1 Ningyinyec mataa mepqui singya'mascam, ningiltomja inlhojo ningmasomcaa. Mepqui mataa ningyinyem, mepqui ningay malha yamacmeyva, ningiltomja inlhojo ningilpeyvomo.
2 Aplhameclhec mataa apquilviscaa, acyitna inlhojo apquilinmelhamap enlhit. Apnec sat ancoc apvisqui rey apyascamco, emascocsic sat apquilnapomacpilha.
3 Yitnec sat ancoc ningyimtalhnescama apquilvalhoc enlhit mepqui apquilnatam, colhojoc sat nintemaclha acmamay acmasom, actovascama acyilhna amyip.
4 Ningyinyovquic sat ancoc singanamaclha, ongilpasmiclhac sat apquilmapsomcaa. Ningyiplovcasquic sat ancoc singanamaclha, ongilinmelham sat apquilmapsomcaa.
5 Paj ongilyasamcoc mataa actemaclha acpeyvomo, ningiltomja inlhojo ningilmasomcaa. Ongilyasamcojoc sat actemaclha acpeyvomo, nintingya inlhojo Dios.
6 Actamila anco mepqui ningilnatam najan mepqui ningilsilhnanomalhca inganco. Am colhno acma ningilnatam mepqui ningiltamilcasomalhco inganco.
7 Apvisay inquitca apyascamco, aptomja apyiplovquiscama singanamaclha Dios. Singmanquescama inquitca, aptomja appalhaviyam enlhit melyascalhma.
8 Ningillhamaseclhec sat ancoc ningilnatam ayinyema nintingyey interés acvoncapaycaoc, coyangvomoc sat ningimlayquiclha enlhit mepqui asoc.
9 Am sat ancoc ongyiplovcasac singanamaclha Dios, colhic sat actanova ningilmalhnancama napato Dios.
10 Ningnalaclhec sat ancoc enlhit apquilpeyvomo amay acmasom, ongilmalhcac sat singilmam trampa inganco. Ongmiyovalhcac sat, mepqui inlhojo ningilsilhnanomalhca inganco.
11 Ninganayquic mataa ningyascamco nincoo, acyitna inlhojo cascama ningilnatam. Apyasamcoc enlhit mepqui apquilnatam actemaclha ingvalhoc, ayinyema acyascamco apvalhoc apanco.
12 Ningvitac sat ancoc apquilyimtalhnamo enlhit apquilpeyvomo, colhic sat allana fiesta. Ningvitac sat ancoc apquilyimtalhnamo apquilmapsomcaa, elinyajamcoc sat enlhitaoc.
13 Am sat ancoc ongillhenac ningilsilhnanomalhca inganco, ongiltanovalhcac sat nincoo. Ningillhenquic sat ancoc ningilsilhnanomalhca inganco (ningilvatesa nintemaclha), ongmiyovalhcac sat nincoo.
14 Ningilinyejemo nincoo ningiltomja ningayo Visqui ingac. Am sat ancoc colcac ingilvalhoc, mongmiyovalhquejec sat nincoo.
15 Apyitsomacpo apvisqui apmapsom nipyesicsa apnaymacoc mepqui apquilnatam, malha asoc navjac aclom, actemaclha yamacmeyva najan aptemaclha oso aclom.
16 Inyangvocmec mataa aptemaclha apanco apvisqui mepqui apyascamco. Apnec sat ancoc apvisqui mepqui ayitsepma apnenyic asoc, emyovacpoc sat acvoncaclhojo.
17 Ningyinyec mataa acvaycmo ningitsepma, acyitna inlhojo ningajem poc. Colapvanquejec jingilmeyvoc ingnaymacoc.
18 Ongmiyovalhcac sat mataa, mepqui inlhojo ningilsilhnanomalhca inganco. Mongmiyovalhquejec sat, acyitna inlhojo anit ingilvalhaoc.
19 Coytic nincoo cotlaycaoc nintom, acyitna inlhojo nintamjaycam amyip. Onlhic sat mataa mepqui asoc najan mepqui nintom, jingilyacmo inlhojo ongiltamjam.
