Ningilpasmeyquiclha ayinyema Espíritu Santo
1 Acnec coo singilpilhtetomaclha, malha sicmomalhca ayinyema Visqui ingac. Altamjoc coo yoyam eltamilsacpojo apanco quellhip apquiltomja Dios apquilyacyescama malha Dios apquevoycam. 2 Elyiplovquis sat mataa actemaclha mongilyimtalhnesomalhco inganco najan actemaclha ningasicjayo. Eltamilsojo apquilvalhoc nipyesicsa quellhip. Elasicjacpojo nipyesicsa quellhip. 3 Eltime sat mataa apquilpasmeyquiclha ayinyema Espíritu apanco Dios najan apquilpasmeyquiclha ayinyema actamilaycam apquilvalhoc. 4 Quellhip apquiltomja malha lhama apyovoclhojo najan apvamlha lhama Espíritu apanco Dios apna apquilvalhoc najan acvamlha lhama actemaclha aljalhneycam apquilvalhoc ayinyema Dios aptomja apquevoycam quellhip.
5 Apvamlha lhama aptomja Visqui ingac. Acvamlha lhama ningiltomja mongyasquiyam. Acvamlha lhama singyapascaseycaoc yingmin. 6 Apvamlha lhama aptomja Dios Ingyapam. Ningiltomja Visqui ingac ninlhamoclhojo. Aptomja najan singilasinaycam yoyam ongiltimesam ninlhamoclhojo. Najan apna ingilvalhoc ninlhamoclhojo.
7 Moclhama nincoo ningillhocac ningmovan ayinyema singaycaoc Cristo. 8 Eycaso aclhanma ilhnic nat Dios appayvam actalhesomalhca:
Apmiyaclhec alhta netin. Apnalaclhec alhta enlhitaoc apquilmomap.
Apquilmasquic alhta apquilmopvan ayinyema apcaycaoc Cristo
—nic nat intomjac Dios appayvam.
9 Yitnec nic nat aclhanma: “Apmiyaclhec netin”. Apvaac alhta siclho as nalhpop, congnoc alhta apyasac. 10 Aplhenacpec Cristo, apmiyaclhec alhta najan netin nitnoc anco yoyam etnejic Apvisqui netin najan lhalhma anco. 11 Apquilmasquic alhta apquilmopvan Jesucristo apmolhama. Apquilasinaquic alhta napocja yoyam eltimjic apóstoles apquilapajasomap. Napocja alhta yoyam eltimjic apquillingascama amyaa ayinyema Dios. Napocja alhta yoyam eltimjic soycam amyaa. Napocja alhta yoyam eltimjic apquilimja apmamyi. Napocja alhta yoyam eltimjic apquillhicmoscama. 12 Apquiltamjoc Cristo yoyam eltamjam apquilancam nipyesicsa Jesucristo apmolhama. Yoyam ellhamasiclha Jesucristo apmolhama, malha apquilvanimquiscama Cristo apyovoclhojo. 13 Apquiltamjoc yoyam ontimjic ninpasmeyquiclha ayinyema mongyasquiyam. Apquiltamjoc yoyam ongilyasingvomoc aclhamoclhojo aptemaclha Dios Apquitca. Apquiltamjoc yoyam coyangvomoc mongyasquiyam, malha acvoyam nelha ningváneycaoc. Yoyam ongilinmalhingvoclhac sat aptemaclha Cristo. 14 Quip elaylhojo. Mongvanquejec ontimjic nincoo mongyasquiyam malha sicaa. Mongvanquejec nincoo ongiltimesic mongyasquiyam, malha yingmin alyayajayam acyingam lhcajayam. Mongvanquejec nincoo ongilyejiclhojo aclhamoclhojo actemaclha amyaa yoyam jingilsilhnana. Apquiltamjoc mataa poc enlhit jingilsilhnana. 15 Incaymalhquic nincoo ongilyiplovcasojo actemaclha actomja nasoc anco najan actemaclha ningasicjayo. Incaymalhquic ongilyipitcojo nincoo Cristo, aptomja apquimja apmamyi apmolhama. 16 Apquiltimec mataa apquilpasmeyquiclha Jesucristo apmolhama malha alyiptetaclha apyovoclhojo ayinyema mataa Cristo aptomja apquimja apmamyi. Apquiltamjam mataa moclhama apmolhama ayinyema apquillhoy apquilmopvan ayinyema Cristo. Inyangvocmec melyasquiyam aplhamoclhojo. Malha acváneycaoc intomjac melyasquiyam naysicsa apquilyiplovquiscama actemaclha ningasicjayo.
