Apquilmolhama tribu Rubén najan tribu Gad
(Dt 3.12-22)1 Cascama ilhnic nat apnatoscama apquilmolhama Rubén najan Gad. Apquilvitac nic nat yoclhilhma Jazer najan Galaad, actamila anco ayimjaclha paat.
2 Apquiltomjac nic nat apquilanya Moisés najan sacerdote Eleazar najan apquilviscaa mayayo: 3 —Quip elanojo quellhip yoclhilhma najan tingma Atarot, najan Dibón, najan Jazer, najan Nimra, najan Hesbón, najan Eleale, najan Sebam, najan Nebo, najan Beón. 4 Apquillhocac alhta enlhitaoc Israel ayinyema Dios as yoclhilhma ayimjaclha paat coltovamcoc ninatoscama. 5 Nomyov nasa lhip, ontimjic inganco as yoclhilhma, mongilyacsejec sat tap vatsam Jordán yoyam onlhic — nic nat apquiltomjac.
6 Apcatingmavoc nic nat Moisés: —¿Apquililtamjo ya elhnam quellhip mepqui apquilpasmeyquiclha apquilimpocjay apnaymacoc nipyesicsa cotnaja ingmoc? 7 ¿So actomja yi? Elvatsamcoc sat apnaymacoc israelitas, melyacsejec sat yoclhilhma alhnancoc apmescama Dios, apquilvita inlhojo apquiltemaclha quellhip. 8 Ningvitac alhta actema nac jay apquilyeyjamcaa, silapajasa alhta Cades-barnea, eltiyaningvomoc sat yoclhilhma cotnajaclha apquilaoclha. 9 Apquilvocmec alhta vatsam ayitcoc Escol apquiltiyaningvocmo yoclhilhma. Apquillingasquic alhta amyaa apquilvactama. Intiyacmec alhta apquilvalhoc israelitas apquillinga amyaa. 10 Aplovquic alhta Dios, aptomja appayvam mepqui apyeycajascaoc: 11 Apquilyinyovquic alhta yoclhilhma Egipto israelitas. Melvityejec sat yoclhilhma alhnancoc moclhama israelita, acyitna inlhojo veinte años aptiyascam, najan maa veinte años tap. Apquilyasquiyam alhta ayinyema najan mepqui apquilyiplovquiscama ayinyema alhta acyanmongayclha. Am alhta elvitac yoclhilhma aplhanma Dios yoyam ellhovamcoc ningilyeyjamcaa Abraham, najan Isaac, najan Jacob. 12 Apvamlha maa Caleb, Jefone apquitca aptomja cenezeo najan aplhalhma Josué, Nun apquitca, apquiltomja apquilyiplovquiscama apcanamaclha Dios. 13 Aplovquic alhta Dios apvita apquiltemaclha apancaoc israelitas. Apcapajasquic alhta mataa lhalhma anco eleyoc yoclhilhma actamopeycaoc, acvaycmo cuarenta años. Apsovjacpoc alhta apquilitsepma israelitas apquilsilhnanomap apanco siclho napato Dios. 14 Enlhit melyascalhma alhta apquilyeyjamcaa quellhip. Apquililtamjoc quellhip elvajanamcoc apquiltemaclha apancaoc apquilyeyjamcaa, yoyam elvoc sat mocjam Dios Dios napatavo israelitas. 15 Apquilvatsamquic sat ancoc quellhip quilhvo nac jay apquilyajayquiclho Dios. Meyinyovsejec sat yoclhilhma actamopeycaoc Dios, elingamcojoc sat mocjam acyimtalhnama apnaymacoc, ayinyema quellhip apquilsilhnanomap apanco napato Dios — nic nat aptomjac Moisés.
16 Apquilyoclhec nic nat apnaclha Moisés, apquiltomja apquilanya: —Ningiltamjo inyicje ongillana nipquesic aplhanaoc najan vayqui alhanaoc, najan tingma apquilvanyam, yoyam elhnam familias ningilmolhama. 17 Ongilimpiclhac sat nincoo acyiplomo ningilmaycam, ongillhong sat ingmamyi, ongnaliclhac sat ingnaymacoc yoclhilhma alhnancoc. Elhnam sat familias ningilmolhama mepqui apquilay nipyesicsa enlhitaoc actomja apquilaoclha. 18 Mongilvotayc siclho tingma ingac. Ellhovamcoc siclho yoclhilhma apancaoc apyovoclhojo ingnaymacoc israelitas. 19 Cotnejic sat ningillhoy yoclhilhma jilip vatsam Jordán montingyejec sat yoclhilhma tap vatsam, paj najan mocjay — nic nat apquiltomjac.
