Apcasinancama ayinyema Dios najan ayasinancama actomja apquinmelhaycam Cristo
1 Quellhip silasicjayo. Elyasquim sat quellhip apquilpayvam napocja enlhit. Noelquinatquis nasa ayinyemayaclha mayasinancama. Nasoc lhaja ayinyema Dios Espíritu apanco, jave lhaja. Ayinyemaclha apnam lhalhma anco aplhamoclhojo apquilmopvancaa amyaa. Apquillhenquic mataa ayinyema Dios apcasinancama. 2 Apvancaac quellhip elyicpilcojo enlhit apna apvalhoc Espíritu apanco Dios. Aplhenquic sat ancoc enlhit apvoya Jesucristo aptomja nat enlhit apanco. Eyca as apna apvalhoc Espíritu apanco Dios. 3 Am sat ancoc elhenac enlhit actema nac jay, eyca as elhnac apvalhoc Espíritu apanco Dios. Ayinyema eyca somquic quilyicjamo actemaclha ayinmelhaycam Cristo. Apquillinga alhta quellhip yoyam covac sat actemaclha somquic quilyicjamo ayinmelhaycam Cristo. Innec najan quilhvo lhalhma anco actemaclha ayinmelhaycam Cristo.
4 Quellhip eyitquic. Quellhip apquiltomja Dios apquitquic. Apquilmopvan innac quellhip, am elhnoc enlhit apquilmopvancaa amyaa. Apnec quellhip apquilvalhoc Espíritu apanco Dios aptomja apyimtalhnamo, am colhno somquic quilyicjamo acna apquilvalhoc enlhitaoc lhalhma anco. 5 Lhalhma anco apquilinyema apquilmopvancaa amyaa. Eycaso ayinyema apquillhanma mataa asoc as nalhpop. Apquiljalhnoc mataa apnaymacoc lhalhma anco. 6 Nincoo eyca ningiltomja Dios apquitquic. Apquililjalhnoc mataa ninlhanma apquiltomja Dios apquitquic. Am eliljalhnoc mataa ninlhanma metnaja Dios apquitquic. Monginatsejec sat nincoo aptemaclha Espíritu apanco Dios aptomja nasoc anco najan actemaclha anco somquic quilyicjamo actomja acmovan amyaa.
Dios apvisay ningasicjayo
7 Quellhip elyalhinga. Elasicjacpojo nipyesicsa quellhip. Ayinyemaclha Dios ayinyema actemaclha ningasicjayo. Yitnec sat ancoc ningasicjayo cotnatsalhquejec sat ningiltomja Dios apquitquic, ningyicpilcoc nincoo Dios. 8 Am sat ancoc coyitnac ningasicjayo, am najan ongyicpilcac mocjam Dios. Ayinyemaclha Dios apvisay ningasicjayo.
9 Ingillhicmosquic nat Dios actemaclha singasicjayo. Ayinyemaclha apcapajasquic nat as nalhpop Apquitca apvamlha pac lhama. Apquiltamjoc jingilmesic acyimnatem ingnenyic. 10 Eycaso actemaclha anco ningasicjayo: Am ongilasicjac nat nincoo Dios. Dios eyca aptomja singasicjayo siclhoc anco. Apcapajasquic nat Apquitca yoyam emascocsic mongilyascalhma.
11 Quellhip elyalhinga. Avanjec anco singasicjayo Dios. Incaymalhquic nincoo lha ongilasicjalhcojo ningyesicsa. 12 Paj lhama enlhit apvita Dios. Ningilasicjalhquic sat ancoc ningyesicsa, jingilpasmoc sat mataa Dios. Coyangvomoc sat ningasicjayo ayinyema Dios yoyam coytic ingvalhoc ingac. 13 Ingmasquic nincoo Espíritu apanco Dios. Eycaso ayinyema monquinatquiscama aptomja sinpasmom Dios najan ningiltomja ninpasmeyquiclha Dios nincoo lha. 14 Ningvitac nat nincoo. Ninlingasquic nincoo as amyaa: Apcapajasquic nat Apquitca as nalhpop yoyam elvomsic tap enlhitaoc lhalhma anco. 15 Ninlhenquic sat ancoc Jesús aptomja Dios Apquitca, jingilpasmoc sat Dios najan ongilpasmoc sat nincoo lha.