Nintemaclha alhnancoc ayinyema Cristo
17 Actomjac coo silanya quellhip naysicsa siclhanma apvisay Visqui ingac: Noelvajaniclhojo nasa apquiltemaclha enlhit lhalhma anco apquiltomja apquileyvam apanco. 18 Somcoc mataa alquitamsama apquilvalhoc. Malha yatescamalhma intomjac apquilvalhoc. Am elyasamcoc as enlhitaoc actemaclha acyimnatem ingnenyic ayinyema Dios. Am colmac apquilvalhoc Dios appayvam. 19 Apquilvajanamquic as enlhitaoc actemaclha ayitsepma apnenyaoc. Am elmancangvocmoc mataa naysicsa apquiltamongvayclholhma. 20 Apquilyasingvocmec quellhip moc actemaclha ayinyema Cristo. 21 Apquillingac alhta quellhip appayvam Cristo. Apquilyasingvocmec alhta actemaclha singillhicmoscama: Jesús aptomja nasoc anco. 22 Elvatsaoc sat quellhip apquiltemaclha nano, ayinyemaclha elnatovasacpoc sat apanco ayinyema ayitsepma apnenyaoc. 23 Elyanmonquis sat moc apquilvalhoc. 24 Elyiplovquis actemaclha alhnancoc ayinyema apmayjayoclha Dios. , Yoyam cotalhcac apquiltemaclha alhnancoc actomja nasoc anco najan actomja acpeyvomo najan actomja actamila.
25 Elvatsaoc sat apquilmopvan amyaa. Eltime sat mataa nasoc anco apquilpayvam apquilpamejitquiscama poc. Ayinyemaclha ninlhamoclhojo ningiltomja Jesucristo apmolhama.
26 Inlovquic sat ancoc apquilvalhoc, noelsilhnanap nasa. Noelojo nasa covancac apquillom, elasicjiclhojo sat mocjam. 27 Noelyejiclhojo nasa somquic quilyicjamo.
28 Apminyilhquic alhta lhip, ilvates sat apminyilhma. Incaymalhquic etnajam, yoyam coymalhquejec lhama asoc. Yoyam ingyimlimojoc sat lhip poc aptomja ayaymomalhca asoc.
29 Noelpametam nasa acmasom apquilpayvam. Elpametam mataa actamila apquilpayvam yoyam comoc apquilvalhoc apquiltomja apquillingay. 30 Noelyitnocjas nasa apvalhoc Espíritu Santo apquinyema Dios. Ayinyemaclha acyitna quellhip apquilcajascama Espíritu apanco Dios, apquiltomja apquitquic. Yoyam elvomsacpoc sat tap actamongvomlha nelha acnim.
31 Elvatsaoc sat actemaclha apquiltanovaycam najan apquiltemaclha apancaoc najan actemaclha apquillom najan actemaclha apquilatingmoctamo najan actemaclha alnatjesaycam najan aclhamoclhojo actemaclha acmasom. 32 Elasicjacpojo nipyesicsa quellhip najan elimlimojo sat mataa. Elasicjiclhojo sat mocjam poc, apno Dios singasicjayclho nincoo lha ayinyema Cristo.
