Allhoy amyip quilvanaa
1 Apquilmiyaclhec nic nat apnaclha Moisés apquilviscaa mayayo familias apquilinyema apquilmolhama clanes de Galaad. Apyap nic nat Maquir, apyata ilhnic nat Manasés, apyeyjamcaa ilhnic nat José.
Apquiltomjac nic nat apquilanya Moisés najan apquilviscaa israelitas: 2 —Apcanyacpec lhip Moisés ingyilhpansic yoclhilhma nipyesicsa israelitas, ayinyema suerte sicas. Apcanyacpec lhip emquecsic nicja yoclhilhma ningmolhama Zelofehad, collhovamcoc sat apquitquic quilvanaa. 3 Colyimjapoc sat quilvanaa coltimjic anatamcaa apquilmolhama poc tribu israelita, comascoc sat acvisay yoclhilhma ningilmayclha inganco, cotnejic sat acvisay yoclhilhma apancaoc apquilinyemayaclha enlhit. 4 Ningvitac sat ancoc año de liberación, comascoc sat acvisay yoclhilhma apancaoc poc enlhitaoc, cotniclhac mocjam yoclhilhma inganco, aleyvomaclha as quilvanaa — nic nat apquiltomjac.
5 Apcanyacpec nic nat Moisés ayinyema Dios, eltimnacsic israelitas: —Payjoc apquillhanma lhac enlhit. 6 Avanquic quilvanaa Zelofehad apquitquic colyimjapoc, coltimjic anatamcaa. Incaymalhquic enlhit ingyinyemac tribu apquilmolhama inquilyap apnaymacoc. 7 Copvanquejec enlhit apmolhama poc tribu emiclhac yoclhilhma apquileyvomaclha apancaoc. 8 Avanquic quilvana colyimjapoc enlhit aptomja apmolhama clan najan apmolhama tribu, acno ayinyemayaclha quilvana. Emyoc sat mataa enlhit aplhoy yoclhilhma ayinyema apyapmayc najan apquilyeyjamcaa. 9 Copvanquejec mataa apmolhama tribu emiclhac yoclhilhma ayinyema poc tribu apquilmolhama. Emyoc sat mataa enlhit aplhoy yoclhilhma actomja apanco.
10-11 Inquilyajaclhoc nic nat quilvanaa Zelofehad apquitquic, alvisay: Maala, najan Tirsa, najan Hogla, najan Milca, najan Noa. Inquilyiplovcasoc nic nat Dios appayvam aplingascama Moisés. Inquilyimjapquic nic nat mataa inyaja apquitca, ningiltimem inyipma. 12 Aptovana Manasés nic nat mataa inyipyata, José ilhnic nat aptovana. Am nic nat comascac acvisay yoclhilhma apancaoc tribu apquilmolhama inquilyap quilvanaa.
13 Eycaso ilhnic nat apcanamaclha Dios aplingascama Moisés nipyesicsa israelitas, payjoc amyip acvanyam acvisay Moab, nicja vatsam Jordán, ningatoc tingma Jericó.
Allhoy amyip quilvanaa
1 Apquilmiyaclhec nic nat apnaclha Moisés apquilviscaa mayayo familias apquilinyema apquilmolhama clanes de Galaad. Apyap nic nat Maquir, apyata ilhnic nat Manasés, apyeyjamcaa ilhnic nat José.
Apquiltomjac nic nat apquilanya Moisés najan apquilviscaa israelitas: 2 —Apcanyacpec lhip Moisés ingyilhpansic yoclhilhma nipyesicsa israelitas, ayinyema suerte sicas. Apcanyacpec lhip emquecsic nicja yoclhilhma ningmolhama Zelofehad, collhovamcoc sat apquitquic quilvanaa. 3 Colyimjapoc sat quilvanaa coltimjic anatamcaa apquilmolhama poc tribu israelita, comascoc sat acvisay yoclhilhma ningilmayclha inganco, cotnejic sat acvisay yoclhilhma apancaoc apquilinyemayaclha enlhit. 4 Ningvitac sat ancoc año de liberación, comascoc sat acvisay yoclhilhma apancaoc poc enlhitaoc, cotniclhac mocjam yoclhilhma inganco, aleyvomaclha as quilvanaa — nic nat apquiltomjac.
5 Apcanyacpec nic nat Moisés ayinyema Dios, eltimnacsic israelitas: —Payjoc apquillhanma lhac enlhit. 6 Avanquic quilvanaa Zelofehad apquitquic colyimjapoc, coltimjic anatamcaa. Incaymalhquic enlhit ingyinyemac tribu apquilmolhama inquilyap apnaymacoc. 7 Copvanquejec enlhit apmolhama poc tribu emiclhac yoclhilhma apquileyvomaclha apancaoc. 8 Avanquic quilvana colyimjapoc enlhit aptomja apmolhama clan najan apmolhama tribu, acno ayinyemayaclha quilvana. Emyoc sat mataa enlhit aplhoy yoclhilhma ayinyema apyapmayc najan apquilyeyjamcaa. 9 Copvanquejec mataa apmolhama tribu emiclhac yoclhilhma ayinyema poc tribu apquilmolhama. Emyoc sat mataa enlhit aplhoy yoclhilhma actomja apanco.
10-11 Inquilyajaclhoc nic nat quilvanaa Zelofehad apquitquic, alvisay: Maala, najan Tirsa, najan Hogla, najan Milca, najan Noa. Inquilyiplovcasoc nic nat Dios appayvam aplingascama Moisés. Inquilyimjapquic nic nat mataa inyaja apquitca, ningiltimem inyipma. 12 Aptovana Manasés nic nat mataa inyipyata, José ilhnic nat aptovana. Am nic nat comascac acvisay yoclhilhma apancaoc tribu apquilmolhama inquilyap quilvanaa.
13 Eycaso ilhnic nat apcanamaclha Dios aplingascama Moisés nipyesicsa israelitas, payjoc amyip acvanyam acvisay Moab, nicja vatsam Jordán, ningatoc tingma Jericó.
