Quilvanaa mepqui anatamcaa almomalhca
1 Apquilpamejitsacpec nic nat israelitas mepqui apquilyeycajascaoc tingma Mizpa. Copvanquejec mataa lhama apmolhama Benjamín colyimjapoc quilvana israelita— nic nat apquiltomjac apquilpamejitsacpo. 2 Natamin apcaneclhec nic nat tingma Betel napato Dios Visqui ingac. Apquilyapcalhquic nic nat acvaycmo alhtaa, apquiltomja apquililmalhnancama: 3 —Dios Visqui ingac ningilvisay Israel. ¿So actomja yi? Apquilmasquingvocmec alhta apyovoclhojo apquilmolhama tribu Benjamín, apquiltomja ningilmolhama — nic nat apquiltomjac.
4 Secaseclha ilhnic nat apnalhaticjac mocjam alhtoo. Apquillanac nic nat altar, elnapoc apnatoscama macmescama Dios acyanmongam melyascalhma. Najan moc asoc macmescama Dios, yoyam colhic ayasicjayquiclho mocjam. 5 Apquiltomjac nic nat apquilanya: —¿Soc lha apquilmolhama melvactama alhta tingma Mizpa, mejingilpasmejec ninganeyquiclha acvanyam? — nic nat apquiltomjac. Yitnec nic nat apquillhanma mepqui apquilyeycajascaoc, ematong sat moclhama melvactama apquilanyomap jingilpasmoc ninganeyquiclha.
6 Avanjec nic nat acmayovsa apquilvalhoc apquilmasquingvoyam apquilmolhama Benjamín. Apquiltomjac nic nat: —Quilhvo nac jay paj mocjam lhama tribu nipyesicsa apquilmolhama Israel. 7 Apnam mocjam apquilaymomap maa. ¿Co laa colinyemejic quilvanaa eltimjic apnatamcaa? Ningmiyovquic nincoo inquitquic, ayinyema ningilpamejitsomalhca alhta mepqui ningyeycajascaoc. Colapvanquejec colyimjapoc inquitquic. 8 ¿Apne ya lhama israelita, mejingilpasmom alhta napato Dios payjoc tingma Mizpa? — nic nat apquiltomjac.
Apquilyasingvocmec nic nat mepasmom apcaneyquiclha tingma Jabes yoclhilhma Galaad. 9 Am nic nat cotalhcac apvisay enlhit actalhesomalhca vaycajac. 10-11 Apquilapajasquic nic nat doce mil singilpilhtetemo apquilyimnatem, yoyam elsavojoc apquilnapma tingma Jabes, najan sicaa, najan quilvanaa nalavaa. 12 Invitalhquic nic nat natingma Jabes cuatrocientos quilvanaa mepqui anatamcaa, mepqui mocjam alpatjeteycaoc apquilinava. Apnalantac nic nat as quilvanaa almomalhca carpa tingma Silo yoclhilhma canaán. 13 Apquilapajasquic nic nat israelitas, colhic sat altimnasa apquilaymomap apquilinyem siclho mataymong acvinatem Rimón. Meticyovejec sat, elmiyovacpoc sat mataa. 14 Apquiltajaclhec nic nat mocjam apquilaymomap apquilmolhama Benjamín. Apquillhocac nic nat quilvana ayitcoc eltimjic aptava. Tingma Jabes alinyemac nic nat quilvana almomalhca. Am nic nat colhno. Insovjalhquic nic nat quilvana ayitcaoc.
15 Inlingamcoc nic nat apquilvalhoc israelitas melvitay mocjam tribu apquilmolhama Benjamín, mepqui ilhnic nat apmasma Dios Visqui ingac. 16 Apquilpamejitsacpec nic nat apquilayo israelitas: —Insovjoc alhta almasquingvaycmo quilvanaa nipyesicsa apquilmolhama Benjamín. ¿Co laa colinyemejic sat quilvanaa, eltimjic sat apnatamcaa maa? 17 Ongilmeyvoc sat apquilmolhama tribu Benjamín. Ellhamasiclhac sat mocjam apquilaymomap. Ningilanalhcoc sat ongiltimjic tribus Israel. 18 Mongvanquejec ongilmecsic inquitquic, yoyam colyimjapoc nipyesicsa apquilmolhama Benjamín. Ayinyema alhta ningilpamejitsomalhca mepqui ningilyeycajascaoc ongilmeyvoc inquitquic. Etvasacpoc sat aptomja apsilhnanomap apanco. 19 Yitnec nincoo mataa moclhama año fiesta acvanyam napato Dios, payjoc tingma Silo, payjoc Betel nilhqueyja, payjoc actiyapmaclha acnim amay acyascama Betel acvaycmo Siquem, payjoc Lebona nipiyam — nic nat apquiltomjac.