20 Colhic sat singaco, acyitna inlhojo ningiltamilcasomalhco inganco. Onlingamcojoc sat acyanmongayclha, nintingya inlhojo cascama ningilnatam.
21 Mongvanquejec ongilmeyvoc ingmoc, ningiltanova inlhojo poc. Acyanmongam pan apquitcoc ningillhoy nincoo, ongilsilhnanalhcac sat inganco.
22 Nintingyey cascama ningilnatam ayinyema ayitsepma ingnenyic. Pilapcasquic nincoo ningvita mepqui asoc nincoo.
23 Colhic sat singaco, ningiltamesa inlhojo ingmoc. Mepqui mataa singayo, acyitna inlhojo anit ingilvalhaoc.
24 Yitnec sat ancoc ningminyilhma asoc apanco tata ingac najan meme ingac, ninganem mepqui ningilsilhnanomalhca inganco, onlhojoc sat enlhit apminyilhma.
25 Ningilatingmomalhca ayinyema ayitsepma ingnenyic asoc altamila. Colhic mataa actamilaycam ingvalhoc, acyitna inlhojo mongyasquiyam Dios.
26 Acyeyjamelhma nincoo, ningyiplovquisa inlhojo aclheneycam ingvalhoc. Ongmiyovalhcac sat nincoo, ningyiplovquisa inlhojo actemalcha acyascamco ingvalhoc.
27 Cosovjalhquejec sat mataa asoc ingac, acyitna inlhojo ningamliyam enlhit mepqui asoc. Onlingamcojoc sat singvenéycam, mepqui inlhojo ningamliyam.
28 Ningvitac sat ancoc apquilyimtalhnamo apquilmapsomcaa, elinyajamcoc sat enlhitaoc. Apticyovquic (apquilmasquingvocmec) sat ancoc apquilmapsomcaa, eltimjic sat apquilyimtalhnamo enlhit apquilpeyvomo.
1 Ningyinyec mataa mepqui singya'mascam, ningiltomja inlhojo ningmasomcaa. Mepqui mataa ningyinyem, mepqui ningay malha yamacmeyva, ningiltomja inlhojo ningilpeyvomo.
2 Aplhameclhec mataa apquilviscaa, acyitna inlhojo apquilinmelhamap enlhit. Apnec sat ancoc apvisqui rey apyascamco, emascocsic sat apquilnapomacpilha.
3 Yitnec sat ancoc ningyimtalhnescama apquilvalhoc enlhit mepqui apquilnatam, colhojoc sat nintemaclha acmamay acmasom, actovascama acyilhna amyip.
4 Ningyinyovquic sat ancoc singanamaclha, ongilpasmiclhac sat apquilmapsomcaa. Ningyiplovcasquic sat ancoc singanamaclha, ongilinmelham sat apquilmapsomcaa.
5 Paj ongilyasamcoc mataa actemaclha acpeyvomo, ningiltomja inlhojo ningilmasomcaa. Ongilyasamcojoc sat actemaclha acpeyvomo, nintingya inlhojo Dios.
6 Actamila anco mepqui ningilnatam najan mepqui ningilsilhnanomalhca inganco. Am colhno acma ningilnatam mepqui ningiltamilcasomalhco inganco.
7 Apvisay inquitca apyascamco, aptomja apyiplovquiscama singanamaclha Dios. Singmanquescama inquitca, aptomja appalhaviyam enlhit melyascalhma.
8 Ningillhamaseclhec sat ancoc ningilnatam ayinyema nintingyey interés acvoncapaycaoc, coyangvomoc sat ningimlayquiclha enlhit mepqui asoc.
9 Am sat ancoc ongyiplovcasac singanamaclha Dios, colhic sat actanova ningilmalhnancama napato Dios.
10 Ningnalaclhec sat ancoc enlhit apquilpeyvomo amay acmasom, ongilmalhcac sat singilmam trampa inganco. Ongmiyovalhcac sat, mepqui inlhojo ningilsilhnanomalhca inganco.
