1 Lhip Job, ingyeylhojo sicpayvam, yoyam comoc apvalhoc lhip.
2 Quilhvoc sat olyatam, oltimnacsic sicpayvam.
3 Yitnec coo actamilaycam evalhoc, oltimnacsic sat nasoc anco sicpayvam.
4 Dios Visqui apyimtalhnamo sellanay coo, apyimnatasquic coo enquenyic.
5 Jeyatingmojo sat lhip, jeltimnas sat najato aclhanmaclha apvalhoc.
6 Lhip najan coo, ningno nincoo napato Dios, yelpa alhta silanomalhca coo lha.
7 Noncotlapquis nasa apvalhoc lhip, mongvinmelham sat lhip quilhvo.
8 Naso, aclingac alhta lhip appayvam, inmec alhta evalhoc coo:
9 —Mepqui sicsilhnanomalhca coo, sicpeyvomo coo napato Dios.
10 Eyinmelham coo Visqui ingac, malha sictomja cotnaja ingmoc.
11 Apmiyovquic olhong coo, malha apnatetem cadena emancoc — alhta aptomjac lhip.
12 Lhip Job, aplhinganyam nac lhip. Apyimtalhnamo apanco Dios, am elhno enlhit.
13 ¿Co laa ayinyema apquinmelhaycam lhip? Mepqui apcatingmaycam Dios intomjac.
14 Ingilpamejitcasquic mataa Dios Visqui ingac, am eyca comac ingilvalhoc.
15 Alhtaa mataa, naysicsa nintiyanma actomja acvitay ningvanmoncama aptemaclha Visqui ingac singilpamejitquiscama.
16 Inlingac mataa ningvanmoncama appayvam ayinyema Dios, singanama najan singascama.
17 Elvatesquisic nintemaclha ningmasom, emascocsic ayajamalhco ingilvalhoc.
18 Apmiyovquic mataa Dios onticyoc nincoo, apmiyovquic ongilatoynalhcac nincoo.
19 Ingilmiyovquic mataa Dios naysicsa ningmasquem najan naysicsa acmasca ingyimpejic.
20 Colcac ingilvalhoc ontoc nintom, malha yoyam ongilyiclhic.
21 Ningilyamjoncamqui inyicje, mepqui ingyavaoc nincoo, inquilvitalhquic ingilhquipcoc.
22 Comascoc ningileyvam, ongilitsapoc sat, ongilpalhavomoc sat alyascamaclha ingjangaoc.
23 Nasoc lhaja epasingvotac lhama ángel, nipyesicsa mil apnaymacoc ángeles, eltimnasquitac sat yavamlha eltimjic.
24 Ingyimliclhojoc sat ángel, etnejic sat ingyanic: Lhip Dios Visqui ingac, imyov sat lhip, yoyam mengyitsepejec maa. Acvitac coo acyanmongam, yoyam emyovacpoc — sat etnejic ingyanic ángel.
25 Eyimnavomoc sat mocjam apyovoclhojo, acno siclhoc alhta aptemaclha apyimnanic.
26 Ingyajalhnoc sat Dios apquilmalhnancama, copayjiclhac sat apvalhoc napato Dios. Colhic sat ayaco Dios Visqui ingac nipyesicsa enlhit.
27 Elhenic sat aptemaclha apanco: Sicsilhnanomalhca ajanco, mepqui sicpeyvomo. Am eyanmongsiclhac Dios Visqui ingac sictemaclha ajanco.
28 Evomcasquic alhta tap siyitsepma, otyisam sat mocjam naysicsa ayitsay olhma — intomjac aplhanma.
29 Eycaso aptomjaclha Dios, jingilmeyvoc lhama najan mocjam lhama, jingilmeyvoc mataa.
30 Jingilmeyvoc, yoyam mongitsepejec sat. Ongileyoc sat naysicsa ayitsay olhma.
31 Lhip Job, ingyeylhojo sicpayvam. Ivanma sat lhip naysicsa selyataycam.
32 Yitne ya lhquip appayvam, jeltimnas sat. Payjoc sat ancoc appayvam, moyascamejec sat coo.
33 Paj lhaja appayvam, ingyeylhojo sicpayvam coo, oyascasingvomoc actemaclha acyascamco ingvalhoc — nic nat aptomjac Eliú.
