LIBRO II
Salmo 42—72
Actemaclha siyayo Visqui ingac
1 Inquilipvocmec evalhoc sitamsama lhip o Dios.
Malha popyit ayajem acnim apquitamsama yingmin.
2 Avanjec aclhanma evalhoc Visqui ingac aptomja apyimnatescama ingnenyaoc.
¿Co sat acvam ovoclhac apnaclha Visqui ingac?
3 Avanjec mataa sicvinama, am omajayac otoc acnim anco najan alhtaa.
Ayinyema siclingay mataa amyaa:
—¿Jalhco apna Dios lhip apmasma? — apquiltomjac mataa seyanya.
4 Naysicsa mepqui sictamilquisquiyam evalhoc inyasingveclhoc evalhoc actemaclha nano.
Actemaclha ninlhingam ninlhamoclhojo sicnalayclha Dios tingma pac.
Actemaclha acyivey ningitsovascama najan actemaclha ningayo Visqui ingac.
Fiesta acvanyam alhta intomjac.
5 ¿So actema acmayovsa mataa evalhoc coo?
¿So actema aliclhanveycam mataa evalhoc?
Pac olinlhanmojoc sat, otnejic sat siyayo Dios aptomja Visqui ajac najan sevomquiscama tap.
6 Ayovsec mataa evalhoc coo, inyitnam ajatic lhip sictiyascam alhta vatsam Jordán,
sictiyascam inquilhe Hermón najan Mizar.
7 Inlingalhquic actemaclha alvata congnoc anco.
Ayilhtingyovam actiyapmaclha yingmin.
Epalingvoctac actiyapmaclha yingmin, lhip alhta apcapajascama.
8 Eyasicjavoc coo acnim anco Visqui ajac.
Acminaycmasquic coo mataa alhtaa.
Almalhnaquic coo mataa Visqui ingac aptomja apyimnatescama enquenyic.
9 Actomjac coo siyanya Visqui semasma:
—¿Soctomja selvoncacmo nac lhip?
¿Soctomja acyitnocjavo nac evalhoc?
¿Soctomja acyajapo nac evalhoc ayinyema cotnaja ingmoc? — alhta actomjac coo.
10 Malha acmasca evalhoc intomjac siclingaycamco selvennéycam cotnaja ingmoc.
Apquiltomjac mataa seyanya:
—¿Jalhco apna Dios lhip apmasma? — apquiltomjac mataa.
11 ¿So actema acmayovsa mataa evalhoc coo?
¿So actema aliclhangveycam mataa evalhoc?
Pac olinlhanmojoc sat, otnejic siyayo Dios, aptomja Visqui ajac najan sevomquiscama tap.
LIBRO II
Salmo 42—72
Actemaclha siyayo Visqui ingac
1 Inquilipvocmec evalhoc sitamsama lhip o Dios.
Malha popyit ayajem acnim apquitamsama yingmin.
2 Avanjec aclhanma evalhoc Visqui ingac aptomja apyimnatescama ingnenyaoc.
¿Co sat acvam ovoclhac apnaclha Visqui ingac?
3 Avanjec mataa sicvinama, am omajayac otoc acnim anco najan alhtaa.
Ayinyema siclingay mataa amyaa:
—¿Jalhco apna Dios lhip apmasma? — apquiltomjac mataa seyanya.
4 Naysicsa mepqui sictamilquisquiyam evalhoc inyasingveclhoc evalhoc actemaclha nano.
Actemaclha ninlhingam ninlhamoclhojo sicnalayclha Dios tingma pac.
Actemaclha acyivey ningitsovascama najan actemaclha ningayo Visqui ingac.
Fiesta acvanyam alhta intomjac.
5 ¿So actema acmayovsa mataa evalhoc coo?
¿So actema aliclhanveycam mataa evalhoc?
Pac olinlhanmojoc sat, otnejic sat siyayo Dios aptomja Visqui ajac najan sevomquiscama tap.
6 Ayovsec mataa evalhoc coo, inyitnam ajatic lhip sictiyascam alhta vatsam Jordán,
sictiyascam inquilhe Hermón najan Mizar.
7 Inlingalhquic actemaclha alvata congnoc anco.
Ayilhtingyovam actiyapmaclha yingmin.
Epalingvoctac actiyapmaclha yingmin, lhip alhta apcapajascama.
8 Eyasicjavoc coo acnim anco Visqui ajac.
Acminaycmasquic coo mataa alhtaa.
Almalhnaquic coo mataa Visqui ingac aptomja apyimnatescama enquenyic.
9 Actomjac coo siyanya Visqui semasma:
—¿Soctomja selvoncacmo nac lhip?
¿Soctomja acyitnocjavo nac evalhoc?
¿Soctomja acyajapo nac evalhoc ayinyema cotnaja ingmoc? — alhta actomjac coo.
10 Malha acmasca evalhoc intomjac siclingaycamco selvennéycam cotnaja ingmoc.
Apquiltomjac mataa seyanya:
—¿Jalhco apna Dios lhip apmasma? — apquiltomjac mataa.
11 ¿So actema acmayovsa mataa evalhoc coo?
¿So actema aliclhangveycam mataa evalhoc?
Pac olinlhanmojoc sat, otnejic siyayo Dios, aptomja Visqui ajac najan sevomquiscama tap.
