1 ¡Incaymalhquic coljalhyovasalhcac sat atnaoc payjoc Líbano, cosavojoc sat talha ayimjaclha yamit cedro!
2 Incaymalhquic covenic yamit pino yamit nitno, ayinyema acyanina yamit cedro, ayinyema acnatovasomalhca yamit altamila anco. Incaymalhquic covenic yamit encina co Basán, ayinyema yatepiyam aptovascama yamtaa nalhma.
3 Incaymalhquic elyapcalhic apquilancam nipquesic, ayinyema actovasomalhca ayimjaclha paat. Inlingalhquic acpáyvam yamacmeyva, ayinyema actovasomalhca acyilhanmomaclha nalhma payjoc vatsam Jordán — nic nat aptomjac profeta.
Apquilancam nipquesic
4 Aptomjac alhta seyanya Dios Visqui ingac: Itamilquis sat sicnatoscama apquilyacyesomap eticyoc. 5 Apquilajac mataa enlhit apquilmam, mepqui acyitnocjay apquilvalhoc. Apquiltomjac mataa apquilhacjam apnatoscama: ¡Gracias Visqui ingac, selinyejemo coo! — apquiltomjac mataa. Mepqui acyitnocjay apquilvalhoc apquilancam nipquesic. 6 Olhnasojoc sat coo lha, mongvasicjaclhejec sat enlhitaoc as yoclhilhma. Ongvanic sat, yoyam elmacpoc nipyesicsa apnaymacoc najan apvisqui apancaoc. Elnatovacsic sat yoclhilhma lhalhma anco, momyovejec sat lhama nipyesicsa maa. Nasoc coo sicpayvam sicvisay Visqui sicyimtalhnamo — alhta aptomjac.
7 Alyajaclhoc alhta siyanyomalhca oltamilsic nipquesic apquilyacyesomap yoyam eticyoc. Actingyac alhta anit yamit apqueleneycam: Altimec alhta acvisay yamit Ingmoc, najan moc acvisay yamit Nimpasmeyquiclha. 8 Alapajasquic alhta apnatqui apquilancam apquilmapsomcaa, apquiltomja selinmelhaycam najan seltanoncama. Lhama piltin alhta aptomjac.
9 Actomjac alhta siyanya sicnatoscama nipquesic: ¡Alvatasquic coo silancam quellhip! ¡Apquitsepquic sat ancoc lhama, itne pac lha! ¡Apmatnec sat ancoc lhama itne pac lha! Eltovcacpoc sat nipyesicsa maa nipyesicsa apquilaymomap — alhta actomjac coo.
10 Ayintasquic alhta yamit acvisay Ingmoc, comascoc actemaclha pacto ningmiyovmalhca ayinyema Dios nipyesicsa enlhitaoc lhalhma anco. 11 Inmasquec alhta pacto ningmiyovmalhca as acnim. Apquilyasingvocmec alhta enlhit apquilyanmongsomap selaneyo coo sictomjaclha, ayinyema Dios apyascasingvoyam. 12 Actomjac mocjam silanya: Jelmesaoc sat acyanmongam. Apquilmiyovquic sat ancoc acyanmongam, tasic najan elmeyvoc. Aclhocac alhta treinta solyayem plata.
13 Aptomjac alhta seyanya Visqui ingac: Ilhca sat lhip as solyayem, ipquin sat avalhoc acyitnamaclha solyayem tingma apponquinomap — alhta aptomjac. Acmec alhta treinta solyayem plata sicpiquena avalhoc acyitnamaclha solyayem tingma apponquinomap. 14 Ayintasquic alhta moc yamit apquileneycam, acvisay yamit Nimpasmeyquiclha. Inmasquec alhta apquilpasmeyquiclha co Judá najan co Israel. 15 Aptomjac alhta Visqui ingac seyanya: Itniclha sat lhip quilancam apmapsom. 16 Otnimsic sat nipyesicsa enlhitaoc lhama apquilancam apmapsom, mepqui aptamilquiscama apnatoscama, mepqui apquitamsama aplhinganyam, mepqui aptingyasquiscama aptoycaoc apnatoscama, aptomja apcajem mataa apnamilay yoyam etoc apjapitic najan maa apopjeoc. 17 ¡Enlhit layi aptomja apyamasma apnatoscama mepqui aptamilquiscama! ¡Coyimsasic sat sovo acvinatem apectong najan apatic derecho! Etniclhac sat appinsem najan apyavec as apquilancam — alhta aptomjac — nic nat aptomjac profeta.
