Actemaclha ningayo Visqui ingac
1 Elitsovacsojo quellhip apquilpeyvomo naysicsa apquillhanma apvisay Visqui ingac.
Eltime sat apquilayo quellhip acyitna actamilaycam apquilvalhoc.
2 Elpayvas yatalhpong naysicsa apquilayo Visqui.
Elpayvas sat arpa acyitna diez aplhataoc.
3 Elminaycmas ningminaycmascama alhnancoc.
Elyimnac apquilpayvascama acyiplomo apquilitsovascama.
4 Nasoc anco Dios appayvam.
Mepqui apyeycajascaoc mataa aptemaclha.
5 Inlicavoc apvalhoc nintemaclha acpeyvomo najan actemaclha ningyicpilquemo.
Aclhamoclhojo singaycaoc ayinyema Visqui ingac acnaycaoc lhalhma anco as nalhpop.
6 Dios appayvam nic nat actipquiscama netin.
Dios apvatipnapma nic nat alantipquiscama aclhamoclhojo asoc lhalhma anco.
7 Apcansaclhec nic nat yingmin acvanyam, malha apquicjescama asoc.
Malha alhancoc intomjac acyitnamaclha yingmin acvanyam.
8 Eltime sat apquilayo Visqui ingac quellhip apquileyvam lhalhma anco.
Elavojo sat mataa quellhip apquileyvam as nalhpop.
9 Aptimec nic nat appayvam, yejemoc nic nat actepa asoc aplhanma.
Aptomjac nic nat apcanama, yejemoc nic nat acvitalhco asoc.
10 Aptovasquic Visqui ingac actemaclha apquilpamejitsomap enlhitaoc.
Apquilvatescasquic mataa actemaclha allhanma apquilvalhoc enlhitaoc.
11 Comasquejec sat mataa actemaclha aplhanma Visqui ingac cotmongvoycamlha nelha.
Comasquejec sat mataa actemaclha aclhanma apvalhoc cotmongvoycamlha nelha.
12 Apquilinyejemoc anco enlhitaoc aptomja apvisqui apancaoc Dios.
Apquilinyejemoc anco enlhitaoc aptomja apquilyacyescama Dios, malha apmayclha aptomjac.
13 Ingilan'oc mataa Visqui ingac apna netin.
Ingvitac mataa ninlhamoclhojo ningileyvam as nalhpop.
14 Apnec Visqui ingac netin aptajanem apanco. Apquilan'oc actemaclha apquileyvam enlhitaoc.
15 Dios nic nat apquillanay ingilvalhoc nincoo.
Apyasamcoc mataa nintemaclha inganco.
16 Memejec tap lhama apvisqui nipyesicsa apnaymacoc appintalhnama.
Mengyinquitacpejec mataa enlhit ayinyema apyimnatem apanco.
17 Alhtoc eyanca nolhing apyimnatem.
Memejec tap aptomja apquinamtem.
18 Aptamilcasquic mataa Visqui ingac aptomja apquilay'o, aptomja melyasquiyam actemaclha singasicjayo Visqui ingac.
19 Yoyam jingilvomsic tap. Mongitsepejec sat.
Eyimnaticsojoc sat ingnenyaoc naysicsa mayic ataoc.
20 Nintimec nincoo ningilayo Visqui ingac.
Ingilpasmec mataa, singmasma aptomjac.
21 Impayjeclhec ingvalhoc apna Visqui ingac.
Nintimec ningilayo actomja acpeyvomo apvisay.
22 Lhip Visqui ingac, itne sat mataa singasicjayo.
Ningiljalhnec nincoo mataa lhip.
Actemaclha ningayo Visqui ingac
1 Elitsovacsojo quellhip apquilpeyvomo naysicsa apquillhanma apvisay Visqui ingac.
Eltime sat apquilayo quellhip acyitna actamilaycam apquilvalhoc.
2 Elpayvas yatalhpong naysicsa apquilayo Visqui.
Elpayvas sat arpa acyitna diez aplhataoc.
3 Elminaycmas ningminaycmascama alhnancoc.
Elyimnac apquilpayvascama acyiplomo apquilitsovascama.
4 Nasoc anco Dios appayvam.
Mepqui apyeycajascaoc mataa aptemaclha.
5 Inlicavoc apvalhoc nintemaclha acpeyvomo najan actemaclha ningyicpilquemo.
Aclhamoclhojo singaycaoc ayinyema Visqui ingac acnaycaoc lhalhma anco as nalhpop.
6 Dios appayvam nic nat actipquiscama netin.
Dios apvatipnapma nic nat alantipquiscama aclhamoclhojo asoc lhalhma anco.
7 Apcansaclhec nic nat yingmin acvanyam, malha apquicjescama asoc.
Malha alhancoc intomjac acyitnamaclha yingmin acvanyam.
8 Eltime sat apquilayo Visqui ingac quellhip apquileyvam lhalhma anco.
Elavojo sat mataa quellhip apquileyvam as nalhpop.
9 Aptimec nic nat appayvam, yejemoc nic nat actepa asoc aplhanma.
Aptomjac nic nat apcanama, yejemoc nic nat acvitalhco asoc.
10 Aptovasquic Visqui ingac actemaclha apquilpamejitsomap enlhitaoc.
Apquilvatescasquic mataa actemaclha allhanma apquilvalhoc enlhitaoc.
11 Comasquejec sat mataa actemaclha aplhanma Visqui ingac cotmongvoycamlha nelha.
Comasquejec sat mataa actemaclha aclhanma apvalhoc cotmongvoycamlha nelha.
12 Apquilinyejemoc anco enlhitaoc aptomja apvisqui apancaoc Dios.
Apquilinyejemoc anco enlhitaoc aptomja apquilyacyescama Dios, malha apmayclha aptomjac.
13 Ingilan'oc mataa Visqui ingac apna netin.
Ingvitac mataa ninlhamoclhojo ningileyvam as nalhpop.
14 Apnec Visqui ingac netin aptajanem apanco. Apquilan'oc actemaclha apquileyvam enlhitaoc.
15 Dios nic nat apquillanay ingilvalhoc nincoo.
Apyasamcoc mataa nintemaclha inganco.
16 Memejec tap lhama apvisqui nipyesicsa apnaymacoc appintalhnama.
Mengyinquitacpejec mataa enlhit ayinyema apyimnatem apanco.
17 Alhtoc eyanca nolhing apyimnatem.
Memejec tap aptomja apquinamtem.
18 Aptamilcasquic mataa Visqui ingac aptomja apquilay'o, aptomja melyasquiyam actemaclha singasicjayo Visqui ingac.
19 Yoyam jingilvomsic tap. Mongitsepejec sat.
Eyimnaticsojoc sat ingnenyaoc naysicsa mayic ataoc.
20 Nintimec nincoo ningilayo Visqui ingac.
Ingilpasmec mataa, singmasma aptomjac.
21 Impayjeclhec ingvalhoc apna Visqui ingac.
Nintimec ningilayo actomja acpeyvomo apvisay.
22 Lhip Visqui ingac, itne sat mataa singasicjayo.
Ningiljalhnec nincoo mataa lhip.
