Apquilinmelhaycam cotnaja ingmoc
1 Aplingac alhta yatapvisqui Sanbalat ningillanay apjalhtam tingma. Aplovquic alhta. Apvinnam alhta enlhitaoc judíos naysicsa aplom. 2 Apquillingac nic nat appayvam apnaymacoc najan singilpilhtetemo co Samaria. Aptomjac alhta apvinnamcaa: ¿Soc lha ellanejic qui? Enlhitaoc mepqui apquilyimnatem judíos. Ingvanquic nincoo ongmeyvoc elnapoc apnatoscama actemaclha mocmescama Dios. ¿Apquililtamjo ya elpenacsojo lhama acnim apquillanay apjalhtam tingma? Melvityejec sat actamila mataymong acnamcolha mataymong almeta — alhta aptomjac yatapvisqui.
3 Apnec alhta maa enlhit amonita apvisay Tobías. Aptomjac alhta apvinnamcaa: Cotnejic ac lha, ellaniclha apanco. Incaplhingvoctac sat ancoc maling, coyaninic sat — alhta aptomjac apcasmesa.
Apquilmalhnancama Nehemías
4 Ningiltomjac alhta ningilmalhnancama: Dios Apyimtalhnamo, quip ingyeylhojo actemaclha singilvinnéycam. iyanmongsiclha sat lhip apquiltemaclha enlhitaoc. Ingyane sat elmacpoc, colhic sat acsovjesa asoc apancaoc, colhic sat acnalaclho cotnajaclha apquilaoclha. 5 Nomascosquis nasa apquiltemaclha apancaoc. Noelasicjiclhojo nasa mocjam. Avanjec alhta apquiltanovaycam apquilaneyquiclha tingma — alhta ningiltomjac nincoo.
Apquilinmelhaycam cotnaja ingmoc
6 Am alhta ongilvatsamcoc ningillanayclha apjalhtam tingma. Invocmec alhta nalhit ningillaneyquiclha. Apquilvascapquic alhta enlhitaoc apquiltamjaycam. 7 Aplingac alhta yatapvisqui Sanbalat najan Tobías najan enlhitaoc árabes najan enlhitaoc amonitas najan co Asdod, ayitlhinquisa copensalhca apjalhtam. Inyiplovcoc alhta apquillom. 8 Apquilansaclhec alhta enlhitaoc yoyam elyinyovsic apquiltamjaycam tingma Jerusalén. 9 Ningilmalhnaquic nincoo Dios. Nintingyac nincoo apquiltamilquiscama apjalhtam yoyam eltamilsic mataa acnim najan alhtaa. 10 Apquiltomjac alhta judíos apquilanya: Mongvanquic ongillaniclha mocjam. Avanjec anco asoc apaoc. Apquilyampavoc apquiltamjaycam — alhta apquiltomjac.
11 Intomjac alhta apquilvalhoc cotnaja ingmoc: Ongilyilhalhcojoc sat ongilvoclha nipyesicsa. Cotlapsic sat jingvita. Ongilnapoc sat maa. Comascoc sat apquillanayclha apjalhtam tingma — alhta intomjac apquilvalhoc. 12 Apquilvoctac alhta mataa judíos aptomja apquilaoclha. Apquiltimnascactac alhta mataa amyaa, acvaycmo diez apquilvoycta: Ingyimpocjac sat cotnaja ingmoc — alhta apquiltomjac. 13 Alapajasquic alhta enlhitaoc ajancaoc ingyaniclhac sat acvayveyquintamlha lhopactic, apjalhtam jalip, ayapalhquilha apjalhtam. Apquilmec alhta apquilmaycam sovjeva najan sovo acvinatem najan yanca apancaoc. Apcanaycam alhta aplhamoclhojo moclhama apmolhama. 14 Alanoc alhta enlhitaoc. Actomjac alhta silanya enlhitaoc najan apquilimja apmamyi: Noela nasa cotnaja ingmoc. Coyit apatic visqui ingac apyimtalhnamo ningiltomja ningilayo. Elnapop sat, elmiyov sat apnaymacoc najan quellhip apquitquic najan apnatamcaa najan tingma apancaoc — alhta actomjac coo.
