Apquiltemaclha recabitas
1 Apnec nic nat apvisqui co Judá apvisay Joacim, Josías apquitca. Aptomjac nic nat Visqui ingac apcanya Jeremías: 2 Ityaningvomjo sat lhip apquilmolhama recabitas, elpasmiclhac sat lhip tingma apponquinomap. Inaliclha sat lhip congne aplhancoc, yoyam elyinamcoc sat uva ayingmenic — nic nat aptomjac. 3 Apmiyaclhec nic nat Jeremías apnaclha Jaazanías (poc Jeremías apquitca, Habasinías aptavin), najan apnamcaclha apquilyalhing najan apquitquic maa, najan apyovoclhojo apquilmolhama recabitas. 4 Apnalaclhec nic nat tingma apponquinomap, payjoc aplhancoc Hanán apquitquic. Profeta Dios aplingascama ilhnic nat Hanán, Igdalías apquitca. Ningatoc maa aplhanaoc apquilviscaa ningayo, najan maa aplhancoc Maasías, Salum apquitca, aptomja aptamilquiscama atong acyivey tingma apponquinomap. 5 Aptingyascasquic Jeremías valhva aplaneyo uva ayingmenic najan ingjaycoc, aptomja apquilanya: Elyinaoc siclho — alhta aptomjac.
6 Apquilatingmavoc nic nat: Mongvanquejec ongyinamcoc uva ayingmenic. Ayinyema alhta Jonadab, Recab apquitca, ingilyap ninga aptomja singascama ongyinic. Colapvanquejec intovana elyinamcoc uva ayingmenic. 7 Singascama mocjam ongillana tingma apquiltamila, ontingya ayimjaclha ninganma, najan ningilquinayclha uva avjac. Singanama alhta ongillana carpa tingma amyip, ongileyoc sat aclhamoclhojo años as nalhpop, malha cotnajaclha ningaoclha. 8 Ningyiplovcasquic mataa singanamaclha Jonadab, ingilyap ninga, mepqui mataa ningyam uva ayingmenic, paj najan ingnatamcaa, paj najan inquitquic. 9 Paj nincoo ningillanay tingma apquilyivey, montingyejec uva avjac, montingyejec ayimjaclha ninganma. 10 Ningilanac mataa carpa tingma, ningyiplovquisa singanamaclha ingilyap ninga Jonadab. 11 Apquilimpocjac alhta Nabucodonosor najan apquillhalhmaa co Babilonia as yoclhilhma. Ningilinyajamquic alhta napatavo caldeos najan sirios. Ningnec nincoo quilhvo nac jay as tingma Jerusalén — nic nat apquiltomjac.
12 Aptomjac nic nat Visqui ingac apcanya Jeremías: 13 Coo sicvisay Dios Visqui apancaoc israelitas. Iyas sat lhip nipyesicsa co Judá najan co Jerusalén. Itne sat lhip elanic nipyesicsa: Elyasingvom sat quellhip, elilyejiclhojo sat siyanamaclha coo. Eycaso sicpayvam sicvisay Visqui apancaoc. 14 Apnec alhta Jonadab, Recab apquitca. Apquilyajaclhoc mataa aptovana apquilyata ninga appayvam, apcascama elyinamcoc uva ayingmenic, acvaycmo as ningvamlha nac jay. Coo najan sicmescama alhta mataa siyanamaclha, am alhta elyiplovcasac mataa quellhip. 15 Ayapajasquic coo mataa moclhama profetas, colhic altimnasa quellhip: Elvatsaoc sat apquiltemaclha apancaoc acmasom. Noeltingya nasa quilaycmasquiscama, noeltime nasa apquilayo, elhnam sat quellhip as yoclhilhma, apquillhoy nat quellhip najan apquilyeyjamcaa. Am alhta elyiplovcasac mataa siyanamaclha. 16 Apquilyiplovcasquic alhta Jonadab aptovana apcanamaclha apquilyap ninga. Am eyca elilyajaclhoc mataa israelitas siyanamaclha coo. 17 Eycaso ayinyema sicpayvam sicvisay Dios Visqui sicyimtalhnamo: Quellhip co Judá najan co Jerusalén, ellingamcojoc sat acyimtalhnama ayinyema coo. Altimnasquic alhta yavamlha eltimjic quellhip, paj alhta elyajaclhoc quellhip. Ayevam alhta quellhip, paj alhta elatingmavoc quellhip — alhta aptomjac Dios — nic nat aptomjac Jeremías.
18 Aptomjac nic nat Jeremías apquilanya recabitas: Eycaso appayvam Dios Visqui apyimtalhnamo nipyesicsa israelitas: Apquilyajaclhoc quellhip apcanamaclha apquilyeyjamcaa Jonadab, najan apquilyiplovcasquic mataa quellhip apcanama, yavamlha eltimjic. 19 Eycaso sicpayvam Dios Visqui sicyimtalhnamo: Otnesquisic sat mataa selancam apquinyema Jonadab aptovana niptamin, yoyam jetnesam coo — alhta aptomjac Visqui ingac — nic nat aptomjac Jeremías.
