Siete malyipitquiscama vaycajac
1 Acvitac alhta mocjam. Apliquic alhta Nipquesic Apquitcoc lhama macyipitquiscama vaycajac. Intomjac alhta lhama asoc acyanca maa acyimnatesa acpayvam. Malha ayilhtingyovayam alhta intomjac:
—Ilhing jalip —alhta intomjac acpayvam.
2 Yejemoc alhta sicvita lhama nolhing apmopoy. Pilhpaalh alhta apsoycam aptomja apma apcapoc. Apmesacpec alhta lhama appocanma actamila acyanmongam apyimnatem apanco apquilnapomap, am elhnoc poc. Aplhinquic alhta mocjam yoyam etnejic mocjam apyimnatem apanco, am elhnoc poc.
3 Lhama alhta aplica Nipquesic Apquitcoc moc macyipitquiscama vaycajac. Intomjac alhta moc asoc acyanca maa ayimnatesa acpayvam:
—Ilhing jalip —alhta intomjac acpayvam.
4 Yejemoc alhta sicvita aptiyapvaa lhama nolhing apyilhvasem. Apmesacpec alhta apmopvan aptomja apma apcapoc. Apcanyacpec alhta epayecsic amyaa yoyam elnapacpoc sat aplhamoclhojo enlhitaoc lhalhma anco. Apmesacpec alhta sovo acvinatem acyiviy. 5 Lhama alhta aplica Nipquesic Apquitcoc moc macyipitquiscama vaycajac, natqui alhta intomjac. Intomjac alhta moc asoc acyanca maa acyimnatesa acpayvam:
—Ilhing jalip —alhta intomjac acpayvam.
Yejemoc alhta sicvita lhama nolhing appasyam. Apsovquic alhta ningiljanma aptomja apma apcapoc. 6 Yejemoc alhta siclinga lhama acpayvam acyimnatem ayinyema cuatro asoc alyanca maa. Intomjac alhta:
—Lhama ningyacvom motajap apactic acyanmongam lhama solyayem. Najan natqui ningyacvom cebada actic acyanmongam lhama solyayem. Notvas nasa mocva apyingmenic najan uva yingmenic —alhta intomjac acpayvam.
7 Lhama alhta aplica Nipquesic Apquitcoc moc macyipitquiscama vaycajac, cuatro alhta intomjac. Intomjac alhta moc asoc acyanca maa acyimnatesa acpayvam:
—Ilhing jalip —alhta intomjac acpayvam.
8 Yejemoc alhta sicvita lhama nolhing apyatictama. Ningitsepma alhta apvisay aptomja apma apcapoc. Acyiploycam alhta alyascamaclha ingjangaoc. Apmesacpec alhta apmopvan yoyam elnapoc aplhamoc enlhitaoc, malha cuarta parte enlhitaoc apquileyvam lhalhma anco. Coticyoc sat najan aclhamoclhojo asoc aleyvam as nalhpop. Sovo acvinatem sat colnapoc najan mayc ataoc najan ningmasquem ataoc najan asoc navjac aclom sat colnapoc.
9 Lhama alhta aplica Nipquesic Apquitcoc moc macyipitquiscama vaycajac, cinco alhta intomjac. Yejemoc alhta sicvita coning nintajanquiscama asoc macmescama Dios. Innam maa aclhamoclhojo apquiljangaoc apticyovam alhta. Apticyovquic alhta acyanmongam apquillingascama Dios appayvam najan acyanmongam apquilinlhanyacmo apquilyiplovquiscama. 10 Intomjac alhta alyimnatesa alpayvam apquiljangaoc:
—Lhip Visqui aptamila apanco najan aptomja nasoc anco. ¿Jalhco sat acvam eyanmongsiclha lhip apquiltemaclha enlhitaoc apquileyvam nalhpop singilnapma alhta nincoo? —alhta inquiltomjac.
