Apvisqui Joram nipyesicsa co Judá
(2~R 8.16-24)1 Apquitsepquic nic nat Josafat, apcatoynacpec nic nat tingma Jerusalén, moc apvisay Tingma David, apyeyjamcaa ilhnic nat. Aptimesacpec nic nat apquitca Joram, etnejic apvisqui apya'monquiscama apyap ninga. 2 Eycaso ilhnic nat Josafat apquitquic, ningiltimem Joram apquilyalhing: Azarías, najan Jehiel, najan Zacarías, najan Micael, najan Sefatías. Apquilvamlha maa apvisqui co Judá Josafat apquitquic. 3 Apquillhocac nic nat aclhamoclhojo asoc allanomalhca oro najan plata, najan moc asoc acmamnave, apquilyap nic nat apquilmescama nasa. Apquillhocac nic nat tingma apquilyimnatem yoclhilhma Judá. Apquitca aptiyam apmamyi ilhnic nat Joram, aptimesacpo apvisqui. 4 Apyimtalhnesacpec apanco ilhnic nat Joram, apquilnapquic nic nat apquilyalhing najan napocja apquilviscaa mayayo. 5 Vocmec nic nat aptiyascam treinta y dos años aptimesacpo apvisqui. Aptimec nic nat apvisqui tingma Jerusalén acvaycmo ocho años. 6 Apvajanamquic nic nat apquilyeyjamcaa apquilviscaa co Israel apquiltemaclha apancaoc. Apvajanamquic nic nat apquiltemaclha Acab aptovana niptamin. Joram aptava ilhnic nat Acab aptavin niptamin. Somcoc nic nat aptemaclha Joram napato Visqui ingac. 7 Inlhenquic nic nat apvalhoc Visqui ingac, metvacsejec sat mataa apvisqui, aptomja David aptavin niptamin. Ayinyema ilhnic nat pacto actemaclha ningmiyovmalhca napato David najan aptovana, yoyam comasquingvomejec sat mataa apquiltimem apquilviscaa, casponejec sat mataa calevascama nipyesicsa Israel.
8 Apquilinmelham nic nat apvisqui co Edom najan apnaymacoc naysicsa aptimem apvisqui Joram. Aptimesacpec nic nat apvisqui apancaoc edomitas. 9 Apquilimpocjac nic nat Joram najan apnaymacoc alhtaa nipyesicsa edomitas nipyava maa. Apnalaclhec nic nat capitanes singilpilhtetemo najan carros apancaoc. 10 Inmasquec nic nat apquilpalhcomap co Edom najan co Judá, acvaycmo acnim actalhesomalhca as vaycajac. Inmasquec nic nat apquilpalhcomap apnaycam tingma Libna, ayinyema apsilhnanomap apanco Joram apyinyova Visqui ingac, aptomja Dios Visqui apancaoc apquilyeyjamcaa. 11 Apquillanac nic nat acyitnamaclha quilaycmasquiscama netin inquilhe lhalhma anco yoclhilhma Judá. Eycaso ayinyema apquilvatescama co Jerusalén, apquilyinyova Visqui ingac, apquilnasoc nic nat apnaymacoc co Judá.
12 Aplhocac nic nat carta vaycajac Joram, ayinyema ilhnic nat aptalhescama profeta Elías. Intomjac nic nat amyaa: Apquilyeyjamcaa Dios Visqui apancaoc aptomja apcanya lhip: Am alhta eyiplovcasac lhip aptemaclha Josafat, lhip apyap ninga, paj najan aptemaclha apvisqui Asa nipyesicsa co Judá. 13 Apyiplovcasquic alhta lhip apquiltemaclha apquilviscaa co Israel. Lhip alhta ayinyema apquilyamasma Dios Visqui ingac co Judá najan co Jerusalén, apno siclhoc alhta apquilmolhama Acab. Lhip alhta apquilnapma apquilyalhing apquilpeyvomo apanco, am elhno lhip. 14 Eyanmongsiclhac sat Dios Visqui ingac lhip aptemaclha apanco, ellingamcojoc sat apyovoclhojo apnaymacoc, najan lhip apnatamcaa, najan apquitquic, najan apnatoscama (apquilnatam). 15 Elingamcojoc sat lhip ningmasquem (ataoc) ayajem, cotyamoc sat lhip apvocmo — alhta aptomjac Dios Visqui ingac — nic nat intomjac vaycajac ayinyema profeta.
