Ningyilhanmomaclha Visqui ingac
1 Ningyilhanmomaclha ningiltomjac Visqui netin.
Malha ningnaycam coning pisquisca ayinyema Visqui ingac apyimnatem.
2 Ningiltomjac ningilanya Visqui ingac:
—Ningyilhanmomaclha ningiltomjac lhip.
Visqui ingac, lhip ningiltomjac ningyilhanmeycam.
3 Dios Visqui ingac aptomja apvomquiscama tap.
Malha apliquiscama quiljanma acmam.
Malha naysicsa ningmasquem evomsic sat tap.
4 Apyilhanmomaclha sat etnejic.
Mengyacyejec sat lhip coning aplhimpancoc.
Malha apcajapsomap sat cotnejic ayinyema actomja nasoc anco.
5 Mengyacyejec sat lhip ayasomquilha alhtaa.
Mengyacyejec sat lhip yanca apmoctamap acnim anco.
6 Mengyacyejec sat lhip ningmasquem alhtaa.
Mengyacyejec sat lhip sintovascama acnim anco.
7 Eticyoc sat lhama nicja mil apnaymacoc.
Eticyoc sat moc nicja diez mil apnaymacoc.
Mematnejec sat mataa lhip.
8 Etac sat lhip actemaclha acyanmongayclha apquiltemaclha apquilmapsomcaa.
9 Apyilhanmomaclha aptomjac lhip Visqui ingac.
Apyacyesquic lhip Visqui netin etnejic apmasma.
10 Metjanyejec sat lhip acyimtalhnama.
Cajejec sat mataa ningmasquem lhip tingma pac.
11 Ingyapajacsic sat ángeles apquilasinancama.
Yoyam eltamilsic lhip mataa naysicsa aptiyascam.
12 Elmoc sat tacja lhip, yoyam copalvotayc apmancoc mataymong.
13 Etcamoc sat lhip yamacmeyva najan acyeyva.
Etcamoc sat yamacmeyva ayitcaoc najan sinavocpo.
14 Aptomjac alhta Dios:
—Ovomsic sat tap ayinyema selyajayquiclho.
Apyasamcoc actemaclha sicvisay.
15 Olyejiclhojoc sat selmalhna inlhojo asoc.
Opasmoc sat naysicsa aplingaycamco acyimtalhnama.
Ovomsic sat tap.
Colhic sat ayaco apvisay.
16 Ovinaticsojoc sat aptiyascam.
Etac sat lhip actemaclha sicvomquiscama tap — alhta aptomjac Visqui ingac.
Ningyilhanmomaclha Visqui ingac
1 Ningyilhanmomaclha ningiltomjac Visqui netin.
Malha ningnaycam coning pisquisca ayinyema Visqui ingac apyimnatem.
2 Ningiltomjac ningilanya Visqui ingac:
—Ningyilhanmomaclha ningiltomjac lhip.
Visqui ingac, lhip ningiltomjac ningyilhanmeycam.
3 Dios Visqui ingac aptomja apvomquiscama tap.
Malha apliquiscama quiljanma acmam.
Malha naysicsa ningmasquem evomsic sat tap.
4 Apyilhanmomaclha sat etnejic.
Mengyacyejec sat lhip coning aplhimpancoc.
Malha apcajapsomap sat cotnejic ayinyema actomja nasoc anco.
5 Mengyacyejec sat lhip ayasomquilha alhtaa.
Mengyacyejec sat lhip yanca apmoctamap acnim anco.
6 Mengyacyejec sat lhip ningmasquem alhtaa.
Mengyacyejec sat lhip sintovascama acnim anco.
7 Eticyoc sat lhama nicja mil apnaymacoc.
Eticyoc sat moc nicja diez mil apnaymacoc.
Mematnejec sat mataa lhip.
8 Etac sat lhip actemaclha acyanmongayclha apquiltemaclha apquilmapsomcaa.
9 Apyilhanmomaclha aptomjac lhip Visqui ingac.
Apyacyesquic lhip Visqui netin etnejic apmasma.
10 Metjanyejec sat lhip acyimtalhnama.
Cajejec sat mataa ningmasquem lhip tingma pac.
11 Ingyapajacsic sat ángeles apquilasinancama.
Yoyam eltamilsic lhip mataa naysicsa aptiyascam.
12 Elmoc sat tacja lhip, yoyam copalvotayc apmancoc mataymong.
13 Etcamoc sat lhip yamacmeyva najan acyeyva.
Etcamoc sat yamacmeyva ayitcaoc najan sinavocpo.
14 Aptomjac alhta Dios:
—Ovomsic sat tap ayinyema selyajayquiclho.
Apyasamcoc actemaclha sicvisay.
15 Olyejiclhojoc sat selmalhna inlhojo asoc.
Opasmoc sat naysicsa aplingaycamco acyimtalhnama.
Ovomsic sat tap.
Colhic sat ayaco apvisay.
16 Ovinaticsojoc sat aptiyascam.
Etac sat lhip actemaclha sicvomquiscama tap — alhta aptomjac Visqui ingac.
