1 Quellhip apquillhenacpo sacerdotes: 2 Apquilanyacpec quellhip elaylhojo sicpayvam, eltimjic sat selayo coo. Enatovasacpoc sat quellhip, sicvita inlhojo mepqui selyajayquiclho quellhip. Am alhta eltomjac selayo quellhip. Ellingamcojoc sat acyimtalhnama naysicsa seltimesaycam quellhip. Eycaso sicpayvam Visqui Sicyimtalhnamo.
3 Otanovac sat seltimesaycam quellhip. Opaysimsic sat napaat quellhip sicmaycam ayi apnatoscama apnalayquinta quellhip. Etlhacpoc sat quellhip amyip acyitnamaclha ayi. 4 Eycaso siyanamaclha coo ayinyema asoc monquinatquiscama ningmiyovmalhca pacto aptovana Leví. Eycaso sicpayvam Visqui Sicyimtalhnamo.
5 Actamilaycam apquilvalhoc aptovana Leví, ayinyema pacto ningmiyovmalhca. Altamjoc alhta colhic seyaco najan selyajayquiclho aptovana Leví. Apquilyiplovacasquic alhta. 6 Apquiltomjac alhta apquillhicmoscama actomja nasoc anco, mepqui alhta acmasom apquilpayvam. Yitnec alhta apquiltamilcasomacpo apanco aplhamoclhojo enlhit. 7 Apquilanyacpec sacerdotes ellhicmocsic sicvisay nipyesicsa enlhitaoc. Eltamsacpoc sat enlhitaoc ayinyema sacerdotes, apquiltomja soycam sicvisay Visqui Sicyimtalhnamo.
8 Quellhip sacerdotes apquiltomja apquilyamasma amay acpeyvomo. Quellhip apquilpayvam ayinyema apquilsilhnanomap apanco aplhamoclhojo enlhit. Apnatovasquic quellhip pacto ningmiyovmalhca aptovana Leví. 9 Quellhip alhta melyajayquiclho sicpayvam, apquiltomja apquilyacyescama enlhit naysicsa apquillhicmoscama. Elvennacpoc sat quellhip nipyesicsa apnaymacoc enlhit. Eycaso sicpayvam Visqui Sicyimtalhnamo — nic nat aptomjac profeta.
Quilvana cotnaja intava
10 Aptomjac nic nat profeta: ¿Naso ya lhama Apyimtalhnamo nincoo, apvisay Dios apquilantipquiscama aclhamoclhojo asoc? ¿Co laa ayinyema ningilyinimsomalhca ningyesicsa, ningiltomja nintovascama singanamaclha Dios actemaclha pacto ningmiyovmalhca? 11 Apquilsilhnanacpec apanco aptovana Judá. Najan maa apnaycam tingma Jerusalén, najan maa aptovana Israel. Apnatovasquic Dios tingma pac apponquinomap aptovana Judá. Apquiltimec apnatamcaa quilvanaa alayo quilaycmasquiscama. 12 Naso, emascoscomoc sat Dios apquiltiyascam as enlhitaoc ningyesicsa. Mengyaymacpejec sat lhama apsilhnanomap apanco, ematong sat najan, aptomja apsayquinta asoc macmescama Dios Apyimtalhnamo.
13 Apquilyapcalhquic quellhip payjoc altar acvatnamalhquilha, acyiplomo acyivey ate yingmenic. Ayinyema coliclama apvalhoc Dios Apyimtalhnamo, apvita inlhojo asoc apquilmescama quellhip. 14 Apquiltomjac mataa quellhip: ¿So actomja yi? — apquiltomjac mataa. Ayinyema quellhip apquilsilhnanomap apanco, apquiltemaclha alhta quellhip apquilyimnanic. Apquiltingyac quellhip quilvana eltimjic aptava, naysicsa apquillhanma nasoc anco quellhip, yoyam melyinyovejec sat mataa. Dios aptomja apvitaycamco. 15 Lhama apanco Dios Apyimtalhnamo apquillanay nic nat ningyovoclhojo najan ingvalhoc ingac. Apquiltamjoc Dios Apyimtalhnamo eltimjic apquilvisay quellhip aptovana Dios apquilyacyescama. ¡Eltamilsojo sat apquilvalhoc quellhip! Noelyeycajas nasa apquillhanma quellhip nasoc anco, melyinyovejec sat mataa aptava apquiltingyey siclhoc anco. 16 Aptomjac alhta Dios Apyimtalhnamo: Eltamilsojo apquilvalhoc quellhip, noelyinyov nasa aptava apquiltingyey siclhoc anco. Colcac evalhoc apquiltemaclha apquilyamasma aptava, apquiltomja apquilsilhnanomap apanco quellhip najato — alhta aptomjac.
Aptemaclha singyicpilquemo
17 Aptomjac nic nat profeta: Incastinquic Dios Apyimtalhnamo apjalhenmo quellhip apquilpayvam. Apquiltomjac mataa quellhip: ¿Co laa ayinyema ayastingam Dios Apyimtalhnamo ninlhanma? — apquiltomjac mataa. Yitnec aclhanma apquilvalhoc quellhip: Apyispaquic mataa Dios nintemaclha acmasom. Payjeclhec mataa apvalhoc apvita nintemaclha inganco — intomjac mataa apquilvalhoc. ¿Apquilanayqui ya quellhip metnaja appeyvomo Dios Apyimtalhnamo? — nic nat aptomjac profeta.