11 Inquilmesalhquic alhta apquiljangaoc alantalhnama apquilmopoy. Inquilanyalhquic alhta apquiljangaoc colhnam mocjam acyavataclhojo. Incaymalhquic esovjacpojo eticyoc apquilyalhinga najan apquiltamjaycamo lhama yoyam colhojoc apticyovam apmamyi alhta.
12 Lhama alhta aplica Nipquesic Apquitcoc moc macyipitquiscama vaycajac, seis alhta intomjac. Yejemoc alhta acyovjamcaa lhop. Inpaysacmec alhta acnim, malha apava appasyam alhta intomjac. Apyilhvasquic alhta piltin apyovoclhojo, malha ema alhta aptomjac. 13 Appalentac alhta apyova as nalhpop, malha yamit acyilhna lapamcaa acpalsiyam lhcajayam acyimnatem. 14 Malha ninpilhyamcameycaoc vaycajac alhta intomjac netin, invonquipquic alhta. Inquilyinyovquic alhta alimjaclha aclhamoclhojo inquilhe alvinatem najan aclhamoclhojo alyayem inquilhe. 15 Apquilyilhanmec alhta acvoyam congne nicja inquilhe aplhamoclhojo apquilviscaa as nalhpop najan apquilyimtalhnamo najan singilpilhtetemo apquilviscaa najan acma apquilnatam najan apquilmopvancaa najan apquilancam apquilmomap najan enlhitaoc apquileyvam apanco. 16 Apquililpalhamam alhta enlhitaoc apquilpamejitsa inquilhe najan mataymong alvinatem:
—Jingilajap nincoo. Jingilpos sat nincoo napato aptomja apma netin Visqui aptajanem yoyam meyanmongsiclheje nintemaclha nincoo Nipquesic Apquitcoc.
17 Ayinyemaclha invaac acnim apyanmongsayclha nintemaclha nincoo. ¿Soc sat enlhit yoyam emyovacpoc? —alhta apquiltomjac.
Siete malyipitquiscama vaycajac
1 Acvitac alhta mocjam. Apliquic alhta Nipquesic Apquitcoc lhama macyipitquiscama vaycajac. Intomjac alhta lhama asoc acyanca maa acyimnatesa acpayvam. Malha ayilhtingyovayam alhta intomjac:
—Ilhing jalip —alhta intomjac acpayvam.
2 Yejemoc alhta sicvita lhama nolhing apmopoy. Pilhpaalh alhta apsoycam aptomja apma apcapoc. Apmesacpec alhta lhama appocanma actamila acyanmongam apyimnatem apanco apquilnapomap, am elhnoc poc. Aplhinquic alhta mocjam yoyam etnejic mocjam apyimnatem apanco, am elhnoc poc.
3 Lhama alhta aplica Nipquesic Apquitcoc moc macyipitquiscama vaycajac. Intomjac alhta moc asoc acyanca maa ayimnatesa acpayvam:
—Ilhing jalip —alhta intomjac acpayvam.
4 Yejemoc alhta sicvita aptiyapvaa lhama nolhing apyilhvasem. Apmesacpec alhta apmopvan aptomja apma apcapoc. Apcanyacpec alhta epayecsic amyaa yoyam elnapacpoc sat aplhamoclhojo enlhitaoc lhalhma anco. Apmesacpec alhta sovo acvinatem acyiviy. 5 Lhama alhta aplica Nipquesic Apquitcoc moc macyipitquiscama vaycajac, natqui alhta intomjac. Intomjac alhta moc asoc acyanca maa acyimnatesa acpayvam:
—Ilhing jalip —alhta intomjac acpayvam.
Yejemoc alhta sicvita lhama nolhing appasyam. Apsovquic alhta ningiljanma aptomja apma apcapoc. 6 Yejemoc alhta siclinga lhama acpayvam acyimnatem ayinyema cuatro asoc alyanca maa. Intomjac alhta:
—Lhama ningyacvom motajap apactic acyanmongam lhama solyayem. Najan natqui ningyacvom cebada actic acyanmongam lhama solyayem. Notvas nasa mocva apyingmenic najan uva yingmenic —alhta intomjac acpayvam.
