Dios apquilyacyescama
1 ¿Soctomja apyinimquiscama'lhma enlhitaoc?
Alhtoc mataa alquitamsama apquilvalhoc enlhit.
2 Apcaneclhec mataa apquilviscaa as nalhpop.
Apquilpamejitsacpec mataa yatapquilviscaa.
Apquililtamjoc mataa elinmelham Visqui ingac yoyam elinmelham Dios apquilyacyescama.
3 Intomjac mataa apquilpayvam:
—Noc ongilyitipsic singilpilhtetem, ongilyinyoc mocjay tama singilpilhtetem — alhta apquiltomjac apquilpalhamamcaa.
4 Apcasmasquic mataa Dios apma netin.
Apvennoc mataa Visqui ingac apvita as enlhitaoc.
5 Epamejitsic sat naysicsa aplom.
Ingyacsic sat enlhitaoc.
Etnejic sat ingyanic naysicsa aclom apvalhoc:
6 —Coo alhta sicponquinquiscama Apvisqui.
Acnesquic alhta tingma Sión, netin inquilhe acponquinomalhca — alhta aptomjac.
7 Eycaso actomja Dios appayvam yoyam olngacsic:
—Aptomjac alhta seyanya coo: Lhip aptomja sictamongvoyam.
Actimescasquic lhip acnim nac jay.
8 Jelmalhna siclho asoc, olmesiclhac sat lhip aplhamoclhojo enlhitaoc.
Etniclhac sat lhip apancaoc aplhamoclhojo as nalhpop.
9 Eyanmongsiclhac sat lhip apquiltemaclha maa.
Itipilcam sat memong yayem vajic.
Iltipilcam sat enlhitaoc malha ningilpalhcatma yatingvalhva sat cotnejic — alhta aptomjac.
10 Quellhip apquilviscaa, elyasingvom quilhvo nac jay.
Quellhip apquilyascamco apquiltemaclha, noelyasquim nasa apquillingay.
11 Eltime sat yoyam colhic ayaco Visqui ingac ayinyema ayay apquilvalhoc.
Elitsovacsojo sat naysicsa alpilhyinamam apquilvalhoc.
12 Eltime sat apquilayo Dios Apquitca yoyam melvejec sat.
Melmasquingvomejec sat naysicsa apquileyvam.
Cotlapsic sat ongvita naysicsa aplom.
Apquilinyejemoc anco enlhit apquiltomja apquilyilhanmeycam Visqui ingac.
Dios apquilyacyescama
1 ¿Soctomja apyinimquiscama'lhma enlhitaoc?
Alhtoc mataa alquitamsama apquilvalhoc enlhit.
2 Apcaneclhec mataa apquilviscaa as nalhpop.
Apquilpamejitsacpec mataa yatapquilviscaa.
Apquililtamjoc mataa elinmelham Visqui ingac yoyam elinmelham Dios apquilyacyescama.
3 Intomjac mataa apquilpayvam:
—Noc ongilyitipsic singilpilhtetem, ongilyinyoc mocjay tama singilpilhtetem — alhta apquiltomjac apquilpalhamamcaa.
4 Apcasmasquic mataa Dios apma netin.
Apvennoc mataa Visqui ingac apvita as enlhitaoc.
5 Epamejitsic sat naysicsa aplom.
Ingyacsic sat enlhitaoc.
Etnejic sat ingyanic naysicsa aclom apvalhoc:
6 —Coo alhta sicponquinquiscama Apvisqui.
Acnesquic alhta tingma Sión, netin inquilhe acponquinomalhca — alhta aptomjac.
7 Eycaso actomja Dios appayvam yoyam olngacsic:
—Aptomjac alhta seyanya coo: Lhip aptomja sictamongvoyam.
Actimescasquic lhip acnim nac jay.
8 Jelmalhna siclho asoc, olmesiclhac sat lhip aplhamoclhojo enlhitaoc.
Etniclhac sat lhip apancaoc aplhamoclhojo as nalhpop.
9 Eyanmongsiclhac sat lhip apquiltemaclha maa.
Itipilcam sat memong yayem vajic.
Iltipilcam sat enlhitaoc malha ningilpalhcatma yatingvalhva sat cotnejic — alhta aptomjac.
10 Quellhip apquilviscaa, elyasingvom quilhvo nac jay.
Quellhip apquilyascamco apquiltemaclha, noelyasquim nasa apquillingay.
11 Eltime sat yoyam colhic ayaco Visqui ingac ayinyema ayay apquilvalhoc.
Elitsovacsojo sat naysicsa alpilhyinamam apquilvalhoc.
12 Eltime sat apquilayo Dios Apquitca yoyam melvejec sat.
Melmasquingvomejec sat naysicsa apquileyvam.
Cotlapsic sat ongvita naysicsa aplom.
Apquilinyejemoc anco enlhit apquiltomja apquilyilhanmeycam Visqui ingac.
