Actemaclha ningyanmonquiscama ingvalhoc
1 Dios Visqui ajac, jeyasicjiclhojo sat mocjam.
Lhip aptomja singilasicjayo.
Imascos sat sicsilhnanomalhca ajanco, lhip aptomja singasicjayclho.
2 Ingyalhnas sat evalhoc acmasom.
Jeliquis sat acmasom.
3 Acyasamcoc coo sictemaclha sictovascama.
Am jelvoncacmoc mataa actemaclha acmasom.
4 Actovasquic coo lhip, actovasquic coo lhip aptemaclha.
Acyiplovcasquic coo actemaclha lhip aptanoncama.
Nasoc anco mataa lhip appayvam.
Inpeyvoc anco lhip singyicpilquemo. ,
5 Naso, sicmasom coo ayenmo sictiyaycamlha.
Sicmasom nac coo ayenmo motyaycamlha coo.
6 Apyispaquic lhip actomja nasoc anco ingvalhoc.
Lhip aptomja apyascasingvoyam evalhoc coo.
7 Jeliquis sat evalhoc acmasom, malha apmaycam hisopo yoyam jeyalhnacsic coo.
Ingyalhnas sat evalhoc yoyam cotnejic acmopoy anco, colhno asoc ningmopiscama. ,
8 Ipayesiclha evalhoc acyiplomo siyitsovascama.
Ipayesiclha evalhoc yoyam comascoc acmayovsa evalhoc ayinyema alhta lhip.
9 Ipaycap sat lhip, apvita inlhojo sictemaclha ajanco.
Imascos sat aclhamoclhojo sictemaclha ajanco.
10 Visqui ingac, itnesquis evalhoc yoyam cotnejic ayalhnayo.
Itnesquis alhnancoc acyascamco anco evalhoc.
11 Nojetvas nasa napatoc lhip. Nojeyinyovquis nasa lhip espíritu apanco apna evalhoc coo.
12 Ipayesiclha sat mocjam evalhoc aptomja lhip sevomquiscama tap.
Ingyane sat olyejiclhojo lhip apmayjayoclha ayinyema espíritu apanco.
13 Oyascasingvomoc sat lhip aptemaclha nipyesicsa enlhitaoc apquilmapsomcaa.
Elyanmongsic sat apquilvalhoc enlhitaoc melyascalhma.
14 Visqui ajac Dios.
Imascos sictemaclha ticyovam 'yap.
Lhip aptomja sevomquiscama tap.
Olngacsic sat naysicsa sicminaycmascama aptemaclha lhip appeyvomo.
15 Visqui ajac, itipquis sicpayvam.
Olngacsic sat apvisay naysicsa siyayo lhip.
16 Am eltamjoc lhip asoc acticyovam acyanmongam mongilyascalhma.
Altamjo inyicje olmecsic lhip, am eyca colcac apvalhoc lhip.
17 Apquiltamjoc Visqui ingac Dios etac actemaclha acmayovsa ingvalhoc, actomja malha macmescama asoc Visqui ingac.
Visqui ingac, am jingvennam lhip apvita actemaclha acmayovsa ingvalhoc.
18 Ingyimliclhojo sat lhip enlhitaoc tingma Sión.
Lhip ayinyema apquimlaycmo.
Ilaniclha sat mocjam apjalhtam nipyava tingma Jerusalén.
19 Etac sat lhip asoc macmescama actemaclha apyisponcama lhip.
Asoc acticyovam najan asoc macmescama actomja malvatnama.
Colhic sat almesa vayqui ayitcoc netin apquilvatnamaclha.
Actemaclha ningyanmonquiscama ingvalhoc
1 Dios Visqui ajac, jeyasicjiclhojo sat mocjam.
Lhip aptomja singilasicjayo.
Imascos sat sicsilhnanomalhca ajanco, lhip aptomja singasicjayclho.
2 Ingyalhnas sat evalhoc acmasom.
Jeliquis sat acmasom.
3 Acyasamcoc coo sictemaclha sictovascama.
Am jelvoncacmoc mataa actemaclha acmasom.
4 Actovasquic coo lhip, actovasquic coo lhip aptemaclha.
Acyiplovcasquic coo actemaclha lhip aptanoncama.
Nasoc anco mataa lhip appayvam.
Inpeyvoc anco lhip singyicpilquemo. ,
5 Naso, sicmasom coo ayenmo sictiyaycamlha.
Sicmasom nac coo ayenmo motyaycamlha coo.
6 Apyispaquic lhip actomja nasoc anco ingvalhoc.
Lhip aptomja apyascasingvoyam evalhoc coo.
7 Jeliquis sat evalhoc acmasom, malha apmaycam hisopo yoyam jeyalhnacsic coo.
Ingyalhnas sat evalhoc yoyam cotnejic acmopoy anco, colhno asoc ningmopiscama. ,
8 Ipayesiclha evalhoc acyiplomo siyitsovascama.
Ipayesiclha evalhoc yoyam comascoc acmayovsa evalhoc ayinyema alhta lhip.
9 Ipaycap sat lhip, apvita inlhojo sictemaclha ajanco.
Imascos sat aclhamoclhojo sictemaclha ajanco.
10 Visqui ingac, itnesquis evalhoc yoyam cotnejic ayalhnayo.
Itnesquis alhnancoc acyascamco anco evalhoc.
11 Nojetvas nasa napatoc lhip. Nojeyinyovquis nasa lhip espíritu apanco apna evalhoc coo.
12 Ipayesiclha sat mocjam evalhoc aptomja lhip sevomquiscama tap.
Ingyane sat olyejiclhojo lhip apmayjayoclha ayinyema espíritu apanco.
13 Oyascasingvomoc sat lhip aptemaclha nipyesicsa enlhitaoc apquilmapsomcaa.
Elyanmongsic sat apquilvalhoc enlhitaoc melyascalhma.
14 Visqui ajac Dios.
Imascos sictemaclha ticyovam 'yap.
Lhip aptomja sevomquiscama tap.
Olngacsic sat naysicsa sicminaycmascama aptemaclha lhip appeyvomo.
15 Visqui ajac, itipquis sicpayvam.
Olngacsic sat apvisay naysicsa siyayo lhip.
16 Am eltamjoc lhip asoc acticyovam acyanmongam mongilyascalhma.
Altamjo inyicje olmecsic lhip, am eyca colcac apvalhoc lhip.
17 Apquiltamjoc Visqui ingac Dios etac actemaclha acmayovsa ingvalhoc, actomja malha macmescama asoc Visqui ingac.
Visqui ingac, am jingvennam lhip apvita actemaclha acmayovsa ingvalhoc.
18 Ingyimliclhojo sat lhip enlhitaoc tingma Sión.
Lhip ayinyema apquimlaycmo.
Ilaniclha sat mocjam apjalhtam nipyava tingma Jerusalén.
19 Etac sat lhip asoc macmescama actemaclha apyisponcama lhip.
Asoc acticyovam najan asoc macmescama actomja malvatnama.
Colhic sat almesa vayqui ayitcoc netin apquilvatnamaclha.
