Fiesta apquilponquinquiscama tingma
1 Yitnec nic nat amyaa apcanyaclha apvisqui Dario co Persia: —Eltingya sat vaycajac documentos tingma acyitnamaclha asoc acmomnave yoclhilhma Babilonia — nic nat aptomjac.
2 Innec nic nat acvitaclho vaycajac tingma apvisay Acmeta apyitna yoclhilhma Media. Yitnec nic nat actalhesomalhca appayvam:
3 Primer año siclhoc alhta aptimem apvisqui Ciro (co Persia).
Eycaso actemaclha alhta appayvam apvisqui Ciro aplhanma tingma apponquinomap tingma Jerusalén. Incaymalhquic ellanacpoc mocjam tingma apponquinomap yoyam colhic alvatna asoc acticyovam acyanmongam melyascalhma. Sesenta codos apvamlha apvinatem tingma najan sesenta codos apvamlha apyivey tingma. 4 Natqui acyitnama netin mataymong alyivey sat cotnejic tingma napocja najan lhama acyitnama netin yamit. Colhic sat almesa acyanmongam ayinyema aptamilquiscama solyayem (impuesto) apvisqui tingma pac. 5 Colhic sat altajeso tingma apponquinomap apquilmaycam asoc allanomalhca oro najan plata. Apvisqui Nabucodonosor alhta apquilmam congne tingma apponquinomap tingma Jerusalén. Apquilsaclhec nic nat yoclhilhma Babilonia. Incaymalhquic colhic acninquina mocjam tingma apponquinomap.
6 Actomjac coo siyanya lhip Tatnai aptomja apvisqui yoclhilhma tap vatsam najan lhip Setar-boznai najan apnaymacoc apquilimja apmamyi co Persia apquileyvam tap vatsam:
Noelmiyov nasa quellhip. 7 Noelmiyov nasa yoyam ellanac tingma apponquinomap. Apvisqui judíos najan apquilimja apmamyi sat eltimjic apquilanem ellanac poc as tingma apponquinomap, apyitnamaclha nano. 8 Apquilyasamcoc actemaclha sicpayvam yoyam colhic almesa asoc apquilimja apmamyi judíos yoyam ellanac as tingma apponquinomap. Colhic sat almesa acyanmongam as enlhitaoc ayinyema solyayem acninquinomalhca (impuesto) yoclhilhma tap vatsam. Noelyeycajasaoc nasa acnim apquilmescama mataa acyanmongam, yoyam ellanac tingma mepqui alyascamalhma. 9 Colhic sat almesa vayqui najan nipquesic najan nipquesic apquitcoc. Cotnejic sat asoc acticyovam macmescama Dios. Colhic sat almesa nintom motajap apactic najan yasic najan uva ayingmenic najan aceite olivo ayingmenic. Elilyejiclhojo sat actemaclha apcanama sacerdotes apnaycam tingma Jerusalén. Colhic sat almesa asoc mepqui acyeycajay lhama acnim. 10 Incaymalhquic elmecsic altamila asoc macmescama Dios apna netin. Incaymalhquic jelmalhnesquisic coo sictomja visqui najan eyitquic.
11 Eycaso siyanamaclha coo: Am sat ancoc eyiplovcasac siyanamaclha lhama enlhit, ematong sat. Colhic sat acyipitsa netin yamit manimquiscama. Sat conyemac as yamit aptomja tingma pac. Colhic sat alvatna talha tingma pac. 12 Emyoc sat Dios tingma apponquinomap actomja acyitnamaclha apvisay. Dios sat eyanmongsiclha aptemaclha apvisqui najan apquiltemaclha enlhitaoc apquiltomja apquilyeycajascaoc siyanamaclha yoyam eltovacsic mocjam tingma apponquinomap tingma Jerusalén. Eycaso siyanamaclha coo sicvisay visqui Dario. Copvanquejec lhama enlhit eyeycajacsic siyanamaclha — nic nat intomjac apvisqui appayvam.
Actemaclha apquiltamjaycam
13 Apnec nic nat apvisqui Tatnai tap vatsam. Apnec nic nat Setar-boznai najan apquillhalhmaa. Apquilyajaclhoc nic nat moclhama apcanamaclha ayinyema apvisqui Dario. 14 Apquilinlhanacmec nic nat apquilimja apmamyi judíos apquiltamjaycam tingma. Invocmec nic nat nelha aplhanmaclha profeta Hageo najan profeta Zacarías, Iddo apquitca. Apquilpenasquic nic nat apquillanay tingma apponquinomap. Ayinyema ilhnic nat apcanama Dios Apvisqui enlhitaoc Israel. Ayinyema najan apcanama apvisqui Ciro najan apvisqui Dario najan apvisqui Artajerjes co Persia. 15 Apquilpenasquic nic nat apquillanay tingma piltin apvisay Adar acvocmo natqui acnim. Invocmec nic nat seis años aptimem apvisqui Dario.