15 Apquillingangvocmec alhta amyaa cotnaja ingmoc ayinyema ningyascamco actemaclha allhanma apquilvalhoc yoyam jingimpocja. Dios eyca aptomja apquilyascama olhma. Ningiltajavoc alhta mocjam ningillaneclho tingma apjalhtam. 16 Napocja enlhitaoc alhta apquiltamjam apjalhtam mataymong. Napocja eyca apquilsoycam sovjeva najan apquilajapsomap najan yanca. Niptamin enlhitaoc alhta apcanam apquilviscaa apancaoc. 17 Apquilsovcamco alhta apquilmaycam naysicsa apquiltamjaycam mataymong. Lhama apmic alhta apquilmam mataa mataymong, moc apmic alhta apquilmaycam sovo acvinatem. 18 Cinta apancaoc alhta apquilatcasac sovo acvinatem naysicsa apquillaneyquiclha apjalhtam. Siyinmaycam'o lhama aptomja appayvascama trompeta. 19 Actomjac coo silanya enlhitaoc najan apquilyimtalhnamo najan singilpilhtetemo apquilviscaa: Avanjec anco ningiltamjaycam. Ajolhec anco apjalhtam ningiltamjaycam, malha ningyitneycam lhama. 20 Apquillingac sat ancoc trompeta appayvascama, ingyaniclhac sat quilhvoc appayvaclha trompeta. Jingmeyvoc sat Dios naysicsa ningilnapomalhca — alhta actomjac coo.
21 Ningiltamjam alhta mocjam. Napocja enlhitaoc apquilsoycam sovjeva. Apquiltamilcasquic alhta mataa acyovoclhojo acnim, ayenmo acmopeyam congne acvocmo alhtaa apquilantepa apyova. 22 Actomjac alhta mocjam silanya enlhitaoc: Incaymalhquic moclhama enlhit najan apquilancam elhnam alhtaa tingma Jerusalén. Eltamjam sat acnim anco. Alhtaa eyca eltimjic apquiljalhneycam. 23 Am alhta ongiljalhyovasac mataa ningilantalhnama najan coo najan sicmolhama najan enlhitaoc ajancaoc najan apquiltamilquiscama tingma. Am alhta ongyinyavac mataa ningilmaycam.
Apquilinmelhaycam cotnaja ingmoc
1 Aplingac alhta yatapvisqui Sanbalat ningillanay apjalhtam tingma. Aplovquic alhta. Apvinnam alhta enlhitaoc judíos naysicsa aplom. 2 Apquillingac nic nat appayvam apnaymacoc najan singilpilhtetemo co Samaria. Aptomjac alhta apvinnamcaa: ¿Soc lha ellanejic qui? Enlhitaoc mepqui apquilyimnatem judíos. Ingvanquic nincoo ongmeyvoc elnapoc apnatoscama actemaclha mocmescama Dios. ¿Apquililtamjo ya elpenacsojo lhama acnim apquillanay apjalhtam tingma? Melvityejec sat actamila mataymong acnamcolha mataymong almeta — alhta aptomjac yatapvisqui.
3 Apnec alhta maa enlhit amonita apvisay Tobías. Aptomjac alhta apvinnamcaa: Cotnejic ac lha, ellaniclha apanco. Incaplhingvoctac sat ancoc maling, coyaninic sat — alhta aptomjac apcasmesa.
Apquilmalhnancama Nehemías
4 Ningiltomjac alhta ningilmalhnancama: Dios Apyimtalhnamo, quip ingyeylhojo actemaclha singilvinnéycam. iyanmongsiclha sat lhip apquiltemaclha enlhitaoc. Ingyane sat elmacpoc, colhic sat acsovjesa asoc apancaoc, colhic sat acnalaclho cotnajaclha apquilaoclha. 5 Nomascosquis nasa apquiltemaclha apancaoc. Noelasicjiclhojo nasa mocjam. Avanjec alhta apquiltanovaycam apquilaneyquiclha tingma — alhta ningiltomjac nincoo.