16 Ningilyasingvocmec nincoo najan mongilyascacmoc nincoo actemaclha singasicjayo Dios. Dios apvisay ningasicjayo. Ningilinlhanacmec sat ancoc ningasicjayo, ongilpasmoc sat mataa Dios, jingilpasmoc sat mataa nincoo lha Dios. 17 Invocmec acvamlha singasicjayo Dios. Cotnajamejec sat ingvalhoc acvocmo sat acnim ningyicpilcomalhquilha. Apne inyicje mataa Jesucristo ningyesicsa. Incaymalhquic onlhojoc nincoo lha aptemaclha Jesucristo naysicsa ningileyvam. 18 Yitnec sat ancoc ningasicjayo, colhejec sat ningilay napato Dios. Ayinyemaclha acyiviy ningasicjayo actomja acmascoscama ningilay napato Dios. Yitnec sat ancoc ningilay napato Dios, coyiplovjoc actemaclha yoyam ongilsilhnanalhca. Asilhtec mataa ningilasicjayo acyitna inlhojo ningilay napato Dios.
19 Pac ongilasicjojo sat mataa Dios, ayinyemaclha singasicjayo ilhnic nat apmamyi. 20 Nintomjac sat ancoc nincoo: Ayasicjavoc coo Dios, naysicsa nintanoncama inyalhing, ontimjic sat nincoo ningmovan amyaa. Am sat ancoc ongasicjac ingyalhing aptomja ningvitay, mongvanquejec najan ongasicjojo Dios Ingyapam aptomja mongvitay. 21 Eycaso singmescama singanamaclha Dios: Ningasicjavoc sat ancoc Dios, incaymalhquic najan lha ongasicjojo ingyalhing.
Apcasinancama ayinyema Dios najan ayasinancama actomja apquinmelhaycam Cristo
1 Quellhip silasicjayo. Elyasquim sat quellhip apquilpayvam napocja enlhit. Noelquinatquis nasa ayinyemayaclha mayasinancama. Nasoc lhaja ayinyema Dios Espíritu apanco, jave lhaja. Ayinyemaclha apnam lhalhma anco aplhamoclhojo apquilmopvancaa amyaa. Apquillhenquic mataa ayinyema Dios apcasinancama. 2 Apvancaac quellhip elyicpilcojo enlhit apna apvalhoc Espíritu apanco Dios. Aplhenquic sat ancoc enlhit apvoya Jesucristo aptomja nat enlhit apanco. Eyca as apna apvalhoc Espíritu apanco Dios. 3 Am sat ancoc elhenac enlhit actema nac jay, eyca as elhnac apvalhoc Espíritu apanco Dios. Ayinyema eyca somquic quilyicjamo actemaclha ayinmelhaycam Cristo. Apquillinga alhta quellhip yoyam covac sat actemaclha somquic quilyicjamo ayinmelhaycam Cristo. Innec najan quilhvo lhalhma anco actemaclha ayinmelhaycam Cristo.
4 Quellhip eyitquic. Quellhip apquiltomja Dios apquitquic. Apquilmopvan innac quellhip, am elhnoc enlhit apquilmopvancaa amyaa. Apnec quellhip apquilvalhoc Espíritu apanco Dios aptomja apyimtalhnamo, am colhno somquic quilyicjamo acna apquilvalhoc enlhitaoc lhalhma anco. 5 Lhalhma anco apquilinyema apquilmopvancaa amyaa. Eycaso ayinyema apquillhanma mataa asoc as nalhpop. Apquiljalhnoc mataa apnaymacoc lhalhma anco. 6 Nincoo eyca ningiltomja Dios apquitquic. Apquililjalhnoc mataa ninlhanma apquiltomja Dios apquitquic. Am eliljalhnoc mataa ninlhanma metnaja Dios apquitquic. Monginatsejec sat nincoo aptemaclha Espíritu apanco Dios aptomja nasoc anco najan actemaclha anco somquic quilyicjamo actomja acmovan amyaa.
