1 Natamin alhta siclinga apquilpayvam alyimnatem aplhamoclhojo enlhitaoc apnaycam netin. Apquiltamjoc alhta apquilminaycmascama:
¡Aleluya, eltime sat apquilayo Dios!
Dios aptomja singvomquiscama tap,
aptomja apyimtalhnamo najan apmopvan.
2 Ayinyemaclha Dios aptomja apyicpilquemo appeyvomo najan aptomja nasoc anco.
Aptomja apyanmongsayclha actemaclha quilvana alanatama.
Actomja actovascama as nalhpop ayinyema actemaclha alanatama.
Apyanmongsaclhec Dios actemaclha alnapma apquilancam Dios
—alhta intomjac apquilminaycmascama.
3 Apquilminaycmasquic alhta mocjam:
—¡Aleluya, eltime apquilayo Dios! Comasquejec sat actiyapma etin tingma apmesma cotmongvoycamlha nelha —alhta intomjac apquilminaycmascama.
4 Apnalhpolintac alhta veinticuatro apquilimja apmamyi najan cuatro asoc alyanca maa. Apquilpayasoc alhta Dios aptomja apma netin Visqui aptajanem. Apquiltamjoc alhta:
—¡Nasoc anco, eltime apquilayo Dios! —alhta apquiltomjac.
5 Yejemoc alhta aclingalhco appayvam ayinyema Visqui aptajanem:
—Eltime sat apquilayo Dios quellhip apquiltomja Dios apquilancam najan quellhip apquitcaoc najan apquilvanyam apquiltomja apquililyajayquiclho Dios —alhta intomjac appayvam.
Actemaclha malha alyimjapma Nipquesic Apquitcoc
6 Aclingac coo malha apquilpayvam aplhamoclhojo enlhitaoc. Najan malha yingmin ayinyem ayilhtingyovam. Najan malha quilhtingyovayam acyimnatem. Apquiltomjac alhta apquilminaycmascama:
¡Aleluya, eltime apquilayo Dios!
Quilhvoc aptomja Apvisqui apyimtalhnamo Dios Visqui ingac.
7 Ingva, ongilitsovacsojo najan colpayjiclha ingvalhoc,
ongiltimjic sat ningayo Dios.
Quilhvoc invaac malha alyimjapma Nipquesic Apquitcoc.
Inpenasquic quilhvo apponcanma.
8 Inlhocac actalhnama apmopoy najan apquilyinmom
—alhta intomjac apquilminaycmascama. Ayinyemaclha apava apmopoy apquilyitsomacpo actemaclha apquilpeyvomo Dios apquilyacyescama.
9 Aptomjac alhta seyanya ángel:
—Italhos: “Apquilinyejemoc enlhit apquiltomja apquilanyomap elpasmoc malha alyimjapma Nipquesic Apquitcoc” —alhta aptomjac seyanya.
Aptomjac alhta mocjam seyanya ángel:
—Eycaso appayvam ayinyema Dios actomja nasoc anco —alhta aptomjac.
10 Alpolintac alhta nalhpop apquinmamcaclha ángel yoyam opayicsojo. Aptomjac alhta seyanya ángel:
—Notne nasa. Coo najan sictimem silancamo lhama Dios. Acno coo lhip najan apquilyalhinga apquiltomja apquillingascama amyaa ayinyema Jesús. Ipayicsojo sat lhip Dios. Ayinyemaclha apquillingasquic mataa amyaa ayinyema Jesús apquiltomja Dios apquillingascama —alhta aptomjac ángel.
Nolhing apmopoy apma enlhit apcapoc
11 Acvitac alhta acmayjeclho netin. Yejemoc alhta sicvita nolhing apmopoy. Aptomja apquinamtem apvisay alhta Appeyvomo najan Aptomja Nasoc Anco. Ayinyemaclha inpeyvoc anco actemaclha apyicpilquemo najan actemaclha apquilnapomap. 12 Inquilapongmatquic alhta apatoac malha talha alayvom. Inlhamoc alhta appocanma alyinmom. Yitnec alhta apvisay actalhesomalhca. Paj lhama enlhit apyasamcoc apvisay, apvamlha apyasamcoc aptomja apma nolhing apcapoc. 13 Ema alhta acyilhvasiscama aptalhnama. Apvisay apanco Dios Appayvam. 14 Apquilyiploycam alhta nolhing apcapaoc apquilmopoy, malha aplhamoclhojo singilpilhtetemo apquilinyema netin. Apquilmopoy alhta apquilantalhnama. 15 Intipquic alhta apatong sovo acvinatem acma ajamtic aptomja apma netin nolhing apcapoc. Elticpam sat sovo acvinatem enlhitaoc lhalhma anco. Etnejic sat apvisqui aptomja apmaycam memong yayem vajic. Eyiplovcasojoc sat apyanmongsayclha apquiltemaclha enlhit ayinyema Dios aplom, malha apquilyajapquiscama uva acyilhna sat cotnejic. 16 Yitnec actalhesomalhca apcalomap niplhit avjaoc apyavaoc actemaclha apvisay apanco: “Visqui apanco nipyesicsa apquilviscaa”.
