Acpaysimquiscama ingvalhoc
(Mt 15.1-20)1 Apquilaneyquiclhac alhta apnaclha Jesús napocja fariseos najan apquilyascamco apquiltemaclha. Jerusalén alhta apquilinyemac. 2 Apquilvita alhta napocja apquiltamsoycaoc aptovcamco quilpasmongam naysicsa comasis apyimpeoc. Am alhta elcamcoc siclho yingmin apmeoc. 3 (Eycaso ilhnic nat apquiltemaclha apquilvanyam. Apquilvajanamquic alhta fariseos najan aplhamoclhojo co Judea. Meltovamquejec alhta melcamco inlhojo apmeoc yingmin. 4 Lhama alhta apquilinyectamo almomalhquilha nintom, eyca pa elyapacsic yingmin amamyi aptoycaoc. Inlhamoc alhta apquiltemaclha apquilyiplovquiscama. Elsavojoc alhta elilhpajac yingmin ingjaycoc ayitcoc najan acyiviy, najan vaynca najan apquiltajanma.) 5 Apquililmalhnaquic alhta fariseos najan apquilyascamco apquiltemaclha:
—¿Soctomja aptovcamco nac lhip apquiltamsoycaoc naysicsa comasis apyimpeoc? ¿Soctomja aptovascasamcaa nac actemaclha apquilpayvam apquilvanyam? —alhta apquiltomjac.
6 Apcatingmavoc alhta Jesús:
—Enlhit apquilaycmascam acna anit apquilvalhoc nac quellhip. Apquillhenacpec quellhip vaycajac aptalhescama ilhnic nat Isaías:
Intasi inyicje apquilpamesma as enlhitaoc.
Selayo inyicje apquiltomjac.
Tepec eyca acyitna apquilvalhoc apancaoc.
7 Ayajemo selayo coo.
Apquiltamsamquic anco apnaymacoc enlhit apquiltemaclha apquilpayvam
—nic nat aptomjac Isaías.
8 Apquilyinyovquic quellhip Dios apcanamaclha. Apquilvajanamquic quellhip enlhit actemaclha apquilpayvam. Apquililhpajac ingjaycoc acyiviy, najan ayitcoc najan aclhamoclhojo asoc acno moc.
9 Aptomjac alhta apquilanya Jesús:
—Apquiltovascasam quellhip Dios apcanamaclha, yoyam elvajanamcoc enlhit actemaclha apquilpayvam. 10 Aptomjac nic nat apcanya Moisés:
“Elyejiclhojo apyap najan inquin.”
Najan moc: “Ningyamnam sat ancoc ingyap inlhoyqui laa meme ingac, ongmatong sat”
—nic nat aptomjac.
11 Apquiltomjac quellhip: Ingvanquic onganic ingyap inlhoyqui laa meme ingac: “Quilhvo movanqueje omquesic asoc ajac, Corbán intomjac” (ningiltimem nincoo: Sicmescama anco Dios Ingyapam). 12 Apquilmiyovquic quellhip, yoyam ontamilsic ingyap inlhoyqui laa meme ingac. 13 Apquiltovascasam mataa quellhip Dios appayvam. Apquilvajanamco quellhip actemaclha apquilpayvam enlhit. Eycaso apquiltamsamquic mataa quellhip najan aclhamoclhojo asoc acno moc —alhta aptomjac.
14 Apquilevam alhta mocjam enlhit appintalhnama, apquilpamejitsa:
—Quip elaylhojo sat siltimnaycam. Elyasamcojo sicpayvam: 15 Cotnesquiseje comasis ingyimpejic asoc actalhnama ingvalhoc. Eyca asoc actiyapma ingvalhoc jintimescasquic comasis ingyimpejic. 16 Ingjaycaoc innac nincoo, pac ongilaylhojo —alhta aptomjac.
17 Lhama alhta apquilhaclho enlhitaoc aptalhningvoclho tingma pac. Apquilmalhningvoclhec alhta apquiltamsoycaoc actemaclha apyitquiscama. 18 Apcatingmavoc alhta Jesús:
—¿Ya ancoc elyasamcoc quellhip? ¿Melyasamqueje quellhip, intalhnec sat ancoc asoc ingvocmo, cotnesquiseje comasis ingyimpejic? 19 Coyteje ingvalhoc asoc nintomaclha laa. Coyitnamoc anco ingvocmo, yejemoc acyanalhco.
