Ningminaycmascama alhnancoc
(1~Cr 16.23-33)1 Elminaycmas sat napato Visqui ingac ningminaycmascama alhnancoc.
Elminaycmas sat napato Visqui ingac quellhip lhalhma anco.
2 Elminaycmas sat napato Visqui ingac eltime sat apquilayo.
Ellingas sat aclhamoclhojo acnim actemaclha singvomquiscama tap.
3 Ellingas sat nipyesicsa enlhitaoc lhalhma anco.
Aptemaclha apyimtalhnamo najan aptamjaycam simpilapquiscama.
4 Apyimtalhnamo apanco Visqui ingac.
Mongvanquejec nincoo mepqui ningilayo.
Incaymalhquic ongilavojoc anco, am colhno ningilay quilaycmasquiscama.
5 Mepqui acmovan mataa quilaycmasquiscama acyitsomalhca dios.
Apmopvan innac Visqui ingac aptomja apquillanay nic nat netin.
6 Ayitsayolhma acvanyam innac napato Visqui ingac.
Acyivey apmopvan najan aptemaclha apyimtalhnamo Visqui ingac, apna congne tingma apponquinomap.
7 Quellhip enlhitaoc ningmolhama lhalhma anco.
Eltime sat apquilayo Visqui ingac najan apmopvan.
8 Eltime sat apquilayo apvisay Visqui ingac.
Elsantimquis apcaycaoc tingma apponquinomap.
9 Elpayicsojo sat Visqui ingac tingma apponquinomap aptamila.
Elpilhyinim sat napato Visqui ingac quellhip aplhamoclhojo.
10 Eltime sat elanic enlhitaoc:
—Dios aptomja Visqui ingac — sat eltime.
Apquillanac alhta as nalhpop mepqui acyovjeycam.
Impeyvoc intomjac apyicpilquemo aplhamoclhojo enlhitaoc.
11 Elitsovacsojo quellhip apnaycam netin najan apnaycam as nalhpop.
Colhtingyoc sat yingmin acvanyam najan asoc aleyvam nayingmin.
12 Cotnejic sat malha ayitsovascama amyip najan asoc ayimja amyip.
Cotnejic sat malha ayitsovascama yamtaa ayimja nalhma.
13 Cotnejic sat malha ayitsovascama naysicsa apquilhyam Visqui ingac.
Naso, apquilhyacme yoyam etnejic Visqui ingac.
Etnejic sat Visqui ingac ningileyvam lhalhma anco.
Acyiplomo actemaclha appeyvomo najan actomja nasoc anco.
Ningminaycmascama alhnancoc
(1~Cr 16.23-33)1 Elminaycmas sat napato Visqui ingac ningminaycmascama alhnancoc.
Elminaycmas sat napato Visqui ingac quellhip lhalhma anco.
2 Elminaycmas sat napato Visqui ingac eltime sat apquilayo.
Ellingas sat aclhamoclhojo acnim actemaclha singvomquiscama tap.
3 Ellingas sat nipyesicsa enlhitaoc lhalhma anco.
Aptemaclha apyimtalhnamo najan aptamjaycam simpilapquiscama.
4 Apyimtalhnamo apanco Visqui ingac.
Mongvanquejec nincoo mepqui ningilayo.
Incaymalhquic ongilavojoc anco, am colhno ningilay quilaycmasquiscama.
5 Mepqui acmovan mataa quilaycmasquiscama acyitsomalhca dios.
Apmopvan innac Visqui ingac aptomja apquillanay nic nat netin.
6 Ayitsayolhma acvanyam innac napato Visqui ingac.
Acyivey apmopvan najan aptemaclha apyimtalhnamo Visqui ingac, apna congne tingma apponquinomap.
7 Quellhip enlhitaoc ningmolhama lhalhma anco.
Eltime sat apquilayo Visqui ingac najan apmopvan.
8 Eltime sat apquilayo apvisay Visqui ingac.
Elsantimquis apcaycaoc tingma apponquinomap.
9 Elpayicsojo sat Visqui ingac tingma apponquinomap aptamila.
Elpilhyinim sat napato Visqui ingac quellhip aplhamoclhojo.
10 Eltime sat elanic enlhitaoc:
—Dios aptomja Visqui ingac — sat eltime.
Apquillanac alhta as nalhpop mepqui acyovjeycam.
Impeyvoc intomjac apyicpilquemo aplhamoclhojo enlhitaoc.
11 Elitsovacsojo quellhip apnaycam netin najan apnaycam as nalhpop.
Colhtingyoc sat yingmin acvanyam najan asoc aleyvam nayingmin.
12 Cotnejic sat malha ayitsovascama amyip najan asoc ayimja amyip.
Cotnejic sat malha ayitsovascama yamtaa ayimja nalhma.
13 Cotnejic sat malha ayitsovascama naysicsa apquilhyam Visqui ingac.
Naso, apquilhyacme yoyam etnejic Visqui ingac.
Etnejic sat Visqui ingac ningileyvam lhalhma anco.
Acyiplomo actemaclha appeyvomo najan actomja nasoc anco.
