Enlhit co Gerasa acma somquic quilyicjamo
(Mt 8.28-34Lc 8.26-39)1 Apquilvocmec alhta tap acyayengviyam yoclhilhma Gerasa. 2 Lhama alhta aptepa barco, aptajanyavo lhama enlhit actovascama somquic quilyicjamo. Apquinyema alhta tacjalhpopayc. 3 Apnacmec alhta mataa naysicsa tacjalhpopayc. Am alhta copvanac elpilhtetic enlhit. 4 Memamejec alhta cadena. Quilpilhtetquic alhta inyicje cadena apmeoc najan apmancoc. Quilhvoc alhta elyitipsic cadena. Nalhtaa ayitcoc alhta aptimescasac cadena. Am alhta copvanac emamcoc enlhit. 5 Aptiyasam alhta mataa acnim najan alhtaa naysicsa tacjalhpopayc najan netin inquilhe. Apquilpalhamam alhta najan apticpamap apanco alhta etnejic mataymong apyimpejic. 6 Lhama alhta apvita apquilhyacmo Jesús. Yejemoc alhta apquinincamco apquilamyilhamco. Apquilpolintamo alhta apmamyi. 7 Aptomjac alhta apquilpalhamamcaa:
—Jesús, Dios Ingyapam Netin Apquitca. ¿Soc pa jetnesquisic coo? Pac olmalhnac lhip napato Dios, yoyam mejetvacseje —alhta aptomjac.
8 Ayinyemaclha aptomjac alhta apcanya Jesús:
—Somquic quilyicjamo, cotyip as enlhit —alhta aptomjac.
9 ¿Jalhco apvisay lhip? —alhta aptomjac Jesús.
Apcatingmavoc alhta enlhit:
—Coo sicvisay Legión, nimpintalhnama nincoo —alhta aptomjac.
10 Apquilinlhanacmec alhta apquilmalhnaycam, yoyam melapajacseje as yoclhilhma. 11 Apquilyancac alhta yatepomap appintalhnama nicja inquilhe. Aptovcamquic alhta maa. 12 Yejemoc alhta almalhnamcaa somquic quilyicjamo:
—Jingilapajas nincoo apquilyancaclha yatepomap. Ongilantilhic sat apquilvalhoc —alhta inquiltomjac.
13 Apcavoc alhta Jesús. Yejemoc alhta alantepa somquic quilyicjamo. Inquilantalhningvocmec alhta apquilvalhoc yatepomap. Dos mil alhta apvocmoc yatepomap. Apnateymaoclhec alhta apquilnilhtingaclho nayingmin. Apquilmasquingvocmec alhta nayingmin.
14 Apquilinyec alhta apquilancam yatepomap. Apquiltimnascaclhec alhta natingma najan lhalhma anco amyaa apquilinquita yatepomap. Yejemoc alhta apquilpecjamcaa enlhit. Apquililtamjoc alhta elvita asoc aplhanma. 15 Apquilmiyaclhec alhta apnaclha Jesús. Apvitacpec alhta enlhit quilyicjamo actovascama. Apnacmec alhta nalhpop apnangvocmo aptalhnama. Intamalvocmec alhta aptemaclha. Apquilacac alhta enlhitaoc. 16 Apquiltimnamcaa alhta enlhit aptomja apquilvitaycamco. Aplhenacpec alhta aptomja aptamilquisquiyam enlhit quilyicjamo actovascama. Najan inlhenalhquic alhta apquilinquitma yatepomap. 17 Apquilpamejitsa alhta Jesús, apcanyacpec alhta etyapoc as yoclhilhma.
18 Apquinamtec alhta barco Jesús. Apquilmalhningvoctac alhta enlhit quilhva aptamilviyam, yoyam etnejic aplhalhma. 19 Apmiyovquic alhta Jesús aptomja apcanya:
—Itajiclha tingma pac. Iltimnas sat apnaymacoc amyaa aptamalvocmo. Actemaclha Visqui ingac aptamilquisquiyam najan apquimlayam lhip —alhta aptomjac.
20 Yejemoc alhta aplhinga enlhit. Apquilmiyaclhec alhta apvisay diez tingma. Apquiltimnasam amyaa aptomja aptamilquisquiyam Jesús. Pilapcasquic alhta anco enlhit apquillinga amyaa.