Ningilpasmeyquiclha ayinyema Espíritu Santo
1 Acnec coo singilpilhtetomaclha, malha sicmomalhca ayinyema Visqui ingac. Altamjoc coo yoyam eltamilsacpojo apanco quellhip apquiltomja Dios apquilyacyescama malha Dios apquevoycam. 2 Elyiplovquis sat mataa actemaclha mongilyimtalhnesomalhco inganco najan actemaclha ningasicjayo. Eltamilsojo apquilvalhoc nipyesicsa quellhip. Elasicjacpojo nipyesicsa quellhip. 3 Eltime sat mataa apquilpasmeyquiclha ayinyema Espíritu apanco Dios najan apquilpasmeyquiclha ayinyema actamilaycam apquilvalhoc. 4 Quellhip apquiltomja malha lhama apyovoclhojo najan apvamlha lhama Espíritu apanco Dios apna apquilvalhoc najan acvamlha lhama actemaclha aljalhneycam apquilvalhoc ayinyema Dios aptomja apquevoycam quellhip.
5 Apvamlha lhama aptomja Visqui ingac. Acvamlha lhama ningiltomja mongyasquiyam. Acvamlha lhama singyapascaseycaoc yingmin. 6 Apvamlha lhama aptomja Dios Ingyapam. Ningiltomja Visqui ingac ninlhamoclhojo. Aptomja najan singilasinaycam yoyam ongiltimesam ninlhamoclhojo. Najan apna ingilvalhoc ninlhamoclhojo.
7 Moclhama nincoo ningillhocac ningmovan ayinyema singaycaoc Cristo. 8 Eycaso aclhanma ilhnic nat Dios appayvam actalhesomalhca:
Apmiyaclhec alhta netin. Apnalaclhec alhta enlhitaoc apquilmomap.
Apquilmasquic alhta apquilmopvan ayinyema apcaycaoc Cristo
—nic nat intomjac Dios appayvam.
9 Yitnec nic nat aclhanma: “Apmiyaclhec netin”. Apvaac alhta siclho as nalhpop, congnoc alhta apyasac. 10 Aplhenacpec Cristo, apmiyaclhec alhta najan netin nitnoc anco yoyam etnejic Apvisqui netin najan lhalhma anco. 11 Apquilmasquic alhta apquilmopvan Jesucristo apmolhama. Apquilasinaquic alhta napocja yoyam eltimjic apóstoles apquilapajasomap. Napocja alhta yoyam eltimjic apquillingascama amyaa ayinyema Dios. Napocja alhta yoyam eltimjic soycam amyaa. Napocja alhta yoyam eltimjic apquilimja apmamyi. Napocja alhta yoyam eltimjic apquillhicmoscama. 12 Apquiltamjoc Cristo yoyam eltamjam apquilancam nipyesicsa Jesucristo apmolhama. Yoyam ellhamasiclha Jesucristo apmolhama, malha apquilvanimquiscama Cristo apyovoclhojo. 13 Apquiltamjoc yoyam ontimjic ninpasmeyquiclha ayinyema mongyasquiyam. Apquiltamjoc yoyam ongilyasingvomoc aclhamoclhojo aptemaclha Dios Apquitca. Apquiltamjoc yoyam coyangvomoc mongyasquiyam, malha acvoyam nelha ningváneycaoc. Yoyam ongilinmalhingvoclhac sat aptemaclha Cristo. 14 Quip elaylhojo. Mongvanquejec ontimjic nincoo mongyasquiyam malha sicaa. Mongvanquejec nincoo ongiltimesic mongyasquiyam, malha yingmin alyayajayam acyingam lhcajayam. Mongvanquejec nincoo ongilyejiclhojo aclhamoclhojo actemaclha amyaa yoyam jingilsilhnana. Apquiltamjoc mataa poc enlhit jingilsilhnana. 15 Incaymalhquic nincoo ongilyiplovcasojo actemaclha actomja nasoc anco najan actemaclha ningasicjayo. Incaymalhquic ongilyipitcojo nincoo Cristo, aptomja apquimja apmamyi apmolhama. 16 Apquiltimec mataa apquilpasmeyquiclha Jesucristo apmolhama malha alyiptetaclha apyovoclhojo ayinyema mataa Cristo aptomja apquimja apmamyi. Apquiltamjam mataa moclhama apmolhama ayinyema apquillhoy apquilmopvan ayinyema Cristo. Inyangvocmec melyasquiyam aplhamoclhojo. Malha acváneycaoc intomjac melyasquiyam naysicsa apquilyiplovquiscama actemaclha ningasicjayo.
