Actemaclha singiltamsoycaoc
1 Appayvam singiltamsoycaoc aplhanma ilhnic nat Salomón, David apquitca apvisqui co Israel.
2 Ongiltamsalhcac sat actemaclha acyascamco ingvalhoc najan ningiltamilcasomalhco inganco.
3 Ongiltamsalhcac sat actemaclha acmam ingvalhoc nintemaclha acpeyvomo, mepqui ningilsilhnanomalhca inganco.
4 Colhic sat actamilaycam ingvalhoc, ningyiplovquisa inlhojo singiltamsoycaoc, apquillhenacpoc inquitquic najan apquilyimnanic.
5 Ongilaylhojoc sat mataa ningiltomja inlhojo ningyascamco, coyangvomoc sat acmam ingvalhoc.
6 Ongilyasingvomoc sat apquilpayvam enlhit singiltamsoycaoc najan apquiltemaclha apquiltamilcasomacpo apanco, najan apquilyitquiscama, yoyam ongiltamsalhcac nincoo.
7 Ontimjic ningilyascamco nincoo, acyitna inlhojo ningayo Dios. Invennalhquic mataa actemaclha singiltamsoycaoc najan actemaclha ningyascamco nipyesicsa enlhit melyascalhma.
Inquitquic apquilyimnanic
8 Lhip sictamongvoyam: Ingyeylhojo mataa apyap appayvam najan inquin acpayvam, yoyam eltamsacpoc lhip.
9 Lhip sictamongvoyam: Colhojoc sat apnatanma actamila, malha apnatanma apyispoc najan apcatic, acyitna inlhojo lhip apquilyajayquiclho.
10 Lhip sictamongvoyam: ¡Nongyane nasa esilhnanacpoc lhip nipyesicsa melyascalhma, nopasmiclha nasa lhip!
11 Apquiltomjac as apnaymacoc apquilanya lhip: Noc, ontimjic nimpasmeyquiclha. Ongilsilhnanac sat poc enlhit mepqui apsilhnanomap apanco, yoyam ematong mepqui acvisay.
12 Ongilmascoscomoc sat apquileyvam enlhit apquilpeyvomo, colhojoc sat apquilalhimsomap congne malhic ningitsepmaclha.
13 Ongilnatamoc sat asoc apancaoc, coyangvomoc sat tingma ingac ningilnatam acminyilhamalhca.
14 Ongimlascoc sat ningyesicsa acyovoclhojo asoc. Noc, ontimjic sat nimpasmeyquiclha — apquiltomjac mataa apnaymacoc.
15 Lhip sictamongvoyam: ¡Nopasmiclha nasa apnaymacoc melyascalhma, nopalhavoclha nasa lhip!
16 Apquilpecjam mataa ellanac acmasom. ¡Apquilpecjam ellajic poc!
17 Alhto inyicje nimpicanma trampa tava apac, mepqui inlhojo acyilhasomalhca.
18 Elmacpoc apanco as trampa enlhit, ellingamcojoc sat apquilmomap apanco.
19 Colhojoc sat aptemaclha enlhit aplhamasayclha apquilnatam. Ingyitsapoc sat enlhit, ayinyema ayitsepma apnenyic, yoyam cajic sat.
Apyascamco apanco
20 Inlingalhquic mataa appayvam enlhit apyascamco apanco amay apvalhoc tingma.
21 Payjoc atong acyivey aptomja aplingascama appayvam, apquileyvomaclha enlhit.
22 Quellhip apquilyimnanic melyascamco, apquillhamasomap, mepqui actamila apquilvalhoc: ¿Co sat acvam elvatsamcoc quellhip apquiltemaclha apancaoc melyascamco, najan apquiltemaclha apquillhamasomap, mepqui acyascamco apquilvalhoc?
23 Quip elaylhojo nintemaclha ningiltamsoycaoc, ellhovamcoc sat actamilaycam apquilvalhoc quellhip, colhic sat acyascamco apquilvalhoc.
24 Am alhta colyacmoc quellhip jelyotac, sictomja siyevoycam quellhip.
25 Apquiltanovquic alhta quellhip sicpayvam siltimnascama quellhip. Am alhta colyacmoc elaylhojo sicpayvam, am alhta colmac apquilvalhoc.
26 Ongvasmacsic sat, sicvita inlhojo apquillingaycamco acyimtalhnama quellhip. Otnejic sat sicvennéycam quellhip, sicvita inlhojo ayay apquilvalhoc quellhip.
27 Apquillingamco inlhojo quellhip apquilay najan apquillingaycamco acyimtalhnama, malha yatepiyam aptovascama sat cotnejic.
28 Jelquitmoc sat quellhip, mejelviticlhejec sat. Jelanic sat yoyam opasmoc, mongvatingmamejec sat coo.
29 Quellhip apquiltomja mataa sevennéycam sicvisay sicyascamco, am eltomjac mataa apquilayo Dios Visqui ingac.
30 Am colmac mataa apquilvalhoc sicpayvam siltamescama, apquilvennam sicpayvam.
31 Ellingamcojoc sat acyanmongayclha apquiltemaclha apancaoc, ayinyema apquilvalhoc almasomcaa.
32 Acyeyjamelhma incajac mataa enlhit melyascamco. Etvasacpoc sat acyeyjamelhma ayinyema mepqui aclheneycam apvalhoc.
33 Coytic sat mataa actamilaycam apvalhoc, aptomja apjalhenmo coo sicpayvam. Melngamquejec sat mataa ayay, apvita inlhojo asoc acmasom (acyimtalhnama) — alhta intomjac appayvam apyascamco apanco.