Aplhenquic alhta Jesús mongacyejec nintom. 20 Apquilpamejitsa Jesús:
—Jintimescasquic comasis ingyimpejic asoc actiyapma mataa ingvalhoc. 21 Eyca ayinyema ingvalhoc alquitamsama ingvalhoc almasomcaa, ningyamasma intava, ningilanatama, ningajem ingmoc, 22 ningminyilhma, ayitsepma ingnenyic asoc, nintamjaycam acmasom, ningyinimquiscama, nintemaclha acmasom, ningilyasipcascam, ningilyamneycam, ningyimtalhnesomalhca, mongyascamcolhma. 23 Eyca as asoc almasomcaa alantiyapma ingvalhoc, sintimesquiscama comasis ingyimpejic —alhta aptomjac Jesús.
Coyasquiyam lhama quilvana cotnaja judía
(Mt 15.21-28)24 Apquimpaclhec alhta mocjam Jesús. Apmiyaclhec alhta nicja yoclhilhma acvisay Tiro najan Sidón. Aptalhningvocmo alhta lhama tingma. Am alhta eltamjoc colhic acyasamco. Am alhta copvanac eyilhacpojo. 25 Yejemoc alhta aclinga apvisay lhama quilvana. Somquic quilyicjamo alhta actovascama ayitca. Inyocmec alhta maa najan alpolingvocmo apnaclha Jesús. 26 Jave alhta co Judea as quilvana. Sirofenicia alhta inquinyemac. Inquilmalhningvaac alhta, yoyam etipsic somquic quilyicjamo avalhoc ayitca. 27 Apcatingmavoc Jesús:
—Cotnejec ac lha coltovamcoc siclho inquitquic. Am cotamilac ongamcoc simjing quilpasmongam inquitquic actom.
28 Naso, Visqui. Intovcamqui inyicje simjing ayitcoc coning mesa quilpasmongam apnic acpalsaycam inquitquic —alhta intomjac.
29 Aptomjac alhta apcanya Jesús:
—Peyvoc lhac aclhanma lhiya. Cotajiclha anco, intipquic lhac somquic quilyicjamo avalhoc ayitca —alhta aptomjac.
30 Lhama alhta acvaclho tingma ac, acvita ayitca acyitna netin actajanma. Invonquipquic alhta somquic quilyicjamo.
Lhama enlhit mepqui apaycaoc najan mepqui appayvam
31 Apquimpaclhec alhta mocjam Jesús. Yoclhilhma Tiro alhta apquimpac. Apyeycajangvocmec alhta Sidón najan apvisay diez tingma. Apvoclhec alhta mocjam acyayengviyam Galilea. 32 Apquilyantamacmec alhta apnaclha Jesús lhama enlhit mepqui apaycaoc najan mepqui appayvam. Apcanyacpec alhta Jesús epatningvomjo. 33 Lhapcoc alhta apyantama as enlhit. Apquilhacasquic alhta apnaymacoc. Apquilpongvatcasquic alhta apaycaoc avalhoc. Apyamanong alhta aptomjac apmic. Appatningvocmo alhta apalhcoc. 34 Apsicjaclhec alhta Jesús. Invonquipquic alhta apnenyic. Aptomjac alhta apcanya:
—Efata. Ningiltimem nincoo: Colyancalhiclhojo —alhta aptomjac.
35 Yejemoc alhta alyancalheclho apaycaoc. Inlicalhquic alhta ajac apalhcoc. Intamilaclhec alhta appayvam. 36 Apquilasquic alhta apnaymacoc eliltimnasam amyaa. Am alhta elilyajaclhoc. Lhama alhta apquilasa mocjam natamin apquiltimnaseclhoc mocjam amyaa. 37 Pilapcasquic alhta anco apvitacpo:
—Intasic anco apquilanay asoc. Aptamilcaseclhec enlhit mepqui apaycaoc. Aptipcaseclhec appayvam enlhit mepqui appayvam —alhta intomjac amyaa.