Jairo apquitca najan moc quilvana
(Mt 9.18-26Lc 8.40-56)21 Aptamsaclhec alhta barco. Aptajavoc alhta tap acyayengviyam. Apquicjingvaac alhta apnaclha appintalhnama enlhit niyava yingmin. 22 Yejemoc alhta aplhingacmo lhama enlhit apvisay Jairo. Apquimja apmamyi alhta tingma apcaneyclhilha. Lhama alhta apvita apquilpolingvaa apquinmamcaclha Jesús. 23 Aptomja alhta apcanya:
—Pa incotsapoc sictamongvoyam —alhta aptomjac. Ityaningvomjo najan ininquin apmeoc tacjalhit, yoyam cotamalvomoc najan coyimnavomoc sat mocjam —alhta aptomjac.
24 Apyiplaclhec alhta Jesús najan appintalhnama enlhit. Apmojosacpec alhta enlhit, apquilyingamquic alhta naysicsa aplhingam. 25 Inyiplaclhec alhta lhama quilvana. Acvocmo alhta doce años actimem acyiviy em ac. 26 Ayovsec alhta quilvana apcasquiscama ayimpejic panatem yapmayc. Insovjalhquic alhta solyayem acyanmongam apquilanay. Am alhta cotamalvocmoc. Inyangvocmec alhta acmasca ayimpejic. 27 Lhama alhta aclinga apvisay Jesús. Inmayesaclhec alhta enlhit acyasaclha, yoyam copatningvomoc aptalhnama. 28 “Acpatningvocmoc sat ancoc aptalhnama, otamalvomoc sat” —alhta intomjac avalhoc. 29 Yejemoc alhta acmasca actiyapma em ac. Inlingamcoc alhta actamalvocmo, masquec acjalhomalhca. 30 Aplingamcoc alhta Jesús actepa apmopvan. Yejemoc alhta appaycacpo nipyesicsa enlhit, apquilpamejitsa:
—¿Soc laa acmongvavo sictalhnama? —alhta aptomjac.
31 Apquilatingmavoc alhta apquiltamsoycaoc:
—¿Am ya etaac lhip enlhit apquilyingacpo nac? ¿Soctomja aptomja nac lhip, soc enlhit semongvavo yi? —alhta apquiltomjac.
32 Apsovjam alhta Jesús nipyava. Apquiltamjoc alhta etac actomja acmongvaycmo. 33 Incacac alhta quilvana, inpilhyinimquic anco. Inyasamcoc alhta anco actomja actamalviyam. Inquilpolingvoclhec alhta apquinmamcaclha Jesús. Inquiltimnasa alhta aclhamoclhojo actomjaclha actomja nasoc anco. 34 Aptomjac alhta apcanya Jesús:
—Eyalhing, intamalvocmec lhiya ayinyema coyasquiyam. Nemoc, noncotnajam nasa avalhoc. Cotneclhejec mocjam —alhta aptomjac.
35 Naysicsa appamejitquiscama alhta Jesús apquilvaa enlhit. Apquilinyectac alhta tingma pac apquimja apmamyi apcaneyclhilha. Apquiltimnasquic alhta amyaa:
—Inquitsepquic lhac apquitca. Noyampos nasa apvisqui —alhta aptomjac.
36 Aplingac alhta amyaa Jesús. Aptomjac alhta apcanya apquimja apmamyi apcaneyclhilha:
—Noncavojo nasa apnenyic, noyasquim nasa —alhta aptomjac.
37 Apmiyovquic alhta Jesús eltimjic apquillhalhmaa poc enlhit. Apquilvamlha alhta Pedro, najan Jacobo najan Juan, Jacobo apyalhing. 38 Apquilvocmec alhta tingma pac apquimja apmamyi apcaneyclhilha. Aplingac alhta alpametamcaclha quilvanaa, najan acyapcalhem najan alinlhayam. 39 Aptalhningvocmec alhta congne. Aptomjac alhta apquilanya:
—¿Soctomja alpametamcaa nac? ¿Soctomja acyapcalha nac? Am cotsepac quilvana ayitcoc, intinquic anco —alhta aptomjac.
40 Apcasmesacpec alhta Jesús. Apquilantipcasquic alhta aplhamoclhojo. Apnalaclhec alhta inyap, najan inquin najan apquillhalhmaa. Aptalhningvocmec alhta congne acyitnaclha quilvana ayitcoc. 41 Yejemoc alhta apma amic, aptomja apcanya:
—Talita cumi. Ningiltimem: Sacoc, actomjac coo siyanya, colhacticja —alhta aptomjac.
42 Yejemoc alhta ayinmaclho netin quilvana ayitcoc, aclhinga actiyasamcaa. Doce años alhta invocmoc. Pilapcasquic alhta acvitalhco. 43 Apmiyovquic alhta ellingacsic amyaa apnaymacoc. Apcanayquic alhta colhic acmesa actom.
