1 ¿Apvanqui ya lhquip emoc asoc jalhem, etingya yatepiyim Leviatán? ¿Apvanqui ya ingyasipsic apalhcoc tama acyimnatem?
2 ¿Apvanqui ya lhquip etjetic tama apvajic yatepiyim, eyiplhac asoc jalhem coning apatong?
3 ¿Naso ya etnejic yatepiyim appayvam, yoyam emyovacpoc napato lhip?
4 ¿Naso ya etnejic appayvam, yoyam etnesam sat apnaclha lhip aptemaclha apmomap?
5 ¿Apvanqui ya etnejic lhip aptoscama yatepiyim, malha nata ayitcoc? ¿Apvanqui ya etjetic tama ayitcoc actemaclha acnayvom lhip apquitquic?
6 ¿Naso ya apquilhacjam apjapitic yatepiyim, enlhit apquilyanmongsomap asoc?
7 ¿Avanqui ya yanca pac comilanic apyimpejic acyimnatem yatepiyim? ¿Avanqui ya tava apac arpones comilanic apcatic yatepiyim?
8 Iyipcon sat lhip ingyajic, elnapacpoc sat maa, elvaticsic sat lhip. Colhenejec sat mataa apvalhoc, etingya mocjam yatepiyim.
9 Mongvanquejec mataa ongajic yatepiyim Leviatán, cotyamoc sat ingvalhoc ningvita.
10 Nintingyac sat ancoc yatepiyim, elvoc sat maa, mongvanquejec ongajic.
11 ¿Apne ya enlhit apyimnatem apanco, am elhno yatepiyim? Paj lhama enlhit as nalhpop.
12 Olhenic sat mocjam aptemaclha apyimnatem yatepiyim, alyimnatem apmancoc.
13 ¿Soc enlhit apmopvan elcoc apyimpejic? ¿Soc sat epalhcatic apyimpejic acyimnatem?
14 ¿Soc enlhit apmopvan elcoc apatong, apvita cotlaycaoc apmaoc acmajamtic?
15 Cayjec anco apyimpejic apcapoc, malha tava apac apcajapsomap, malha mataymong.
16 Mepqui alyancalhem apyimpejic apcapoc, cotlhejec yingmin apvalhoc maa.
17 Cayjec anco apyimpejic yatepiyim, mongvanquejec onlicoc navayc apyimpejic.
18 Malha alyinmayam intomjac apquilhpajay yingmin apvajic, alyinmom anco apataoc.
19 Intipquic talha apatong, malha apyová intomjac ningvita.
20 Intipquic etin apvajic, malha acpanma ayinyema vaynca netin talha.
21 Apvatipnapma actomja alvatnama talha alhpongja, intipquic apatong talha alayvom.
22 Acyimnatem anco apyispoc, cotyamoc sat ingvalhoc ningvita.
23 Acyimnatem anco apjapitic, malha tava apac intomjac nipye acyimnatem.
24 Cayjec anco apvalhoc mepqui apcasicjayo, malha mataymong acyimnatem intomjac.
25 Inquinyajamquic mataa asoc alyimnatem, alvita inlhojo apquilhyam yatepiyim maa.
26 Mongvanquejec ongilyimsasic yanca, paj najan sovjeva, paj najan sovo acvinatem.
27 Ningilmaycam tava apac acyitsomalhca papiyov najan yamit apac, comalhquejec maa.
28 Mengyinyejec maa, ningyinja yanca najan ningilyicna mataymong, malha papiyov.
29 Malha papiyov apilhcapoc intomjac memong yayem vajic, apcasmesa yatepiyim, apvita inlhojo sovjeva.
30 Nipye acyitsomalhca yamit acpayjem, appilhyevaycam as nalhpop malha ningmintamaycam intomjac.
31 Appatipcasquic yingmin, malha yingmin alyaclhayam intomjac apvalhoc vaynca.
32 Alyinmom intomjac yingmin acvanyam, invitalhquic maa malha apminic (ayitancoc).
33 Mepqui asoc navjac as nalhpop apno yatepiyim, mepqui mataa apcay lhalhma anco.
34 Mepqui apcay mataa napatavo apquilyimnatem, aptomja apvisqui ancaoc asoc navjac.
1 ¿Apvanqui ya lhquip emoc asoc jalhem, etingya yatepiyim Leviatán? ¿Apvanqui ya ingyasipsic apalhcoc tama acyimnatem?
