Acyanmongayclha ningilsilhnanomalhca inganco
1-2 Aptomjac nic nat Dios apcanya Moisés, eltimnacsic apnaymacoc:
Esilhnanacpoc sat apanco israelita najan metnaja israelita, aptomja apyamasma apquitca macmescama quilaycmasquiscama acvisay Moloc. Ematong sat apsilhnanomap apanco nipyesicsa apnaymacoc. 3 Coo sat otanovac enlhit apsilhnanomap apanco. Otipsic sat maa nipyesicsa apnaymacoc. Ayinyema apquinmelhaycam alhta tingma apponquinomap. Aptomja seyinmelhaycam coo sicvisay Dios. 4 Am sat ancoc ematnac enlhit apsilhnanomap apanco nipyesicsa apnaymacoc. 5 Coo sat ongvajic as enlhit apsilhnanomap apanco. Olnapoc sat apyovoclhojo apquilmolhama. Najan poc apquilpasmeyquiclha quilaycmasquiscama Moloc. 6 Apquilyiplovcasquic sat ancoc quellhip apquilpayvam apquilyascamco asoc acyilhamalhca. Apquilviplovcasquic sat ancoc quellhip apquilpamejitquiscama apquiljangaoc. Esilhnanacpoc sat apanco. Ematong sat nipyesicsa apnaymacoc.
7 Eltamilsacpojo apanco quellhip. Jellhojo sat sictemaclha actamilaycam evalhoc coo. Coo sicvisay Dios Visqui apancaoc quellhip. 8 Elyiplovcasojo quellhip siyanamaclha. Olhnecsic actamilaycam apquilvalhoc quellhip. Coo sicvisay Dios Visqui apancaoc quellhip.
9 Eticyoc sat moclhama aptomja apvennéycam apyap najan inquin. Aplovquic sat ancoc apquinmelhaycam apyap najan inquin, ematong sat. Apsilhnanacpec apanco ayinyema aplom napato apyap najan inquin. Ematong sat.
10 Appatjetamquic sat ancoc quilvana cotnaja aptava, esilhnanacpoc apanco. Ematong sat enlhit apsilhnanomap apanco. Comatong sat quilvana acsilhnanomalhca.
11 Appatjetamquic sat ancoc quilvana, acvisay apyap aptava, esilhnanacpoc apanco. Ematong sat apsilhnanomap apanco. Comatong sat quilvana acsilhnanomalhca.
12 Appatjetamquic sat ancoc acvisay aptapa, esilhnanacpoc sat. Ematong sat apsilhnanomap apanco. Comatong sat quilvana acsilhnanomalhca.
13 Apquilpatjetamacpec sat ancoc enlhit lhama apquilinava, cotnaja quilvana. Esilhnanacpoc sat apanco apcanit. Eticyoc sat apcanit.
14 Aptimec sat ancoc enlhit lhama quilvana acvisay quilhva aptava. Acyiplomo apipyamong, etnejic anit apnatamcaa. Esilhanacpoc apanco, colsilhananlhcac sat anco anit quilvanaa. Talha acvanyam eyinyovacpoc. Emyetic apsilhnanomap apanco. Talha acvanyam colyinyovalhcac anit quilvanaa. Colmetic alsilhnanomalhca anit quilvanaa.
15 Apminsovquic sat ancoc aptoscama enlhit. Esilhnanacpoc sat. Ematong sat aptomja apsilhnanomap apanco. Comatong sat aptoscama. 16 Inminsovquic sat ancoc actoscama quilvana. Cosilhnanalhcac sat anco. Comatong sat quilvana acsilhnanomalhca anco. Comatong sat actoscama.
17 Appatjetamquic sat ancoc enlhit lhama quilvana acvisay apyalhing. Ayinyema apyap apquitca as quilvana. Najan inquin ayitca as quilvana. Esilhnanacpoc sat apanco. Eticyoc sat anit napatavo apnaymacoc, ayinyema apsilhnanomap apanco najan acsilhnanomalhca anco quilvana.
18 Appatjetamquic sat ancoc enlhit lhama quilvana naysicsa acyamasma actom. Esilhnanacpoc sat apanco, ayinyema acyamasma actom. Ematong sat apsilhnanomap apanco. Comatong sat maa quilvana.
19 Copvanquejec epatjetamcoc monquin, acvisay inquin inyalhing. Copvanquejec epatjetamcoc incatim. Apyap apyalhing as quilvana. Aptovasquic actemaclha apmolhama. Esilhnanacpoc apanco. Cosilhnanalhcac sat anco quilvana.
20 Copvanquejec epatjetamcoc acvisay apyaja aptava. Aptovasquic maa apmolhama apyaja. Esilhnanacpoc sat apanco. Metejec sat mataa apquitquic. Cotejec sat ayitquic quilvana acvaycmo acnim ayitsepma.