20 Apcatingmavoc nic nat Moisés: —Elsavojo sat apquilyiplovquiscama appayvam ayinyema Dios. Elsavojo sat apquilmaycam yoyam elimpocjac apquilpasmeyquiclha apnaymacoc, acno apcanama Dios. 21 Eljalhtepilhquetic sat vatsam Jordán, yoyam elantipsacpoc sat yoclhilhma cotnaja ingmoc, ayinyema Dios. 22 Natamin apquilsovjomo yoclhilhma, eltajiclhac sat mocjam quellhip. Apquilpenasquic quellhip apquilanyomap eltimjic napato Dios najan napatavo israelitas. Cotnejic sat apancaoc as yoclhilhma apquileyvomaclha quellhip, ayinyema Dios. 23 Apquilyeycajasquic sat ancoc quellhip apquilpayvam, elsilhnanacpoc apanco quellhip napato Dios. Ellingamcojoc sat acyanmongayclha apquiltemaclha apancaoc. 24 Ellana sat quellhip tingma apquilvanyam elhnam familias apancaoc. Ellana sat nipquesic aplhanaoc. Elsavojo sat apquilyiplovquiscama Dios appayvam — nic nat aptomjac Moisés.
25 Apquilatingmavoc nic nat apquilmolhama Rubén najan Gad: —Ongyiplovcasojoc sat ningilanyomalhca ontimjic. 26 Elhnam sat tingma yoclhilhma Galaad ningilmolhama familias nincoo najan sicaa, najan ninatoscama. 27 Nincoo ningilvisay lhip apquilancam. Onsavojoc sat ningilmaycam, ongilimpocjac sat cotnaja ingmoc, acno apcanamaclha Dios, acno singanama lhac lhip — nic nat apquiltomjac.
28 Aplingasquic nic nat Moisés napato sacerdote Eleazar najan napato Josué najan napatavo apquilviscaa moclhama tribus apquilmolhama Israel, apcanamaclha: 29 —Apquillhalhma sat eltimjic apyovoclhojo apquilmolhama acma apquilmaycam tribu Rubén najan tribu Gad, eljalhtepilhquetic vatsam Jordán, acno apcanama Dios, acvaycmo apquilsovjomo quellhip yoclhilhma alhnancoc. Elmesaoc sat quellhip yoclhilhma Galaad, eltimjic apquileyvomaclha apancaoc. 30 Am sat ancoc elpasmac apquillhalhmaa acma apquilmaycam, ellhovamcoc sat yoclhilhma apquileyvomaclha Canaán — nic nat aptomjac Moisés.
31 Apquilatingmavoc nic nat aptovana Gad najan Rubén: —Ontimjic sat ningilanyomalhca ontimjic ayinyema Dios, ningiltomja ningilancam lhip. 32 Ongilmoc sat ningilmaycam ongilvoclha yoclhilhma Canaán. Ongilyejiclhojoc sat singanama Dios. Ontimjic sat yoclhilhma inganco, payjoc vatsam Jordán actiyapmaclha acnim — nic nat apquiltomjac.
33 Apquillhocac nic nat apquilmolhama Gad najan apquilmolhama Rubén najan apquilmolhama media tribu Manasés, as yoclhilhma apmescama Moisés. Acvisay yoclhilhma apquileyvomaclha amorreos, apvisqui apancaoc Sehón. Najan yoclhilhma Basán, apvisqui apancaoc Og. Najan maa tingma apquilvanyam najan amyipayc nipyava maa. 34 Apquillaneclhec nic nat apquilmolhama tribu Gad moclhama tingma apquilvanyam: tingma Dibón, najan Atarot, najan Aroer, 35 najan Ataro-safán, najan Jazer, najan Jogbeha, 36 najan Betnimra, najan Bet-arán. Apquillanac nic nat tingma apquilyimnatem najan nipquesic aplhanaoc apyinatamaclha apnatoscama. 37 Apquillaneclhec nic nat moclhama tingma apquilvanyam apquilmolhama Rubén: tingma Hesbón, najan Eleale, najan Quiriataim, 38 najan Nebo, najan Baal-meón, najan Sibma. Apquiltingyac nic nat moc apquilvisay tingma apquillanayclha. Apquiltimec nic nat apquilvisay tingma apquilpayvam apanco.
39 Apquilnaclhec nic nat yoclhilhma Galaad enlhit aptovana Maquir, Manasés apquitca. Apquilantipcasquic nic nat amorreos actomja apquilaoclha apancaoc. 40 Apquillhocac nic nat Maquir aptovana ayinyema Moisés, as yoclhilhma Galaad, eltimjic apquileyvomaclha. 41 Manasés aptavin nic nat Jair, apsovjoc nic nat tingma campamentos amarreos, apquiltimem nic nat apvisay Havot-jair. 42 Poc apvisay Noba, apsovjoc nic nat tingma Kenat najan nipyava maa, apquiltimem nic nat moc apvisay tingma Noba.
