Segunda apquilpamejitsomap
(Caps 15—21)1-2 Aptomjac nic nat Elifaz apcanya: Lhip Job, ¡vamlha itne! Alhto inyicje lhip appayvam, malha acyeyjamelhma appayvam, malha enlhit mepqui apyascamco.
3 Apquilyataycam nasa lhip, acno appayvam enlhit acyeyjamelhma.
4 Mepqui lhip apcayo Dios Visqui ingac, mepqui aptamilcasomacpo apanco lhip.
5 Aptemaclha lhip apsilhnanomacpo apanco, singyinimquiscama intomjac lhip appayvam.
6 Apsilhnanomap apanco lhip ayinyema lhip appayvam apanco, jave ayinyema coo.
7 ¿Apmamyi ya apanco lhip aptiyaycamlha? ¿Jave ya inquilhe allanomalhca amamyi anco?
8 ¿Apvamlha ya lhquip apyascamco apanco, malha consejero lhip napato Dios?
9 ¿Apyascamco ya apanco lhip, mongno nincoo? ¿Apyicpilquemo apanco lhip, mongno nincoo?
10 Ningyascamco inganco ningilvisay ningilvanyam, am alhta elhno apyap ninga.
11 Aptanovquic lhip, yoyam etamilquiscomoc lhip apvalhoc Dios Visqui ingac. Nincoo eyca ningiltimnascama lhip altamila ningilpayvam.
12 ¿Co laa ayinyema acyitnocjayo apvalhoc lhip? ¿Co laa ayinyema aclom apvalhoc?
13 Apquinmelhaycam lhip Dios ayinyema aplom pac najan aptemaclha apvenéycam lhip.
14 Paj lhama enlhit as nalhpop, mepqui apsilhnanomap apanco napato Dios.
15 Yitnec apyasquiyam Dios apquiltemaclha apancaoc ángeles najan apquileyvomaclha netin.
16 Apquiltanovacpec enlhit napato Dios, ayinyema aptemaclha apanco aclhamoclhojo acnim, acno ningyam yingmin aclhamoclhojo acnim.
17 Lhip Job, ingyeylhojo sicyascasingvoyam lhip, sictomja sicvitaycamco asoc.
18 Acyasingvocmec alhta coo nipyesicsa apquilyascamco, ayinyema apquilyeyjamcaa nano.
19 Apquillhovamquic nic nat yoclhilhma, mepqui apquilpalhcomap poc enlhit.
20 Avanjec mataa actamjaycam apvalhoc enlhit apmapsom, yavatoc aptiyascam naysicsa apcay.
21 Intiyacmec apvalhoc, aplinga inlhojo amyaa, apcanem apquilvoy cotnaja ingmoc.
22 Copvanquejec ingyinyejic yatescamalhma, quilhvoc sat ematong.
23 Invitac apvanmoncama elvac sat mama, eltovamcoc apjapac apanco, comascoc sat aptiyascam.
24 Yatescamalhma cotnesquisic ayay apvalhoc, epilhyinamoc sat, malha apvitay cotnaja ingmoc yoyam elimpocjac.
25 Elngamcojoc sat acyimtalhnama enlhit apquinmelhaycam Dios Visqui apyimtalhnamo.
26 Yitnec apmaycam apcajapsomap, apvascapquic maa, ingyimpocjac sat Dios.
27 Acyimnatem apyimpejic as enlhit, metejec sat mataa cascama apquilnatam.
28 Elhic sat tingma apyamasma, tingma apnatovasomap yoyam ellaniclha, aptemaclha apanco, yoyam ingyinmelham Dios Visqui ingac.
29 Acyavataclhojo etyisam as enlhit, metejec sat mataa cascama apquilnatam.
30 Copvanquejec ingyinyejic yatescamalhma. Apyitsomacpo yamit acmeta naysicsa talha. Cosovc sat alhcajayam ilhnamoc yamit.
31 Aptemaclha apanco apyinimquiscama, eyinimsacpoc sat actamongvamlha nelha maa.
32 Colyamamcoc sat actengaoc yamit, colvitalhquejec sat mataa ava altamila.
33 Apyitsomacpo uva acyilhna aclapamco, najan olivo ilhnamoc, yoyam copalamoc.
34 Mepqui aptovana apquilmolhama apquilmapsomcaa, colhic alvatna talha tingma apancaoc. Acminyilhomalhca alhta apquilnatam.
35 Avanjec apquiltemaclha apancaoc acmasom, malha apquiltomja aplovsavo, yoyam eltimsic asoc acmasom. Apquiltemaclha apquilyinimquiscama najan apquilmopvan amyaa — nic nat aptomjac Elifaz.
