1 Inlhenquic alhta evalhoc oltamacsic ejataoc. Cotsepejec enquenyic quilvana cotnaja etava.
2 ¿Jalhco sat etnejic Dios, apvita inlhojo sictemaclha ayitsepma enquenyic?
3 Apyanmongsaclhec mataa aptemaclha apmapsom najan apsilhnanomap apanco.
4 Apvitac Dios sictomjaclha najan sictemaclha sictingyey moc asoc.
5 Nasoc sictemaclha mataa: mepqui alhta sicmovan amyaa, mepqui alhta sicyinimquiscama.
6 Apyipconquic mataa Dios evalhoc coo. Mepqui sicsilhnanomalhca ajanco.
7 Acyinyovquic sat ancoc amay acpeyvomo. Esilhnanaquic sat ancoc ejataoc, esilhnanaquic ancoc emeoc.
8 Poc enlhit eltovamcoc sat acyilhna, siyinayclha alhta actic. Elaptic sat ayenamalhca.
9 Esilhnanaquic ancoc quilvana cotnaja etava. Aljalhnec ancoc payjoc tingma apatong emoc.
10 Colhic sat seyinyovquisa etava coo. Elpatjetamcoc sat metnaja nintemólhama.
11 Acmasom cotnejic sictemaclha, colhic sat acyanmongseclho actema nac jay.
12 Cotnejic sat malha talha acsovjomo silnatam najan sictemaclha coo.
13 Elyavectac alhta ancoc selancam. Acjalhnoc coo mataa selmalhnaycam asoc.
14 Evanquic mataa olmalhnam Dios, apvita inlhojo sictemaclha coo. Evanquic mataa ongvatingmojo Dios, selmalhna inlhojo sictemaclha coo.
15 Apquilantipcasquic Dios apyovoclhojo enlhit, najan coo, najan selancam coo. Singmescama acyimnatem ingnenyic.
16 Paj coo omyavac asoc selmalhna inlhojo enlhit mepqui asoc, selmalhna inlhojo nintom tampeyi.
17 Paj coo omyavac nintom apyeyjeycam, naysicsa sictom coo tingma ajac.
18 Actimec coo siclhalhma, malha apyeyjeycam apyap. Silimlayquiclho mataa lhintampaa.
19 Acvitac alhta mepqui aptalhnama enlhit. Mepqui apcalomap enlhit mepqui asoc.
20 Paj coo omyavac apcalomap nipquesic apva, sicyesiscama sicnatoscama. Innec alhta seyaco ayinyema acpayjayclha apvalhoc aplhoy asoc.
21 Acmiyovquic coo apyeyjeycam, sicvita inlhojo enaymacoc apquilyicpilquemo.
22 Olngamcojoc sat acyimtalhnama, acyitna inlhojo sicmovan amyaa. Colhic sat alintasa ectingaoc, colhnanmoc sat nelatane coo.
23 Olngamcojoc sat apyanmongsayclha Dios sictemaclha coo. Ongavojoc Dios Apyimtalhnamo.
24 Am alhta cotsepac enquenyic solyayem setnesquiscama sicyimtalhnamo.
25 Am alhta colhnac seyaco, ayinyema cascama silnatam najan cotlaycaoc solyayem.
26 Acvitac alhta acnim actamila anco najan piltin aptamila apanco.
27 Am alhta otnajac siyayo acnim najan piltin, acyitsomalhca singmasma.
28 Cotnejic sat apyanmongsayclha Dios sictemaclha sicvenneycam Visqui netin.
29 Am alhta copayjiclhac evalhoc, sicvita inlhojo aplingaycamco cotnaja ingmoc.
30 Am alhta otnescasac apmapsom, sicvita inlhojo aplingaycamco cotnaja ingmoc.
31 Apquilvitac mataa sicmolhama, actemaclha sicmam tacja maycaa apvoy sicnaclha.
32 Am alhta etenac amay maycaa. Acmec tacja maycaa congne tingma jac.
33 Am oyilhascasac sicsilhnanomalhca ajanco, apquiltemaclha enaymacoc.
34 Am ongvacac enaymacoc enlhit, naysicsa siclhanma. Am oyilhalhcoc ajanco. Am ongvacac enaymacoc sicmolhama, apquiltemaclha sevennéycam coo.
35 Altamjoc coo ingyeylhojoc lhama enlhit. Opquinic firma sicvisay. Jeyatingmojoc sat Dios Apyimtalhnamo. Olanojoc sat aptalhescama seyinmelhaycam coo.
36 Otasquisic sat nipyesicsa enlhitaoc aptalhescama seyinmelhaycam coo. Malha selnatanma sat cotnejic.
37 Opquiniclhac ayalhnaclhojo evalhoc napato Dios. Oyoclhojo sat mepqui siyayo.
38 Mepqui seyinmelhaycam amyip ajanco, mepqui aliclhangveycam silcacjam.
39 Yitnec ancoc sictingyey acyilhna mepqui sictamjaycam, mepqui siyayo avtip.
40 Motejec sat mocjam apquimjaclha trigo, otac sat ayimjaclha milovqui. Motejec sat mocjam ayimjaclha cebada, otac sat ayimjaclha yammeyac.
Vamlha nac jay Job appayvam.