1 Quellhip apquillhenacpo sacerdotes: 2 Apquilanyacpec quellhip elaylhojo sicpayvam, eltimjic sat selayo coo. Enatovasacpoc sat quellhip, sicvita inlhojo mepqui selyajayquiclho quellhip. Am alhta eltomjac selayo quellhip. Ellingamcojoc sat acyimtalhnama naysicsa seltimesaycam quellhip. Eycaso sicpayvam Visqui Sicyimtalhnamo.
3 Otanovac sat seltimesaycam quellhip. Opaysimsic sat napaat quellhip sicmaycam ayi apnatoscama apnalayquinta quellhip. Etlhacpoc sat quellhip amyip acyitnamaclha ayi. 4 Eycaso siyanamaclha coo ayinyema asoc monquinatquiscama ningmiyovmalhca pacto aptovana Leví. Eycaso sicpayvam Visqui Sicyimtalhnamo.
5 Actamilaycam apquilvalhoc aptovana Leví, ayinyema pacto ningmiyovmalhca. Altamjoc alhta colhic seyaco najan selyajayquiclho aptovana Leví. Apquilyiplovacasquic alhta. 6 Apquiltomjac alhta apquillhicmoscama actomja nasoc anco, mepqui alhta acmasom apquilpayvam. Yitnec alhta apquiltamilcasomacpo apanco aplhamoclhojo enlhit. 7 Apquilanyacpec sacerdotes ellhicmocsic sicvisay nipyesicsa enlhitaoc. Eltamsacpoc sat enlhitaoc ayinyema sacerdotes, apquiltomja soycam sicvisay Visqui Sicyimtalhnamo.
8 Quellhip sacerdotes apquiltomja apquilyamasma amay acpeyvomo. Quellhip apquilpayvam ayinyema apquilsilhnanomap apanco aplhamoclhojo enlhit. Apnatovasquic quellhip pacto ningmiyovmalhca aptovana Leví. 9 Quellhip alhta melyajayquiclho sicpayvam, apquiltomja apquilyacyescama enlhit naysicsa apquillhicmoscama. Elvennacpoc sat quellhip nipyesicsa apnaymacoc enlhit. Eycaso sicpayvam Visqui Sicyimtalhnamo — nic nat aptomjac profeta.
Quilvana cotnaja intava
10 Aptomjac nic nat profeta: ¿Naso ya lhama Apyimtalhnamo nincoo, apvisay Dios apquilantipquiscama aclhamoclhojo asoc? ¿Co laa ayinyema ningilyinimsomalhca ningyesicsa, ningiltomja nintovascama singanamaclha Dios actemaclha pacto ningmiyovmalhca? 11 Apquilsilhnanacpec apanco aptovana Judá. Najan maa apnaycam tingma Jerusalén, najan maa aptovana Israel. Apnatovasquic Dios tingma pac apponquinomap aptovana Judá. Apquiltimec apnatamcaa quilvanaa alayo quilaycmasquiscama. 12 Naso, emascoscomoc sat Dios apquiltiyascam as enlhitaoc ningyesicsa. Mengyaymacpejec sat lhama apsilhnanomap apanco, ematong sat najan, aptomja apsayquinta asoc macmescama Dios Apyimtalhnamo.
13 Apquilyapcalhquic quellhip payjoc altar acvatnamalhquilha, acyiplomo acyivey ate yingmenic. Ayinyema coliclama apvalhoc Dios Apyimtalhnamo, apvita inlhojo asoc apquilmescama quellhip. 14 Apquiltomjac mataa quellhip: ¿So actomja yi? — apquiltomjac mataa. Ayinyema quellhip apquilsilhnanomap apanco, apquiltemaclha alhta quellhip apquilyimnanic. Apquiltingyac quellhip quilvana eltimjic aptava, naysicsa apquillhanma nasoc anco quellhip, yoyam melyinyovejec sat mataa. Dios aptomja apvitaycamco. 15 Lhama apanco Dios Apyimtalhnamo apquillanay nic nat ningyovoclhojo najan ingvalhoc ingac. Apquiltamjoc Dios Apyimtalhnamo eltimjic apquilvisay quellhip aptovana Dios apquilyacyescama. ¡Eltamilsojo sat apquilvalhoc quellhip! Noelyeycajas nasa apquillhanma quellhip nasoc anco, melyinyovejec sat mataa aptava apquiltingyey siclhoc anco. 16 Aptomjac alhta Dios Apyimtalhnamo: Eltamilsojo apquilvalhoc quellhip, noelyinyov nasa aptava apquiltingyey siclhoc anco. Colcac evalhoc apquiltemaclha apquilyamasma aptava, apquiltomja apquilsilhnanomap apanco quellhip najato — alhta aptomjac.
Aptemaclha singyicpilquemo
17 Aptomjac nic nat profeta: Incastinquic Dios Apyimtalhnamo apjalhenmo quellhip apquilpayvam. Apquiltomjac mataa quellhip: ¿Co laa ayinyema ayastingam Dios Apyimtalhnamo ninlhanma? — apquiltomjac mataa. Yitnec aclhanma apquilvalhoc quellhip: Apyispaquic mataa Dios nintemaclha acmasom. Payjeclhec mataa apvalhoc apvita nintemaclha inganco — intomjac mataa apquilvalhoc. ¿Apquilanayqui ya quellhip metnaja appeyvomo Dios Apyimtalhnamo? — nic nat aptomjac profeta.