21 Copvanquejec enlhit epatjetamcoc apyamilhco, acvisay apyalhing aptava. Aptovasquic apmolhama apyalhing. Esilhnanacpoc sat apanco. Metejec sat apquitquic. Cotejec sat ayitquic acvaycmo acnim ayitsepma — nic nat aptomjac Dios.
22 Elyiplovquis sat mataa siyanamaclha najan siyascamaclha. Meltanovacpejec sat quellhip yoclhilhma apquilvoycamlha. Onaliclhac sat coo, yoyam elhnam quellhip as yoclhilhma. 23 Noelyiplovquis nasa apquiltemaclha actomja apquilaoclha. Apquillinga inyicje quellhip sicpayvam siclhanma apquiltemaclha apancaoc actomja apquilaoclha. Actanovquic coo as enlhitaoc. Olantipsic sat as enlhitaoc napatavo quellhip. 24 Apquillinga inyicje quellhip sicpayvam silanya: —Ellhococ sat quellhip as yoclhilhma, eltimjic avtip. Coo sicmescama sat cotnejic. Yoclhilhma acvisay acyitnamaclha leche najan apquimjaclha yovjan. Coo sicvisay Dios Visqui apancaoc quellhip. Coo silyacyescama quellhip nipyesicsa enlhitaoc lhalhma anco. 25 Elyacyes sat mataa quellhip apnatoscama najan asoc navjac singascama ontoc. Elyacyes sat apnatoscama acma alhimpancoc, najan nata navjac, singascama ontoc. Eltanovacpoc sat quellhip apquiltova asoc acmatnam singascama ontoc. Coo ayinyema siyascama eltovamcoc, moclhama apnatoscama, moclhama nata, moclhama asoc navjac. 26 Coo ayinyema silyacyescama quellhip nipyesicsa lhalhma anco. Ellhojo sictemaclha actamilaycam evalhoc coo. Coo sicvisay Dios Visqui apancaoc quellhip.
27 Enlhit acyitnama apvalhoc, najan quilvana acyitnama avalhoc, eticyoc sat. Apvisay enlhit apyascamco asoc acyilhamalhca, najan maa quilvana. Najan maa apquiljangaoc inyap, najan maa quilvana acyascamco. Apsilhnanomap apanco as enlhit, ematong sat. Acsilhnanomalhca anco quilvana, comatong sat.
Acyanmongayclha ningilsilhnanomalhca inganco
1-2 Aptomjac nic nat Dios apcanya Moisés, eltimnacsic apnaymacoc:
Esilhnanacpoc sat apanco israelita najan metnaja israelita, aptomja apyamasma apquitca macmescama quilaycmasquiscama acvisay Moloc. Ematong sat apsilhnanomap apanco nipyesicsa apnaymacoc. 3 Coo sat otanovac enlhit apsilhnanomap apanco. Otipsic sat maa nipyesicsa apnaymacoc. Ayinyema apquinmelhaycam alhta tingma apponquinomap. Aptomja seyinmelhaycam coo sicvisay Dios. 4 Am sat ancoc ematnac enlhit apsilhnanomap apanco nipyesicsa apnaymacoc. 5 Coo sat ongvajic as enlhit apsilhnanomap apanco. Olnapoc sat apyovoclhojo apquilmolhama. Najan poc apquilpasmeyquiclha quilaycmasquiscama Moloc. 6 Apquilyiplovcasquic sat ancoc quellhip apquilpayvam apquilyascamco asoc acyilhamalhca. Apquilviplovcasquic sat ancoc quellhip apquilpamejitquiscama apquiljangaoc. Esilhnanacpoc sat apanco. Ematong sat nipyesicsa apnaymacoc.
7 Eltamilsacpojo apanco quellhip. Jellhojo sat sictemaclha actamilaycam evalhoc coo. Coo sicvisay Dios Visqui apancaoc quellhip. 8 Elyiplovcasojo quellhip siyanamaclha. Olhnecsic actamilaycam apquilvalhoc quellhip. Coo sicvisay Dios Visqui apancaoc quellhip.
9 Eticyoc sat moclhama aptomja apvennéycam apyap najan inquin. Aplovquic sat ancoc apquinmelhaycam apyap najan inquin, ematong sat. Apsilhnanacpec apanco ayinyema aplom napato apyap najan inquin. Ematong sat.
10 Appatjetamquic sat ancoc quilvana cotnaja aptava, esilhnanacpoc apanco. Ematong sat enlhit apsilhnanomap apanco. Comatong sat quilvana acsilhnanomalhca.
11 Appatjetamquic sat ancoc quilvana, acvisay apyap aptava, esilhnanacpoc apanco. Ematong sat apsilhnanomap apanco. Comatong sat quilvana acsilhnanomalhca.
