Mocjam appayvam Job
(Caps 29—31)1-2 Aptomjac nic nat mocjam Job apcanya: Altamjo inyicje otac mocjam sictemaclha nano, aptimem semasma coo Dios Visqui ajac.
3 Aptomjac alhta apquitsasquiscama olhma, yoyam otyisam naysicsa yatescamalhma.
4 Naysicsa sicvaneycam aptomjac alhta sictimem emoc najan aptamilquiscama tingma ajac.
5 Aptomjac alhta semasma coo najan apyovoclhojo eyitquic sicmolhama coo.
6 Avanjec alhta leche ayinyema sicnatoscama, avanjec alhta aceite, malha sicyapascama emancoc.
7 Acmiyaclhec alhta atong acyivey, sicpalhavocmo apquilviscaa apquilpamejitsomap.
8 Apcanvocmec alhta nicja apquilyimnanic, apcaneclho netin mayayo apquilvanyam.
9 Apquilvatsamquic alhta apquilyataycam mayayo, apquilanem elvanmac apnaymacoc.
10 Apquilvanmaquic alhta apquilyimtalhnamo, apquiltomjayclho mepqui apquilpayvam.
11 Apquiltomjac alhta selayo apyovoclhojo selvita najan apquillinga sicpayvam.
12 Acpasmec alhta mataa apquilyeyjeycam najan mepqui apquilnatam apquilyinyovmap.
13 Innec alhta selaco ayinyema sicpayesayclha apquilvalhoc enlhit najan quilvanaa lhintampaa.
14 Sictemaclha alhta sicpeyvomo najan mayayo, apno apava silantalhnama.
15 Sicvitasquiscama olhma alhta mepqui apataoc, siclhinquiscama mepqui aplhingam.
16 Sictomja apquilyap nipyesicsa mepqui apquilnatam, sicpeyvescasquiclha amyaa nipyesicsa metnaja sicmolhama.
17 Alintasquic alhta apmaoc apquilmapsomcaa, silnatamco asoc apquiltaclhama.
18 Otyisam sat mocjam aclhamoclhojo años, sicvanacmo ongvitsapoc sat tingma ajac.
19 Sicyitsomalhca yamit ayimja nicja yingmin, acpayjayclha actengaoc actiyam yalya.
20 Coyangvomoc sat mayayo coo, coyangvomoc sat mataa sicyimnatem — intomjac evalhoc.
21 Apquiljalhnoc sicpayvam enaymacoc, almam apquilvalhoc sicyascasingvoyam.
22 Am alhta jelatingmavoc enlhit, almam apquilvalhoc moclhama sicpayvam malha yingmin ninsipquinquiscama.
23 Apquiljalhnec mataa apquilvanyam, acno ningiljalhanma acmamay naysicsa acmajat.
24 Alanoc mataa enaymacoc, yiplovcoc acpayjayclha apquilvalhoc selaneyo coo.
25 Inyangvocmec selayo enaymacoc, sictomja apvisqui apancaoc sicnalayclha malha macnalayclha singilpilhtetemo. Actamilquiscacmec mataa apquilvalhoc naysicsa acmayovsa apquilvalhoc enaymacoc — nic nat aptomjac Job.
Mocjam appayvam Job
(Caps 29—31)1-2 Aptomjac nic nat mocjam Job apcanya: Altamjo inyicje otac mocjam sictemaclha nano, aptimem semasma coo Dios Visqui ajac.
3 Aptomjac alhta apquitsasquiscama olhma, yoyam otyisam naysicsa yatescamalhma.
4 Naysicsa sicvaneycam aptomjac alhta sictimem emoc najan aptamilquiscama tingma ajac.
5 Aptomjac alhta semasma coo najan apyovoclhojo eyitquic sicmolhama coo.
6 Avanjec alhta leche ayinyema sicnatoscama, avanjec alhta aceite, malha sicyapascama emancoc.
7 Acmiyaclhec alhta atong acyivey, sicpalhavocmo apquilviscaa apquilpamejitsomap.
8 Apcanvocmec alhta nicja apquilyimnanic, apcaneclho netin mayayo apquilvanyam.
9 Apquilvatsamquic alhta apquilyataycam mayayo, apquilanem elvanmac apnaymacoc.
10 Apquilvanmaquic alhta apquilyimtalhnamo, apquiltomjayclho mepqui apquilpayvam.
11 Apquiltomjac alhta selayo apyovoclhojo selvita najan apquillinga sicpayvam.
12 Acpasmec alhta mataa apquilyeyjeycam najan mepqui apquilnatam apquilyinyovmap.
13 Innec alhta selaco ayinyema sicpayesayclha apquilvalhoc enlhit najan quilvanaa lhintampaa.
14 Sictemaclha alhta sicpeyvomo najan mayayo, apno apava silantalhnama.
15 Sicvitasquiscama olhma alhta mepqui apataoc, siclhinquiscama mepqui aplhingam.
16 Sictomja apquilyap nipyesicsa mepqui apquilnatam, sicpeyvescasquiclha amyaa nipyesicsa metnaja sicmolhama.
17 Alintasquic alhta apmaoc apquilmapsomcaa, silnatamco asoc apquiltaclhama.
18 Otyisam sat mocjam aclhamoclhojo años, sicvanacmo ongvitsapoc sat tingma ajac.
19 Sicyitsomalhca yamit ayimja nicja yingmin, acpayjayclha actengaoc actiyam yalya.
20 Coyangvomoc sat mayayo coo, coyangvomoc sat mataa sicyimnatem — intomjac evalhoc.
21 Apquiljalhnoc sicpayvam enaymacoc, almam apquilvalhoc sicyascasingvoyam.
22 Am alhta jelatingmavoc enlhit, almam apquilvalhoc moclhama sicpayvam malha yingmin ninsipquinquiscama.
23 Apquiljalhnec mataa apquilvanyam, acno ningiljalhanma acmamay naysicsa acmajat.
24 Alanoc mataa enaymacoc, yiplovcoc acpayjayclha apquilvalhoc selaneyo coo.
25 Inyangvocmec selayo enaymacoc, sictomja apvisqui apancaoc sicnalayclha malha macnalayclha singilpilhtetemo. Actamilquiscacmec mataa apquilvalhoc naysicsa acmayovsa apquilvalhoc enaymacoc — nic nat aptomjac Job.