Actemaclha singiltamsoycaoc
1 Appayvam singiltamsoycaoc aplhanma ilhnic nat Salomón, David apquitca apvisqui co Israel.
2 Ongiltamsalhcac sat actemaclha acyascamco ingvalhoc najan ningiltamilcasomalhco inganco.
3 Ongiltamsalhcac sat actemaclha acmam ingvalhoc nintemaclha acpeyvomo, mepqui ningilsilhnanomalhca inganco.
4 Colhic sat actamilaycam ingvalhoc, ningyiplovquisa inlhojo singiltamsoycaoc, apquillhenacpoc inquitquic najan apquilyimnanic.
5 Ongilaylhojoc sat mataa ningiltomja inlhojo ningyascamco, coyangvomoc sat acmam ingvalhoc.
6 Ongilyasingvomoc sat apquilpayvam enlhit singiltamsoycaoc najan apquiltemaclha apquiltamilcasomacpo apanco, najan apquilyitquiscama, yoyam ongiltamsalhcac nincoo.
7 Ontimjic ningilyascamco nincoo, acyitna inlhojo ningayo Dios. Invennalhquic mataa actemaclha singiltamsoycaoc najan actemaclha ningyascamco nipyesicsa enlhit melyascalhma.
Inquitquic apquilyimnanic
8 Lhip sictamongvoyam: Ingyeylhojo mataa apyap appayvam najan inquin acpayvam, yoyam eltamsacpoc lhip.
9 Lhip sictamongvoyam: Colhojoc sat apnatanma actamila, malha apnatanma apyispoc najan apcatic, acyitna inlhojo lhip apquilyajayquiclho.
10 Lhip sictamongvoyam: ¡Nongyane nasa esilhnanacpoc lhip nipyesicsa melyascalhma, nopasmiclha nasa lhip!
11 Apquiltomjac as apnaymacoc apquilanya lhip: Noc, ontimjic nimpasmeyquiclha. Ongilsilhnanac sat poc enlhit mepqui apsilhnanomap apanco, yoyam ematong mepqui acvisay.
12 Ongilmascoscomoc sat apquileyvam enlhit apquilpeyvomo, colhojoc sat apquilalhimsomap congne malhic ningitsepmaclha.
13 Ongilnatamoc sat asoc apancaoc, coyangvomoc sat tingma ingac ningilnatam acminyilhamalhca.
14 Ongimlascoc sat ningyesicsa acyovoclhojo asoc. Noc, ontimjic sat nimpasmeyquiclha — apquiltomjac mataa apnaymacoc.
15 Lhip sictamongvoyam: ¡Nopasmiclha nasa apnaymacoc melyascalhma, nopalhavoclha nasa lhip!
16 Apquilpecjam mataa ellanac acmasom. ¡Apquilpecjam ellajic poc!
17 Alhto inyicje nimpicanma trampa tava apac, mepqui inlhojo acyilhasomalhca.
18 Elmacpoc apanco as trampa enlhit, ellingamcojoc sat apquilmomap apanco.
19 Colhojoc sat aptemaclha enlhit aplhamasayclha apquilnatam. Ingyitsapoc sat enlhit, ayinyema ayitsepma apnenyic, yoyam cajic sat.
Apyascamco apanco
20 Inlingalhquic mataa appayvam enlhit apyascamco apanco amay apvalhoc tingma.
21 Payjoc atong acyivey aptomja aplingascama appayvam, apquileyvomaclha enlhit.
22 Quellhip apquilyimnanic melyascamco, apquillhamasomap, mepqui actamila apquilvalhoc: ¿Co sat acvam elvatsamcoc quellhip apquiltemaclha apancaoc melyascamco, najan apquiltemaclha apquillhamasomap, mepqui acyascamco apquilvalhoc?
23 Quip elaylhojo nintemaclha ningiltamsoycaoc, ellhovamcoc sat actamilaycam apquilvalhoc quellhip, colhic sat acyascamco apquilvalhoc.
24 Am alhta colyacmoc quellhip jelyotac, sictomja siyevoycam quellhip.
25 Apquiltanovquic alhta quellhip sicpayvam siltimnascama quellhip. Am alhta colyacmoc elaylhojo sicpayvam, am alhta colmac apquilvalhoc.
26 Ongvasmacsic sat, sicvita inlhojo apquillingaycamco acyimtalhnama quellhip. Otnejic sat sicvennéycam quellhip, sicvita inlhojo ayay apquilvalhoc quellhip.
27 Apquillingamco inlhojo quellhip apquilay najan apquillingaycamco acyimtalhnama, malha yatepiyam aptovascama sat cotnejic.
28 Jelquitmoc sat quellhip, mejelviticlhejec sat. Jelanic sat yoyam opasmoc, mongvatingmamejec sat coo.
29 Quellhip apquiltomja mataa sevennéycam sicvisay sicyascamco, am eltomjac mataa apquilayo Dios Visqui ingac.
30 Am colmac mataa apquilvalhoc sicpayvam siltamescama, apquilvennam sicpayvam.
31 Ellingamcojoc sat acyanmongayclha apquiltemaclha apancaoc, ayinyema apquilvalhoc almasomcaa.
32 Acyeyjamelhma incajac mataa enlhit melyascamco. Etvasacpoc sat acyeyjamelhma ayinyema mepqui aclheneycam apvalhoc.
33 Coytic sat mataa actamilaycam apvalhoc, aptomja apjalhenmo coo sicpayvam. Melngamquejec sat mataa ayay, apvita inlhojo asoc acmasom (acyimtalhnama) — alhta intomjac appayvam apyascamco apanco.