1 Inlhenquic alhta evalhoc oltamacsic ejataoc. Cotsepejec enquenyic quilvana cotnaja etava.
2 ¿Jalhco sat etnejic Dios, apvita inlhojo sictemaclha ayitsepma enquenyic?
3 Apyanmongsaclhec mataa aptemaclha apmapsom najan apsilhnanomap apanco.
4 Apvitac Dios sictomjaclha najan sictemaclha sictingyey moc asoc.
5 Nasoc sictemaclha mataa: mepqui alhta sicmovan amyaa, mepqui alhta sicyinimquiscama.
6 Apyipconquic mataa Dios evalhoc coo. Mepqui sicsilhnanomalhca ajanco.
7 Acyinyovquic sat ancoc amay acpeyvomo. Esilhnanaquic sat ancoc ejataoc, esilhnanaquic ancoc emeoc.
8 Poc enlhit eltovamcoc sat acyilhna, siyinayclha alhta actic. Elaptic sat ayenamalhca.
9 Esilhnanaquic ancoc quilvana cotnaja etava. Aljalhnec ancoc payjoc tingma apatong emoc.
10 Colhic sat seyinyovquisa etava coo. Elpatjetamcoc sat metnaja nintemólhama.
11 Acmasom cotnejic sictemaclha, colhic sat acyanmongseclho actema nac jay.
12 Cotnejic sat malha talha acsovjomo silnatam najan sictemaclha coo.
13 Elyavectac alhta ancoc selancam. Acjalhnoc coo mataa selmalhnaycam asoc.
14 Evanquic mataa olmalhnam Dios, apvita inlhojo sictemaclha coo. Evanquic mataa ongvatingmojo Dios, selmalhna inlhojo sictemaclha coo.
15 Apquilantipcasquic Dios apyovoclhojo enlhit, najan coo, najan selancam coo. Singmescama acyimnatem ingnenyic.
16 Paj coo omyavac asoc selmalhna inlhojo enlhit mepqui asoc, selmalhna inlhojo nintom tampeyi.
17 Paj coo omyavac nintom apyeyjeycam, naysicsa sictom coo tingma ajac.
18 Actimec coo siclhalhma, malha apyeyjeycam apyap. Silimlayquiclho mataa lhintampaa.
19 Acvitac alhta mepqui aptalhnama enlhit. Mepqui apcalomap enlhit mepqui asoc.
20 Paj coo omyavac apcalomap nipquesic apva, sicyesiscama sicnatoscama. Innec alhta seyaco ayinyema acpayjayclha apvalhoc aplhoy asoc.
21 Acmiyovquic coo apyeyjeycam, sicvita inlhojo enaymacoc apquilyicpilquemo.
22 Olngamcojoc sat acyimtalhnama, acyitna inlhojo sicmovan amyaa. Colhic sat alintasa ectingaoc, colhnanmoc sat nelatane coo.
23 Olngamcojoc sat apyanmongsayclha Dios sictemaclha coo. Ongavojoc Dios Apyimtalhnamo.
24 Am alhta cotsepac enquenyic solyayem setnesquiscama sicyimtalhnamo.
25 Am alhta colhnac seyaco, ayinyema cascama silnatam najan cotlaycaoc solyayem.
26 Acvitac alhta acnim actamila anco najan piltin aptamila apanco.
27 Am alhta otnajac siyayo acnim najan piltin, acyitsomalhca singmasma.
28 Cotnejic sat apyanmongsayclha Dios sictemaclha sicvenneycam Visqui netin.
29 Am alhta copayjiclhac evalhoc, sicvita inlhojo aplingaycamco cotnaja ingmoc.
30 Am alhta otnescasac apmapsom, sicvita inlhojo aplingaycamco cotnaja ingmoc.
31 Apquilvitac mataa sicmolhama, actemaclha sicmam tacja maycaa apvoy sicnaclha.
32 Am alhta etenac amay maycaa. Acmec tacja maycaa congne tingma jac.
33 Am oyilhascasac sicsilhnanomalhca ajanco, apquiltemaclha enaymacoc.
34 Am ongvacac enaymacoc enlhit, naysicsa siclhanma. Am oyilhalhcoc ajanco. Am ongvacac enaymacoc sicmolhama, apquiltemaclha sevennéycam coo.
35 Altamjoc coo ingyeylhojoc lhama enlhit. Opquinic firma sicvisay. Jeyatingmojoc sat Dios Apyimtalhnamo. Olanojoc sat aptalhescama seyinmelhaycam coo.
36 Otasquisic sat nipyesicsa enlhitaoc aptalhescama seyinmelhaycam coo. Malha selnatanma sat cotnejic.
37 Opquiniclhac ayalhnaclhojo evalhoc napato Dios. Oyoclhojo sat mepqui siyayo.
38 Mepqui seyinmelhaycam amyip ajanco, mepqui aliclhangveycam silcacjam.
39 Yitnec ancoc sictingyey acyilhna mepqui sictamjaycam, mepqui siyayo avtip.
40 Motejec sat mocjam apquimjaclha trigo, otac sat ayimjaclha milovqui. Motejec sat mocjam ayimjaclha cebada, otac sat ayimjaclha yammeyac.
Vamlha nac jay Job appayvam.
