Dios apyimtalhnamo apanco
1 Innec ayaco Dios Visqui ingac nipyesicsa Judá apquilmolhama.
Innec ayaco apvisay apanco nipyesicsa enlhitaoc Israel apquilmolhama.
2 Netin inquilhe Sión apyitna tingma pac apponquinomap Jerusalén.
3 Apquilintasquic alhta apquilmaycam: yanca, pilhpaalh, sovo acvinatem najan ningilmaycam ningilajapsomalhca.
4 Gloria apcapongmatem nac lhip Dios Visqui ingac.
Apyimtalhnamo apanco, am colhno mataymong alvinatem.
5 Apquilmacpec alhta apquilyimnatem (cotnaja ingmoc).
Mepqui mocjam apquilyimnatem apnaymacoc.
Malha tiyin alnapma alhta intomjac apquilitsepma (apticyovam).
6 Mepqui apquillhingam mocjam nolhing apcapaoc.
Ayinyema lhip apyimnatescama appayvam.
Apvisay Dios apancaoc Jacob apquilmolhama.
7 Cayjec appayvam apanco lhip, apvisay apyimtalhnamo.
Ongilmasquingvomoc sat ningvita inlhojo lhip aplom (apyanmongsayclha).
8 Lhip apna netin ayinyema apyanmonsayclha apquiltemaclha apancaoc enlhit.
Avanjec apquilay enlhitaoc.
Elvanmac sat apyovoclhojo.
9 Apquilvita inlhojo aptemaclha apyicpilquemo lhip.
Elpasmoc sat lhip apyovoclhojo apquillingaycamco acyimtalhnama.
10 Colhic sat ayaco lhip ayinyema cotnaja ingmoc (enlhit apquillom).
Colhic sat ayaco lhip ayinyema enlhit acmasilhte apquillom.
11 Elsavojo quellhip apquillhanma mepqui apquilyeycajascaoc napato Dios.
Elsantimquis macmescama Dios quellhip apyovoclhojo enlhitaoc lhalhma anco.
12 Dios Visqui ingac aptomja apmascoscama apquiltiyascam apquilviscaa.
Dios Visqui ingac aptimesquiscama apquilay apquilviscaa lhalhma anco.
Dios apyimtalhnamo apanco
1 Innec ayaco Dios Visqui ingac nipyesicsa Judá apquilmolhama.
Innec ayaco apvisay apanco nipyesicsa enlhitaoc Israel apquilmolhama.
2 Netin inquilhe Sión apyitna tingma pac apponquinomap Jerusalén.
3 Apquilintasquic alhta apquilmaycam: yanca, pilhpaalh, sovo acvinatem najan ningilmaycam ningilajapsomalhca.
4 Gloria apcapongmatem nac lhip Dios Visqui ingac.
Apyimtalhnamo apanco, am colhno mataymong alvinatem.
5 Apquilmacpec alhta apquilyimnatem (cotnaja ingmoc).
Mepqui mocjam apquilyimnatem apnaymacoc.
Malha tiyin alnapma alhta intomjac apquilitsepma (apticyovam).
6 Mepqui apquillhingam mocjam nolhing apcapaoc.
Ayinyema lhip apyimnatescama appayvam.
Apvisay Dios apancaoc Jacob apquilmolhama.
7 Cayjec appayvam apanco lhip, apvisay apyimtalhnamo.
Ongilmasquingvomoc sat ningvita inlhojo lhip aplom (apyanmongsayclha).
8 Lhip apna netin ayinyema apyanmonsayclha apquiltemaclha apancaoc enlhit.
Avanjec apquilay enlhitaoc.
Elvanmac sat apyovoclhojo.
9 Apquilvita inlhojo aptemaclha apyicpilquemo lhip.
Elpasmoc sat lhip apyovoclhojo apquillingaycamco acyimtalhnama.
10 Colhic sat ayaco lhip ayinyema cotnaja ingmoc (enlhit apquillom).
Colhic sat ayaco lhip ayinyema enlhit acmasilhte apquillom.
11 Elsavojo quellhip apquillhanma mepqui apquilyeycajascaoc napato Dios.
Elsantimquis macmescama Dios quellhip apyovoclhojo enlhitaoc lhalhma anco.
12 Dios Visqui ingac aptomja apmascoscama apquiltiyascam apquilviscaa.
Dios Visqui ingac aptimesquiscama apquilay apquilviscaa lhalhma anco.
