Zofar appayvam
1-2 Aptomjac nic nat Zofar apcanya: Colhic sat acyanmongseclho Job appayvam. ¿Impeyvo ya aptemaclha apanco ayinyema acyivey apquilyataycam lhip?
3 Aplhamasomap nac lhip singvenéycam nincoo. Ingvanquic ongilatingmojo quilhvo nac jay.
4 Aptimesacpec apanco appeyvomo napato Dios, mepqui apsilhnanomap apanco.
5 Altamjoc inyicje elngac lhip appayvam apcatingmaycam Dios Visqui ingac.
6 Apvanquic Dios jingilyascasingvomoc aptemaclha apanco, mepqui ningyascamco nincoo, am colmac mataa ingilvalhoc. Am esovjac mocjam eyanmongsiclha aptemaclha apanco apsilhnanomap lhip.
7 ¿Apvanqui ya lhquip eyasingvomoc acyascamcolhma apvalhoc apanco Dios Visqui ingac? ¿Apvanqui ya lhquip eyasingvomoc apmopvan apanco Dios?
8 ¿Apyasamco ya lhquip acyitnaclha payjoc netin maa tap? ¿Apyasamco ya lhquip acyitnaclha alyascamaclha ingjangaoc payjoc congne maa tap?
9 Avanjec anco aptemaclha Dios, am colhno as nalhpop am colhno yingmin acvanyam.
10 Mongvanquejec ongilyacsilhma, ningvita inlhojo apyanmongsayclha Dios apquiltemaclha apancaoc moclhama enlhit.
11 Apyasamcoc Dios apquilmopvancaa amyaa, apquiltemaclha apquilmapsomcaa.
12 Intomjaclhec sat ancoc nintoscama ningvita inlhojo yamelyeyjaycoc navjac. Colhic sat acyascamco apvalhoc enlhit acyeyjamelhma.
13 Lhip, Job, colhen sat apvalhoc Dios, yoyam epasingvota naysicsa aplingaycamco acyimtalhnama.
14 Ilaniclha sat lhip apvalhoc ayinyema meyascalhma, nongyane nasa cotalhcac actemaclha acmasom lhip tingma pac.
15 Colhic sat actamilaycam apvalhoc lhip, mepqui ayay najan mepqui acmasom apvalhoc.
16 Colvoncamoc aplingaycamco acmasca lhip, malha yingmin ayinyem sat cotnejic.
17 Colhojoc sat lhip aptiyascam ingyitsicso acnim. Comascoc sat yatescamalhma, cotniclhac sat mocjam ayitsay.
18 Colhic sat mepqui ayay apvalhoc lhip naysicsa aptiyascam najan naysicsa aptiyanma alhtaa, ayinyema aptamilquiscama Dios Visqui ingac.
19 Comasquejec sat mataa actamilaycam apvalhoc lhip, mepqui apquilinmelhaycam enlhit. Eltiyaningvotac sat apnaymacoc apnaclha lhip.
20 Alhto inyicje apquilquitamsama apquilmapsomcaa, yoyam epasingvota Dios. Alhto inyicje apquilquitamsama apquilyilhanmeycam, melvityejec sat maa. Lhama actomja nasoc anco, covac sat apquilitsepma — nic nat aptomjac Zofar.
Zofar appayvam
1-2 Aptomjac nic nat Zofar apcanya: Colhic sat acyanmongseclho Job appayvam. ¿Impeyvo ya aptemaclha apanco ayinyema acyivey apquilyataycam lhip?
3 Aplhamasomap nac lhip singvenéycam nincoo. Ingvanquic ongilatingmojo quilhvo nac jay.
4 Aptimesacpec apanco appeyvomo napato Dios, mepqui apsilhnanomap apanco.
5 Altamjoc inyicje elngac lhip appayvam apcatingmaycam Dios Visqui ingac.
6 Apvanquic Dios jingilyascasingvomoc aptemaclha apanco, mepqui ningyascamco nincoo, am colmac mataa ingilvalhoc. Am esovjac mocjam eyanmongsiclha aptemaclha apanco apsilhnanomap lhip.
7 ¿Apvanqui ya lhquip eyasingvomoc acyascamcolhma apvalhoc apanco Dios Visqui ingac? ¿Apvanqui ya lhquip eyasingvomoc apmopvan apanco Dios?
8 ¿Apyasamco ya lhquip acyitnaclha payjoc netin maa tap? ¿Apyasamco ya lhquip acyitnaclha alyascamaclha ingjangaoc payjoc congne maa tap?
9 Avanjec anco aptemaclha Dios, am colhno as nalhpop am colhno yingmin acvanyam.
10 Mongvanquejec ongilyacsilhma, ningvita inlhojo apyanmongsayclha Dios apquiltemaclha apancaoc moclhama enlhit.
11 Apyasamcoc Dios apquilmopvancaa amyaa, apquiltemaclha apquilmapsomcaa.
12 Intomjaclhec sat ancoc nintoscama ningvita inlhojo yamelyeyjaycoc navjac. Colhic sat acyascamco apvalhoc enlhit acyeyjamelhma.
13 Lhip, Job, colhen sat apvalhoc Dios, yoyam epasingvota naysicsa aplingaycamco acyimtalhnama.
14 Ilaniclha sat lhip apvalhoc ayinyema meyascalhma, nongyane nasa cotalhcac actemaclha acmasom lhip tingma pac.
15 Colhic sat actamilaycam apvalhoc lhip, mepqui ayay najan mepqui acmasom apvalhoc.
16 Colvoncamoc aplingaycamco acmasca lhip, malha yingmin ayinyem sat cotnejic.
17 Colhojoc sat lhip aptiyascam ingyitsicso acnim. Comascoc sat yatescamalhma, cotniclhac sat mocjam ayitsay.
18 Colhic sat mepqui ayay apvalhoc lhip naysicsa aptiyascam najan naysicsa aptiyanma alhtaa, ayinyema aptamilquiscama Dios Visqui ingac.
19 Comasquejec sat mataa actamilaycam apvalhoc lhip, mepqui apquilinmelhaycam enlhit. Eltiyaningvotac sat apnaymacoc apnaclha lhip.
20 Alhto inyicje apquilquitamsama apquilmapsomcaa, yoyam epasingvota Dios. Alhto inyicje apquilquitamsama apquilyilhanmeycam, melvityejec sat maa. Lhama actomja nasoc anco, covac sat apquilitsepma — nic nat aptomjac Zofar.