2 ¿Apvanqui ya lhquip etjetic tama apvajic yatepiyim, eyiplhac asoc jalhem coning apatong?
3 ¿Naso ya etnejic yatepiyim appayvam, yoyam emyovacpoc napato lhip?
4 ¿Naso ya etnejic appayvam, yoyam etnesam sat apnaclha lhip aptemaclha apmomap?
5 ¿Apvanqui ya etnejic lhip aptoscama yatepiyim, malha nata ayitcoc? ¿Apvanqui ya etjetic tama ayitcoc actemaclha acnayvom lhip apquitquic?
6 ¿Naso ya apquilhacjam apjapitic yatepiyim, enlhit apquilyanmongsomap asoc?
7 ¿Avanqui ya yanca pac comilanic apyimpejic acyimnatem yatepiyim? ¿Avanqui ya tava apac arpones comilanic apcatic yatepiyim?
8 Iyipcon sat lhip ingyajic, elnapacpoc sat maa, elvaticsic sat lhip. Colhenejec sat mataa apvalhoc, etingya mocjam yatepiyim.
9 Mongvanquejec mataa ongajic yatepiyim Leviatán, cotyamoc sat ingvalhoc ningvita.
10 Nintingyac sat ancoc yatepiyim, elvoc sat maa, mongvanquejec ongajic.
11 ¿Apne ya enlhit apyimnatem apanco, am elhno yatepiyim? Paj lhama enlhit as nalhpop.
12 Olhenic sat mocjam aptemaclha apyimnatem yatepiyim, alyimnatem apmancoc.
13 ¿Soc enlhit apmopvan elcoc apyimpejic? ¿Soc sat epalhcatic apyimpejic acyimnatem?
14 ¿Soc enlhit apmopvan elcoc apatong, apvita cotlaycaoc apmaoc acmajamtic?
15 Cayjec anco apyimpejic apcapoc, malha tava apac apcajapsomap, malha mataymong.
16 Mepqui alyancalhem apyimpejic apcapoc, cotlhejec yingmin apvalhoc maa.
17 Cayjec anco apyimpejic yatepiyim, mongvanquejec onlicoc navayc apyimpejic.
18 Malha alyinmayam intomjac apquilhpajay yingmin apvajic, alyinmom anco apataoc.
19 Intipquic talha apatong, malha apyová intomjac ningvita.
20 Intipquic etin apvajic, malha acpanma ayinyema vaynca netin talha.
21 Apvatipnapma actomja alvatnama talha alhpongja, intipquic apatong talha alayvom.
22 Acyimnatem anco apyispoc, cotyamoc sat ingvalhoc ningvita.
23 Acyimnatem anco apjapitic, malha tava apac intomjac nipye acyimnatem.
24 Cayjec anco apvalhoc mepqui apcasicjayo, malha mataymong acyimnatem intomjac.
25 Inquinyajamquic mataa asoc alyimnatem, alvita inlhojo apquilhyam yatepiyim maa.
26 Mongvanquejec ongilyimsasic yanca, paj najan sovjeva, paj najan sovo acvinatem.
27 Ningilmaycam tava apac acyitsomalhca papiyov najan yamit apac, comalhquejec maa.
28 Mengyinyejec maa, ningyinja yanca najan ningilyicna mataymong, malha papiyov.
29 Malha papiyov apilhcapoc intomjac memong yayem vajic, apcasmesa yatepiyim, apvita inlhojo sovjeva.
30 Nipye acyitsomalhca yamit acpayjem, appilhyevaycam as nalhpop malha ningmintamaycam intomjac.
31 Appatipcasquic yingmin, malha yingmin alyaclhayam intomjac apvalhoc vaynca.
32 Alyinmom intomjac yingmin acvanyam, invitalhquic maa malha apminic (ayitancoc).
33 Mepqui asoc navjac as nalhpop apno yatepiyim, mepqui mataa apcay lhalhma anco.
34 Mepqui apcay mataa napatavo apquilyimnatem, aptomja apvisqui ancaoc asoc navjac.
