Enlhit aptemaclha najan Dios aptemaclha
1 Aptemaclha enlhit apmapsom ayinyema apvalhoc acmasom.
Mepqui ayay apvalhoc napato Dios Visqui ingac.
2 Ayajamalhco apvalhoc apanco.
Apposquic mataa aptemaclha apsilhnanomap apanco.
Apcanayquic mataa cotamalhca apvalhoc apanco.
3 Acmasom mataa appayvam.
Aptomja apmopvan amyaa.
Apquilvatasquic mataa aptemaclha actamila.
4 Yitnec alquitamsama apvalhoc acmasom apyitnama aptajanma.
Apyiplovcasquic mataa actemaclha acmasom mepqui ayay apvalhoc.
5 Dios Visqui ingac.
Cotningvoyam nelha lhip apcasicjayo (acvaycmo netin).
6 Lhip aptemaclha appeyvomo, cotningvomeje nelha.
Lhip singyicpilquemo, cotningvomeje nelha.
Lhip aptamilquiscama enlhitaoc as nalhpop najan asoc navjac.
7 Lhip aptemaclha singasicjayo.
Sas anco, am colhno lhalhma anco.
Lhip aptomja singyilhanmeycam, malha coning aplhimpancoc.
8 Cotlaycaoc mataa nintom ayinyema lhip tingma pac, mepqui ninsovjomo.
Singmescama ningyam yingmin actamila ayinyema vatsam.
9 Apnaclha lhip ningvita actiyapmaclha yingmin acyimnatescama ingnenyic.
Apnaclha lhip ningvita singatsiscama olhma.
10 Ilimlimojo sat lhip ingnaymacoc apquilyiplovquiscama lhip aptemaclha.
Ilasicjojo sat lhip ingnaymacoc acyitna actamilaycam apquilvalhoc.
11 Nongyane nasa jesilhnana enlhit ayajamalhco apquilvalhoc.
Nongyane nasa jelya'macsic enlhit apquilmapsomcaa.
12 Quip elanojo apquilpilapiyam enlhit apquilmapsomcaa.
Quip elanojo, colapvanquejec elimpiclha mocjam.
Enlhit aptemaclha najan Dios aptemaclha
1 Aptemaclha enlhit apmapsom ayinyema apvalhoc acmasom.
Mepqui ayay apvalhoc napato Dios Visqui ingac.
2 Ayajamalhco apvalhoc apanco.
Apposquic mataa aptemaclha apsilhnanomap apanco.
Apcanayquic mataa cotamalhca apvalhoc apanco.
3 Acmasom mataa appayvam.
Aptomja apmopvan amyaa.
Apquilvatasquic mataa aptemaclha actamila.
4 Yitnec alquitamsama apvalhoc acmasom apyitnama aptajanma.
Apyiplovcasquic mataa actemaclha acmasom mepqui ayay apvalhoc.
5 Dios Visqui ingac.
Cotningvoyam nelha lhip apcasicjayo (acvaycmo netin).
6 Lhip aptemaclha appeyvomo, cotningvomeje nelha.
Lhip singyicpilquemo, cotningvomeje nelha.
Lhip aptamilquiscama enlhitaoc as nalhpop najan asoc navjac.
7 Lhip aptemaclha singasicjayo.
Sas anco, am colhno lhalhma anco.
Lhip aptomja singyilhanmeycam, malha coning aplhimpancoc.
8 Cotlaycaoc mataa nintom ayinyema lhip tingma pac, mepqui ninsovjomo.
Singmescama ningyam yingmin actamila ayinyema vatsam.
9 Apnaclha lhip ningvita actiyapmaclha yingmin acyimnatescama ingnenyic.
Apnaclha lhip ningvita singatsiscama olhma.
10 Ilimlimojo sat lhip ingnaymacoc apquilyiplovquiscama lhip aptemaclha.
Ilasicjojo sat lhip ingnaymacoc acyitna actamilaycam apquilvalhoc.
11 Nongyane nasa jesilhnana enlhit ayajamalhco apquilvalhoc.
Nongyane nasa jelya'macsic enlhit apquilmapsomcaa.
12 Quip elanojo apquilpilapiyam enlhit apquilmapsomcaa.
Quip elanojo, colapvanquejec elimpiclha mocjam.