20 Apquilapajasquic nic nat apquilayo israelitas, colhic altimnasa apquilmolhama Benjamín: —Elyas maa tingma Silo, elyilhanmam sat ayimjaclha uva. 21 Eltamilsojo maa. Apquilvitac sat ancoc quilvanaa ayitcaoc alantiyapma tingma altaycam aljalhyincayam. Elyilhacpojo sat elpatjetic quilvana ayitcoc, elyantemiclha apquilaoclha quellhip. 22 Apquilvoctac sat ancoc inyapmayc as quilvanaa najan inquilyalhing, ellhenic sat apquitquic alminyilhamalhca, ontimjic sat ongilatingmojo: —¡Nojingiltanov nasa nincoo! ¡Noeltanov nasa aptomjac apminyilhma apquitca! Quip elaylhojo, noelmiyov nasa quilvana ayitcoc. Ningvitac alhta inyicje quilvanaa ayitcaoc ningilimpocjay Jabes, am eyca colhno. Noelmiyov nasa quellhip, ayinyema jave apquilmescama quellhip, actomja eyca alminyilhamalhca. Melyeycajacsejec sat apquillhanma quellhip ninganeyquiclha alhta — nic nat apquiltomjac.
23 Apquilyispaquic nic nat apquillinga apquilmolhama Benjamín. Apquilyiplovcasquic nic nat apquilanyomap eltimjic. Apminyilhquic nic nat quilvana ayitcoc altaycam moclhama mepqui aptava. Apquilyantamaclhec nic nat apquilinyemayaclha. Apquillanac nic nat tingma apquilvanyam, yoyam elhnam maa.
24 Apquillhinquic nic nat apyovoclhojo, apquiltajaclho apquilinyemayaclha, nipyesicsa apquilmolhama tribu, nipyesicsa apquilmolhama clan.
25 Mepqui ilhnic nat apvisqui nipyesicsa enlhitaoc Israel. Apquillanac nic nat moclhama enlhit apquililtamjoclha eltimjic.
Quilvanaa mepqui anatamcaa almomalhca
1 Apquilpamejitsacpec nic nat israelitas mepqui apquilyeycajascaoc tingma Mizpa. Copvanquejec mataa lhama apmolhama Benjamín colyimjapoc quilvana israelita— nic nat apquiltomjac apquilpamejitsacpo. 2 Natamin apcaneclhec nic nat tingma Betel napato Dios Visqui ingac. Apquilyapcalhquic nic nat acvaycmo alhtaa, apquiltomja apquililmalhnancama: 3 —Dios Visqui ingac ningilvisay Israel. ¿So actomja yi? Apquilmasquingvocmec alhta apyovoclhojo apquilmolhama tribu Benjamín, apquiltomja ningilmolhama — nic nat apquiltomjac.
4 Secaseclha ilhnic nat apnalhaticjac mocjam alhtoo. Apquillanac nic nat altar, elnapoc apnatoscama macmescama Dios acyanmongam melyascalhma. Najan moc asoc macmescama Dios, yoyam colhic ayasicjayquiclho mocjam. 5 Apquiltomjac nic nat apquilanya: —¿Soc lha apquilmolhama melvactama alhta tingma Mizpa, mejingilpasmejec ninganeyquiclha acvanyam? — nic nat apquiltomjac. Yitnec nic nat apquillhanma mepqui apquilyeycajascaoc, ematong sat moclhama melvactama apquilanyomap jingilpasmoc ninganeyquiclha.
6 Avanjec nic nat acmayovsa apquilvalhoc apquilmasquingvoyam apquilmolhama Benjamín. Apquiltomjac nic nat: —Quilhvo nac jay paj mocjam lhama tribu nipyesicsa apquilmolhama Israel. 7 Apnam mocjam apquilaymomap maa. ¿Co laa colinyemejic quilvanaa eltimjic apnatamcaa? Ningmiyovquic nincoo inquitquic, ayinyema ningilpamejitsomalhca alhta mepqui ningyeycajascaoc. Colapvanquejec colyimjapoc inquitquic. 8 ¿Apne ya lhama israelita, mejingilpasmom alhta napato Dios payjoc tingma Mizpa? — nic nat apquiltomjac.