17 Acvitac alhta lhama ángel apquinmaycam naysicsa acnim. Apyimnatesquic alhta appayvam. Aptomjac alhta apquilanya aclhamoclhojo nata allhingam netin:
—Colquilhyim, colaniclha sat actomalhquilha nintom apquillanescama Dios. 18 Yoyam coltovamcoc apquilviscaa apjapitic najan singilpilhtetemo apquilviscaa apjapitic najan apquilyimtalhnamo apjapitic najan nolhing apjapitic najan nolhing apcapaoc apjapitic najan poc enlhitaoc apjapitic najan apquilancam apquilmomap apjapitic najan apquitcaoc apjapitic najan apquilvanyam apjapitic —alhta aptomjac ángel.
19 Acvitac alhta asoc navjac aclom najan apcaneyquiclha aplhamoclhojo apquilviscaa as nalhpop najan singilpilhtetemo. Apquililtamjoc yoyam elnapacpoc aptomja nolhing apcapaoc najan aplhamoclhojo apquillhalhmaa nolhing apcapaoc. 20 Inmalhquic alhta asoc navjac aclom. Apmacpec alhta najan profeta apmopvan amyaa. Aptomja alhta apquillanay asoc sinpilapquiscama acyinatamaclha asoc navjac aclom. Apquilsilhnanaquic alhta mataa enlhitaoc malcajascama ayinyema asoc navjac aclom, apquiltomja apquilpayescamo quilaycmasquiscama asoc navjac aclom. Alhnanco alhta inyinyovalhcac asoc navjac aclom naysicsa talha acvanyam. Apjalhnanco alhta najan apyinyovacpoc profeta apmopvan amyaa naysicsa talha acvanyam, macpalhaquiscama azufre. 21 Apticyovquic alhta poc enlhitaoc ayinyema sovo acvinatem actiyapma apatong aptomja apma nolhing apcapoc. Inquilyipcanacmec alhta aclhamoclhojo nata actoycaoc apjapitic apticyovam.
1 Natamin alhta siclinga apquilpayvam alyimnatem aplhamoclhojo enlhitaoc apnaycam netin. Apquiltamjoc alhta apquilminaycmascama:
¡Aleluya, eltime sat apquilayo Dios!
Dios aptomja singvomquiscama tap,
aptomja apyimtalhnamo najan apmopvan.
2 Ayinyemaclha Dios aptomja apyicpilquemo appeyvomo najan aptomja nasoc anco.
Aptomja apyanmongsayclha actemaclha quilvana alanatama.
Actomja actovascama as nalhpop ayinyema actemaclha alanatama.
Apyanmongsaclhec Dios actemaclha alnapma apquilancam Dios
—alhta intomjac apquilminaycmascama.
3 Apquilminaycmasquic alhta mocjam:
—¡Aleluya, eltime apquilayo Dios! Comasquejec sat actiyapma etin tingma apmesma cotmongvoycamlha nelha —alhta intomjac apquilminaycmascama.
4 Apnalhpolintac alhta veinticuatro apquilimja apmamyi najan cuatro asoc alyanca maa. Apquilpayasoc alhta Dios aptomja apma netin Visqui aptajanem. Apquiltamjoc alhta:
—¡Nasoc anco, eltime apquilayo Dios! —alhta apquiltomjac.
5 Yejemoc alhta aclingalhco appayvam ayinyema Visqui aptajanem:
—Eltime sat apquilayo Dios quellhip apquiltomja Dios apquilancam najan quellhip apquitcaoc najan apquilvanyam apquiltomja apquililyajayquiclho Dios —alhta intomjac appayvam.
Actemaclha malha alyimjapma Nipquesic Apquitcoc
6 Aclingac coo malha apquilpayvam aplhamoclhojo enlhitaoc. Najan malha yingmin ayinyem ayilhtingyovam. Najan malha quilhtingyovayam acyimnatem. Apquiltomjac alhta apquilminaycmascama:
¡Aleluya, eltime apquilayo Dios!
Quilhvoc aptomja Apvisqui apyimtalhnamo Dios Visqui ingac.
7 Ingva, ongilitsovacsojo najan colpayjiclha ingvalhoc,
ongiltimjic sat ningayo Dios.
Quilhvoc invaac malha alyimjapma Nipquesic Apquitcoc.
Inpenasquic quilhvo apponcanma.