Apquilmolhama tribu Rubén najan tribu Gad
(Dt 3.12-22)1 Cascama ilhnic nat apnatoscama apquilmolhama Rubén najan Gad. Apquilvitac nic nat yoclhilhma Jazer najan Galaad, actamila anco ayimjaclha paat.
2 Apquiltomjac nic nat apquilanya Moisés najan sacerdote Eleazar najan apquilviscaa mayayo: 3 —Quip elanojo quellhip yoclhilhma najan tingma Atarot, najan Dibón, najan Jazer, najan Nimra, najan Hesbón, najan Eleale, najan Sebam, najan Nebo, najan Beón. 4 Apquillhocac alhta enlhitaoc Israel ayinyema Dios as yoclhilhma ayimjaclha paat coltovamcoc ninatoscama. 5 Nomyov nasa lhip, ontimjic inganco as yoclhilhma, mongilyacsejec sat tap vatsam Jordán yoyam onlhic — nic nat apquiltomjac.
6 Apcatingmavoc nic nat Moisés: —¿Apquililtamjo ya elhnam quellhip mepqui apquilpasmeyquiclha apquilimpocjay apnaymacoc nipyesicsa cotnaja ingmoc? 7 ¿So actomja yi? Elvatsamcoc sat apnaymacoc israelitas, melyacsejec sat yoclhilhma alhnancoc apmescama Dios, apquilvita inlhojo apquiltemaclha quellhip. 8 Ningvitac alhta actema nac jay apquilyeyjamcaa, silapajasa alhta Cades-barnea, eltiyaningvomoc sat yoclhilhma cotnajaclha apquilaoclha. 9 Apquilvocmec alhta vatsam ayitcoc Escol apquiltiyaningvocmo yoclhilhma. Apquillingasquic alhta amyaa apquilvactama. Intiyacmec alhta apquilvalhoc israelitas apquillinga amyaa. 10 Aplovquic alhta Dios, aptomja appayvam mepqui apyeycajascaoc: 11 Apquilyinyovquic alhta yoclhilhma Egipto israelitas. Melvityejec sat yoclhilhma alhnancoc moclhama israelita, acyitna inlhojo veinte años aptiyascam, najan maa veinte años tap. Apquilyasquiyam alhta ayinyema najan mepqui apquilyiplovquiscama ayinyema alhta acyanmongayclha. Am alhta elvitac yoclhilhma aplhanma Dios yoyam ellhovamcoc ningilyeyjamcaa Abraham, najan Isaac, najan Jacob. 12 Apvamlha maa Caleb, Jefone apquitca aptomja cenezeo najan aplhalhma Josué, Nun apquitca, apquiltomja apquilyiplovquiscama apcanamaclha Dios. 13 Aplovquic alhta Dios apvita apquiltemaclha apancaoc israelitas. Apcapajasquic alhta mataa lhalhma anco eleyoc yoclhilhma actamopeycaoc, acvaycmo cuarenta años. Apsovjacpoc alhta apquilitsepma israelitas apquilsilhnanomap apanco siclho napato Dios. 14 Enlhit melyascalhma alhta apquilyeyjamcaa quellhip. Apquililtamjoc quellhip elvajanamcoc apquiltemaclha apancaoc apquilyeyjamcaa, yoyam elvoc sat mocjam Dios Dios napatavo israelitas. 15 Apquilvatsamquic sat ancoc quellhip quilhvo nac jay apquilyajayquiclho Dios. Meyinyovsejec sat yoclhilhma actamopeycaoc Dios, elingamcojoc sat mocjam acyimtalhnama apnaymacoc, ayinyema quellhip apquilsilhnanomap apanco napato Dios — nic nat aptomjac Moisés.
16 Apquilyoclhec nic nat apnaclha Moisés, apquiltomja apquilanya: —Ningiltamjo inyicje ongillana nipquesic aplhanaoc najan vayqui alhanaoc, najan tingma apquilvanyam, yoyam elhnam familias ningilmolhama. 17 Ongilimpiclhac sat nincoo acyiplomo ningilmaycam, ongillhong sat ingmamyi, ongnaliclhac sat ingnaymacoc yoclhilhma alhnancoc. Elhnam sat familias ningilmolhama mepqui apquilay nipyesicsa enlhitaoc actomja apquilaoclha. 18 Mongilvotayc siclho tingma ingac. Ellhovamcoc siclho yoclhilhma apancaoc apyovoclhojo ingnaymacoc israelitas. 19 Cotnejic sat ningillhoy yoclhilhma jilip vatsam Jordán montingyejec sat yoclhilhma tap vatsam, paj najan mocjay — nic nat apquiltomjac.
