Eliú appayvam tercer discurso
1-2 Aptomjac nic nat mocjam Eliú apcanya: Lhip Job, aptimesacpec appeyvomo apanco lhip, am elhno Dios.
3 Ayinyema lhip appayvam: Am comac apvalhoc Dios, apvita inlhojo moyascalhma coo. Am elhenac mataa sictemaclha ajanco — alhta aptomjac lhip.
4 Pac ongvatingmojo, ingyeylhojo sat lhip najan apnaymacoc, yoyam elaylhojoc.
5 Ingyinmelhojo maa netin, ilanojo nitnoc anco yipjopay tacjaplhit lhip.
6 Copvanquejec lhip ingyinmelham Dios, ayinyema meyascalhma najan apsilhnanomap apanco.
7 Naysicsa aptimem lhip appeyvomo, cotnajac asoc actamila macmescama Dios.
8 Enlhit ingnaymacoc colpayjiclhac apquilvalhoc, apquilvita inlhojo asoc macmescama. Apquillingamco inlhojo acmasom, ayinyema lhip aptemaclha meyascalhma.
9 Yitnec apquillingaycamco acyimtalhnama enlhit napatavo apquilmopvancaa, apquililtamjo inyicje elmiyovacpoc.
10 Am ellhenac mataa Dios apyimtalhnamo, yoyam epasingvota, yoyam etamilquiscomoc apquilvalhoc naysicsa apquillingaycamco acyimtalhnama.
11 Avanjec mataa singyascasingvoyam Dios, am colhno apyascasingvoyam asoc navjac, najan ninatoscama, najan anata.
12 Am ingyatingmavoc Dios naysicsa ningilmalhnancama, ayinyema nintemaclha ningmasom najan actemaclha ayajamalhco ingilvalhoc.
13 Alhto inyicje ningilpalhamaycam, am jingilanoc nincoo Dios Visqui apyimtalhnamo.
14 Lhip aplhanma Job, metay mataa Visqui ingac. Ilalh sat lhip, apyasamcoc Dios.
15 Apcanem lhip, mepqui aplom Dios, mepqui apyanmongsayclha aptemaclha apanco lhip. Melhanma mataa ningilsilhnanomalhca inganco.
16 Lhip Job, alhto inyicje apquilyataycam lhip, apno enlhit acyeyjamelhma mepqui apyascamco — nic nat aptomjac Eliú.
Eliú appayvam tercer discurso
1-2 Aptomjac nic nat mocjam Eliú apcanya: Lhip Job, aptimesacpec appeyvomo apanco lhip, am elhno Dios.
3 Ayinyema lhip appayvam: Am comac apvalhoc Dios, apvita inlhojo moyascalhma coo. Am elhenac mataa sictemaclha ajanco — alhta aptomjac lhip.
4 Pac ongvatingmojo, ingyeylhojo sat lhip najan apnaymacoc, yoyam elaylhojoc.
5 Ingyinmelhojo maa netin, ilanojo nitnoc anco yipjopay tacjaplhit lhip.
6 Copvanquejec lhip ingyinmelham Dios, ayinyema meyascalhma najan apsilhnanomap apanco.
7 Naysicsa aptimem lhip appeyvomo, cotnajac asoc actamila macmescama Dios.
8 Enlhit ingnaymacoc colpayjiclhac apquilvalhoc, apquilvita inlhojo asoc macmescama. Apquillingamco inlhojo acmasom, ayinyema lhip aptemaclha meyascalhma.
9 Yitnec apquillingaycamco acyimtalhnama enlhit napatavo apquilmopvancaa, apquililtamjo inyicje elmiyovacpoc.
10 Am ellhenac mataa Dios apyimtalhnamo, yoyam epasingvota, yoyam etamilquiscomoc apquilvalhoc naysicsa apquillingaycamco acyimtalhnama.
11 Avanjec mataa singyascasingvoyam Dios, am colhno apyascasingvoyam asoc navjac, najan ninatoscama, najan anata.
12 Am ingyatingmavoc Dios naysicsa ningilmalhnancama, ayinyema nintemaclha ningmasom najan actemaclha ayajamalhco ingilvalhoc.
13 Alhto inyicje ningilpalhamaycam, am jingilanoc nincoo Dios Visqui apyimtalhnamo.
14 Lhip aplhanma Job, metay mataa Visqui ingac. Ilalh sat lhip, apyasamcoc Dios.
15 Apcanem lhip, mepqui aplom Dios, mepqui apyanmongsayclha aptemaclha apanco lhip. Melhanma mataa ningilsilhnanomalhca inganco.
16 Lhip Job, alhto inyicje apquilyataycam lhip, apno enlhit acyeyjamelhma mepqui apyascamco — nic nat aptomjac Eliú.