Apquilinmelhaycam cotnaja ingmoc
6 Am alhta ongilvatsamcoc ningillanayclha apjalhtam tingma. Invocmec alhta nalhit ningillaneyquiclha. Apquilvascapquic alhta enlhitaoc apquiltamjaycam. 7 Aplingac alhta yatapvisqui Sanbalat najan Tobías najan enlhitaoc árabes najan enlhitaoc amonitas najan co Asdod, ayitlhinquisa copensalhca apjalhtam. Inyiplovcoc alhta apquillom. 8 Apquilansaclhec alhta enlhitaoc yoyam elyinyovsic apquiltamjaycam tingma Jerusalén. 9 Ningilmalhnaquic nincoo Dios. Nintingyac nincoo apquiltamilquiscama apjalhtam yoyam eltamilsic mataa acnim najan alhtaa. 10 Apquiltomjac alhta judíos apquilanya: Mongvanquic ongillaniclha mocjam. Avanjec anco asoc apaoc. Apquilyampavoc apquiltamjaycam — alhta apquiltomjac.
11 Intomjac alhta apquilvalhoc cotnaja ingmoc: Ongilyilhalhcojoc sat ongilvoclha nipyesicsa. Cotlapsic sat jingvita. Ongilnapoc sat maa. Comascoc sat apquillanayclha apjalhtam tingma — alhta intomjac apquilvalhoc. 12 Apquilvoctac alhta mataa judíos aptomja apquilaoclha. Apquiltimnascactac alhta mataa amyaa, acvaycmo diez apquilvoycta: Ingyimpocjac sat cotnaja ingmoc — alhta apquiltomjac. 13 Alapajasquic alhta enlhitaoc ajancaoc ingyaniclhac sat acvayveyquintamlha lhopactic, apjalhtam jalip, ayapalhquilha apjalhtam. Apquilmec alhta apquilmaycam sovjeva najan sovo acvinatem najan yanca apancaoc. Apcanaycam alhta aplhamoclhojo moclhama apmolhama. 14 Alanoc alhta enlhitaoc. Actomjac alhta silanya enlhitaoc najan apquilimja apmamyi: Noela nasa cotnaja ingmoc. Coyit apatic visqui ingac apyimtalhnamo ningiltomja ningilayo. Elnapop sat, elmiyov sat apnaymacoc najan quellhip apquitquic najan apnatamcaa najan tingma apancaoc — alhta actomjac coo.
15 Apquillingangvocmec alhta amyaa cotnaja ingmoc ayinyema ningyascamco actemaclha allhanma apquilvalhoc yoyam jingimpocja. Dios eyca aptomja apquilyascama olhma. Ningiltajavoc alhta mocjam ningillaneclho tingma apjalhtam. 16 Napocja enlhitaoc alhta apquiltamjam apjalhtam mataymong. Napocja eyca apquilsoycam sovjeva najan apquilajapsomap najan yanca. Niptamin enlhitaoc alhta apcanam apquilviscaa apancaoc. 17 Apquilsovcamco alhta apquilmaycam naysicsa apquiltamjaycam mataymong. Lhama apmic alhta apquilmam mataa mataymong, moc apmic alhta apquilmaycam sovo acvinatem. 18 Cinta apancaoc alhta apquilatcasac sovo acvinatem naysicsa apquillaneyquiclha apjalhtam. Siyinmaycam'o lhama aptomja appayvascama trompeta. 19 Actomjac coo silanya enlhitaoc najan apquilyimtalhnamo najan singilpilhtetemo apquilviscaa: Avanjec anco ningiltamjaycam. Ajolhec anco apjalhtam ningiltamjaycam, malha ningyitneycam lhama. 20 Apquillingac sat ancoc trompeta appayvascama, ingyaniclhac sat quilhvoc appayvaclha trompeta. Jingmeyvoc sat Dios naysicsa ningilnapomalhca — alhta actomjac coo.
21 Ningiltamjam alhta mocjam. Napocja enlhitaoc apquilsoycam sovjeva. Apquiltamilcasquic alhta mataa acyovoclhojo acnim, ayenmo acmopeyam congne acvocmo alhtaa apquilantepa apyova. 22 Actomjac alhta mocjam silanya enlhitaoc: Incaymalhquic moclhama enlhit najan apquilancam elhnam alhtaa tingma Jerusalén. Eltamjam sat acnim anco. Alhtaa eyca eltimjic apquiljalhneycam. 23 Am alhta ongiljalhyovasac mataa ningilantalhnama najan coo najan sicmolhama najan enlhitaoc ajancaoc najan apquiltamilquiscama tingma. Am alhta ongyinyavac mataa ningilmaycam.