16 Inquilpayjeclhec nic nat apquilvalhoc enlhitaoc Israel najan sacerdotes najan levitas najan aplhamoclhojo apquilmomap nano. Apquiltimec nic nat actemaclha apmesomap Dios as tingma apponquinomap. Inyiplovcoc nic nat acpayjayclha apquilvalhoc. 17 Apquilnapquic nic nat as acnim cien vayqui najan doscientos nipquesic najan cuatrocientos nipquesic apquitcoc. Apquilnapquic nic nat doce yataay apquilinava acyanmongam melyascalhma enlhitaoc Israel, innoc nic nat doce apquilmolhama enlhitaoc Israel. 18 Apquilyiplovcasquic nic nat apquiltamjaycam sacerdotes tingma Jerusalén actemaclha apquilanyomap congne tingma apponquinomap. Najan apquiltamjaycam levitas actemaclha apquilanyomap. Ayinyema ilhnic nat vaycajac aptalhescama Moisés.
19 Invocmec nic nat niplhit piltin catorce acnim. Apquillanac nic nat fiesta pascua aplhamoclhojo apquilmomap nano. 20 Apquillaneclhec nic nat apquilvalhoc sacerdotes najan levitas. Am nic nat ingyaymacpoc lhama. Ayalhnayo apquilvalhoc nic nat. Apquilajac nic nat nipquesic apquitcoc acyanmongam melyascalhma aplhamoclhojo enlhitaoc. Najan acyanmongam apnaymacoc sacerdotes. Najan acyanmongam melyascalhma apancaoc sacerdotes. 21 Apquilpasmec nic nat aptoycaoc aplhamoclhojo enlhitaoc apquilmomap nano. Apquilpasmec nic nat apquilyanmonquiscama apquilvalhoc apquilvajaneycaoc siclho apquiltemaclha actomja apquilaoclha. Apquilpalhavocmec nic nat yoyam elpayicsojo Dios Visqui apancaoc. 22 Apquiltimec nic nat fiesta acyiplomo acpayjayclha apquilvalhoc acvocmo siete acnim. Apquiltimec nic nat fiesta apvisay “nintom quilpasmongam mepqui apquimpascaoc”. Dios nic nat ayinyema acpayjayclha apquilvalhoc. Dios nic nat aptimesquiscama actamilaycam apvalhoc apvisqui co Asiria. Appasmec nic nat enlhitaoc Israel naysicsa apquillanay tingma apponquinomap, aptomja tingma pac Dios Apvisqui apancaoc enlhitaoc Israel.
Fiesta apquilponquinquiscama tingma
1 Yitnec nic nat amyaa apcanyaclha apvisqui Dario co Persia: —Eltingya sat vaycajac documentos tingma acyitnamaclha asoc acmomnave yoclhilhma Babilonia — nic nat aptomjac.
2 Innec nic nat acvitaclho vaycajac tingma apvisay Acmeta apyitna yoclhilhma Media. Yitnec nic nat actalhesomalhca appayvam:
3 Primer año siclhoc alhta aptimem apvisqui Ciro (co Persia).
Eycaso actemaclha alhta appayvam apvisqui Ciro aplhanma tingma apponquinomap tingma Jerusalén. Incaymalhquic ellanacpoc mocjam tingma apponquinomap yoyam colhic alvatna asoc acticyovam acyanmongam melyascalhma. Sesenta codos apvamlha apvinatem tingma najan sesenta codos apvamlha apyivey tingma. 4 Natqui acyitnama netin mataymong alyivey sat cotnejic tingma napocja najan lhama acyitnama netin yamit. Colhic sat almesa acyanmongam ayinyema aptamilquiscama solyayem (impuesto) apvisqui tingma pac. 5 Colhic sat altajeso tingma apponquinomap apquilmaycam asoc allanomalhca oro najan plata. Apvisqui Nabucodonosor alhta apquilmam congne tingma apponquinomap tingma Jerusalén. Apquilsaclhec nic nat yoclhilhma Babilonia. Incaymalhquic colhic acninquina mocjam tingma apponquinomap.
6 Actomjac coo siyanya lhip Tatnai aptomja apvisqui yoclhilhma tap vatsam najan lhip Setar-boznai najan apnaymacoc apquilimja apmamyi co Persia apquileyvam tap vatsam:
Noelmiyov nasa quellhip. 7 Noelmiyov nasa yoyam ellanac tingma apponquinomap. Apvisqui judíos najan apquilimja apmamyi sat eltimjic apquilanem ellanac poc as tingma apponquinomap, apyitnamaclha nano. 8 Apquilyasamcoc actemaclha sicpayvam yoyam colhic almesa asoc apquilimja apmamyi judíos yoyam ellanac as tingma apponquinomap. Colhic sat almesa acyanmongam as enlhitaoc ayinyema solyayem acninquinomalhca (impuesto) yoclhilhma tap vatsam. Noelyeycajasaoc nasa acnim apquilmescama mataa acyanmongam, yoyam ellanac tingma mepqui alyascamalhma. 9 Colhic sat almesa vayqui najan nipquesic najan nipquesic apquitcoc. Cotnejic sat asoc acticyovam macmescama Dios. Colhic sat almesa nintom motajap apactic najan yasic najan uva ayingmenic najan aceite olivo ayingmenic. Elilyejiclhojo sat actemaclha apcanama sacerdotes apnaycam tingma Jerusalén. Colhic sat almesa asoc mepqui acyeycajay lhama acnim. 10 Incaymalhquic elmecsic altamila asoc macmescama Dios apna netin. Incaymalhquic jelmalhnesquisic coo sictomja visqui najan eyitquic.