12 Appatjetamquic sat ancoc acvisay aptapa, esilhnanacpoc sat. Ematong sat apsilhnanomap apanco. Comatong sat quilvana acsilhnanomalhca.
13 Apquilpatjetamacpec sat ancoc enlhit lhama apquilinava, cotnaja quilvana. Esilhnanacpoc sat apanco apcanit. Eticyoc sat apcanit.
14 Aptimec sat ancoc enlhit lhama quilvana acvisay quilhva aptava. Acyiplomo apipyamong, etnejic anit apnatamcaa. Esilhanacpoc apanco, colsilhananlhcac sat anco anit quilvanaa. Talha acvanyam eyinyovacpoc. Emyetic apsilhnanomap apanco. Talha acvanyam colyinyovalhcac anit quilvanaa. Colmetic alsilhnanomalhca anit quilvanaa.
15 Apminsovquic sat ancoc aptoscama enlhit. Esilhnanacpoc sat. Ematong sat aptomja apsilhnanomap apanco. Comatong sat aptoscama. 16 Inminsovquic sat ancoc actoscama quilvana. Cosilhnanalhcac sat anco. Comatong sat quilvana acsilhnanomalhca anco. Comatong sat actoscama.
17 Appatjetamquic sat ancoc enlhit lhama quilvana acvisay apyalhing. Ayinyema apyap apquitca as quilvana. Najan inquin ayitca as quilvana. Esilhnanacpoc sat apanco. Eticyoc sat anit napatavo apnaymacoc, ayinyema apsilhnanomap apanco najan acsilhnanomalhca anco quilvana.
18 Appatjetamquic sat ancoc enlhit lhama quilvana naysicsa acyamasma actom. Esilhnanacpoc sat apanco, ayinyema acyamasma actom. Ematong sat apsilhnanomap apanco. Comatong sat maa quilvana.
19 Copvanquejec epatjetamcoc monquin, acvisay inquin inyalhing. Copvanquejec epatjetamcoc incatim. Apyap apyalhing as quilvana. Aptovasquic actemaclha apmolhama. Esilhnanacpoc apanco. Cosilhnanalhcac sat anco quilvana.
20 Copvanquejec epatjetamcoc acvisay apyaja aptava. Aptovasquic maa apmolhama apyaja. Esilhnanacpoc sat apanco. Metejec sat mataa apquitquic. Cotejec sat ayitquic quilvana acvaycmo acnim ayitsepma.
21 Copvanquejec enlhit epatjetamcoc apyamilhco, acvisay apyalhing aptava. Aptovasquic apmolhama apyalhing. Esilhnanacpoc sat apanco. Metejec sat apquitquic. Cotejec sat ayitquic acvaycmo acnim ayitsepma — nic nat aptomjac Dios.
22 Elyiplovquis sat mataa siyanamaclha najan siyascamaclha. Meltanovacpejec sat quellhip yoclhilhma apquilvoycamlha. Onaliclhac sat coo, yoyam elhnam quellhip as yoclhilhma. 23 Noelyiplovquis nasa apquiltemaclha actomja apquilaoclha. Apquillinga inyicje quellhip sicpayvam siclhanma apquiltemaclha apancaoc actomja apquilaoclha. Actanovquic coo as enlhitaoc. Olantipsic sat as enlhitaoc napatavo quellhip. 24 Apquillinga inyicje quellhip sicpayvam silanya: —Ellhococ sat quellhip as yoclhilhma, eltimjic avtip. Coo sicmescama sat cotnejic. Yoclhilhma acvisay acyitnamaclha leche najan apquimjaclha yovjan. Coo sicvisay Dios Visqui apancaoc quellhip. Coo silyacyescama quellhip nipyesicsa enlhitaoc lhalhma anco. 25 Elyacyes sat mataa quellhip apnatoscama najan asoc navjac singascama ontoc. Elyacyes sat apnatoscama acma alhimpancoc, najan nata navjac, singascama ontoc. Eltanovacpoc sat quellhip apquiltova asoc acmatnam singascama ontoc. Coo ayinyema siyascama eltovamcoc, moclhama apnatoscama, moclhama nata, moclhama asoc navjac. 26 Coo ayinyema silyacyescama quellhip nipyesicsa lhalhma anco. Ellhojo sictemaclha actamilaycam evalhoc coo. Coo sicvisay Dios Visqui apancaoc quellhip.
27 Enlhit acyitnama apvalhoc, najan quilvana acyitnama avalhoc, eticyoc sat. Apvisay enlhit apyascamco asoc acyilhamalhca, najan maa quilvana. Najan maa apquiljangaoc inyap, najan maa quilvana acyascamco. Apsilhnanomap apanco as enlhit, ematong sat. Acsilhnanomalhca anco quilvana, comatong sat.
