysicsa sicma alhta tingma Tesalónica elapajascasquic alhta mataa quellhip asoc selmescama. , 17 Am inyicje colhenac evalhoc yoyam jelmesic mataa asoc. Inlhenquic evalhoc apquiltemaclha actamila quellhip. Actomja malha acyilhna altamila apquilmescama quellhip Dios. Inquilyipsatalhquic maa netin apquiltemaclha quellhip, intalhosalhquic najan. 18 Am coyitnac lhama asoc ayaymomalhca quilhvo. Yitnec coo aclhamoclhojo asoc malha acyeycajangvaycmo. Yitnec coo asoc sesantimquiscama alhta ingyalhing Epafrodito, selapajasquiscama alhta quellhip. Asoc selmescama alhta actomja malha apquilaycaoc acmasis napato Dios Ingyapam. Apyispaquic Dios actemaclha apquilaycaoc quellhip. 19 Apyasamcoc Dios asoc ayaymomalhca quellhip. Eyeycajascomjoc sat asoc apcaycaoc Dios ayinyema acnaycamcolha apquilnatam altamila anco Cristo Jesús. 20 Sas, tasic anco. Innec ayaco mataa Dios Ingyapam cotmongvoycamlha nelha. Amén.
Aclhanma apvalhoc Pablo
21 Inlhenquic evalhoc aplhamoclhojo Jesucristo apmolhama. Inquillhenquic apquilvalhoc quellhip elyalhinga sicnaycamo lhama. 22 Inquillhenquic apquilvalhoc aplhamoclhojo Jesucristo apmolhama apnaycam tingma Roma najan lha apnaycam tingma pac apvisqui co Roma.
23 Altamjoc coo mataa yoyam epasmoc quellhip Jesucristo Visqui ingac. Amén.