Acpaysimquiscama ingvalhoc
(Mt 15.1-20)1 Apquilaneyquiclhac alhta apnaclha Jesús napocja fariseos najan apquilyascamco apquiltemaclha. Jerusalén alhta apquilinyemac. 2 Apquilvita alhta napocja apquiltamsoycaoc aptovcamco quilpasmongam naysicsa comasis apyimpeoc. Am alhta elcamcoc siclho yingmin apmeoc. 3 (Eycaso ilhnic nat apquiltemaclha apquilvanyam. Apquilvajanamquic alhta fariseos najan aplhamoclhojo co Judea. Meltovamquejec alhta melcamco inlhojo apmeoc yingmin. 4 Lhama alhta apquilinyectamo almomalhquilha nintom, eyca pa elyapacsic yingmin amamyi aptoycaoc. Inlhamoc alhta apquiltemaclha apquilyiplovquiscama. Elsavojoc alhta elilhpajac yingmin ingjaycoc ayitcoc najan acyiviy, najan vaynca najan apquiltajanma.) 5 Apquililmalhnaquic alhta fariseos najan apquilyascamco apquiltemaclha:
—¿Soctomja aptovcamco nac lhip apquiltamsoycaoc naysicsa comasis apyimpeoc? ¿Soctomja aptovascasamcaa nac actemaclha apquilpayvam apquilvanyam? —alhta apquiltomjac.
6 Apcatingmavoc alhta Jesús:
—Enlhit apquilaycmascam acna anit apquilvalhoc nac quellhip. Apquillhenacpec quellhip vaycajac aptalhescama ilhnic nat Isaías:
Intasi inyicje apquilpamesma as enlhitaoc.
Selayo inyicje apquiltomjac.
Tepec eyca acyitna apquilvalhoc apancaoc.
7 Ayajemo selayo coo.
Apquiltamsamquic anco apnaymacoc enlhit apquiltemaclha apquilpayvam
—nic nat aptomjac Isaías.
8 Apquilyinyovquic quellhip Dios apcanamaclha. Apquilvajanamquic quellhip enlhit actemaclha apquilpayvam. Apquililhpajac ingjaycoc acyiviy, najan ayitcoc najan aclhamoclhojo asoc acno moc.
9 Aptomjac alhta apquilanya Jesús:
—Apquiltovascasam quellhip Dios apcanamaclha, yoyam elvajanamcoc enlhit actemaclha apquilpayvam. 10 Aptomjac nic nat apcanya Moisés:
“Elyejiclhojo apyap najan inquin.”
Najan moc: “Ningyamnam sat ancoc ingyap inlhoyqui laa meme ingac, ongmatong sat”
—nic nat aptomjac.
11 Apquiltomjac quellhip: Ingvanquic onganic ingyap inlhoyqui laa meme ingac: “Quilhvo movanqueje omquesic asoc ajac, Corbán intomjac” (ningiltimem nincoo: Sicmescama anco Dios Ingyapam). 12 Apquilmiyovquic quellhip, yoyam ontamilsic ingyap inlhoyqui laa meme ingac. 13 Apquiltovascasam mataa quellhip Dios appayvam. Apquilvajanamco quellhip actemaclha apquilpayvam enlhit. Eycaso apquiltamsamquic mataa quellhip najan aclhamoclhojo asoc acno moc —alhta aptomjac.
14 Apquilevam alhta mocjam enlhit appintalhnama, apquilpamejitsa:
—Quip elaylhojo sat siltimnaycam. Elyasamcojo sicpayvam: 15 Cotnesquiseje comasis ingyimpejic asoc actalhnama ingvalhoc. Eyca asoc actiyapma ingvalhoc jintimescasquic comasis ingyimpejic. 16 Ingjaycaoc innac nincoo, pac ongilaylhojo —alhta aptomjac.
17 Lhama alhta apquilhaclho enlhitaoc aptalhningvoclho tingma pac. Apquilmalhningvoclhec alhta apquiltamsoycaoc actemaclha apyitquiscama. 18 Apcatingmavoc alhta Jesús:
—¿Ya ancoc elyasamcoc quellhip? ¿Melyasamqueje quellhip, intalhnec sat ancoc asoc ingvocmo, cotnesquiseje comasis ingyimpejic? 19 Coyteje ingvalhoc asoc nintomaclha laa. Coyitnamoc anco ingvocmo, yejemoc acyanalhco.