11 Ninganayquic mataa ningyascamco nincoo, acyitna inlhojo cascama ningilnatam. Apyasamcoc enlhit mepqui apquilnatam actemaclha ingvalhoc, ayinyema acyascamco apvalhoc apanco.
12 Ningvitac sat ancoc apquilyimtalhnamo enlhit apquilpeyvomo, colhic sat allana fiesta. Ningvitac sat ancoc apquilyimtalhnamo apquilmapsomcaa, elinyajamcoc sat enlhitaoc.
13 Am sat ancoc ongillhenac ningilsilhnanomalhca inganco, ongiltanovalhcac sat nincoo. Ningillhenquic sat ancoc ningilsilhnanomalhca inganco (ningilvatesa nintemaclha), ongmiyovalhcac sat nincoo.
14 Ningilinyejemo nincoo ningiltomja ningayo Visqui ingac. Am sat ancoc colcac ingilvalhoc, mongmiyovalhquejec sat nincoo.
15 Apyitsomacpo apvisqui apmapsom nipyesicsa apnaymacoc mepqui apquilnatam, malha asoc navjac aclom, actemaclha yamacmeyva najan aptemaclha oso aclom.
16 Inyangvocmec mataa aptemaclha apanco apvisqui mepqui apyascamco. Apnec sat ancoc apvisqui mepqui ayitsepma apnenyic asoc, emyovacpoc sat acvoncaclhojo.
17 Ningyinyec mataa acvaycmo ningitsepma, acyitna inlhojo ningajem poc. Colapvanquejec jingilmeyvoc ingnaymacoc.
18 Ongmiyovalhcac sat mataa, mepqui inlhojo ningilsilhnanomalhca inganco. Mongmiyovalhquejec sat, acyitna inlhojo anit ingilvalhaoc.
19 Coytic nincoo cotlaycaoc nintom, acyitna inlhojo nintamjaycam amyip. Onlhic sat mataa mepqui asoc najan mepqui nintom, jingilyacmo inlhojo ongiltamjam.
20 Colhic sat singaco, acyitna inlhojo ningiltamilcasomalhco inganco. Onlingamcojoc sat acyanmongayclha, nintingya inlhojo cascama ningilnatam.
21 Mongvanquejec ongilmeyvoc ingmoc, ningiltanova inlhojo poc. Acyanmongam pan apquitcoc ningillhoy nincoo, ongilsilhnanalhcac sat inganco.
22 Nintingyey cascama ningilnatam ayinyema ayitsepma ingnenyic. Pilapcasquic nincoo ningvita mepqui asoc nincoo.
23 Colhic sat singaco, ningiltamesa inlhojo ingmoc. Mepqui mataa singayo, acyitna inlhojo anit ingilvalhaoc.
24 Yitnec sat ancoc ningminyilhma asoc apanco tata ingac najan meme ingac, ninganem mepqui ningilsilhnanomalhca inganco, onlhojoc sat enlhit apminyilhma.
25 Ningilatingmomalhca ayinyema ayitsepma ingnenyic asoc altamila. Colhic mataa actamilaycam ingvalhoc, acyitna inlhojo mongyasquiyam Dios.
26 Acyeyjamelhma nincoo, ningyiplovquisa inlhojo aclheneycam ingvalhoc. Ongmiyovalhcac sat nincoo, ningyiplovquisa inlhojo actemalcha acyascamco ingvalhoc.
27 Cosovjalhquejec sat mataa asoc ingac, acyitna inlhojo ningamliyam enlhit mepqui asoc. Onlingamcojoc sat singvenéycam, mepqui inlhojo ningamliyam.
28 Ningvitac sat ancoc apquilyimtalhnamo apquilmapsomcaa, elinyajamcoc sat enlhitaoc. Apticyovquic (apquilmasquingvocmec) sat ancoc apquilmapsomcaa, eltimjic sat apquilyimtalhnamo enlhit apquilpeyvomo.
