1 Actamila anco ningminaycmascama ayinyema Salomón.
Primer canto
Quilvana:
2 ¡Jepitsis ejatong lhip! Atsic anco aptemaclha lhip seyasicjayo, am colhno uva ayingmenic.
3 Atsic anco setijanquisa asoc acmasis acpaniyam. Lhip apvisay acyitsomalhca asoc acmasis acyanquinomalhca. ¡Apcasicjamap nac lhip naysicsa quilvanaa!
4 ¡Jeyantemiclha sat lhip, ipecjicsojo! ¡Lhip Visqui, jeyantemiclha payjoc lhip aplhanaoc!
Coro:
Payjeclhec mataa ingilvalhoc, apna inlhojo lhip ningyesicsa. Actamila anco singasicjayo lhip, am colhno ningyisponcama uva ayingmenic. ¡Nasoc anco apcasicjamap lhip naysicsa quilvanaa!
Quilvana:
5 Quellhiya co Jerusalén, actamila anco eyimpejic, yamacpasyam eyimpejic coo. Acno apquilpaclhanma yamacpasyam co Cedar, najan cortinas apava apanco Salomón.
6 Nojelvenam nasa coo sictomja yamacpasyam, ayinyema acnim acpaysimquiscama eyimpejic. Elapajasquic alhta elyipmaa naysicsa apquillom, yoyam otamilsic amyip apancaoc ayimjaclha uva. ¡Am alhta otamilcasac amyip ajanco ayimjaclha uva!
7 ¡Lhip siyasicjayo, jeltimnas sat acpayjoclha aptamilquiscama lhip apnatoscama! ¡Jeltimnas sat acpayjoclha apquilyinatamaclha ingyitsicso acnim! Osovjam sat lhip, oticlhac sat lhaja naysicsa sictiyascam ajanco. Oticlhac sat lhaja nipyesicsa apnaymacoc apquiltamilquiscama apnatoscama.
Coro:
8 Lhiya actomja actamila anco, am colhno moc anaymacoc. Am sat ancoc coyasamcoc lhiya, coyiplaclha sat amay apancaoc apnatoscama. Conalanta sat lhiya yataay apquitcoc payjoc jamilh apancaoc apquiltamilquiscama apnatoscama.
Enlhit:
9 Actamila anco lhiya, sicyitquiscama nolhing apquilvana apyinyovascama carro pac apvisqui faraón.
10 ¡Sas anco amalhimpancoc lhiya naysicsa alnatanma lhiya! ¡Sas anco ayispoc lhiya acma lamom alyinmom!
11 Colhcac sat lhiya altamila anco lamom, allanomalhca plata, najan oro alyinmom.
Quilvana:
12 Actamila anco acpaniyam asoc acmasis nardo ayingmenic ajanco. Naysicsa apnayclha nicja mesa pac visqui ingac.
13 Inlhenquic evalhoc sicponcanma, sicyitquisa asoc acmasis mirra, acpaniyam naysicsa neme ajancaoc.
14 Inlhenquic evalhoc sicponcanma, sicyitquisa ilhnamoc aljeña, alimja amyip uva avjac payjoc En-gadi.
Enlhit:
15 ¡Sas anco lhiya sicponcanma, sas anco! ¡Sicyitquiscama ataoc malha valhaay!
Quilvana:
16 ¡Aptamila apanco lhip sicponcanma, sas apanco lhip!
Enlhit:
¡Paat alyimseleycaoc ningyitnamaclha nincoo!
17 Yamit cedro altomja vigas yamit alvinatem tingma ingac. Najan yamit cipreses nimpaclhanma tecjinlhit.
1 Actamila anco ningminaycmascama ayinyema Salomón.
Primer canto
Quilvana:
2 ¡Jepitsis ejatong lhip! Atsic anco aptemaclha lhip seyasicjayo, am colhno uva ayingmenic.
3 Atsic anco setijanquisa asoc acmasis acpaniyam. Lhip apvisay acyitsomalhca asoc acmasis acyanquinomalhca. ¡Apcasicjamap nac lhip naysicsa quilvanaa!
4 ¡Jeyantemiclha sat lhip, ipecjicsojo! ¡Lhip Visqui, jeyantemiclha payjoc lhip aplhanaoc!
Coro:
Payjeclhec mataa ingilvalhoc, apna inlhojo lhip ningyesicsa. Actamila anco singasicjayo lhip, am colhno ningyisponcama uva ayingmenic. ¡Nasoc anco apcasicjamap lhip naysicsa quilvanaa!
Quilvana:
5 Quellhiya co Jerusalén, actamila anco eyimpejic, yamacpasyam eyimpejic coo. Acno apquilpaclhanma yamacpasyam co Cedar, najan cortinas apava apanco Salomón.
6 Nojelvenam nasa coo sictomja yamacpasyam, ayinyema acnim acpaysimquiscama eyimpejic. Elapajasquic alhta elyipmaa naysicsa apquillom, yoyam otamilsic amyip apancaoc ayimjaclha uva. ¡Am alhta otamilcasac amyip ajanco ayimjaclha uva!
7 ¡Lhip siyasicjayo, jeltimnas sat acpayjoclha aptamilquiscama lhip apnatoscama! ¡Jeltimnas sat acpayjoclha apquilyinatamaclha ingyitsicso acnim! Osovjam sat lhip, oticlhac sat lhaja naysicsa sictiyascam ajanco. Oticlhac sat lhaja nipyesicsa apnaymacoc apquiltamilquiscama apnatoscama.
Coro:
8 Lhiya actomja actamila anco, am colhno moc anaymacoc. Am sat ancoc coyasamcoc lhiya, coyiplaclha sat amay apancaoc apnatoscama. Conalanta sat lhiya yataay apquitcoc payjoc jamilh apancaoc apquiltamilquiscama apnatoscama.
Enlhit:
9 Actamila anco lhiya, sicyitquiscama nolhing apquilvana apyinyovascama carro pac apvisqui faraón.
10 ¡Sas anco amalhimpancoc lhiya naysicsa alnatanma lhiya! ¡Sas anco ayispoc lhiya acma lamom alyinmom!
11 Colhcac sat lhiya altamila anco lamom, allanomalhca plata, najan oro alyinmom.
Quilvana:
12 Actamila anco acpaniyam asoc acmasis nardo ayingmenic ajanco. Naysicsa apnayclha nicja mesa pac visqui ingac.
13 Inlhenquic evalhoc sicponcanma, sicyitquisa asoc acmasis mirra, acpaniyam naysicsa neme ajancaoc.
14 Inlhenquic evalhoc sicponcanma, sicyitquisa ilhnamoc aljeña, alimja amyip uva avjac payjoc En-gadi.
Enlhit:
15 ¡Sas anco lhiya sicponcanma, sas anco! ¡Sicyitquiscama ataoc malha valhaay!
Quilvana:
16 ¡Aptamila apanco lhip sicponcanma, sas apanco lhip!
Enlhit:
¡Paat alyimseleycaoc ningyitnamaclha nincoo!
17 Yamit cedro altomja vigas yamit alvinatem tingma ingac. Najan yamit cipreses nimpaclhanma tecjinlhit.