Enlhit co Gerasa acma somquic quilyicjamo
(Mt 8.28-34Lc 8.26-39)1 Apquilvocmec alhta tap acyayengviyam yoclhilhma Gerasa. 2 Lhama alhta aptepa barco, aptajanyavo lhama enlhit actovascama somquic quilyicjamo. Apquinyema alhta tacjalhpopayc. 3 Apnacmec alhta mataa naysicsa tacjalhpopayc. Am alhta copvanac elpilhtetic enlhit. 4 Memamejec alhta cadena. Quilpilhtetquic alhta inyicje cadena apmeoc najan apmancoc. Quilhvoc alhta elyitipsic cadena. Nalhtaa ayitcoc alhta aptimescasac cadena. Am alhta copvanac emamcoc enlhit. 5 Aptiyasam alhta mataa acnim najan alhtaa naysicsa tacjalhpopayc najan netin inquilhe. Apquilpalhamam alhta najan apticpamap apanco alhta etnejic mataymong apyimpejic. 6 Lhama alhta apvita apquilhyacmo Jesús. Yejemoc alhta apquinincamco apquilamyilhamco. Apquilpolintamo alhta apmamyi. 7 Aptomjac alhta apquilpalhamamcaa:
—Jesús, Dios Ingyapam Netin Apquitca. ¿Soc pa jetnesquisic coo? Pac olmalhnac lhip napato Dios, yoyam mejetvacseje —alhta aptomjac.
8 Ayinyemaclha aptomjac alhta apcanya Jesús:
—Somquic quilyicjamo, cotyip as enlhit —alhta aptomjac.
9 ¿Jalhco apvisay lhip? —alhta aptomjac Jesús.
Apcatingmavoc alhta enlhit:
—Coo sicvisay Legión, nimpintalhnama nincoo —alhta aptomjac.
10 Apquilinlhanacmec alhta apquilmalhnaycam, yoyam melapajacseje as yoclhilhma. 11 Apquilyancac alhta yatepomap appintalhnama nicja inquilhe. Aptovcamquic alhta maa. 12 Yejemoc alhta almalhnamcaa somquic quilyicjamo:
—Jingilapajas nincoo apquilyancaclha yatepomap. Ongilantilhic sat apquilvalhoc —alhta inquiltomjac.
13 Apcavoc alhta Jesús. Yejemoc alhta alantepa somquic quilyicjamo. Inquilantalhningvocmec alhta apquilvalhoc yatepomap. Dos mil alhta apvocmoc yatepomap. Apnateymaoclhec alhta apquilnilhtingaclho nayingmin. Apquilmasquingvocmec alhta nayingmin.
14 Apquilinyec alhta apquilancam yatepomap. Apquiltimnascaclhec alhta natingma najan lhalhma anco amyaa apquilinquita yatepomap. Yejemoc alhta apquilpecjamcaa enlhit. Apquililtamjoc alhta elvita asoc aplhanma. 15 Apquilmiyaclhec alhta apnaclha Jesús. Apvitacpec alhta enlhit quilyicjamo actovascama. Apnacmec alhta nalhpop apnangvocmo aptalhnama. Intamalvocmec alhta aptemaclha. Apquilacac alhta enlhitaoc. 16 Apquiltimnamcaa alhta enlhit aptomja apquilvitaycamco. Aplhenacpec alhta aptomja aptamilquisquiyam enlhit quilyicjamo actovascama. Najan inlhenalhquic alhta apquilinquitma yatepomap. 17 Apquilpamejitsa alhta Jesús, apcanyacpec alhta etyapoc as yoclhilhma.
18 Apquinamtec alhta barco Jesús. Apquilmalhningvoctac alhta enlhit quilhva aptamilviyam, yoyam etnejic aplhalhma. 19 Apmiyovquic alhta Jesús aptomja apcanya:
—Itajiclha tingma pac. Iltimnas sat apnaymacoc amyaa aptamalvocmo. Actemaclha Visqui ingac aptamilquisquiyam najan apquimlayam lhip —alhta aptomjac.
20 Yejemoc alhta aplhinga enlhit. Apquilmiyaclhec alhta apvisay diez tingma. Apquiltimnasam amyaa aptomja aptamilquisquiyam Jesús. Pilapcasquic alhta anco enlhit apquillinga amyaa.