1 Lhip Job, ingyeylhojo sicpayvam, yoyam comoc apvalhoc lhip.
2 Quilhvoc sat olyatam, oltimnacsic sicpayvam.
3 Yitnec coo actamilaycam evalhoc, oltimnacsic sat nasoc anco sicpayvam.
4 Dios Visqui apyimtalhnamo sellanay coo, apyimnatasquic coo enquenyic.
5 Jeyatingmojo sat lhip, jeltimnas sat najato aclhanmaclha apvalhoc.
6 Lhip najan coo, ningno nincoo napato Dios, yelpa alhta silanomalhca coo lha.
7 Noncotlapquis nasa apvalhoc lhip, mongvinmelham sat lhip quilhvo.
8 Naso, aclingac alhta lhip appayvam, inmec alhta evalhoc coo:
9 —Mepqui sicsilhnanomalhca coo, sicpeyvomo coo napato Dios.
10 Eyinmelham coo Visqui ingac, malha sictomja cotnaja ingmoc.
11 Apmiyovquic olhong coo, malha apnatetem cadena emancoc — alhta aptomjac lhip.
12 Lhip Job, aplhinganyam nac lhip. Apyimtalhnamo apanco Dios, am elhno enlhit.
13 ¿Co laa ayinyema apquinmelhaycam lhip? Mepqui apcatingmaycam Dios intomjac.
14 Ingilpamejitcasquic mataa Dios Visqui ingac, am eyca comac ingilvalhoc.
15 Alhtaa mataa, naysicsa nintiyanma actomja acvitay ningvanmoncama aptemaclha Visqui ingac singilpamejitquiscama.
16 Inlingac mataa ningvanmoncama appayvam ayinyema Dios, singanama najan singascama.
17 Elvatesquisic nintemaclha ningmasom, emascocsic ayajamalhco ingilvalhoc.
18 Apmiyovquic mataa Dios onticyoc nincoo, apmiyovquic ongilatoynalhcac nincoo.
19 Ingilmiyovquic mataa Dios naysicsa ningmasquem najan naysicsa acmasca ingyimpejic.
20 Colcac ingilvalhoc ontoc nintom, malha yoyam ongilyiclhic.
21 Ningilyamjoncamqui inyicje, mepqui ingyavaoc nincoo, inquilvitalhquic ingilhquipcoc.
22 Comascoc ningileyvam, ongilitsapoc sat, ongilpalhavomoc sat alyascamaclha ingjangaoc.
23 Nasoc lhaja epasingvotac lhama ángel, nipyesicsa mil apnaymacoc ángeles, eltimnasquitac sat yavamlha eltimjic.
24 Ingyimliclhojoc sat ángel, etnejic sat ingyanic: Lhip Dios Visqui ingac, imyov sat lhip, yoyam mengyitsepejec maa. Acvitac coo acyanmongam, yoyam emyovacpoc — sat etnejic ingyanic ángel.
25 Eyimnavomoc sat mocjam apyovoclhojo, acno siclhoc alhta aptemaclha apyimnanic.
26 Ingyajalhnoc sat Dios apquilmalhnancama, copayjiclhac sat apvalhoc napato Dios. Colhic sat ayaco Dios Visqui ingac nipyesicsa enlhit.
27 Elhenic sat aptemaclha apanco: Sicsilhnanomalhca ajanco, mepqui sicpeyvomo. Am eyanmongsiclhac Dios Visqui ingac sictemaclha ajanco.
28 Evomcasquic alhta tap siyitsepma, otyisam sat mocjam naysicsa ayitsay olhma — intomjac aplhanma.
29 Eycaso aptomjaclha Dios, jingilmeyvoc lhama najan mocjam lhama, jingilmeyvoc mataa.
30 Jingilmeyvoc, yoyam mongitsepejec sat. Ongileyoc sat naysicsa ayitsay olhma.
31 Lhip Job, ingyeylhojo sicpayvam. Ivanma sat lhip naysicsa selyataycam.
32 Yitne ya lhquip appayvam, jeltimnas sat. Payjoc sat ancoc appayvam, moyascamejec sat coo.
33 Paj lhaja appayvam, ingyeylhojo sicpayvam coo, oyascasingvomoc actemaclha acyascamco ingvalhoc — nic nat aptomjac Eliú.
