Actemaclha alyimjapma
1 Inlhenquic evalhoc amyaa actamila yoyam oltimnacsic.
Omnaycmacsic sat siyayo presidente visqui ingac.
Intipquic mataa sicpayvam acno nimpecjescama nintalhosaycaoc.
2 Aptamila apanco lhip, am elhno poc nipyesicsa ingnaymacoc.
Inyispalhquic mataa lhip appayvam.
Mayayo nac lhip ayinyema Dios Visqui ingac cotningvoyam nelha.
3 Apyimnatem apanco lhip.
Iteticlha sat sovo acvinatem.
Malha apnatanma actamila intomjac sovo acvinatem.
4 Ivascap sat lhip naysicsa aptimem apyimtalhnamo.
Ivascap sat lhip aptingyey actemaclha nasoc anco, actemaclha acpeyvomo.
Elavojoc sat apquilvita inlhojo lhip aptamjaycam simpilapquiscama.
5 Ilnapap sat cotnaja ingmoc.
Iyjing sat yanca apancaoc.
Ilimse sat apnenyaoc.
6 Lhip macyitquiscama Dios Visqui ingac cotningvoyam nelha.
Lhip aptimem apvisqui mayayo, aptemaclha appeyvomo apanco.
7 Apmiyovquic lhip actemaclha acpeyvomo.
Aptanoncama lhip actemaclha acmasom.
Malyacyescama nac lhip ayinyema Dios Visqui ingac.
Appayesayclha lhip apvalhoc, am colhno acpayjayclha apquilvalhoc apnaymacoc.
8 Asoc masis acticjanma lhip apquilantalhnama (mirra, áloe, conela).
Inlingalhquic apquilpayvascama música congne tingma apquiltamila.
9 Inquileyvec quilvanaa.
Poc apquilviscaa apquitquic.
Apnaclha lhip acna quilvana, lhip visqui apponcanma.
Alnatanma asoc alyinmom oro.
10 Lhiya eyitca. Caylhojo sicpayvam:
—Colvonquim sat anaymacoc najan acmolhama.
11 Lhiya actamila acvisay visqui apyisponcama:
—Caylhojo sat appayvam, colyejiclhojo.
12 Quilvana co Tiro nac lhiya. Apquillhenamap acma apquilnatam co Tiro.
Elsantimquisic sat apcaycaoc macpayesayclha avalhoc lhiya — intomjac amyaa.
13 Intalhnec quilvana quilhva avisqui, actamila anco.
Aptamila apanco apava alantalhnama, oro alyinmom.
14 Apma aptalhamavo apava.
Innec acyantamaclho apnaclha apvisqui.
Allhalhmaa quilvanaa anaymacoc.
Innec acnalaclho apnaclha apvisqui.
15 Innec acnalaclho naysicsa ayitsovasomalhca (mayitsovascama).
Inquilantalhnec apvisqui tingma pac aptamila.
16 Lhip visqui presidente.
Nanoc nat apquilviscaa lhip apquilyeyjamcaa.
Nanoc sat eltimjic apquilviscaa lhip apquitquic.
Eltimjic sat apquilviscaa lhalhma anco.
17 Olngacsic sat lhip apvisay nipyesicsa ingnaymacoc.
Colhic sat ayaco lhip apvisay nipyesicsa enlhitaoc cotmongvoycamlha nelha.
Actemaclha alyimjapma
1 Inlhenquic evalhoc amyaa actamila yoyam oltimnacsic.
Omnaycmacsic sat siyayo presidente visqui ingac.
Intipquic mataa sicpayvam acno nimpecjescama nintalhosaycaoc.
2 Aptamila apanco lhip, am elhno poc nipyesicsa ingnaymacoc.
Inyispalhquic mataa lhip appayvam.
Mayayo nac lhip ayinyema Dios Visqui ingac cotningvoyam nelha.
3 Apyimnatem apanco lhip.
Iteticlha sat sovo acvinatem.
Malha apnatanma actamila intomjac sovo acvinatem.
4 Ivascap sat lhip naysicsa aptimem apyimtalhnamo.
Ivascap sat lhip aptingyey actemaclha nasoc anco, actemaclha acpeyvomo.
Elavojoc sat apquilvita inlhojo lhip aptamjaycam simpilapquiscama.
5 Ilnapap sat cotnaja ingmoc.
Iyjing sat yanca apancaoc.
Ilimse sat apnenyaoc.
6 Lhip macyitquiscama Dios Visqui ingac cotningvoyam nelha.
Lhip aptimem apvisqui mayayo, aptemaclha appeyvomo apanco.
7 Apmiyovquic lhip actemaclha acpeyvomo.
Aptanoncama lhip actemaclha acmasom.
Malyacyescama nac lhip ayinyema Dios Visqui ingac.
Appayesayclha lhip apvalhoc, am colhno acpayjayclha apquilvalhoc apnaymacoc.
8 Asoc masis acticjanma lhip apquilantalhnama (mirra, áloe, conela).
Inlingalhquic apquilpayvascama música congne tingma apquiltamila.
9 Inquileyvec quilvanaa.
Poc apquilviscaa apquitquic.
Apnaclha lhip acna quilvana, lhip visqui apponcanma.
Alnatanma asoc alyinmom oro.
10 Lhiya eyitca. Caylhojo sicpayvam:
—Colvonquim sat anaymacoc najan acmolhama.
11 Lhiya actamila acvisay visqui apyisponcama:
—Caylhojo sat appayvam, colyejiclhojo.
12 Quilvana co Tiro nac lhiya. Apquillhenamap acma apquilnatam co Tiro.
Elsantimquisic sat apcaycaoc macpayesayclha avalhoc lhiya — intomjac amyaa.
13 Intalhnec quilvana quilhva avisqui, actamila anco.
Aptamila apanco apava alantalhnama, oro alyinmom.
14 Apma aptalhamavo apava.
Innec acyantamaclho apnaclha apvisqui.
Allhalhmaa quilvanaa anaymacoc.
Innec acnalaclho apnaclha apvisqui.
15 Innec acnalaclho naysicsa ayitsovasomalhca (mayitsovascama).
Inquilantalhnec apvisqui tingma pac aptamila.
16 Lhip visqui presidente.
Nanoc nat apquilviscaa lhip apquilyeyjamcaa.
Nanoc sat eltimjic apquilviscaa lhip apquitquic.
Eltimjic sat apquilviscaa lhalhma anco.
17 Olngacsic sat lhip apvisay nipyesicsa ingnaymacoc.
Colhic sat ayaco lhip apvisay nipyesicsa enlhitaoc cotmongvoycamlha nelha.