Segunda apquilpamejitsomap
(Caps 15—21)1-2 Aptomjac nic nat Elifaz apcanya: Lhip Job, ¡vamlha itne! Alhto inyicje lhip appayvam, malha acyeyjamelhma appayvam, malha enlhit mepqui apyascamco.
3 Apquilyataycam nasa lhip, acno appayvam enlhit acyeyjamelhma.
4 Mepqui lhip apcayo Dios Visqui ingac, mepqui aptamilcasomacpo apanco lhip.
5 Aptemaclha lhip apsilhnanomacpo apanco, singyinimquiscama intomjac lhip appayvam.
6 Apsilhnanomap apanco lhip ayinyema lhip appayvam apanco, jave ayinyema coo.
7 ¿Apmamyi ya apanco lhip aptiyaycamlha? ¿Jave ya inquilhe allanomalhca amamyi anco?
8 ¿Apvamlha ya lhquip apyascamco apanco, malha consejero lhip napato Dios?
9 ¿Apyascamco ya apanco lhip, mongno nincoo? ¿Apyicpilquemo apanco lhip, mongno nincoo?
10 Ningyascamco inganco ningilvisay ningilvanyam, am alhta elhno apyap ninga.
11 Aptanovquic lhip, yoyam etamilquiscomoc lhip apvalhoc Dios Visqui ingac. Nincoo eyca ningiltimnascama lhip altamila ningilpayvam.
12 ¿Co laa ayinyema acyitnocjayo apvalhoc lhip? ¿Co laa ayinyema aclom apvalhoc?
13 Apquinmelhaycam lhip Dios ayinyema aplom pac najan aptemaclha apvenéycam lhip.
14 Paj lhama enlhit as nalhpop, mepqui apsilhnanomap apanco napato Dios.
15 Yitnec apyasquiyam Dios apquiltemaclha apancaoc ángeles najan apquileyvomaclha netin.
16 Apquiltanovacpec enlhit napato Dios, ayinyema aptemaclha apanco aclhamoclhojo acnim, acno ningyam yingmin aclhamoclhojo acnim.
17 Lhip Job, ingyeylhojo sicyascasingvoyam lhip, sictomja sicvitaycamco asoc.
18 Acyasingvocmec alhta coo nipyesicsa apquilyascamco, ayinyema apquilyeyjamcaa nano.
19 Apquillhovamquic nic nat yoclhilhma, mepqui apquilpalhcomap poc enlhit.
20 Avanjec mataa actamjaycam apvalhoc enlhit apmapsom, yavatoc aptiyascam naysicsa apcay.
21 Intiyacmec apvalhoc, aplinga inlhojo amyaa, apcanem apquilvoy cotnaja ingmoc.
22 Copvanquejec ingyinyejic yatescamalhma, quilhvoc sat ematong.
23 Invitac apvanmoncama elvac sat mama, eltovamcoc apjapac apanco, comascoc sat aptiyascam.
24 Yatescamalhma cotnesquisic ayay apvalhoc, epilhyinamoc sat, malha apvitay cotnaja ingmoc yoyam elimpocjac.
25 Elngamcojoc sat acyimtalhnama enlhit apquinmelhaycam Dios Visqui apyimtalhnamo.
26 Yitnec apmaycam apcajapsomap, apvascapquic maa, ingyimpocjac sat Dios.
27 Acyimnatem apyimpejic as enlhit, metejec sat mataa cascama apquilnatam.
28 Elhic sat tingma apyamasma, tingma apnatovasomap yoyam ellaniclha, aptemaclha apanco, yoyam ingyinmelham Dios Visqui ingac.
29 Acyavataclhojo etyisam as enlhit, metejec sat mataa cascama apquilnatam.
30 Copvanquejec ingyinyejic yatescamalhma. Apyitsomacpo yamit acmeta naysicsa talha. Cosovc sat alhcajayam ilhnamoc yamit.
31 Aptemaclha apanco apyinimquiscama, eyinimsacpoc sat actamongvamlha nelha maa.
32 Colyamamcoc sat actengaoc yamit, colvitalhquejec sat mataa ava altamila.
33 Apyitsomacpo uva acyilhna aclapamco, najan olivo ilhnamoc, yoyam copalamoc.
34 Mepqui aptovana apquilmolhama apquilmapsomcaa, colhic alvatna talha tingma apancaoc. Acminyilhomalhca alhta apquilnatam.
35 Avanjec apquiltemaclha apancaoc acmasom, malha apquiltomja aplovsavo, yoyam eltimsic asoc acmasom. Apquiltemaclha apquilyinimquiscama najan apquilmopvan amyaa — nic nat aptomjac Elifaz.