16 Apcapajasquic nic nat Dios Visqui ingac, yoyam colvoc apquilvalhoc filisteos, najan árabes najan co Cus, yoyam elimpocjac nipyesicsa apnaymacoc Joram. 17 Apquilimpocjac nic nat nipyesicsa co Judá najan lhalhma anco. Apquilpatmaoclhec nic nat acyovoclhojo asoc apquilvitay congne apvisqui tingma pac, najan apquitquic, najan apnatamcaa. Am nic nat etacpoc lhama apquitca apsilhyo apvisay Joacaz. 18 Apyanmongsaclhec nic nat Dios aptemaclha Joram ningmasquem apvocmo, yoyam metamalvomejec sat mataa. 19 Vocmec nic nat dos años ningmasquem ayajem. Inyitipquic nic nat niplhit, intiyacmec nic nat apvocmo naysicsa acyivey acmasca, apquitsepquic nic nat. Am nic nat elvatnac talha acyivey, apquiltemaclha nic nat mataa, apquitsepa apvisqui apancaoc apquilyeyjamcaa. 20 Invocmec nic nat treinta y dos años aptiyascam Joram aptimesacpo apvisqui. Aptimec nic nat apvisqui tingma Jerusalén acvaycmo ocho años. Am nic nat colngalhcac apquilyapcalhem enlhit. Apcatoynacpec nic nat tingma Jerusalén, moc apvisay Tingma David, jave eyca apcatoynamacpilha apquilviscaa apquilyeyjamcaa.
Apvisqui Joram nipyesicsa co Judá
(2~R 8.16-24)1 Apquitsepquic nic nat Josafat, apcatoynacpec nic nat tingma Jerusalén, moc apvisay Tingma David, apyeyjamcaa ilhnic nat. Aptimesacpec nic nat apquitca Joram, etnejic apvisqui apya'monquiscama apyap ninga. 2 Eycaso ilhnic nat Josafat apquitquic, ningiltimem Joram apquilyalhing: Azarías, najan Jehiel, najan Zacarías, najan Micael, najan Sefatías. Apquilvamlha maa apvisqui co Judá Josafat apquitquic. 3 Apquillhocac nic nat aclhamoclhojo asoc allanomalhca oro najan plata, najan moc asoc acmamnave, apquilyap nic nat apquilmescama nasa. Apquillhocac nic nat tingma apquilyimnatem yoclhilhma Judá. Apquitca aptiyam apmamyi ilhnic nat Joram, aptimesacpo apvisqui. 4 Apyimtalhnesacpec apanco ilhnic nat Joram, apquilnapquic nic nat apquilyalhing najan napocja apquilviscaa mayayo. 5 Vocmec nic nat aptiyascam treinta y dos años aptimesacpo apvisqui. Aptimec nic nat apvisqui tingma Jerusalén acvaycmo ocho años. 6 Apvajanamquic nic nat apquilyeyjamcaa apquilviscaa co Israel apquiltemaclha apancaoc. Apvajanamquic nic nat apquiltemaclha Acab aptovana niptamin. Joram aptava ilhnic nat Acab aptavin niptamin. Somcoc nic nat aptemaclha Joram napato Visqui ingac. 7 Inlhenquic nic nat apvalhoc Visqui ingac, metvacsejec sat mataa apvisqui, aptomja David aptavin niptamin. Ayinyema ilhnic nat pacto actemaclha ningmiyovmalhca napato David najan aptovana, yoyam comasquingvomejec sat mataa apquiltimem apquilviscaa, casponejec sat mataa calevascama nipyesicsa Israel.
