Actemaclha ningayo Dios
1 O Dios,
lhip aptomja Apvisqui tingma Sión.
Lhip nac mayayo.
Innec almesa lhip asoc ninlhanma actomja nasoc anco yoyam ongilmecsic.
2 Apjalhnoc mataa lhip ningilmalhnancama.
Apquilyocmec lhip enlhitaoc lhalhma anco.
3 Avanjec anco nintemaclha inganco acmasom.
Lhip aptomja apmascoscama mongilyascalhma.
4 Ningilinyejemoc anco nincoo singilyacyescama.
Singnalayclha apnaclha lhip, yoyam ongnam lhip tingma pac apponquinomap.
Ipayesiclha sat ingilvalhoc ningvita sat asoc altamila congne tingma apponquinomap.
5 Lhip aptomja Visqui ingac singvomquiscama tap.
Apjalhnoc lhip ningilmalhnancama.
Ningvitac asoc simpilapquiscama ayinyema lhip.
Apquilyilhanmeyquiclha apquiltomjac enlhitaoc lhalhma anco acvocmo nelha lhop (lhapop).
6 Lhip nic nat apquillanay inquilhe alvinatem, ayinyema lhip apmopvan najan apyimnatem.
7 Aptimescasquic lhip alvinamalhma yingmin acvanyam.
Apnovcasquic lhip acyinamamolhma enlhitaoc.
8 Pilapcasquic enlhitaoc apnaycam nelha lhop.
Apquilpilhyinimquic apquilvita asoc simpilapquiscama ayinyema lhip.
Lhip aptomja apquilitsovasquiscama enlhitaoc lhalhma anco apnaycam actiyapmaclha acnim najan actalhningvamlha acnim.
9 Lhip aptomja aptamilquiscama as nalhpop apquilmescama asoc.
Apcapajascama acmamay najan apyilhnescama acyilhna.
Malha vatsam acyeniyam intomjaclhac yingmin.
Apquictincasquic lhip ninganma, singmescama acyilhna.
10 Apyescasquic lhip yingmin ningilcacjam.
Appayesaclhec yingmin acyovoclhojo ningilcacjam.
Apcamjapasquic lhop ayinyema yingmin.
Apyilhnesquic aclhamoclhojo acyilhna.
11 Cotlaycaoc acyilhna lhip singmescama año nac jay.
Actamila anco amyip, malha asoc navjac acmilay.
12 Alyimseleycaoc aptimescasac lhip paat acyamay'oclhilhma.
Actamila ayimjaclha paat netin inquilhe, malha acpayjayclha ingvalhoc intomjac.
13 Aplhameclhec ninatoscama netin inquilhe.
Inlhameclhec acyilhna ayimjaclha nicja inquilhe.
Inquilitsovasoc aclhamoclhojo asoc as nalhpop acyiplomo ningminaycmascama.
Actemaclha ningayo Dios
1 O Dios,
lhip aptomja Apvisqui tingma Sión.
Lhip nac mayayo.
Innec almesa lhip asoc ninlhanma actomja nasoc anco yoyam ongilmecsic.
2 Apjalhnoc mataa lhip ningilmalhnancama.
Apquilyocmec lhip enlhitaoc lhalhma anco.
3 Avanjec anco nintemaclha inganco acmasom.
Lhip aptomja apmascoscama mongilyascalhma.
4 Ningilinyejemoc anco nincoo singilyacyescama.
Singnalayclha apnaclha lhip, yoyam ongnam lhip tingma pac apponquinomap.
Ipayesiclha sat ingilvalhoc ningvita sat asoc altamila congne tingma apponquinomap.
5 Lhip aptomja Visqui ingac singvomquiscama tap.
Apjalhnoc lhip ningilmalhnancama.
Ningvitac asoc simpilapquiscama ayinyema lhip.
Apquilyilhanmeyquiclha apquiltomjac enlhitaoc lhalhma anco acvocmo nelha lhop (lhapop).
6 Lhip nic nat apquillanay inquilhe alvinatem, ayinyema lhip apmopvan najan apyimnatem.
7 Aptimescasquic lhip alvinamalhma yingmin acvanyam.
Apnovcasquic lhip acyinamamolhma enlhitaoc.
8 Pilapcasquic enlhitaoc apnaycam nelha lhop.
Apquilpilhyinimquic apquilvita asoc simpilapquiscama ayinyema lhip.
Lhip aptomja apquilitsovasquiscama enlhitaoc lhalhma anco apnaycam actiyapmaclha acnim najan actalhningvamlha acnim.
9 Lhip aptomja aptamilquiscama as nalhpop apquilmescama asoc.
Apcapajascama acmamay najan apyilhnescama acyilhna.
Malha vatsam acyeniyam intomjaclhac yingmin.
Apquictincasquic lhip ninganma, singmescama acyilhna.
10 Apyescasquic lhip yingmin ningilcacjam.
Appayesaclhec yingmin acyovoclhojo ningilcacjam.
Apcamjapasquic lhop ayinyema yingmin.
Apyilhnesquic aclhamoclhojo acyilhna.
11 Cotlaycaoc acyilhna lhip singmescama año nac jay.
Actamila anco amyip, malha asoc navjac acmilay.
12 Alyimseleycaoc aptimescasac lhip paat acyamay'oclhilhma.
Actamila ayimjaclha paat netin inquilhe, malha acpayjayclha ingvalhoc intomjac.
13 Aplhameclhec ninatoscama netin inquilhe.
Inlhameclhec acyilhna ayimjaclha nicja inquilhe.
Inquilitsovasoc aclhamoclhojo asoc as nalhpop acyiplomo ningminaycmascama.
