1 ¡Quellhip co Nínive, elavojo apquilhyam apvisay aptovascama! ¡Elpenacsojo apquiljalhneycam tingma nitno! ¡Elinmelhojo amay! ¡Elnateticlha sovo acvinatem! ¡Elyimnac sat apyovoclhojo!
2 Coytic sat mocjam ayajamalhco apquilvalhoc apquilmolhama Jacob, moc apquilvisay apquilmolhama Israel. Apnatovasquic alhta yoclhilhma cotnaja ingmoc najan ayimjaclha uva.
3 Apquililhyacme apquilimpocjay: Alyilhvasem apquilajapsomap enlhit acma apquilmaycam (singilpilhtetemo). Apquilyilhvasem apquilantalhnama. Malha talha acyitsomalhca carros apancaoc. Apquilpayvasquic apvajic nolhing.
4 Apquilinyajamquic netin carros apquilyiplayclha amay tingma. Apquilyitnocjac lhama nicja najan moc nicja apvalhoc tingma. Alyitsomalhca altotseycaoc amamyi, malha alyinmayam intomjac apquillhingam.
5 Apcapajasquic apvisqui co Nínive apquilviscaa singilpilhtetemo. Apquilquinatvocmec netin mataymong apjalhtam. Apquilpenasquic yoyam elimpocjac tingma.
6 Inquiljalhyovasalhquic atnaoc payjoc vatsam. Avanjec apquilay apvisqui tingma pac.
7 Inmalhquic quilvana avisqui, innec acyantamaclho. Aclhalhmaa quilvanaa altimesaycam. Inquiliclhangvec quilvanaa malha valhaay appáyvam, alticpongamcaa anenyaoc.
8 Malha yingmin ayinyem acyaptalhco inlhojo pongmit. Innoc moc apquilinyem co Nínive. ¡Yejemoc nic! ¡Ellhingma jilip! — alhta apquiltomjac apquilpalhamamcaa. Paj lhama ingyilhyacmoc.
9 ¡Elminyilh sat plata! ¡Elminyilh sat oro! ¡Mepqui ninsovjomo intomjac apquilnatam co Nínive! — alhta apquiltomjac.
10 Tingma aptovasomap, aptamopeycaoc, apyinyovmap as tingma Nínive. Avanjec ayay apquilvalhoc maa, inquilpilhyinimquic aptapnaoc, mepqui apquilyimnaa enlhitaoc, mepqui altamila napataa.
11 Malha yamacmeyva alhancoc congne malhic alhta tingma, malha acyitnamaclha yamacmeyca ayitcavoc. Mepqui ayay mataa yamacmeyva najan ayitcavoc, mepqui mataa asoc ayasquiscama maa.
12 Invitac mataa yamacmeyva acyamonquilhma, yoyam coltovamcoc ayitcavoc najan inyapmoc. Cascama actoycaoc yamacmeyva. Paj, paj mocjam.
Tingma Nínive aptovasomap
13 Aptomjac alhta Dios Visqui apyimtalhnamo: Jelanojo coo, ongvinmelham sat quellhip. Olvitic sat talha carros apancaoc singilpilhtetemo, cotyapoc sat etin. Eticyoc sat apquilyimnanic. Elpatmaoclhac sat asoc acminyilhamalhca. Colngalhquejec sat mataa apquilsoycam amyaa cotmongvoyam nelha — alhta aptomjac Dios — nic nat aptomjac profeta.
1 ¡Quellhip co Nínive, elavojo apquilhyam apvisay aptovascama! ¡Elpenacsojo apquiljalhneycam tingma nitno! ¡Elinmelhojo amay! ¡Elnateticlha sovo acvinatem! ¡Elyimnac sat apyovoclhojo!
2 Coytic sat mocjam ayajamalhco apquilvalhoc apquilmolhama Jacob, moc apquilvisay apquilmolhama Israel. Apnatovasquic alhta yoclhilhma cotnaja ingmoc najan ayimjaclha uva.
3 Apquililhyacme apquilimpocjay: Alyilhvasem apquilajapsomap enlhit acma apquilmaycam (singilpilhtetemo). Apquilyilhvasem apquilantalhnama. Malha talha acyitsomalhca carros apancaoc. Apquilpayvasquic apvajic nolhing.
4 Apquilinyajamquic netin carros apquilyiplayclha amay tingma. Apquilyitnocjac lhama nicja najan moc nicja apvalhoc tingma. Alyitsomalhca altotseycaoc amamyi, malha alyinmayam intomjac apquillhingam.
5 Apcapajasquic apvisqui co Nínive apquilviscaa singilpilhtetemo. Apquilquinatvocmec netin mataymong apjalhtam. Apquilpenasquic yoyam elimpocjac tingma.
6 Inquiljalhyovasalhquic atnaoc payjoc vatsam. Avanjec apquilay apvisqui tingma pac.
7 Inmalhquic quilvana avisqui, innec acyantamaclho. Aclhalhmaa quilvanaa altimesaycam. Inquiliclhangvec quilvanaa malha valhaay appáyvam, alticpongamcaa anenyaoc.
8 Malha yingmin ayinyem acyaptalhco inlhojo pongmit. Innoc moc apquilinyem co Nínive. ¡Yejemoc nic! ¡Ellhingma jilip! — alhta apquiltomjac apquilpalhamamcaa. Paj lhama ingyilhyacmoc.
9 ¡Elminyilh sat plata! ¡Elminyilh sat oro! ¡Mepqui ninsovjomo intomjac apquilnatam co Nínive! — alhta apquiltomjac.
10 Tingma aptovasomap, aptamopeycaoc, apyinyovmap as tingma Nínive. Avanjec ayay apquilvalhoc maa, inquilpilhyinimquic aptapnaoc, mepqui apquilyimnaa enlhitaoc, mepqui altamila napataa.
11 Malha yamacmeyva alhancoc congne malhic alhta tingma, malha acyitnamaclha yamacmeyca ayitcavoc. Mepqui ayay mataa yamacmeyva najan ayitcavoc, mepqui mataa asoc ayasquiscama maa.
12 Invitac mataa yamacmeyva acyamonquilhma, yoyam coltovamcoc ayitcavoc najan inyapmoc. Cascama actoycaoc yamacmeyva. Paj, paj mocjam.
Tingma Nínive aptovasomap
13 Aptomjac alhta Dios Visqui apyimtalhnamo: Jelanojo coo, ongvinmelham sat quellhip. Olvitic sat talha carros apancaoc singilpilhtetemo, cotyapoc sat etin. Eticyoc sat apquilyimnanic. Elpatmaoclhac sat asoc acminyilhamalhca. Colngalhquejec sat mataa apquilsoycam amyaa cotmongvoyam nelha — alhta aptomjac Dios — nic nat aptomjac profeta.