Apquilyasingvocmec nic nat mepasmom apcaneyquiclha tingma Jabes yoclhilhma Galaad. 9 Am nic nat cotalhcac apvisay enlhit actalhesomalhca vaycajac. 10-11 Apquilapajasquic nic nat doce mil singilpilhtetemo apquilyimnatem, yoyam elsavojoc apquilnapma tingma Jabes, najan sicaa, najan quilvanaa nalavaa. 12 Invitalhquic nic nat natingma Jabes cuatrocientos quilvanaa mepqui anatamcaa, mepqui mocjam alpatjeteycaoc apquilinava. Apnalantac nic nat as quilvanaa almomalhca carpa tingma Silo yoclhilhma canaán. 13 Apquilapajasquic nic nat israelitas, colhic sat altimnasa apquilaymomap apquilinyem siclho mataymong acvinatem Rimón. Meticyovejec sat, elmiyovacpoc sat mataa. 14 Apquiltajaclhec nic nat mocjam apquilaymomap apquilmolhama Benjamín. Apquillhocac nic nat quilvana ayitcoc eltimjic aptava. Tingma Jabes alinyemac nic nat quilvana almomalhca. Am nic nat colhno. Insovjalhquic nic nat quilvana ayitcaoc.
15 Inlingamcoc nic nat apquilvalhoc israelitas melvitay mocjam tribu apquilmolhama Benjamín, mepqui ilhnic nat apmasma Dios Visqui ingac. 16 Apquilpamejitsacpec nic nat apquilayo israelitas: —Insovjoc alhta almasquingvaycmo quilvanaa nipyesicsa apquilmolhama Benjamín. ¿Co laa colinyemejic sat quilvanaa, eltimjic sat apnatamcaa maa? 17 Ongilmeyvoc sat apquilmolhama tribu Benjamín. Ellhamasiclhac sat mocjam apquilaymomap. Ningilanalhcoc sat ongiltimjic tribus Israel. 18 Mongvanquejec ongilmecsic inquitquic, yoyam colyimjapoc nipyesicsa apquilmolhama Benjamín. Ayinyema alhta ningilpamejitsomalhca mepqui ningilyeycajascaoc ongilmeyvoc inquitquic. Etvasacpoc sat aptomja apsilhnanomap apanco. 19 Yitnec nincoo mataa moclhama año fiesta acvanyam napato Dios, payjoc tingma Silo, payjoc Betel nilhqueyja, payjoc actiyapmaclha acnim amay acyascama Betel acvaycmo Siquem, payjoc Lebona nipiyam — nic nat apquiltomjac.
20 Apquilapajasquic nic nat apquilayo israelitas, colhic altimnasa apquilmolhama Benjamín: —Elyas maa tingma Silo, elyilhanmam sat ayimjaclha uva. 21 Eltamilsojo maa. Apquilvitac sat ancoc quilvanaa ayitcaoc alantiyapma tingma altaycam aljalhyincayam. Elyilhacpojo sat elpatjetic quilvana ayitcoc, elyantemiclha apquilaoclha quellhip. 22 Apquilvoctac sat ancoc inyapmayc as quilvanaa najan inquilyalhing, ellhenic sat apquitquic alminyilhamalhca, ontimjic sat ongilatingmojo: —¡Nojingiltanov nasa nincoo! ¡Noeltanov nasa aptomjac apminyilhma apquitca! Quip elaylhojo, noelmiyov nasa quilvana ayitcoc. Ningvitac alhta inyicje quilvanaa ayitcaoc ningilimpocjay Jabes, am eyca colhno. Noelmiyov nasa quellhip, ayinyema jave apquilmescama quellhip, actomja eyca alminyilhamalhca. Melyeycajacsejec sat apquillhanma quellhip ninganeyquiclha alhta — nic nat apquiltomjac.
23 Apquilyispaquic nic nat apquillinga apquilmolhama Benjamín. Apquilyiplovcasquic nic nat apquilanyomap eltimjic. Apminyilhquic nic nat quilvana ayitcoc altaycam moclhama mepqui aptava. Apquilyantamaclhec nic nat apquilinyemayaclha. Apquillanac nic nat tingma apquilvanyam, yoyam elhnam maa.
24 Apquillhinquic nic nat apyovoclhojo, apquiltajaclho apquilinyemayaclha, nipyesicsa apquilmolhama tribu, nipyesicsa apquilmolhama clan.
25 Mepqui ilhnic nat apvisqui nipyesicsa enlhitaoc Israel. Apquillanac nic nat moclhama enlhit apquililtamjoclha eltimjic.