7 Lhama alhta aplica Nipquesic Apquitcoc moc macyipitquiscama vaycajac, cuatro alhta intomjac. Intomjac alhta moc asoc acyanca maa acyimnatesa acpayvam:
—Ilhing jalip —alhta intomjac acpayvam.
8 Yejemoc alhta sicvita lhama nolhing apyatictama. Ningitsepma alhta apvisay aptomja apma apcapoc. Acyiploycam alhta alyascamaclha ingjangaoc. Apmesacpec alhta apmopvan yoyam elnapoc aplhamoc enlhitaoc, malha cuarta parte enlhitaoc apquileyvam lhalhma anco. Coticyoc sat najan aclhamoclhojo asoc aleyvam as nalhpop. Sovo acvinatem sat colnapoc najan mayc ataoc najan ningmasquem ataoc najan asoc navjac aclom sat colnapoc.
9 Lhama alhta aplica Nipquesic Apquitcoc moc macyipitquiscama vaycajac, cinco alhta intomjac. Yejemoc alhta sicvita coning nintajanquiscama asoc macmescama Dios. Innam maa aclhamoclhojo apquiljangaoc apticyovam alhta. Apticyovquic alhta acyanmongam apquillingascama Dios appayvam najan acyanmongam apquilinlhanyacmo apquilyiplovquiscama. 10 Intomjac alhta alyimnatesa alpayvam apquiljangaoc:
—Lhip Visqui aptamila apanco najan aptomja nasoc anco. ¿Jalhco sat acvam eyanmongsiclha lhip apquiltemaclha enlhitaoc apquileyvam nalhpop singilnapma alhta nincoo? —alhta inquiltomjac.
11 Inquilmesalhquic alhta apquiljangaoc alantalhnama apquilmopoy. Inquilanyalhquic alhta apquiljangaoc colhnam mocjam acyavataclhojo. Incaymalhquic esovjacpojo eticyoc apquilyalhinga najan apquiltamjaycamo lhama yoyam colhojoc apticyovam apmamyi alhta.
12 Lhama alhta aplica Nipquesic Apquitcoc moc macyipitquiscama vaycajac, seis alhta intomjac. Yejemoc alhta acyovjamcaa lhop. Inpaysacmec alhta acnim, malha apava appasyam alhta intomjac. Apyilhvasquic alhta piltin apyovoclhojo, malha ema alhta aptomjac. 13 Appalentac alhta apyova as nalhpop, malha yamit acyilhna lapamcaa acpalsiyam lhcajayam acyimnatem. 14 Malha ninpilhyamcameycaoc vaycajac alhta intomjac netin, invonquipquic alhta. Inquilyinyovquic alhta alimjaclha aclhamoclhojo inquilhe alvinatem najan aclhamoclhojo alyayem inquilhe. 15 Apquilyilhanmec alhta acvoyam congne nicja inquilhe aplhamoclhojo apquilviscaa as nalhpop najan apquilyimtalhnamo najan singilpilhtetemo apquilviscaa najan acma apquilnatam najan apquilmopvancaa najan apquilancam apquilmomap najan enlhitaoc apquileyvam apanco. 16 Apquililpalhamam alhta enlhitaoc apquilpamejitsa inquilhe najan mataymong alvinatem:
—Jingilajap nincoo. Jingilpos sat nincoo napato aptomja apma netin Visqui aptajanem yoyam meyanmongsiclheje nintemaclha nincoo Nipquesic Apquitcoc.
17 Ayinyemaclha invaac acnim apyanmongsayclha nintemaclha nincoo. ¿Soc sat enlhit yoyam emyovacpoc? —alhta apquiltomjac.