11 Eycaso siyanamaclha coo: Am sat ancoc eyiplovcasac siyanamaclha lhama enlhit, ematong sat. Colhic sat acyipitsa netin yamit manimquiscama. Sat conyemac as yamit aptomja tingma pac. Colhic sat alvatna talha tingma pac. 12 Emyoc sat Dios tingma apponquinomap actomja acyitnamaclha apvisay. Dios sat eyanmongsiclha aptemaclha apvisqui najan apquiltemaclha enlhitaoc apquiltomja apquilyeycajascaoc siyanamaclha yoyam eltovacsic mocjam tingma apponquinomap tingma Jerusalén. Eycaso siyanamaclha coo sicvisay visqui Dario. Copvanquejec lhama enlhit eyeycajacsic siyanamaclha — nic nat intomjac apvisqui appayvam.
Actemaclha apquiltamjaycam
13 Apnec nic nat apvisqui Tatnai tap vatsam. Apnec nic nat Setar-boznai najan apquillhalhmaa. Apquilyajaclhoc nic nat moclhama apcanamaclha ayinyema apvisqui Dario. 14 Apquilinlhanacmec nic nat apquilimja apmamyi judíos apquiltamjaycam tingma. Invocmec nic nat nelha aplhanmaclha profeta Hageo najan profeta Zacarías, Iddo apquitca. Apquilpenasquic nic nat apquillanay tingma apponquinomap. Ayinyema ilhnic nat apcanama Dios Apvisqui enlhitaoc Israel. Ayinyema najan apcanama apvisqui Ciro najan apvisqui Dario najan apvisqui Artajerjes co Persia. 15 Apquilpenasquic nic nat apquillanay tingma piltin apvisay Adar acvocmo natqui acnim. Invocmec nic nat seis años aptimem apvisqui Dario.
16 Inquilpayjeclhec nic nat apquilvalhoc enlhitaoc Israel najan sacerdotes najan levitas najan aplhamoclhojo apquilmomap nano. Apquiltimec nic nat actemaclha apmesomap Dios as tingma apponquinomap. Inyiplovcoc nic nat acpayjayclha apquilvalhoc. 17 Apquilnapquic nic nat as acnim cien vayqui najan doscientos nipquesic najan cuatrocientos nipquesic apquitcoc. Apquilnapquic nic nat doce yataay apquilinava acyanmongam melyascalhma enlhitaoc Israel, innoc nic nat doce apquilmolhama enlhitaoc Israel. 18 Apquilyiplovcasquic nic nat apquiltamjaycam sacerdotes tingma Jerusalén actemaclha apquilanyomap congne tingma apponquinomap. Najan apquiltamjaycam levitas actemaclha apquilanyomap. Ayinyema ilhnic nat vaycajac aptalhescama Moisés.
19 Invocmec nic nat niplhit piltin catorce acnim. Apquillanac nic nat fiesta pascua aplhamoclhojo apquilmomap nano. 20 Apquillaneclhec nic nat apquilvalhoc sacerdotes najan levitas. Am nic nat ingyaymacpoc lhama. Ayalhnayo apquilvalhoc nic nat. Apquilajac nic nat nipquesic apquitcoc acyanmongam melyascalhma aplhamoclhojo enlhitaoc. Najan acyanmongam apnaymacoc sacerdotes. Najan acyanmongam melyascalhma apancaoc sacerdotes. 21 Apquilpasmec nic nat aptoycaoc aplhamoclhojo enlhitaoc apquilmomap nano. Apquilpasmec nic nat apquilyanmonquiscama apquilvalhoc apquilvajaneycaoc siclho apquiltemaclha actomja apquilaoclha. Apquilpalhavocmec nic nat yoyam elpayicsojo Dios Visqui apancaoc. 22 Apquiltimec nic nat fiesta acyiplomo acpayjayclha apquilvalhoc acvocmo siete acnim. Apquiltimec nic nat fiesta apvisay “nintom quilpasmongam mepqui apquimpascaoc”. Dios nic nat ayinyema acpayjayclha apquilvalhoc. Dios nic nat aptimesquiscama actamilaycam apvalhoc apvisqui co Asiria. Appasmec nic nat enlhitaoc Israel naysicsa apquillanay tingma apponquinomap, aptomja tingma pac Dios Apvisqui apancaoc enlhitaoc Israel.
