1 Aptomjac nic nat profeta:
Movanquejec mataa mepqui siclingascama amyaa, sicvita quellhip apnaycam tingma Jerusalén, najan mepqui siclovquiscama sicyampay. Ongvevam sat Visqui ingac epasingvotac quellhip, colhojoc sat ningvitay secaseclha, najan malha actotseycaoc amamyi nipyesicsa quellhip.
2 Elvitac sat enlhitaoc apquiltemaclha quellhip apquilvomsomap tap. Elvitac sat apquilviscaa gloria actemaclha mayayo quellhip. Cotniclhac sat alhnancoc apquilvisay quellhip, conyemac sat Visqui ingac.
3 Ellhojoc sat quellhip corona apvisqui apponcanma actamila apmaycam Dios Visqui ingac.
4 Eltamjacpoc sat quellhip jave apquiltamopongviyam (apquilyamasma), jave najan yoclhilhma actovasomalhca. Eltamjacpoc sat quellhip Dios apquilyacyescama, cotnejic acvisay yoclhilhma Quilhva Alyimjapma. Ayinyema Visqui ingac apcasicjayquiclha mocjam quellhip, etnejic Quilhva Alyimjapma apquileyvomaclha quellhip.
5 Acno aptemaclha apyimnanic etnejic aptava quilvana ayitcoc, colhojoc sat aptemaclha Dios Visqui ingac etnejic aptava quellhip apyovoclhojo, acyiplomo acpayjayclha apvalhoc Visqui ingac, apno enlhit quilhva alyimjapma acnaclha apponcanma.
6 Quellhip co Jerusalén, apquilanyacpec quellhip eltamilsic tingma netin mataymong tingma apjalhtam. Eltimjic sat mataa apquilanya: Noelvatsaoc sat apquilmalhnancama Visqui ingac,
7 yoyam ellaniclhac mocjam tingma Jerusalén, yoyam colhic ayaco apnaycam tingma Jerusalén, ayinyema enlhit lhalhma anco — alhta aptomjac Visqui ingac.
8 Aptomjac alhta Visqui ingac mepqui apyeycajascaoc, apmiyaseclho netin apmic: Colapvanquejec sat mataa cotnaja ingmoc eltovamcoc asoc acnaycaoc quellhip, colapvanquejec metnaja israelitas elyinamcoc uva ayingmenic apquillanay quellhip.
9 Quellhip sat elsavojoc mataa acyilhna, eltovamcoc sat apquiltomja selayo coo. Elansiclhac sat uva acyilhna, elyinamcoc uva ayingmenic payjoc tingma ajac apvisay tingma apponquinomap — alhta aptomjac.
10 ¡Quellhip co Jerusalén, enanteyip tingma apvanyam! ¡Ellaniclha sat amay elilhyemoc enlhit ajancaoc apquilvactama! ¡Ellalhnas sat amay, etlhaoc sat mataymong acnaycam netin amay! Elnimquis asoc monquinatquiscama elvitac sat metnaja israelitas.
11 Colngalhcac sat lhalhma anco as nalhpop Visqui ingac apayvam: Eliltimnas sat tingma Jerusalén apvactama singvomquiscama tap, apnalayquinta enlhit apancaoc apquilmomap siclho — aptomjac Visqui ingac.
12 Eltamjacpoc sat israelitas: Dios apquilyacyescama, najan: apquilvomsomap tap ayinyema Visqui ingac, najan apnaycam tingma Jerusalén: Apcasicjamap ayinyema Dios, najan moc apvisay: Apcasicjayquiclha mocjam Visqui ingac — sat cotnejic apvisay — nic nat aptomjac profeta.
1 Aptomjac nic nat profeta:
Movanquejec mataa mepqui siclingascama amyaa, sicvita quellhip apnaycam tingma Jerusalén, najan mepqui siclovquiscama sicyampay. Ongvevam sat Visqui ingac epasingvotac quellhip, colhojoc sat ningvitay secaseclha, najan malha actotseycaoc amamyi nipyesicsa quellhip.
2 Elvitac sat enlhitaoc apquiltemaclha quellhip apquilvomsomap tap. Elvitac sat apquilviscaa gloria actemaclha mayayo quellhip. Cotniclhac sat alhnancoc apquilvisay quellhip, conyemac sat Visqui ingac.
3 Ellhojoc sat quellhip corona apvisqui apponcanma actamila apmaycam Dios Visqui ingac.
4 Eltamjacpoc sat quellhip jave apquiltamopongviyam (apquilyamasma), jave najan yoclhilhma actovasomalhca. Eltamjacpoc sat quellhip Dios apquilyacyescama, cotnejic acvisay yoclhilhma Quilhva Alyimjapma. Ayinyema Visqui ingac apcasicjayquiclha mocjam quellhip, etnejic Quilhva Alyimjapma apquileyvomaclha quellhip.
5 Acno aptemaclha apyimnanic etnejic aptava quilvana ayitcoc, colhojoc sat aptemaclha Dios Visqui ingac etnejic aptava quellhip apyovoclhojo, acyiplomo acpayjayclha apvalhoc Visqui ingac, apno enlhit quilhva alyimjapma acnaclha apponcanma.
6 Quellhip co Jerusalén, apquilanyacpec quellhip eltamilsic tingma netin mataymong tingma apjalhtam. Eltimjic sat mataa apquilanya: Noelvatsaoc sat apquilmalhnancama Visqui ingac,
7 yoyam ellaniclhac mocjam tingma Jerusalén, yoyam colhic ayaco apnaycam tingma Jerusalén, ayinyema enlhit lhalhma anco — alhta aptomjac Visqui ingac.
8 Aptomjac alhta Visqui ingac mepqui apyeycajascaoc, apmiyaseclho netin apmic: Colapvanquejec sat mataa cotnaja ingmoc eltovamcoc asoc acnaycaoc quellhip, colapvanquejec metnaja israelitas elyinamcoc uva ayingmenic apquillanay quellhip.
9 Quellhip sat elsavojoc mataa acyilhna, eltovamcoc sat apquiltomja selayo coo. Elansiclhac sat uva acyilhna, elyinamcoc uva ayingmenic payjoc tingma ajac apvisay tingma apponquinomap — alhta aptomjac.
10 ¡Quellhip co Jerusalén, enanteyip tingma apvanyam! ¡Ellaniclha sat amay elilhyemoc enlhit ajancaoc apquilvactama! ¡Ellalhnas sat amay, etlhaoc sat mataymong acnaycam netin amay! Elnimquis asoc monquinatquiscama elvitac sat metnaja israelitas.
11 Colngalhcac sat lhalhma anco as nalhpop Visqui ingac apayvam: Eliltimnas sat tingma Jerusalén apvactama singvomquiscama tap, apnalayquinta enlhit apancaoc apquilmomap siclho — aptomjac Visqui ingac.
12 Eltamjacpoc sat israelitas: Dios apquilyacyescama, najan: apquilvomsomap tap ayinyema Visqui ingac, najan apnaycam tingma Jerusalén: Apcasicjamap ayinyema Dios, najan moc apvisay: Apcasicjayquiclha mocjam Visqui ingac — sat cotnejic apvisay — nic nat aptomjac profeta.
