Amyaa ningilvomsomalhca tap
1 Aptomjac nic nat profeta aplingascama: Apnec evalhoc coo espíritu apanco Dios. Eyapajasquic alhta Dios nipyesicsa mepqui apquilnatam, olngacsic tasic amyaa. Nipyesicsa apquilmapyovseca, yoyam oltamilquiscomoc apquilvalhoc. Nipyesicsa apquilmomap, yoyam colhic acyamyeclho mocjam. Nipyesicsa apnaycam singilpilhtetomaclha, yoyam colhic acyamyeclho mocjam.
2 Siyanyomalhca olngacsic amyaa singmasmaclha Dios Apyimtalhnamo. Najan amyaa apyanmongsayclha Dios apquiltemaclha cotnaja ingmoc. Siyanyomalhca oltamilquiscomoc apquilvalhoc apquilmapyovseca.
3 Colhic sat acmesa apquilnatanma apyitsicsaoc, jave mocjam tajap apyitsicsaoc. Colhic sat acmesa apquilitsovascama, jave mocjam apava acmayovsa apquilvalhoc. Colhic sat acmesa apquilayo, jave mocjam ayay apquilvalhoc. Colhic sat alyitquisa yamit actamila najan ayimjaclha acyilhna Visqui ingac, colhic sat ayaco Dios.
4 Ellaniclhac sat mocjam quellhip tingma apnatovasomap nano, najan poc tingma apquiltamila apnatovasomap nano.
5 Elpalhavotac sat metnaja apquiltemolhama, eltamilsic apnatoscama quellhip, eltamilsic sat apquilcaycaoc najan uva avjac.
6 Eltamjacpoc sat apquilvisay quellhip sacerdotes napato Dios Apyimtalhnamo najan apquilvisay Dios apquilancam. Ellhocac sat quellhip apquilnatam ayinyema metnaja apquiltemolhama, najan apquilnatanma yoyam elnalhimsic quellhip.
7 Apquillingamcoc nat acyimtalhnama acyiplomo apquilmancactama enlhit ajancaoc. Colhic sat acmesa quellhip apquilnatam apancaoc metnaja apquiltemolhama. Colpayjiclhac sat apquilvalhoc quellhip cotmongvoycamlha nelha.
8 Coo sicvisay Dios. Ayasicjavoc coo actemaclha acpeyvomo. Actanovquic coo apquilminyilhma najan apquilnapma. Colhic sat acmesa acyanmongam quellhip, elmiyovacpoc sat cotmongvoycamlha nelha.
9 Colhic sat ayaco aptovana nipyesicsa metnaja apquiltemolhama. Elyasingvomoc sat maa, apquiltomja nasoc anco Dios apquilyacyescama, ayinyema apvaticjapquiscama.
10 Avanjec acpayjayclha evalhoc ayinyema Dios Apyimtalhnamo. Malha apava ningalomalhca actomja singvomquiscama tap najan singmasmaclha. Sictomja malha sicponquinomalhca acyiplomo silnatanma eyitsicsic. Sicyitsomalhca quilvana acponquinomalhca acyiplomo alnatanma alyinmom. ,
11 Intictipquic mataa amyip actic ayenamalhca, intipquic paat alyimseleycaoc. Sat cotnejic actictiyapma actemaclha acpeyvomo ayinyema Dios Apyimtalhnamo. Colhic sat ayaco Dios Apyimtalhnamo, ayinyema apquilminaycmascama lhalhma anco— nic nat aptomjac profeta.
Amyaa ningilvomsomalhca tap
1 Aptomjac nic nat profeta aplingascama: Apnec evalhoc coo espíritu apanco Dios. Eyapajasquic alhta Dios nipyesicsa mepqui apquilnatam, olngacsic tasic amyaa. Nipyesicsa apquilmapyovseca, yoyam oltamilquiscomoc apquilvalhoc. Nipyesicsa apquilmomap, yoyam colhic acyamyeclho mocjam. Nipyesicsa apnaycam singilpilhtetomaclha, yoyam colhic acyamyeclho mocjam.
2 Siyanyomalhca olngacsic amyaa singmasmaclha Dios Apyimtalhnamo. Najan amyaa apyanmongsayclha Dios apquiltemaclha cotnaja ingmoc. Siyanyomalhca oltamilquiscomoc apquilvalhoc apquilmapyovseca.
3 Colhic sat acmesa apquilnatanma apyitsicsaoc, jave mocjam tajap apyitsicsaoc. Colhic sat acmesa apquilitsovascama, jave mocjam apava acmayovsa apquilvalhoc. Colhic sat acmesa apquilayo, jave mocjam ayay apquilvalhoc. Colhic sat alyitquisa yamit actamila najan ayimjaclha acyilhna Visqui ingac, colhic sat ayaco Dios.
4 Ellaniclhac sat mocjam quellhip tingma apnatovasomap nano, najan poc tingma apquiltamila apnatovasomap nano.
5 Elpalhavotac sat metnaja apquiltemolhama, eltamilsic apnatoscama quellhip, eltamilsic sat apquilcaycaoc najan uva avjac.
6 Eltamjacpoc sat apquilvisay quellhip sacerdotes napato Dios Apyimtalhnamo najan apquilvisay Dios apquilancam. Ellhocac sat quellhip apquilnatam ayinyema metnaja apquiltemolhama, najan apquilnatanma yoyam elnalhimsic quellhip.
7 Apquillingamcoc nat acyimtalhnama acyiplomo apquilmancactama enlhit ajancaoc. Colhic sat acmesa quellhip apquilnatam apancaoc metnaja apquiltemolhama. Colpayjiclhac sat apquilvalhoc quellhip cotmongvoycamlha nelha.
8 Coo sicvisay Dios. Ayasicjavoc coo actemaclha acpeyvomo. Actanovquic coo apquilminyilhma najan apquilnapma. Colhic sat acmesa acyanmongam quellhip, elmiyovacpoc sat cotmongvoycamlha nelha.
9 Colhic sat ayaco aptovana nipyesicsa metnaja apquiltemolhama. Elyasingvomoc sat maa, apquiltomja nasoc anco Dios apquilyacyescama, ayinyema apvaticjapquiscama.
10 Avanjec acpayjayclha evalhoc ayinyema Dios Apyimtalhnamo. Malha apava ningalomalhca actomja singvomquiscama tap najan singmasmaclha. Sictomja malha sicponquinomalhca acyiplomo silnatanma eyitsicsic. Sicyitsomalhca quilvana acponquinomalhca acyiplomo alnatanma alyinmom. ,
11 Intictipquic mataa amyip actic ayenamalhca, intipquic paat alyimseleycaoc. Sat cotnejic actictiyapma actemaclha acpeyvomo ayinyema Dios Apyimtalhnamo. Colhic sat ayaco Dios Apyimtalhnamo, ayinyema apquilminaycmascama lhalhma anco— nic nat aptomjac profeta.