8 Apquilinmelham nic nat apvisqui co Edom najan apnaymacoc naysicsa aptimem apvisqui Joram. Aptimesacpec nic nat apvisqui apancaoc edomitas. 9 Apquilimpocjac nic nat Joram najan apnaymacoc alhtaa nipyesicsa edomitas nipyava maa. Apnalaclhec nic nat capitanes singilpilhtetemo najan carros apancaoc. 10 Inmasquec nic nat apquilpalhcomap co Edom najan co Judá, acvaycmo acnim actalhesomalhca as vaycajac. Inmasquec nic nat apquilpalhcomap apnaycam tingma Libna, ayinyema apsilhnanomap apanco Joram apyinyova Visqui ingac, aptomja Dios Visqui apancaoc apquilyeyjamcaa. 11 Apquillanac nic nat acyitnamaclha quilaycmasquiscama netin inquilhe lhalhma anco yoclhilhma Judá. Eycaso ayinyema apquilvatescama co Jerusalén, apquilyinyova Visqui ingac, apquilnasoc nic nat apnaymacoc co Judá.
12 Aplhocac nic nat carta vaycajac Joram, ayinyema ilhnic nat aptalhescama profeta Elías. Intomjac nic nat amyaa: Apquilyeyjamcaa Dios Visqui apancaoc aptomja apcanya lhip: Am alhta eyiplovcasac lhip aptemaclha Josafat, lhip apyap ninga, paj najan aptemaclha apvisqui Asa nipyesicsa co Judá. 13 Apyiplovcasquic alhta lhip apquiltemaclha apquilviscaa co Israel. Lhip alhta ayinyema apquilyamasma Dios Visqui ingac co Judá najan co Jerusalén, apno siclhoc alhta apquilmolhama Acab. Lhip alhta apquilnapma apquilyalhing apquilpeyvomo apanco, am elhno lhip. 14 Eyanmongsiclhac sat Dios Visqui ingac lhip aptemaclha apanco, ellingamcojoc sat apyovoclhojo apnaymacoc, najan lhip apnatamcaa, najan apquitquic, najan apnatoscama (apquilnatam). 15 Elingamcojoc sat lhip ningmasquem (ataoc) ayajem, cotyamoc sat lhip apvocmo — alhta aptomjac Dios Visqui ingac — nic nat intomjac vaycajac ayinyema profeta.
16 Apcapajasquic nic nat Dios Visqui ingac, yoyam colvoc apquilvalhoc filisteos, najan árabes najan co Cus, yoyam elimpocjac nipyesicsa apnaymacoc Joram. 17 Apquilimpocjac nic nat nipyesicsa co Judá najan lhalhma anco. Apquilpatmaoclhec nic nat acyovoclhojo asoc apquilvitay congne apvisqui tingma pac, najan apquitquic, najan apnatamcaa. Am nic nat etacpoc lhama apquitca apsilhyo apvisay Joacaz. 18 Apyanmongsaclhec nic nat Dios aptemaclha Joram ningmasquem apvocmo, yoyam metamalvomejec sat mataa. 19 Vocmec nic nat dos años ningmasquem ayajem. Inyitipquic nic nat niplhit, intiyacmec nic nat apvocmo naysicsa acyivey acmasca, apquitsepquic nic nat. Am nic nat elvatnac talha acyivey, apquiltemaclha nic nat mataa, apquitsepa apvisqui apancaoc apquilyeyjamcaa. 20 Invocmec nic nat treinta y dos años aptiyascam Joram aptimesacpo apvisqui. Aptimec nic nat apvisqui tingma Jerusalén acvaycmo ocho años. Am nic nat colngalhcac apquilyapcalhem enlhit. Apcatoynacpec nic nat tingma Jerusalén, moc apvisay Tingma David, jave eyca apcatoynamacpilha apquilviscaa apquilyeyjamcaa.
