1 ¡Quellhip layi co Nínive! Acyivey ema acvitamalhca. Avanjec apquilmopvancaa amyaa najan ticyovam yapmayc, avanjec mataa apquilminyilhma.
2 ¡Inlingalhquic quilyicpilhquitma, inquilhtingyovquic carro amnic! Apquilvitacpec nolhing apcapaoc, najan alinyem carros.
3 ¡Singilpilhtetemo nolhing apcapaoc! ¡Sovo alvinatem alyinmom najan sovjeva alyinmom! ¡Malha mil apquilyimsem, najan apticyovam mongmovan ongilyipsitic! ¡Metlaycaoc apjápaoc, apquilpilapacmo enlhit apquillhingam!
4 Quellhip co Nínive, apquilyitsomacpo quilvana alanatama mayayo najan actamila, acmovan actemaclha apyojolhma. Actomja aclhinganimquiscama enlhitaoc lhalhma anco.
5 Aptomjac mocjam Dios Visqui apyimtalhnamo: Jelanojo coo, ongvinmelham sat quellhip. Omyasiclhac sat netin lhip aptalhnama acvaycmo apyitsicsic. Elvitac sat enlhitaoc lhalhma anco apquiltemaclha quellhip apquilalhnayo, elvitac sat apquilviscaa aptemaclha apmancactama.
6 Opaysimsic sat quellhip asoc ápac, elvennacpoc sat quellhip, etnimsacpoc (elquinimsacpoc) sat nitno yoyam elvitacpoc quellhip.
7 Elinyajamcoc sat apyovoclhojo apquilaneyo quellhip, eltimjic sat apquilpayvam: ¡Aptovasomap tingma Nínive! ¿Co laa conyemejic sat mayapeycam? ¿Co laa conyemejic sat mactamilquisquiyam apquilvalhoc? — sat eltimjic maa.
8 ¿Apquiltasi ya quellhip, am ya elhno co Tebas? Tingma payjoc vatsam Nilo, acyitnamaclha yingmin acvanyam, malha apjalhtam tingma actomjayclho yingmin.
9 Apquilyimnatem mataa Etiopía najan Egipto naysicsa apquilnapomap apquilmasma as tingma. Apquilpasmeclhec alhta co Fut najan co Libia.
10 Naso, apquilmacpec alhta co Tebas, colhic acnalaclho mocjay. Apticyovquic mataa apquitquic amay apvalhoc tingma. Apquilhpansacpec apquilmomap actemaclha apquilmaycam sicas, apquilpilhquetomap cadenas apmeoc.
11 Quellhip lha ellingamcojoc sat acyimtalhnama, eltingyac sat apquilyilhanmeycam napatavo cotnaja ingmoc.
12 Apquilyilhanmeycam quellhip alyitsomalhca yamtaa higo, najan acyilhna acpaliyam. Impalacmec mataa apatnaoc apquiltomja aptoycaoc.
13 Singilpilhtetemo apquilyitsomacpo quilvanaa mepqui alyimnatem. Acmayja tingma apatnaoc, yoyam elantilhic cotnaja ingmoc, almeta tingma apatnaoc.
14 Elyajangvom quellhip, yoyam elyinamcoc naysicsa apquillingaycamco apquilvocjay tingma. Elyimnaticsojo apquilyilhanmomaclha, eltingya sat yelpa, ellana sat yatipjaymacaoc.
15 Talha colnapoc sat quellhip. Sovo acvinatem colnapoc sat enlhitaoc, elsovjacpoc sat apticyovam. Ellhamiclha sat malha sová, ellhamiclha sat quellhip malha queye nalhma.
16 Aplhameclhec apquilyanmongsomap nipyesicsa quellhip, malha apyová netin, mongmovan ongilyipsitic. (Aptipquic mataa apyimpejic sova, quilhvoc ingyimpac.)
17 Elvonquepoc sat singilpilhtetemo malha sová. Elvonquepoc sat najan apquilasinancama malha ascoc. Inquilantalhnec mataa ascoc tingma napocja, apvaa inlhojo piyam actomjayclho eyquey. Inquilvonquipquic mataa, actepa inlhojo acnim actomjayclho acmajat.
18 ¡Lhip apvisqui co Asiria! Malha apnatiyanma apquilviscaa nipyesicsa maa. Malha apquillovquiscama apquilyampay singilpilhtetemo apquilviscaa. Apquillhinganacmec singilpilhtetemo apquilhpanyam, mepqui apquilansayclha apvisqui.
19 Paj panatem yoyam coltamalvomoc apquilyimsem, cotamalvomejec sat pascapma. Inlingalhquic amyaa lhalhma anco actemaclha apticyovam quellhip najan apquillingaycamco acyimtalhnama. Elitsovacsojoc sat, colpayjiclhac sat apquilvalhoc. Apquillingamcoc alhta apyovoclhojo enlhitaoc apquiltemaclha apancaoc quellhip — alhta aptomjac Dios — nic nat aptomjac profeta.