Dios apvisay ningasicjayo
7 Quellhip elyalhinga. Elasicjacpojo nipyesicsa quellhip. Ayinyemaclha Dios ayinyema actemaclha ningasicjayo. Yitnec sat ancoc ningasicjayo cotnatsalhquejec sat ningiltomja Dios apquitquic, ningyicpilcoc nincoo Dios. 8 Am sat ancoc coyitnac ningasicjayo, am najan ongyicpilcac mocjam Dios. Ayinyemaclha Dios apvisay ningasicjayo.
9 Ingillhicmosquic nat Dios actemaclha singasicjayo. Ayinyemaclha apcapajasquic nat as nalhpop Apquitca apvamlha pac lhama. Apquiltamjoc jingilmesic acyimnatem ingnenyic. 10 Eycaso actemaclha anco ningasicjayo: Am ongilasicjac nat nincoo Dios. Dios eyca aptomja singasicjayo siclhoc anco. Apcapajasquic nat Apquitca yoyam emascocsic mongilyascalhma.
11 Quellhip elyalhinga. Avanjec anco singasicjayo Dios. Incaymalhquic nincoo lha ongilasicjalhcojo ningyesicsa. 12 Paj lhama enlhit apvita Dios. Ningilasicjalhquic sat ancoc ningyesicsa, jingilpasmoc sat mataa Dios. Coyangvomoc sat ningasicjayo ayinyema Dios yoyam coytic ingvalhoc ingac. 13 Ingmasquic nincoo Espíritu apanco Dios. Eycaso ayinyema monquinatquiscama aptomja sinpasmom Dios najan ningiltomja ninpasmeyquiclha Dios nincoo lha. 14 Ningvitac nat nincoo. Ninlingasquic nincoo as amyaa: Apcapajasquic nat Apquitca as nalhpop yoyam elvomsic tap enlhitaoc lhalhma anco. 15 Ninlhenquic sat ancoc Jesús aptomja Dios Apquitca, jingilpasmoc sat Dios najan ongilpasmoc sat nincoo lha.
16 Ningilyasingvocmec nincoo najan mongilyascacmoc nincoo actemaclha singasicjayo Dios. Dios apvisay ningasicjayo. Ningilinlhanacmec sat ancoc ningasicjayo, ongilpasmoc sat mataa Dios, jingilpasmoc sat mataa nincoo lha Dios. 17 Invocmec acvamlha singasicjayo Dios. Cotnajamejec sat ingvalhoc acvocmo sat acnim ningyicpilcomalhquilha. Apne inyicje mataa Jesucristo ningyesicsa. Incaymalhquic onlhojoc nincoo lha aptemaclha Jesucristo naysicsa ningileyvam. 18 Yitnec sat ancoc ningasicjayo, colhejec sat ningilay napato Dios. Ayinyemaclha acyiviy ningasicjayo actomja acmascoscama ningilay napato Dios. Yitnec sat ancoc ningilay napato Dios, coyiplovjoc actemaclha yoyam ongilsilhnanalhca. Asilhtec mataa ningilasicjayo acyitna inlhojo ningilay napato Dios.
19 Pac ongilasicjojo sat mataa Dios, ayinyemaclha singasicjayo ilhnic nat apmamyi. 20 Nintomjac sat ancoc nincoo: Ayasicjavoc coo Dios, naysicsa nintanoncama inyalhing, ontimjic sat nincoo ningmovan amyaa. Am sat ancoc ongasicjac ingyalhing aptomja ningvitay, mongvanquejec najan ongasicjojo Dios Ingyapam aptomja mongvitay. 21 Eycaso singmescama singanamaclha Dios: Ningasicjavoc sat ancoc Dios, incaymalhquic najan lha ongasicjojo ingyalhing.
