Enlhit:
1 ¡Sas anco lhiya sicponcanma siyasicjayo, sas anco lhiya! Ataoc lhiya alyitsomalhca apcanit valhaay. Ataoc acnaycaoc apcatic ayalomalhca. Ava lhiya acyitsomalhca yataay apquilpasyam, apquilvayventama ayitsicsic inquilhe Galaad.
2 Altamila anco lhiya amaoc, alyitsomalhca nipquesic malyapasquiscama yingmin, colhic sat alyimsesa (acyimsesa) apva.
3 ¡Actamila atong lhiya, malha escarlata acyilhvasem, sas anco acpayvam lhiya! Acmalhimpancoc lhiya alyitsomalhca acyilhna granada, tap ayalomalhca apcatic.
4 Ayispoc lhiya acyitsomalhca tingma nitno, apquillanay nic nat David. Acnaycaoc maa mil apquilmaycam apquilajapsomap soldados apquilyimnatem.
5 Neme ac lhiya apquilyitsomacpo apcanit popyit apquitcavoc appaliyam. Apquiltingyey aptom ayimjaclha ilhnamoc rosa.
6 Inquitsacac sat ancoc, alvoncapaycaoc pisquisca, omyaclhac sat acnaclha lhiya, payjoc inquilhe mirra najan inquilhe incienso asoc acmasis.
7 ¡Actamila anco lhiya sicponcanma siyasicjayo, apcatic lhiya acvaycmo amancoc! ¡Mepqui lhiya acmasom ayimpejic, paj!
8 ¡Lhiya sicponcanma, noc! Ongyinyoc sat ayitsicsic inquilhe Líbano. Coyinyov sat ayitsicsic inquilhe Amana, najan ayitsicsic inquilhe Senir najan Hermón. Coyinyov sat acyilhanmomaclha yamacmeyva, najan inquilhe apquilyancaclha niptana.
9 Lhiya eyalhing, lhiya sicponcanma, lhiya actomja acminyilhma evalhoc coo, ayinyema selaneyo lhiya, ayinyema alnatanma lhiya ayispoc.
10 Lhiya eyalhing, lhiya sicponcanma, lhiya actomja seyasicjayo. Sas anco, am colhno uva ayingmenic actemaclha seyasicjayo lhiya. Sij anco, asoc acmasis seticjanquiscama, am colhno moc asoc acmasis lhalhma anco.
11 Lhiya sicponcanma, malha yamyovjene actomja atong lhiya. ¡Malha yamyovjene najan leche avalhoc lhiya coning alhcoc! ¡Malha acpaniyam ayinyema Líbano, actomja acpaniyam ayinyema apava alantalhnama lhiya!
12 Lhiya eyalhing, sicponcanma coo, lhiya acyitsomalhca ayimjaclha ninganma najan actiyapmaclha yingmin, apmasma inyicje avtip.
13 Acvisay amyip ayimjaclha yamit granados najan moc acyilhna acmasis, najan ayimjaclha ilhnamoc aljeña nardo.
14 ¡Ayimjaclha nardos najan azafrán, najan caña acmasis najan canela, najan moc yamit acpaniyam acmasis, najan yamit mirra, najan áloe, altamila anco asoc acmasis acpaniyam!
15 Actiyapmaclha yingmin ayinyema inquilhe Líbano, ningvita as amyip.
16 Actomja coo siyanya alhcajayam: ¡colhaticja! Actomja siyanya piyam: ¡Ilhing jilip! ¡Colilhcajacmoc sat amyip ayimjaclha ninganma acpaniyam!
Quilvana:
Imyama jilip lhip sicponcanma, italhningvota ayimjaclha ninganma. Itov sat aclhamoclhojo acyilhna altamila.
Enlhit:
1 ¡Sas anco lhiya sicponcanma siyasicjayo, sas anco lhiya! Ataoc lhiya alyitsomalhca apcanit valhaay. Ataoc acnaycaoc apcatic ayalomalhca. Ava lhiya acyitsomalhca yataay apquilpasyam, apquilvayventama ayitsicsic inquilhe Galaad.
2 Altamila anco lhiya amaoc, alyitsomalhca nipquesic malyapasquiscama yingmin, colhic sat alyimsesa (acyimsesa) apva.
3 ¡Actamila atong lhiya, malha escarlata acyilhvasem, sas anco acpayvam lhiya! Acmalhimpancoc lhiya alyitsomalhca acyilhna granada, tap ayalomalhca apcatic.
4 Ayispoc lhiya acyitsomalhca tingma nitno, apquillanay nic nat David. Acnaycaoc maa mil apquilmaycam apquilajapsomap soldados apquilyimnatem.
5 Neme ac lhiya apquilyitsomacpo apcanit popyit apquitcavoc appaliyam. Apquiltingyey aptom ayimjaclha ilhnamoc rosa.
6 Inquitsacac sat ancoc, alvoncapaycaoc pisquisca, omyaclhac sat acnaclha lhiya, payjoc inquilhe mirra najan inquilhe incienso asoc acmasis.
7 ¡Actamila anco lhiya sicponcanma siyasicjayo, apcatic lhiya acvaycmo amancoc! ¡Mepqui lhiya acmasom ayimpejic, paj!
8 ¡Lhiya sicponcanma, noc! Ongyinyoc sat ayitsicsic inquilhe Líbano. Coyinyov sat ayitsicsic inquilhe Amana, najan ayitsicsic inquilhe Senir najan Hermón. Coyinyov sat acyilhanmomaclha yamacmeyva, najan inquilhe apquilyancaclha niptana.
9 Lhiya eyalhing, lhiya sicponcanma, lhiya actomja acminyilhma evalhoc coo, ayinyema selaneyo lhiya, ayinyema alnatanma lhiya ayispoc.
10 Lhiya eyalhing, lhiya sicponcanma, lhiya actomja seyasicjayo. Sas anco, am colhno uva ayingmenic actemaclha seyasicjayo lhiya. Sij anco, asoc acmasis seticjanquiscama, am colhno moc asoc acmasis lhalhma anco.
11 Lhiya sicponcanma, malha yamyovjene actomja atong lhiya. ¡Malha yamyovjene najan leche avalhoc lhiya coning alhcoc! ¡Malha acpaniyam ayinyema Líbano, actomja acpaniyam ayinyema apava alantalhnama lhiya!
12 Lhiya eyalhing, sicponcanma coo, lhiya acyitsomalhca ayimjaclha ninganma najan actiyapmaclha yingmin, apmasma inyicje avtip.
13 Acvisay amyip ayimjaclha yamit granados najan moc acyilhna acmasis, najan ayimjaclha ilhnamoc aljeña nardo.
14 ¡Ayimjaclha nardos najan azafrán, najan caña acmasis najan canela, najan moc yamit acpaniyam acmasis, najan yamit mirra, najan áloe, altamila anco asoc acmasis acpaniyam!
15 Actiyapmaclha yingmin ayinyema inquilhe Líbano, ningvita as amyip.
16 Actomja coo siyanya alhcajayam: ¡colhaticja! Actomja siyanya piyam: ¡Ilhing jilip! ¡Colilhcajacmoc sat amyip ayimjaclha ninganma acpaniyam!
Quilvana:
Imyama jilip lhip sicponcanma, italhningvota ayimjaclha ninganma. Itov sat aclhamoclhojo acyilhna altamila.
