1-2 Aptomjac nic nat Dios apcanya Job: —Coo sicvisay Sicyimtalhnamo. ¿Apquiltamjo ja lhquip ongilatingmalhcojo? Jeyatingmam sat lhip aptomja seyinmelhaycam — nic nat aptomjac Dios Apyimtalhnamo.
3-4 Movanqueje ongvatingmojo, mepqui sicyimtalhnamo coo. Ovanmac sat coo.
5 Lhama alhta silyataycam najan mocjam lhama. Alvatasquic coo — nic nat aptomjac Job.
Apmopvan apanco Dios
6 Aptomjac nic nat Dios apcanya Job nipyesicsa yatepiyam:
7 Ipenacsojo sat lhip. Ivascap sat lhip, yoyam jeyatingmojo moclhama silmalhnaycam lhip.
8 ¿Apcanayqui ya lhquip mepqui sicpeyvomo coo? ¿Naso ya sicsilhnanomalhca ajanco? ¿Naso ya lhquip mepqui apsilhnanomap apanco?
9 ¿Apyimnatem apanco ya lhquip, molhno coo? ¿Acno ya ayilhtingyavoyam lhip appayvam?
10 Itnesacpojo apanco apyimnatem najan apyimtalhnamo. Itnesacpojo apanco mayayo apmopvan apanco.
11 Quip ilanojo enlhit apquilyimtalhnesomacpo apanco. Ilvatesquis maa acyiplomo lhip aplom pac.
12 Acmovan innac lhip apataoc. Ilvatesquis lhip apquilyimtalhnesomap apanco. Inatovas sat lhip apquilmapsomcaa.
13 Itlhaoc sat apyovoclhojo congne malhic tacjalhop, payjoc alyascamaclha ingjangaoc.
14 Otnejic sat coo lha siyayo lhip, ayinyema lhip apmopvan aptimesomap apyimnatem.
15 Quip ilanojo yamnipolhing Behemot, sillanay nic nat coo, sillanay najan enlhit. Intovquic maa paat, acno actom vayqui.
16 Ilanojo actemaclha ayimpejic, acyimnatem anco najan acmovan, am colhno moc asoc.
17 Cayjec anco ayicpacyic, malha yamit cedro. Cayjec anco ajac amancoc.
18 Cayjec anco alhquipcoc, malha bronce najan malha tava apac intomjac.
19 Coo ilhnic nat sillanay. Coo sicvamlha sicyimnatem, am colhno as yamnipolhing.
20 Intovquic mataa paat netin inquilhe, payjoc aleyvomaclha asoc navjac.
21 Yitnec acyilhanmomaclha nicja yingmin, payjoc ayimjaclha cañas del pantano.
22 Yitnec mataa pisquisca nicja yingmin acyancaclha, yamit alvisay álamos.
23 Mepqui ayinyem maa, acvaa inlhojo acyeniyam yingmin, cotlhic inlhojo atong yingmin.
24 ¿Soc enlhit apmopvan epatjetic maa, elcoc sat apataoc? ¿Soc sat ingyasipsic yamtama, comalhcac sat yamnipolhing? — nic nat aptomjac Visqui ingac.
1-2 Aptomjac nic nat Dios apcanya Job: —Coo sicvisay Sicyimtalhnamo. ¿Apquiltamjo ja lhquip ongilatingmalhcojo? Jeyatingmam sat lhip aptomja seyinmelhaycam — nic nat aptomjac Dios Apyimtalhnamo.
3-4 Movanqueje ongvatingmojo, mepqui sicyimtalhnamo coo. Ovanmac sat coo.
5 Lhama alhta silyataycam najan mocjam lhama. Alvatasquic coo — nic nat aptomjac Job.
Apmopvan apanco Dios
6 Aptomjac nic nat Dios apcanya Job nipyesicsa yatepiyam:
7 Ipenacsojo sat lhip. Ivascap sat lhip, yoyam jeyatingmojo moclhama silmalhnaycam lhip.
8 ¿Apcanayqui ya lhquip mepqui sicpeyvomo coo? ¿Naso ya sicsilhnanomalhca ajanco? ¿Naso ya lhquip mepqui apsilhnanomap apanco?
9 ¿Apyimnatem apanco ya lhquip, molhno coo? ¿Acno ya ayilhtingyavoyam lhip appayvam?
10 Itnesacpojo apanco apyimnatem najan apyimtalhnamo. Itnesacpojo apanco mayayo apmopvan apanco.
11 Quip ilanojo enlhit apquilyimtalhnesomacpo apanco. Ilvatesquis maa acyiplomo lhip aplom pac.
12 Acmovan innac lhip apataoc. Ilvatesquis lhip apquilyimtalhnesomap apanco. Inatovas sat lhip apquilmapsomcaa.
13 Itlhaoc sat apyovoclhojo congne malhic tacjalhop, payjoc alyascamaclha ingjangaoc.
14 Otnejic sat coo lha siyayo lhip, ayinyema lhip apmopvan aptimesomap apyimnatem.
15 Quip ilanojo yamnipolhing Behemot, sillanay nic nat coo, sillanay najan enlhit. Intovquic maa paat, acno actom vayqui.
16 Ilanojo actemaclha ayimpejic, acyimnatem anco najan acmovan, am colhno moc asoc.
17 Cayjec anco ayicpacyic, malha yamit cedro. Cayjec anco ajac amancoc.
18 Cayjec anco alhquipcoc, malha bronce najan malha tava apac intomjac.
19 Coo ilhnic nat sillanay. Coo sicvamlha sicyimnatem, am colhno as yamnipolhing.
20 Intovquic mataa paat netin inquilhe, payjoc aleyvomaclha asoc navjac.
21 Yitnec acyilhanmomaclha nicja yingmin, payjoc ayimjaclha cañas del pantano.
22 Yitnec mataa pisquisca nicja yingmin acyancaclha, yamit alvisay álamos.
23 Mepqui ayinyem maa, acvaa inlhojo acyeniyam yingmin, cotlhic inlhojo atong yingmin.
24 ¿Soc enlhit apmopvan epatjetic maa, elcoc sat apataoc? ¿Soc sat ingyasipsic yamtama, comalhcac sat yamnipolhing? — nic nat aptomjac Visqui ingac.
