Aptemaclha apyasquiyam Job
1 Apcatingmavoc nic nat Job: 2 Asquejec apquilpayvam quellhip, aclingaycamco evalhoc coo. ¿Co sat acvam elvatsamcoc quellhip?
3 Apquilvennam quellhip evalhoc coo. ¿Am ya elmancac mocjam quellhip?
4 Yitnec sat ancoc sicsilhnanomalhca ajanco, olhenalhcac sat sicvamlha coo.
5 Epjescacmec quellhip sicmasom coo, ayinyema apquilyimtalhnesomacpo apanco.
6 Malha setimquiscama aptomja Dios. Malha sicmomalhca trampa coo.
7 Acpalhamam coo: ¡Jelajic coo! — actomjac coo. Paj ingyajalhnoc lhama enlhit. Altamjoc mataa yoyam jelpasmoc. Paj otac mataa lhama, yoyam jepeyvescasiclha.
8 Apcapeclhec amay Dios, jalh olhma intomjac. Mepqui seyantamayclha Dios.
9 Eyinyovcasquic silnatam najan sicnatoscama. Invennalhquic evalhoc coo.
10 Etvasquic coo Dios. Mepqui aljalhneycam evalhoc, malha yamit ayaptamalhca.
11 Eyinmelham coo Dios, ayinyema aplom pac. Malha cotnaja ingmic coo.
12 Elvocjac coo apnaycam neyava coo, selimpocjay Dios apquilapajascama.
13 Eyinyovcasquic Dios enaymacoc najan eljalhinga. Mepqui sicmolhama coo.
14-15 Elyinyovquic coo enaymacoc najan sicmolhama, inquilvoncacmec sicvisay coo. Inquilanayquic quilvanaa seltimesaycam, sictomja sicpalhaviyam, motnaja sicmolhama. Mejelyicpilcac mocjam.
16 Am ingyajalhnoc sicpayvam selancam. Ajolhec mataa silmalhnaycam selancam.
17 Mepqui sepasmom etava, etanovquic coo. Mejelpasmac mataa eyitquic coo.
18 Evennam mataa apquitcavoc. Elasmasquic mataa siyinmayclha netin.
19 Etanovquic coo enaymacoc. Elinmelham enaymacoc silasicjayo alhta.
20 Acyamjoncamquic coo, mepqui sicyimnatem coo.
21 ¡Quellhip enaymacoc, jelimliclhojo! Setimquiscama coo Dios.
22 Selya'mascam nac quellhip, apno selya'mascam Dios. ¿So actomja yi? ¿Apquilinlhanacme ya mocjam elyimnatesquisic evalhoc?
23 Incaymalhquic colhic acnatalhesa acyovoclhojo sicpayvam, netin tava ápac.
24 Incaymalhquic colhic acnatalhesa mataymong nicja najan plomo yinmongam actic.
25 Acyasamcoc coo, apjalhnancoc semasma coo, aptomja semasma as nalhpop.
26 Intipilcalhqui inyicje eyimpejic. Naso, otac sat coo Dios.
27 Ajataoc innac coo, otac sat Dios. Motejec sat poc. Mepqui mocjam sicyimantem coo.
28 Yitnec aclhanma apquilvalhoc quellhip, jelya'macsic mocjam coo. Apquilanem quellhip acmasom evalhoc coo.
29 Elavojo quellhip sovo acvinatem apmaycam Dios, aptomja apyanmongsayclha apquiltemaclha apquilmapsomcaa. Nocolvonquim nasa, apnec lhama apvisay singyicpilquemo.
Aptemaclha apyasquiyam Job
1 Apcatingmavoc nic nat Job: 2 Asquejec apquilpayvam quellhip, aclingaycamco evalhoc coo. ¿Co sat acvam elvatsamcoc quellhip?
3 Apquilvennam quellhip evalhoc coo. ¿Am ya elmancac mocjam quellhip?
4 Yitnec sat ancoc sicsilhnanomalhca ajanco, olhenalhcac sat sicvamlha coo.
5 Epjescacmec quellhip sicmasom coo, ayinyema apquilyimtalhnesomacpo apanco.
6 Malha setimquiscama aptomja Dios. Malha sicmomalhca trampa coo.
7 Acpalhamam coo: ¡Jelajic coo! — actomjac coo. Paj ingyajalhnoc lhama enlhit. Altamjoc mataa yoyam jelpasmoc. Paj otac mataa lhama, yoyam jepeyvescasiclha.
8 Apcapeclhec amay Dios, jalh olhma intomjac. Mepqui seyantamayclha Dios.
9 Eyinyovcasquic silnatam najan sicnatoscama. Invennalhquic evalhoc coo.
10 Etvasquic coo Dios. Mepqui aljalhneycam evalhoc, malha yamit ayaptamalhca.
11 Eyinmelham coo Dios, ayinyema aplom pac. Malha cotnaja ingmic coo.
12 Elvocjac coo apnaycam neyava coo, selimpocjay Dios apquilapajascama.
13 Eyinyovcasquic Dios enaymacoc najan eljalhinga. Mepqui sicmolhama coo.
14-15 Elyinyovquic coo enaymacoc najan sicmolhama, inquilvoncacmec sicvisay coo. Inquilanayquic quilvanaa seltimesaycam, sictomja sicpalhaviyam, motnaja sicmolhama. Mejelyicpilcac mocjam.
16 Am ingyajalhnoc sicpayvam selancam. Ajolhec mataa silmalhnaycam selancam.
17 Mepqui sepasmom etava, etanovquic coo. Mejelpasmac mataa eyitquic coo.
18 Evennam mataa apquitcavoc. Elasmasquic mataa siyinmayclha netin.
19 Etanovquic coo enaymacoc. Elinmelham enaymacoc silasicjayo alhta.
20 Acyamjoncamquic coo, mepqui sicyimnatem coo.
21 ¡Quellhip enaymacoc, jelimliclhojo! Setimquiscama coo Dios.
22 Selya'mascam nac quellhip, apno selya'mascam Dios. ¿So actomja yi? ¿Apquilinlhanacme ya mocjam elyimnatesquisic evalhoc?
23 Incaymalhquic colhic acnatalhesa acyovoclhojo sicpayvam, netin tava ápac.
24 Incaymalhquic colhic acnatalhesa mataymong nicja najan plomo yinmongam actic.
25 Acyasamcoc coo, apjalhnancoc semasma coo, aptomja semasma as nalhpop.
26 Intipilcalhqui inyicje eyimpejic. Naso, otac sat coo Dios.
27 Ajataoc innac coo, otac sat Dios. Motejec sat poc. Mepqui mocjam sicyimantem coo.
28 Yitnec aclhanma apquilvalhoc quellhip, jelya'macsic mocjam coo. Apquilanem quellhip acmasom evalhoc coo.
29 Elavojo quellhip sovo acvinatem apmaycam Dios, aptomja apyanmongsayclha apquiltemaclha apquilmapsomcaa. Nocolvonquim nasa, apnec lhama apvisay singyicpilquemo.