Nintemaclha alhnancoc ayinyema Cristo
17 Actomjac coo silanya quellhip naysicsa siclhanma apvisay Visqui ingac: Noelvajaniclhojo nasa apquiltemaclha enlhit lhalhma anco apquiltomja apquileyvam apanco. 18 Somcoc mataa alquitamsama apquilvalhoc. Malha yatescamalhma intomjac apquilvalhoc. Am elyasamcoc as enlhitaoc actemaclha acyimnatem ingnenyic ayinyema Dios. Am colmac apquilvalhoc Dios appayvam. 19 Apquilvajanamquic as enlhitaoc actemaclha ayitsepma apnenyaoc. Am elmancangvocmoc mataa naysicsa apquiltamongvayclholhma. 20 Apquilyasingvocmec quellhip moc actemaclha ayinyema Cristo. 21 Apquillingac alhta quellhip appayvam Cristo. Apquilyasingvocmec alhta actemaclha singillhicmoscama: Jesús aptomja nasoc anco. 22 Elvatsaoc sat quellhip apquiltemaclha nano, ayinyemaclha elnatovasacpoc sat apanco ayinyema ayitsepma apnenyaoc. 23 Elyanmonquis sat moc apquilvalhoc. 24 Elyiplovquis actemaclha alhnancoc ayinyema apmayjayoclha Dios. , Yoyam cotalhcac apquiltemaclha alhnancoc actomja nasoc anco najan actomja acpeyvomo najan actomja actamila.
25 Elvatsaoc sat apquilmopvan amyaa. Eltime sat mataa nasoc anco apquilpayvam apquilpamejitquiscama poc. Ayinyemaclha ninlhamoclhojo ningiltomja Jesucristo apmolhama.
26 Inlovquic sat ancoc apquilvalhoc, noelsilhnanap nasa. Noelojo nasa covancac apquillom, elasicjiclhojo sat mocjam. 27 Noelyejiclhojo nasa somquic quilyicjamo.
28 Apminyilhquic alhta lhip, ilvates sat apminyilhma. Incaymalhquic etnajam, yoyam coymalhquejec lhama asoc. Yoyam ingyimlimojoc sat lhip poc aptomja ayaymomalhca asoc.
29 Noelpametam nasa acmasom apquilpayvam. Elpametam mataa actamila apquilpayvam yoyam comoc apquilvalhoc apquiltomja apquillingay. 30 Noelyitnocjas nasa apvalhoc Espíritu Santo apquinyema Dios. Ayinyemaclha acyitna quellhip apquilcajascama Espíritu apanco Dios, apquiltomja apquitquic. Yoyam elvomsacpoc sat tap actamongvomlha nelha acnim.
31 Elvatsaoc sat actemaclha apquiltanovaycam najan apquiltemaclha apancaoc najan actemaclha apquillom najan actemaclha apquilatingmoctamo najan actemaclha alnatjesaycam najan aclhamoclhojo actemaclha acmasom. 32 Elasicjacpojo nipyesicsa quellhip najan elimlimojo sat mataa. Elasicjiclhojo sat mocjam poc, apno Dios singasicjayclho nincoo lha ayinyema Cristo.