8 Inlhocac actalhnama apmopoy najan apquilyinmom
—alhta intomjac apquilminaycmascama. Ayinyemaclha apava apmopoy apquilyitsomacpo actemaclha apquilpeyvomo Dios apquilyacyescama.
9 Aptomjac alhta seyanya ángel:
—Italhos: “Apquilinyejemoc enlhit apquiltomja apquilanyomap elpasmoc malha alyimjapma Nipquesic Apquitcoc” —alhta aptomjac seyanya.
Aptomjac alhta mocjam seyanya ángel:
—Eycaso appayvam ayinyema Dios actomja nasoc anco —alhta aptomjac.
10 Alpolintac alhta nalhpop apquinmamcaclha ángel yoyam opayicsojo. Aptomjac alhta seyanya ángel:
—Notne nasa. Coo najan sictimem silancamo lhama Dios. Acno coo lhip najan apquilyalhinga apquiltomja apquillingascama amyaa ayinyema Jesús. Ipayicsojo sat lhip Dios. Ayinyemaclha apquillingasquic mataa amyaa ayinyema Jesús apquiltomja Dios apquillingascama —alhta aptomjac ángel.
Nolhing apmopoy apma enlhit apcapoc
11 Acvitac alhta acmayjeclho netin. Yejemoc alhta sicvita nolhing apmopoy. Aptomja apquinamtem apvisay alhta Appeyvomo najan Aptomja Nasoc Anco. Ayinyemaclha inpeyvoc anco actemaclha apyicpilquemo najan actemaclha apquilnapomap. 12 Inquilapongmatquic alhta apatoac malha talha alayvom. Inlhamoc alhta appocanma alyinmom. Yitnec alhta apvisay actalhesomalhca. Paj lhama enlhit apyasamcoc apvisay, apvamlha apyasamcoc aptomja apma nolhing apcapoc. 13 Ema alhta acyilhvasiscama aptalhnama. Apvisay apanco Dios Appayvam. 14 Apquilyiploycam alhta nolhing apcapaoc apquilmopoy, malha aplhamoclhojo singilpilhtetemo apquilinyema netin. Apquilmopoy alhta apquilantalhnama. 15 Intipquic alhta apatong sovo acvinatem acma ajamtic aptomja apma netin nolhing apcapoc. Elticpam sat sovo acvinatem enlhitaoc lhalhma anco. Etnejic sat apvisqui aptomja apmaycam memong yayem vajic. Eyiplovcasojoc sat apyanmongsayclha apquiltemaclha enlhit ayinyema Dios aplom, malha apquilyajapquiscama uva acyilhna sat cotnejic. 16 Yitnec actalhesomalhca apcalomap niplhit avjaoc apyavaoc actemaclha apvisay apanco: “Visqui apanco nipyesicsa apquilviscaa”.
17 Acvitac alhta lhama ángel apquinmaycam naysicsa acnim. Apyimnatesquic alhta appayvam. Aptomjac alhta apquilanya aclhamoclhojo nata allhingam netin:
—Colquilhyim, colaniclha sat actomalhquilha nintom apquillanescama Dios. 18 Yoyam coltovamcoc apquilviscaa apjapitic najan singilpilhtetemo apquilviscaa apjapitic najan apquilyimtalhnamo apjapitic najan nolhing apjapitic najan nolhing apcapaoc apjapitic najan poc enlhitaoc apjapitic najan apquilancam apquilmomap apjapitic najan apquitcaoc apjapitic najan apquilvanyam apjapitic —alhta aptomjac ángel.
19 Acvitac alhta asoc navjac aclom najan apcaneyquiclha aplhamoclhojo apquilviscaa as nalhpop najan singilpilhtetemo. Apquililtamjoc yoyam elnapacpoc aptomja nolhing apcapaoc najan aplhamoclhojo apquillhalhmaa nolhing apcapaoc. 20 Inmalhquic alhta asoc navjac aclom. Apmacpec alhta najan profeta apmopvan amyaa. Aptomja alhta apquillanay asoc sinpilapquiscama acyinatamaclha asoc navjac aclom. Apquilsilhnanaquic alhta mataa enlhitaoc malcajascama ayinyema asoc navjac aclom, apquiltomja apquilpayescamo quilaycmasquiscama asoc navjac aclom. Alhnanco alhta inyinyovalhcac asoc navjac aclom naysicsa talha acvanyam. Apjalhnanco alhta najan apyinyovacpoc profeta apmopvan amyaa naysicsa talha acvanyam, macpalhaquiscama azufre. 21 Apticyovquic alhta poc enlhitaoc ayinyema sovo acvinatem actiyapma apatong aptomja apma nolhing apcapoc. Inquilyipcanacmec alhta aclhamoclhojo nata actoycaoc apjapitic apticyovam.