20 Apcatingmavoc nic nat Moisés: —Elsavojo sat apquilyiplovquiscama appayvam ayinyema Dios. Elsavojo sat apquilmaycam yoyam elimpocjac apquilpasmeyquiclha apnaymacoc, acno apcanama Dios. 21 Eljalhtepilhquetic sat vatsam Jordán, yoyam elantipsacpoc sat yoclhilhma cotnaja ingmoc, ayinyema Dios. 22 Natamin apquilsovjomo yoclhilhma, eltajiclhac sat mocjam quellhip. Apquilpenasquic quellhip apquilanyomap eltimjic napato Dios najan napatavo israelitas. Cotnejic sat apancaoc as yoclhilhma apquileyvomaclha quellhip, ayinyema Dios. 23 Apquilyeycajasquic sat ancoc quellhip apquilpayvam, elsilhnanacpoc apanco quellhip napato Dios. Ellingamcojoc sat acyanmongayclha apquiltemaclha apancaoc. 24 Ellana sat quellhip tingma apquilvanyam elhnam familias apancaoc. Ellana sat nipquesic aplhanaoc. Elsavojo sat apquilyiplovquiscama Dios appayvam — nic nat aptomjac Moisés.
25 Apquilatingmavoc nic nat apquilmolhama Rubén najan Gad: —Ongyiplovcasojoc sat ningilanyomalhca ontimjic. 26 Elhnam sat tingma yoclhilhma Galaad ningilmolhama familias nincoo najan sicaa, najan ninatoscama. 27 Nincoo ningilvisay lhip apquilancam. Onsavojoc sat ningilmaycam, ongilimpocjac sat cotnaja ingmoc, acno apcanamaclha Dios, acno singanama lhac lhip — nic nat apquiltomjac.
28 Aplingasquic nic nat Moisés napato sacerdote Eleazar najan napato Josué najan napatavo apquilviscaa moclhama tribus apquilmolhama Israel, apcanamaclha: 29 —Apquillhalhma sat eltimjic apyovoclhojo apquilmolhama acma apquilmaycam tribu Rubén najan tribu Gad, eljalhtepilhquetic vatsam Jordán, acno apcanama Dios, acvaycmo apquilsovjomo quellhip yoclhilhma alhnancoc. Elmesaoc sat quellhip yoclhilhma Galaad, eltimjic apquileyvomaclha apancaoc. 30 Am sat ancoc elpasmac apquillhalhmaa acma apquilmaycam, ellhovamcoc sat yoclhilhma apquileyvomaclha Canaán — nic nat aptomjac Moisés.
31 Apquilatingmavoc nic nat aptovana Gad najan Rubén: —Ontimjic sat ningilanyomalhca ontimjic ayinyema Dios, ningiltomja ningilancam lhip. 32 Ongilmoc sat ningilmaycam ongilvoclha yoclhilhma Canaán. Ongilyejiclhojoc sat singanama Dios. Ontimjic sat yoclhilhma inganco, payjoc vatsam Jordán actiyapmaclha acnim — nic nat apquiltomjac.
33 Apquillhocac nic nat apquilmolhama Gad najan apquilmolhama Rubén najan apquilmolhama media tribu Manasés, as yoclhilhma apmescama Moisés. Acvisay yoclhilhma apquileyvomaclha amorreos, apvisqui apancaoc Sehón. Najan yoclhilhma Basán, apvisqui apancaoc Og. Najan maa tingma apquilvanyam najan amyipayc nipyava maa. 34 Apquillaneclhec nic nat apquilmolhama tribu Gad moclhama tingma apquilvanyam: tingma Dibón, najan Atarot, najan Aroer, 35 najan Ataro-safán, najan Jazer, najan Jogbeha, 36 najan Betnimra, najan Bet-arán. Apquillanac nic nat tingma apquilyimnatem najan nipquesic aplhanaoc apyinatamaclha apnatoscama. 37 Apquillaneclhec nic nat moclhama tingma apquilvanyam apquilmolhama Rubén: tingma Hesbón, najan Eleale, najan Quiriataim, 38 najan Nebo, najan Baal-meón, najan Sibma. Apquiltingyac nic nat moc apquilvisay tingma apquillanayclha. Apquiltimec nic nat apquilvisay tingma apquilpayvam apanco.
39 Apquilnaclhec nic nat yoclhilhma Galaad enlhit aptovana Maquir, Manasés apquitca. Apquilantipcasquic nic nat amorreos actomja apquilaoclha apancaoc. 40 Apquillhocac nic nat Maquir aptovana ayinyema Moisés, as yoclhilhma Galaad, eltimjic apquileyvomaclha. 41 Manasés aptavin nic nat Jair, apsovjoc nic nat tingma campamentos amarreos, apquiltimem nic nat apvisay Havot-jair. 42 Poc apvisay Noba, apsovjoc nic nat tingma Kenat najan nipyava maa, apquiltimem nic nat moc apvisay tingma Noba.
