Actemaclha solyayem najan ningilnatam
1 Quip elaylhojo quellhip enlhitaoc lhalhma anco as nalhpop.
2 Quellhip mepqui apquilnatam najan quellhip acma apquilnatam.
Quellhip mepqui apquilyimtalhnamo najan quellhip apquilyimtalhnamo.
3 Elaylhojo sicpayvam sictemaclha sicyascamco.
Elaylhojo sicpayvam ayinyema acyascamco evalhoc.
4 Ongvaylhojoc sat seyascasingvoyam Dios appayvam.
Opayvacsic sat arpa siclingascama asoc acyilhamalhca.
5 Mongvacyejec sat sicvita inlhojo acmasom nalhit acnim.
Mongvacyejec sat sicvita inlhojo sevocjay apquilmapsomcaa yoyam jelsilhnana.
6 Ayajamalhco apquilvalhoc ayinyema acyivey solyayem apancaoc.
Apquilyimtalhnesacpec mataa apanco ayinyema cascama apquilnatam.
7 Mongvanquejec mataa ongmiyovalhcoyc inganco.
Copvanquejec mataa emyovacpoc enlhit acyanmongam solyayem.
8 Cayjec anco acyanmongam ningmam ningyimnatem.
Am covocmoc mataa ningyamasma acyanmongam ningmam ningyimnatem.
9 Mongvanquejec mataa ongileyó cotmongvoycamlha nelha.
Nelha nintiyascam acvisay ningitsepma.
10 Naso, apno poc mataa apquilitsepma, najan apquilyascamco najan melyascamco.
Comalhquejec sat apquilnatam.
Poc enlhitaoc eltimjic apanco apquilnatam.
11 Apquiltimem mataa acvisayó lhama yoclhilhma najan tingma.
Apquilmaclha cotnejic sat acvisay tacjalhop cotmongvoycamlha nelha.
Mepqui apquilantiyapma sat cotnejic.
12 Copvanqueje mepqui apquitsepma enlhit acma apquilnatam.
Colhojoc sat apquilitsepma ninatoscama najan asoc navjac.
13 Apquillhenacpec mataa apanco mepqui apquilay.
Ayajamalhco mataa apquilvalhoc as enlhitaoc.
14 Enalacpoc sat acyitnaclha malhic, malha nintoscama ayitsepma.
Yoyam catoynalhca.
Elpalhavomoc sat alyascamaclha ingjangaoc.
15 Jemyov sat lhip Dios, jetnejic aplhalhma.
Comyovalhcac sat sicvanmoncama acmomalhca siclho.
16 Nongya nasa apvita inlhojo lhip enlhit acma apquilnatam.
Apvita inlhojo lhip cotlaycaoc asoc alyinmom as tingma.
17 Melsaclhejec sat apquilnatam.
Catoynaclhequejec sat asoc alyinmom.
18 Ayajamalhco apvalhoc enlhit acma apquilnatam naysicsa aptiyascam.
Innec ayaco ayinyema apnaymacoc.
19 Comoc sat nelha acnim aptiyascam.
Metyepejec sat tacjalhop.
Metejec sat mataa ayitsayolhma.
20 Jave singmasma nincoo acyivey ningilnatam.
Enlhit acma apquilnatam apquitsepma, colhojoc sat alitsepma ninatoscama.
Actemaclha solyayem najan ningilnatam
1 Quip elaylhojo quellhip enlhitaoc lhalhma anco as nalhpop.
2 Quellhip mepqui apquilnatam najan quellhip acma apquilnatam.
Quellhip mepqui apquilyimtalhnamo najan quellhip apquilyimtalhnamo.
3 Elaylhojo sicpayvam sictemaclha sicyascamco.
Elaylhojo sicpayvam ayinyema acyascamco evalhoc.
4 Ongvaylhojoc sat seyascasingvoyam Dios appayvam.
Opayvacsic sat arpa siclingascama asoc acyilhamalhca.
5 Mongvacyejec sat sicvita inlhojo acmasom nalhit acnim.
Mongvacyejec sat sicvita inlhojo sevocjay apquilmapsomcaa yoyam jelsilhnana.
6 Ayajamalhco apquilvalhoc ayinyema acyivey solyayem apancaoc.
Apquilyimtalhnesacpec mataa apanco ayinyema cascama apquilnatam.
7 Mongvanquejec mataa ongmiyovalhcoyc inganco.
Copvanquejec mataa emyovacpoc enlhit acyanmongam solyayem.
8 Cayjec anco acyanmongam ningmam ningyimnatem.
Am covocmoc mataa ningyamasma acyanmongam ningmam ningyimnatem.
9 Mongvanquejec mataa ongileyó cotmongvoycamlha nelha.
Nelha nintiyascam acvisay ningitsepma.
10 Naso, apno poc mataa apquilitsepma, najan apquilyascamco najan melyascamco.
Comalhquejec sat apquilnatam.
Poc enlhitaoc eltimjic apanco apquilnatam.
11 Apquiltimem mataa acvisayó lhama yoclhilhma najan tingma.
Apquilmaclha cotnejic sat acvisay tacjalhop cotmongvoycamlha nelha.
Mepqui apquilantiyapma sat cotnejic.
12 Copvanqueje mepqui apquitsepma enlhit acma apquilnatam.
Colhojoc sat apquilitsepma ninatoscama najan asoc navjac.
13 Apquillhenacpec mataa apanco mepqui apquilay.
Ayajamalhco mataa apquilvalhoc as enlhitaoc.
14 Enalacpoc sat acyitnaclha malhic, malha nintoscama ayitsepma.
Yoyam catoynalhca.
Elpalhavomoc sat alyascamaclha ingjangaoc.
15 Jemyov sat lhip Dios, jetnejic aplhalhma.
Comyovalhcac sat sicvanmoncama acmomalhca siclho.
16 Nongya nasa apvita inlhojo lhip enlhit acma apquilnatam.
Apvita inlhojo lhip cotlaycaoc asoc alyinmom as tingma.
17 Melsaclhejec sat apquilnatam.
Catoynaclhequejec sat asoc alyinmom.
18 Ayajamalhco apvalhoc enlhit acma apquilnatam naysicsa aptiyascam.
Innec ayaco ayinyema apnaymacoc.
19 Comoc sat nelha acnim aptiyascam.
Metyepejec sat tacjalhop.
Metejec sat mataa ayitsayolhma.
20 Jave singmasma nincoo acyivey ningilnatam.
Enlhit acma apquilnatam apquitsepma, colhojoc sat alitsepma ninatoscama.