Jairo apquitca najan moc quilvana
(Mt 9.18-26Lc 8.40-56)21 Aptamsaclhec alhta barco. Aptajavoc alhta tap acyayengviyam. Apquicjingvaac alhta apnaclha appintalhnama enlhit niyava yingmin. 22 Yejemoc alhta aplhingacmo lhama enlhit apvisay Jairo. Apquimja apmamyi alhta tingma apcaneyclhilha. Lhama alhta apvita apquilpolingvaa apquinmamcaclha Jesús. 23 Aptomja alhta apcanya:
—Pa incotsapoc sictamongvoyam —alhta aptomjac. Ityaningvomjo najan ininquin apmeoc tacjalhit, yoyam cotamalvomoc najan coyimnavomoc sat mocjam —alhta aptomjac.
24 Apyiplaclhec alhta Jesús najan appintalhnama enlhit. Apmojosacpec alhta enlhit, apquilyingamquic alhta naysicsa aplhingam. 25 Inyiplaclhec alhta lhama quilvana. Acvocmo alhta doce años actimem acyiviy em ac. 26 Ayovsec alhta quilvana apcasquiscama ayimpejic panatem yapmayc. Insovjalhquic alhta solyayem acyanmongam apquilanay. Am alhta cotamalvocmoc. Inyangvocmec alhta acmasca ayimpejic. 27 Lhama alhta aclinga apvisay Jesús. Inmayesaclhec alhta enlhit acyasaclha, yoyam copatningvomoc aptalhnama. 28 “Acpatningvocmoc sat ancoc aptalhnama, otamalvomoc sat” —alhta intomjac avalhoc. 29 Yejemoc alhta acmasca actiyapma em ac. Inlingamcoc alhta actamalvocmo, masquec acjalhomalhca. 30 Aplingamcoc alhta Jesús actepa apmopvan. Yejemoc alhta appaycacpo nipyesicsa enlhit, apquilpamejitsa:
—¿Soc laa acmongvavo sictalhnama? —alhta aptomjac.
31 Apquilatingmavoc alhta apquiltamsoycaoc:
—¿Am ya etaac lhip enlhit apquilyingacpo nac? ¿Soctomja aptomja nac lhip, soc enlhit semongvavo yi? —alhta apquiltomjac.
32 Apsovjam alhta Jesús nipyava. Apquiltamjoc alhta etac actomja acmongvaycmo. 33 Incacac alhta quilvana, inpilhyinimquic anco. Inyasamcoc alhta anco actomja actamalviyam. Inquilpolingvoclhec alhta apquinmamcaclha Jesús. Inquiltimnasa alhta aclhamoclhojo actomjaclha actomja nasoc anco. 34 Aptomjac alhta apcanya Jesús:
—Eyalhing, intamalvocmec lhiya ayinyema coyasquiyam. Nemoc, noncotnajam nasa avalhoc. Cotneclhejec mocjam —alhta aptomjac.
35 Naysicsa appamejitquiscama alhta Jesús apquilvaa enlhit. Apquilinyectac alhta tingma pac apquimja apmamyi apcaneyclhilha. Apquiltimnasquic alhta amyaa:
—Inquitsepquic lhac apquitca. Noyampos nasa apvisqui —alhta aptomjac.
36 Aplingac alhta amyaa Jesús. Aptomjac alhta apcanya apquimja apmamyi apcaneyclhilha:
—Noncavojo nasa apnenyic, noyasquim nasa —alhta aptomjac.
37 Apmiyovquic alhta Jesús eltimjic apquillhalhmaa poc enlhit. Apquilvamlha alhta Pedro, najan Jacobo najan Juan, Jacobo apyalhing. 38 Apquilvocmec alhta tingma pac apquimja apmamyi apcaneyclhilha. Aplingac alhta alpametamcaclha quilvanaa, najan acyapcalhem najan alinlhayam. 39 Aptalhningvocmec alhta congne. Aptomjac alhta apquilanya:
—¿Soctomja alpametamcaa nac? ¿Soctomja acyapcalha nac? Am cotsepac quilvana ayitcoc, intinquic anco —alhta aptomjac.
40 Apcasmesacpec alhta Jesús. Apquilantipcasquic alhta aplhamoclhojo. Apnalaclhec alhta inyap, najan inquin najan apquillhalhmaa. Aptalhningvocmec alhta congne acyitnaclha quilvana ayitcoc. 41 Yejemoc alhta apma amic, aptomja apcanya:
—Talita cumi. Ningiltimem: Sacoc, actomjac coo siyanya, colhacticja —alhta aptomjac.
42 Yejemoc alhta ayinmaclho netin quilvana ayitcoc, aclhinga actiyasamcaa. Doce años alhta invocmoc. Pilapcasquic alhta acvitalhco. 43 Apmiyovquic alhta ellingacsic amyaa apnaymacoc. Apcanayquic alhta colhic acmesa actom.
