Actemaclha ningyiplovquiscama
1-2 Lhip Dios Ingyapam. Lhip Visqui ingac.
Ingyeylhojo sicpayvam. Ingyeylhojo siliclhangveycam.
Ingyeylhojo silmalhnancama.
3 Aplingac lhip sicpayvam mataa alhtoo.
Altimnasquic mataa aclhanma evalhoc alhtooc anco napato lhip.
Aljalhnec mataa lhip appayvam.
4 Lhip apvisay meyisponcama actemaclha acmasom.
Mepasmejec mataa lhip enlhit apquilmapsomcaa.
5 Mepasmejec mataa lhip enlhit ayajamalhco apvalhoc.
Aptanovquic mataa lhip enlhit apquilmapsomcaa.
6 Aptovasquic mataa lhip enlhit apquilmopvancaa amyaa.
Aptovasquic mataa lhip enlhit apquilyinimquiscama najan ticyovam yapmayc.
7 Lhip aptomja seyasicjayo.
Evanquic otlhic tingma apponquinomap.
Actomjac coo siyayo lhip naysicsa sicpayescamo tingma apponquinomap.
8 Visqui ingac.
Jemyov sat mataa napatavo cotnaja ingmoc.
Jeyane sat oyiplovcasojo actemaclha acpeyvomo.
Lhip aptomja appeyvomo.
9 Actemaclha apquilpayvam apquilyinimquiscama.
Somcoc mataa apquilpayvam.
Malha singnasipma intomjac apquiltemaclha.
Avanjec apquilmopvan amyaa.
10 Lhip Dios Visqui ingac.
¡Iyanmongsiclha apquiltemaclha apancaoc!
Enatovasacpoc sat apancavo.
¡Inatovas sat lhip (ilantipquis)!
Ayinyema apquiltemaclha apancaoc apquilsilhnanomap apanco.
Apquilinmelham mataa lhip.
11 Colpayjiclha apquilvalhoc quellhip apquiltomja melyasquiyam.
Elitsovacsojo ayinyema apquilmasma quellhip.
Elitsovacsojo sat apquiltomja apquilasicjayo lhip apvisay.
12 Lhip Visqui ingac ayinyema apvaticjapquiscama enlhit apquilpeyvomo.
Lhip aptomja apquilyilhanmeycam ayinyema lhip apcasicjayo.
Actemaclha ningyiplovquiscama
1-2 Lhip Dios Ingyapam. Lhip Visqui ingac.
Ingyeylhojo sicpayvam. Ingyeylhojo siliclhangveycam.
Ingyeylhojo silmalhnancama.
3 Aplingac lhip sicpayvam mataa alhtoo.
Altimnasquic mataa aclhanma evalhoc alhtooc anco napato lhip.
Aljalhnec mataa lhip appayvam.
4 Lhip apvisay meyisponcama actemaclha acmasom.
Mepasmejec mataa lhip enlhit apquilmapsomcaa.
5 Mepasmejec mataa lhip enlhit ayajamalhco apvalhoc.
Aptanovquic mataa lhip enlhit apquilmapsomcaa.
6 Aptovasquic mataa lhip enlhit apquilmopvancaa amyaa.
Aptovasquic mataa lhip enlhit apquilyinimquiscama najan ticyovam yapmayc.
7 Lhip aptomja seyasicjayo.
Evanquic otlhic tingma apponquinomap.
Actomjac coo siyayo lhip naysicsa sicpayescamo tingma apponquinomap.
8 Visqui ingac.
Jemyov sat mataa napatavo cotnaja ingmoc.
Jeyane sat oyiplovcasojo actemaclha acpeyvomo.
Lhip aptomja appeyvomo.
9 Actemaclha apquilpayvam apquilyinimquiscama.
Somcoc mataa apquilpayvam.
Malha singnasipma intomjac apquiltemaclha.
Avanjec apquilmopvan amyaa.
10 Lhip Dios Visqui ingac.
¡Iyanmongsiclha apquiltemaclha apancaoc!
Enatovasacpoc sat apancavo.
¡Inatovas sat lhip (ilantipquis)!
Ayinyema apquiltemaclha apancaoc apquilsilhnanomap apanco.
Apquilinmelham mataa lhip.
11 Colpayjiclha apquilvalhoc quellhip apquiltomja melyasquiyam.
Elitsovacsojo ayinyema apquilmasma quellhip.
Elitsovacsojo sat apquiltomja apquilasicjayo lhip apvisay.
12 Lhip Visqui ingac ayinyema apvaticjapquiscama enlhit apquilpeyvomo.
Lhip aptomja apquilyilhanmeycam ayinyema lhip apcasicjayo.