Aplhenquic alhta Jesús mongacyejec nintom. 20 Apquilpamejitsa Jesús:
—Jintimescasquic comasis ingyimpejic asoc actiyapma mataa ingvalhoc. 21 Eyca ayinyema ingvalhoc alquitamsama ingvalhoc almasomcaa, ningyamasma intava, ningilanatama, ningajem ingmoc, 22 ningminyilhma, ayitsepma ingnenyic asoc, nintamjaycam acmasom, ningyinimquiscama, nintemaclha acmasom, ningilyasipcascam, ningilyamneycam, ningyimtalhnesomalhca, mongyascamcolhma. 23 Eyca as asoc almasomcaa alantiyapma ingvalhoc, sintimesquiscama comasis ingyimpejic —alhta aptomjac Jesús.
Coyasquiyam lhama quilvana cotnaja judía
(Mt 15.21-28)24 Apquimpaclhec alhta mocjam Jesús. Apmiyaclhec alhta nicja yoclhilhma acvisay Tiro najan Sidón. Aptalhningvocmo alhta lhama tingma. Am alhta eltamjoc colhic acyasamco. Am alhta copvanac eyilhacpojo. 25 Yejemoc alhta aclinga apvisay lhama quilvana. Somquic quilyicjamo alhta actovascama ayitca. Inyocmec alhta maa najan alpolingvocmo apnaclha Jesús. 26 Jave alhta co Judea as quilvana. Sirofenicia alhta inquinyemac. Inquilmalhningvaac alhta, yoyam etipsic somquic quilyicjamo avalhoc ayitca. 27 Apcatingmavoc Jesús:
—Cotnejec ac lha coltovamcoc siclho inquitquic. Am cotamilac ongamcoc simjing quilpasmongam inquitquic actom.
28 Naso, Visqui. Intovcamqui inyicje simjing ayitcoc coning mesa quilpasmongam apnic acpalsaycam inquitquic —alhta intomjac.
29 Aptomjac alhta apcanya Jesús:
—Peyvoc lhac aclhanma lhiya. Cotajiclha anco, intipquic lhac somquic quilyicjamo avalhoc ayitca —alhta aptomjac.
30 Lhama alhta acvaclho tingma ac, acvita ayitca acyitna netin actajanma. Invonquipquic alhta somquic quilyicjamo.
Lhama enlhit mepqui apaycaoc najan mepqui appayvam
31 Apquimpaclhec alhta mocjam Jesús. Yoclhilhma Tiro alhta apquimpac. Apyeycajangvocmec alhta Sidón najan apvisay diez tingma. Apvoclhec alhta mocjam acyayengviyam Galilea. 32 Apquilyantamacmec alhta apnaclha Jesús lhama enlhit mepqui apaycaoc najan mepqui appayvam. Apcanyacpec alhta Jesús epatningvomjo. 33 Lhapcoc alhta apyantama as enlhit. Apquilhacasquic alhta apnaymacoc. Apquilpongvatcasquic alhta apaycaoc avalhoc. Apyamanong alhta aptomjac apmic. Appatningvocmo alhta apalhcoc. 34 Apsicjaclhec alhta Jesús. Invonquipquic alhta apnenyic. Aptomjac alhta apcanya:
—Efata. Ningiltimem nincoo: Colyancalhiclhojo —alhta aptomjac.
35 Yejemoc alhta alyancalheclho apaycaoc. Inlicalhquic alhta ajac apalhcoc. Intamilaclhec alhta appayvam. 36 Apquilasquic alhta apnaymacoc eliltimnasam amyaa. Am alhta elilyajaclhoc. Lhama alhta apquilasa mocjam natamin apquiltimnaseclhoc mocjam amyaa. 37 Pilapcasquic alhta anco apvitacpo:
—Intasic anco apquilanay asoc. Aptamilcaseclhec enlhit mepqui apaycaoc. Aptipcaseclhec appayvam enlhit mepqui appayvam —alhta intomjac amyaa.
