1 ¡Lhip Job, iyimnaticsojo appayvam! ¿Soc ángel sat ingyatingmojo?
2 Avanjec lhip aplom ayajem, acno aptemaclha apanco enlhit acyeyjamelhma.
3 Acvitac alhta enlhit acyeyjamelhma mepqui apcay, pilapcasquic apyanina tingma pac.
4 Am elvitac apquitquic apquilpasmom, najan mepqui apquilmasma napato apyicpilquemo.
5 Apquilvita inyicje acyilhna amyip, apquilsovjoc mataa acyilhna mayic alnapma. Apquilvitac acyilhna acposomalhca, apquilsovjoc maa ayinyema ayitsepma apnenyaoc.
6 Am cotictepac as nalhpop (lhopactic) nintemaclha acmasom, paj najan ninlingaycamco acyimtalhnama.
7 Intipquic mataa ingvalhoc nintemaclha acmasom, malha etin actiyapma talha.
8 Ilhnasojo sat lhip sictemaclha coo, iltimnas sat napato Dios aptemaclha apanco.
9 Aptomja apquillanay simpilapquiscama, mongmovan ongvilyasingvomoc, mongmovan ongilyipsitic.
10 Dios ayinyema acmamay ayictinquiscama ninganma amyip.
11 Enlhit melyimtalhnamo eltimesacpoc apquilyimtalhnamo ayinyema Dios Visqui ingac. Colpayjiclhac sat apquilvalhoc enlhit acyajapmo apquilvalhoc.
12 Apquiltemaclha enlhit apquilmapsomcaa, aclhanma apquilvalhoc elyinimsic poc. Dios aptomja apquilinmelhaycam maa.
13 Elyinimsacpoc apanco napato Dios, alhto inyicje aclhanma apquilvalhoc maa.
14 Colmalhcac sat apataoc ingyitsicso acnim, malha melvitay olhma alhtaa intomjac.
15 Dios Visqui ingac evomsic sat tap melyimnatem nipyesicsa apquilmapsomcaa.
16 Meyasquiyam innac melyimnatem, epasmoc sat Dios. Elvanmac sat apquilmapsomcaa.
17 Apquilinyejemo enlhit apquiltamsomap ayinyema Dios. Lhip, nongyinmelham nasa Dios Visqui ingac apyimtalhnamo.
18 Etamilquiscomoc sat Dios, aptimesquisa siclho apquilyimsem. Etamilquiscomoc sat maa, aptomja inlhojo apticpongam apmic Visqui ingac.
19 Lhip evomsacpoc sat tap, aptajanya inlhojo acmasom, epasingvotac sat Visqui ingac.
20 Lhip evomsacpoc sat tap, apvita inlhojo mayic ataoc, najan naysicsa apquilimpocjay cotnaja ingmoc.
21 Intipsalhquic sat ancoc apvisay lhip, emyovacpoc sat lhip. Mengyacyejec sat aptajanya inlhojo acmasom.
22 Mengyacyejec sat lhip, apvita inlhojo mayic ataoc najan asoc navjac aclom.
23 Mengyacyejec sat lhip asoc navjac aclom aleyvam amyip, malha apnaymacoc altomja.
24 Coymalhquejec mataa asoc natingma, colhnanmejec sat mataa apnatoscama.
25 Elhamiclhac sat lhip apquitquic, colhojoc sat ayimjaclha ninganma amyip.
26 Etyisam sat lhip aptomjaclha apvanyam, comoc sat nelha acnim aptiyascam lhip. Eyitsacpoc sat lhip acmocjitmaclha acyilhna.
27 Aplingac lhac lhip actemaclha ningyasingvoyam actomja nasoc anco. Iyasingvom sat lhip lha, iyiplovcasojo sat actema nac lha — alhta aptomjac Elifaz.
1 ¡Lhip Job, iyimnaticsojo appayvam! ¿Soc ángel sat ingyatingmojo?
2 Avanjec lhip aplom ayajem, acno aptemaclha apanco enlhit acyeyjamelhma.
3 Acvitac alhta enlhit acyeyjamelhma mepqui apcay, pilapcasquic apyanina tingma pac.
4 Am elvitac apquitquic apquilpasmom, najan mepqui apquilmasma napato apyicpilquemo.
5 Apquilvita inyicje acyilhna amyip, apquilsovjoc mataa acyilhna mayic alnapma. Apquilvitac acyilhna acposomalhca, apquilsovjoc maa ayinyema ayitsepma apnenyaoc.
6 Am cotictepac as nalhpop (lhopactic) nintemaclha acmasom, paj najan ninlingaycamco acyimtalhnama.
7 Intipquic mataa ingvalhoc nintemaclha acmasom, malha etin actiyapma talha.
8 Ilhnasojo sat lhip sictemaclha coo, iltimnas sat napato Dios aptemaclha apanco.
9 Aptomja apquillanay simpilapquiscama, mongmovan ongvilyasingvomoc, mongmovan ongilyipsitic.
10 Dios ayinyema acmamay ayictinquiscama ninganma amyip.
11 Enlhit melyimtalhnamo eltimesacpoc apquilyimtalhnamo ayinyema Dios Visqui ingac. Colpayjiclhac sat apquilvalhoc enlhit acyajapmo apquilvalhoc.
12 Apquiltemaclha enlhit apquilmapsomcaa, aclhanma apquilvalhoc elyinimsic poc. Dios aptomja apquilinmelhaycam maa.
13 Elyinimsacpoc apanco napato Dios, alhto inyicje aclhanma apquilvalhoc maa.
14 Colmalhcac sat apataoc ingyitsicso acnim, malha melvitay olhma alhtaa intomjac.
15 Dios Visqui ingac evomsic sat tap melyimnatem nipyesicsa apquilmapsomcaa.
16 Meyasquiyam innac melyimnatem, epasmoc sat Dios. Elvanmac sat apquilmapsomcaa.
17 Apquilinyejemo enlhit apquiltamsomap ayinyema Dios. Lhip, nongyinmelham nasa Dios Visqui ingac apyimtalhnamo.
18 Etamilquiscomoc sat Dios, aptimesquisa siclho apquilyimsem. Etamilquiscomoc sat maa, aptomja inlhojo apticpongam apmic Visqui ingac.
19 Lhip evomsacpoc sat tap, aptajanya inlhojo acmasom, epasingvotac sat Visqui ingac.
20 Lhip evomsacpoc sat tap, apvita inlhojo mayic ataoc, najan naysicsa apquilimpocjay cotnaja ingmoc.
21 Intipsalhquic sat ancoc apvisay lhip, emyovacpoc sat lhip. Mengyacyejec sat aptajanya inlhojo acmasom.
22 Mengyacyejec sat lhip, apvita inlhojo mayic ataoc najan asoc navjac aclom.
23 Mengyacyejec sat lhip asoc navjac aclom aleyvam amyip, malha apnaymacoc altomja.
24 Coymalhquejec mataa asoc natingma, colhnanmejec sat mataa apnatoscama.
25 Elhamiclhac sat lhip apquitquic, colhojoc sat ayimjaclha ninganma amyip.
26 Etyisam sat lhip aptomjaclha apvanyam, comoc sat nelha acnim aptiyascam lhip. Eyitsacpoc sat lhip acmocjitmaclha acyilhna.
27 Aplingac lhac lhip actemaclha ningyasingvoyam actomja nasoc anco. Iyasingvom sat lhip lha, iyiplovcasojo sat actema nac lha — alhta aptomjac Elifaz.