Apquiltemaclha recabitas
1 Apnec nic nat apvisqui co Judá apvisay Joacim, Josías apquitca. Aptomjac nic nat Visqui ingac apcanya Jeremías: 2 Ityaningvomjo sat lhip apquilmolhama recabitas, elpasmiclhac sat lhip tingma apponquinomap. Inaliclha sat lhip congne aplhancoc, yoyam elyinamcoc sat uva ayingmenic — nic nat aptomjac. 3 Apmiyaclhec nic nat Jeremías apnaclha Jaazanías (poc Jeremías apquitca, Habasinías aptavin), najan apnamcaclha apquilyalhing najan apquitquic maa, najan apyovoclhojo apquilmolhama recabitas. 4 Apnalaclhec nic nat tingma apponquinomap, payjoc aplhancoc Hanán apquitquic. Profeta Dios aplingascama ilhnic nat Hanán, Igdalías apquitca. Ningatoc maa aplhanaoc apquilviscaa ningayo, najan maa aplhancoc Maasías, Salum apquitca, aptomja aptamilquiscama atong acyivey tingma apponquinomap. 5 Aptingyascasquic Jeremías valhva aplaneyo uva ayingmenic najan ingjaycoc, aptomja apquilanya: Elyinaoc siclho — alhta aptomjac.
6 Apquilatingmavoc nic nat: Mongvanquejec ongyinamcoc uva ayingmenic. Ayinyema alhta Jonadab, Recab apquitca, ingilyap ninga aptomja singascama ongyinic. Colapvanquejec intovana elyinamcoc uva ayingmenic. 7 Singascama mocjam ongillana tingma apquiltamila, ontingya ayimjaclha ninganma, najan ningilquinayclha uva avjac. Singanama alhta ongillana carpa tingma amyip, ongileyoc sat aclhamoclhojo años as nalhpop, malha cotnajaclha ningaoclha. 8 Ningyiplovcasquic mataa singanamaclha Jonadab, ingilyap ninga, mepqui mataa ningyam uva ayingmenic, paj najan ingnatamcaa, paj najan inquitquic. 9 Paj nincoo ningillanay tingma apquilyivey, montingyejec uva avjac, montingyejec ayimjaclha ninganma. 10 Ningilanac mataa carpa tingma, ningyiplovquisa singanamaclha ingilyap ninga Jonadab. 11 Apquilimpocjac alhta Nabucodonosor najan apquillhalhmaa co Babilonia as yoclhilhma. Ningilinyajamquic alhta napatavo caldeos najan sirios. Ningnec nincoo quilhvo nac jay as tingma Jerusalén — nic nat apquiltomjac.
12 Aptomjac nic nat Visqui ingac apcanya Jeremías: 13 Coo sicvisay Dios Visqui apancaoc israelitas. Iyas sat lhip nipyesicsa co Judá najan co Jerusalén. Itne sat lhip elanic nipyesicsa: Elyasingvom sat quellhip, elilyejiclhojo sat siyanamaclha coo. Eycaso sicpayvam sicvisay Visqui apancaoc. 14 Apnec alhta Jonadab, Recab apquitca. Apquilyajaclhoc mataa aptovana apquilyata ninga appayvam, apcascama elyinamcoc uva ayingmenic, acvaycmo as ningvamlha nac jay. Coo najan sicmescama alhta mataa siyanamaclha, am alhta elyiplovcasac mataa quellhip. 15 Ayapajasquic coo mataa moclhama profetas, colhic altimnasa quellhip: Elvatsaoc sat apquiltemaclha apancaoc acmasom. Noeltingya nasa quilaycmasquiscama, noeltime nasa apquilayo, elhnam sat quellhip as yoclhilhma, apquillhoy nat quellhip najan apquilyeyjamcaa. Am alhta elyiplovcasac mataa siyanamaclha. 16 Apquilyiplovcasquic alhta Jonadab aptovana apcanamaclha apquilyap ninga. Am eyca elilyajaclhoc mataa israelitas siyanamaclha coo. 17 Eycaso ayinyema sicpayvam sicvisay Dios Visqui sicyimtalhnamo: Quellhip co Judá najan co Jerusalén, ellingamcojoc sat acyimtalhnama ayinyema coo. Altimnasquic alhta yavamlha eltimjic quellhip, paj alhta elyajaclhoc quellhip. Ayevam alhta quellhip, paj alhta elatingmavoc quellhip — alhta aptomjac Dios — nic nat aptomjac Jeremías.
18 Aptomjac nic nat Jeremías apquilanya recabitas: Eycaso appayvam Dios Visqui apyimtalhnamo nipyesicsa israelitas: Apquilyajaclhoc quellhip apcanamaclha apquilyeyjamcaa Jonadab, najan apquilyiplovcasquic mataa quellhip apcanama, yavamlha eltimjic. 19 Eycaso sicpayvam Dios Visqui sicyimtalhnamo: Otnesquisic sat mataa selancam apquinyema Jonadab aptovana niptamin, yoyam jetnesam coo — alhta aptomjac Visqui ingac — nic nat aptomjac Jeremías.