1 ¡Quellhip layi co Nínive! Acyivey ema acvitamalhca. Avanjec apquilmopvancaa amyaa najan ticyovam yapmayc, avanjec mataa apquilminyilhma.
2 ¡Inlingalhquic quilyicpilhquitma, inquilhtingyovquic carro amnic! Apquilvitacpec nolhing apcapaoc, najan alinyem carros.
3 ¡Singilpilhtetemo nolhing apcapaoc! ¡Sovo alvinatem alyinmom najan sovjeva alyinmom! ¡Malha mil apquilyimsem, najan apticyovam mongmovan ongilyipsitic! ¡Metlaycaoc apjápaoc, apquilpilapacmo enlhit apquillhingam!
4 Quellhip co Nínive, apquilyitsomacpo quilvana alanatama mayayo najan actamila, acmovan actemaclha apyojolhma. Actomja aclhinganimquiscama enlhitaoc lhalhma anco.
5 Aptomjac mocjam Dios Visqui apyimtalhnamo: Jelanojo coo, ongvinmelham sat quellhip. Omyasiclhac sat netin lhip aptalhnama acvaycmo apyitsicsic. Elvitac sat enlhitaoc lhalhma anco apquiltemaclha quellhip apquilalhnayo, elvitac sat apquilviscaa aptemaclha apmancactama.
6 Opaysimsic sat quellhip asoc ápac, elvennacpoc sat quellhip, etnimsacpoc (elquinimsacpoc) sat nitno yoyam elvitacpoc quellhip.
7 Elinyajamcoc sat apyovoclhojo apquilaneyo quellhip, eltimjic sat apquilpayvam: ¡Aptovasomap tingma Nínive! ¿Co laa conyemejic sat mayapeycam? ¿Co laa conyemejic sat mactamilquisquiyam apquilvalhoc? — sat eltimjic maa.
8 ¿Apquiltasi ya quellhip, am ya elhno co Tebas? Tingma payjoc vatsam Nilo, acyitnamaclha yingmin acvanyam, malha apjalhtam tingma actomjayclho yingmin.
9 Apquilyimnatem mataa Etiopía najan Egipto naysicsa apquilnapomap apquilmasma as tingma. Apquilpasmeclhec alhta co Fut najan co Libia.
10 Naso, apquilmacpec alhta co Tebas, colhic acnalaclho mocjay. Apticyovquic mataa apquitquic amay apvalhoc tingma. Apquilhpansacpec apquilmomap actemaclha apquilmaycam sicas, apquilpilhquetomap cadenas apmeoc.
11 Quellhip lha ellingamcojoc sat acyimtalhnama, eltingyac sat apquilyilhanmeycam napatavo cotnaja ingmoc.
12 Apquilyilhanmeycam quellhip alyitsomalhca yamtaa higo, najan acyilhna acpaliyam. Impalacmec mataa apatnaoc apquiltomja aptoycaoc.
13 Singilpilhtetemo apquilyitsomacpo quilvanaa mepqui alyimnatem. Acmayja tingma apatnaoc, yoyam elantilhic cotnaja ingmoc, almeta tingma apatnaoc.
14 Elyajangvom quellhip, yoyam elyinamcoc naysicsa apquillingaycamco apquilvocjay tingma. Elyimnaticsojo apquilyilhanmomaclha, eltingya sat yelpa, ellana sat yatipjaymacaoc.
15 Talha colnapoc sat quellhip. Sovo acvinatem colnapoc sat enlhitaoc, elsovjacpoc sat apticyovam. Ellhamiclha sat malha sová, ellhamiclha sat quellhip malha queye nalhma.
16 Aplhameclhec apquilyanmongsomap nipyesicsa quellhip, malha apyová netin, mongmovan ongilyipsitic. (Aptipquic mataa apyimpejic sova, quilhvoc ingyimpac.)
17 Elvonquepoc sat singilpilhtetemo malha sová. Elvonquepoc sat najan apquilasinancama malha ascoc. Inquilantalhnec mataa ascoc tingma napocja, apvaa inlhojo piyam actomjayclho eyquey. Inquilvonquipquic mataa, actepa inlhojo acnim actomjayclho acmajat.
18 ¡Lhip apvisqui co Asiria! Malha apnatiyanma apquilviscaa nipyesicsa maa. Malha apquillovquiscama apquilyampay singilpilhtetemo apquilviscaa. Apquillhinganacmec singilpilhtetemo apquilhpanyam, mepqui apquilansayclha apvisqui.
19 Paj panatem yoyam coltamalvomoc apquilyimsem, cotamalvomejec sat pascapma. Inlingalhquic amyaa lhalhma anco actemaclha apticyovam quellhip najan apquillingaycamco acyimtalhnama. Elitsovacsojoc sat, colpayjiclhac sat apquilvalhoc. Apquillingamcoc alhta apyovoclhojo enlhitaoc apquiltemaclha apancaoc quellhip — alhta aptomjac Dios — nic nat aptomjac profeta.