1 ¡Incaymalhquic coljalhyovasalhcac sat atnaoc payjoc Líbano, cosavojoc sat talha ayimjaclha yamit cedro!
2 Incaymalhquic covenic yamit pino yamit nitno, ayinyema acyanina yamit cedro, ayinyema acnatovasomalhca yamit altamila anco. Incaymalhquic covenic yamit encina co Basán, ayinyema yatepiyam aptovascama yamtaa nalhma.
3 Incaymalhquic elyapcalhic apquilancam nipquesic, ayinyema actovasomalhca ayimjaclha paat. Inlingalhquic acpáyvam yamacmeyva, ayinyema actovasomalhca acyilhanmomaclha nalhma payjoc vatsam Jordán — nic nat aptomjac profeta.
Apquilancam nipquesic
4 Aptomjac alhta seyanya Dios Visqui ingac: Itamilquis sat sicnatoscama apquilyacyesomap eticyoc. 5 Apquilajac mataa enlhit apquilmam, mepqui acyitnocjay apquilvalhoc. Apquiltomjac mataa apquilhacjam apnatoscama: ¡Gracias Visqui ingac, selinyejemo coo! — apquiltomjac mataa. Mepqui acyitnocjay apquilvalhoc apquilancam nipquesic. 6 Olhnasojoc sat coo lha, mongvasicjaclhejec sat enlhitaoc as yoclhilhma. Ongvanic sat, yoyam elmacpoc nipyesicsa apnaymacoc najan apvisqui apancaoc. Elnatovacsic sat yoclhilhma lhalhma anco, momyovejec sat lhama nipyesicsa maa. Nasoc coo sicpayvam sicvisay Visqui sicyimtalhnamo — alhta aptomjac.
7 Alyajaclhoc alhta siyanyomalhca oltamilsic nipquesic apquilyacyesomap yoyam eticyoc. Actingyac alhta anit yamit apqueleneycam: Altimec alhta acvisay yamit Ingmoc, najan moc acvisay yamit Nimpasmeyquiclha. 8 Alapajasquic alhta apnatqui apquilancam apquilmapsomcaa, apquiltomja selinmelhaycam najan seltanoncama. Lhama piltin alhta aptomjac.
9 Actomjac alhta siyanya sicnatoscama nipquesic: ¡Alvatasquic coo silancam quellhip! ¡Apquitsepquic sat ancoc lhama, itne pac lha! ¡Apmatnec sat ancoc lhama itne pac lha! Eltovcacpoc sat nipyesicsa maa nipyesicsa apquilaymomap — alhta actomjac coo.
10 Ayintasquic alhta yamit acvisay Ingmoc, comascoc actemaclha pacto ningmiyovmalhca ayinyema Dios nipyesicsa enlhitaoc lhalhma anco. 11 Inmasquec alhta pacto ningmiyovmalhca as acnim. Apquilyasingvocmec alhta enlhit apquilyanmongsomap selaneyo coo sictomjaclha, ayinyema Dios apyascasingvoyam. 12 Actomjac mocjam silanya: Jelmesaoc sat acyanmongam. Apquilmiyovquic sat ancoc acyanmongam, tasic najan elmeyvoc. Aclhocac alhta treinta solyayem plata.
13 Aptomjac alhta seyanya Visqui ingac: Ilhca sat lhip as solyayem, ipquin sat avalhoc acyitnamaclha solyayem tingma apponquinomap — alhta aptomjac. Acmec alhta treinta solyayem plata sicpiquena avalhoc acyitnamaclha solyayem tingma apponquinomap. 14 Ayintasquic alhta moc yamit apquileneycam, acvisay yamit Nimpasmeyquiclha. Inmasquec alhta apquilpasmeyquiclha co Judá najan co Israel. 15 Aptomjac alhta Visqui ingac seyanya: Itniclha sat lhip quilancam apmapsom. 16 Otnimsic sat nipyesicsa enlhitaoc lhama apquilancam apmapsom, mepqui aptamilquiscama apnatoscama, mepqui apquitamsama aplhinganyam, mepqui aptingyasquiscama aptoycaoc apnatoscama, aptomja apcajem mataa apnamilay yoyam etoc apjapitic najan maa apopjeoc. 17 ¡Enlhit layi aptomja apyamasma apnatoscama mepqui aptamilquiscama! ¡Coyimsasic sat sovo acvinatem apectong najan apatic derecho! Etniclhac sat appinsem najan apyavec as apquilancam — alhta aptomjac — nic nat aptomjac profeta.
